לאקאלע פאליטיק און וואלן אין ראקלענד קאונטי

אחראי: יאנאש

אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

יא, איך ווייס אז ס'איז דא אן אלגעמיינע ראקלענד אשכול, דאך האלט איך אז ס'איז וויכטיג אפצוטיילן די וואלן חלק פון די אלעגעמיינע אשכול, צוליב 2 סיבות, עס זענען דא אידן וואס ליינען די מאנסי אשכול, און זיי ווילן בשום אופן נישט הערן פון קיין שום פאליטיק, עס גייט זיי ארויס פון די נאז, זיי קענען נישט דערליידן די טענה'רייע'ן וואס דאס ברענגט צו. דערנאך, זענען דא אידן וואס פארקערט, די איינציגע סיבה פארוואס זיי גייען בכלל אריין אין די מאנסי אשכול, איז בלויז צו זעהן די לאקאלע פאליטיק. צוליב דעם האב איך געקלערט אז ס'איז בעסער אפצוטיילן די 2 אשכולות.

איך האב גע'עפענ'ט די אשכול אין "דעת הקהל" נישט "נייעס קאך לעפל" וויבאלד לאקאלע פאליטיק פאלט נישט געווענליך אריין אין די רעפובליקאנער-דעמעקרעטאשיער ליניעס, נאר ענדערש אין סתם טענה'רייע'ן, וואס פאסט מער פאר דעת הקהל, אויב די מנהלים פילן אז ס'איז נישט פאסיג, דאן קען מען עס רוקן צו וועלעכע פארום זיי פילן איז יא פאסיג.

קודם כל לאמיר געבן א שטיקל איבערבליק איבער די פארשידינארטיגע וואלן וואס ס'איז דא אין ראקלענד קאונטי

-פרעזידענטליכע וואלן - איין מאל אין 4 יאר, נאצינאלע וואלן, געווענליך זענען די וואלן נישט נוגע פאר דעם אשכול.
-סענעטאר וואלן - 2 מאל אין 6 יאר, אויך נישט עכט נוגע דעם אשכול.
-קאנגריסנאלע וואלן - איין מאל אין 2 יאר, דאס איז שוין אביסל יא נוגע די אשכול, זינט געווענליך איז די דיסטריקט בעיקר נוגע בלויז פאר אידן וואס וואוינען אין ראקלענד.

-גאווערנער וואלן - איין מאל יעדער 4 יאר, נישט נוגע די אשכול
-אסעמבלי\סטעיט סענעט - איין מאל יעדער 2 יאר, ריכטיג לאקאלע וואלן

יעצט לאמיר אריבערגיין צו קלענערע עלעקשינס, די קאונטי גאווערמענט באשטייט פון א לעגעסלעטור, און א קאונטי עקזעקיוטיוו. די לעגעסלעטור באשטייט פון 17 רעפרעזענטיווס, צוטיילט אין דיסטריקטס (לאפוקי איינס פאר די גאנצע קאונטי)

-קאונטי עקזעקיוטיוו\לעגעסלעטור וואלן - 1 מאל יעדער 4 יאר.

די טאון אוו ראמאפאו גאווערמענט באשטייט פון א סופערווייזער און 4 באורד מעמבערס (איין באורד מעמבער הייסט דעפיוטי סופערווייזער און ער נעמט איבער אין פאל די סופערווייזער קען נישט). די סופערווייזער לויפט איין מאל יעדער 2 יאר, די באורד מעמבערס, לויפן איין מאל יעדער 4 יאר, 2 אין איין יאר, און 2 צוויי יאר שפעטער, חוץ מזה איז דא די סופערטענדיענט אוו הייוועיס, וועלעכע איז אחראי אויף די גאסן.

-טאון סופערווייזער\באורד מעבמערס וואלן - איין מאל יעדער 2 יאר
-סופערטענדיט אוו הייוועיס וואלן - איין מאל יעדער 4 יאר

-סקול דיסטריקט באורד מעמבערס\בודזשעט - יעדער יאר.

אן אנדערע וועג צו קוקן אויף די וואלן, איז צוטיילט לויט די יארן

יאר פון פרעזענדעטליכע וואלן
-פרעזידענט
-קאנגרעס
-מעגליך סענעט
-סטעיט סענעט
-סעטיט אסעמבלי
-סקול דיסטריקט באורד מעמבערס
-סקול דיסטריקט טעקס לעווי (בודזשעט)

יאר נאך פרעזעדענטליכע וואלן
-קאונטי עקזיקיוטיוו
-טאון סופערווייזער
-טאון סופערענטינדענט אוו הייוועיס
-טאון באורד מעמבערס
-סקול דיסטריקט באורד מעמבערס
-סקול דיסטריקט טעקס לעווי

מידטערם וואלן
-קאנגרעס
-מעגליך סענעט
-גאווערנער
-סטעיט סענעט
-סטעיט אססעמבלי
-סקול דיסטריקט באורד מעמבערס
-סקול דיסטריקט טעקס לעווי

יאר איידער די פרעזדענטליכע וואלן
-קאונטי לעגעסלעטור
-טאון סופערווייזער
-טאון סופערענטינדענט אוו הייוועיס
-טאון באורד מעמבערס
-סקול דיסטריקט באורד מעמבערס
-סקול דיסטריקט טעקס לעווי

חוץ פון די אויבן דערמאנטע וואלן, איז פארהאן ווילידזש וואלן, אלע ווילידזשעס האבן וואלן, אבער יעדער ווילידזש האט זיך זיין אייגענע פראסעס וויאזוי די וואלן ארבייטען, מילא וועל איך עס נישט דא שרייבן. אפשר אין א באזונדערע תגובה.

חוץ פון די אלע, איז דא נאך אסאך אנדערע קלענערע פאזיציעס, אויף די סטעיט און קאונטי לעוועל, וואס איך האב נישט געשריבן. אויך איז דא ריכטער למיניהים, סטעיט ריכטער, טאון ריכטער, געהעריגע ריכטער, פאמיליע ריכטער, וכו' וכו', וואס איך האב אויך נישט געשריבן, צוליב חוסר ידיעה, אז איינער וויל אנפילן די ליסטע מיט דעם אויך, זאל ער צולייגן.

די אלע, דאס איז בלויז די וואלן ווען זאכן גייען כסדר, אויב אבער רעזיגנירט איינער, אדער שטארבט איינער, קען מען צולייגן נאך ספעציעלע וואלן. אויך אויף א שיינע חלק פון די וואלן, קומען פאר פריימעריס אויך, וואס דאס מיינט אז ס'איז באמת דא 2 וואלן פאר די פאזיציע.
לעצט פארראכטן דורך בבקשה אום דאנערשטאג מארטש 16, 2023 1:09 pm, פארראכטן געווארן 1 מאל.
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

איך האב געוואלט אביסל צולייגן צו מיין ארגינעלע תגובה, שרייבן נישט נאר וועלעכע יאר, נאר ווען די וואלן קומען פאר אויך. מענטשען טענה'ן אז אין מאנסי איז דא וואלן יעדער פאר חדשים, וועלען מיר זעהן טאמער ס'איז ריכטיג.

יאר פון פרעזעדעטליכע וואלן

מאי - סקול דיסטריקט וואלן
ערגעץ צעווישען מערץ און יוני - פרעזענטליכע פריימערי
ערגעץ צעווישען יוני און אגוסט - פריימערי פון סענעט\קאנגרעס און פריימערי פון סטעיט סענעט\סטעיט אסעמבלי צומאל די זעלבע טאג, צומאל 2 אנדערע טעג
נאוועמבער - דזשענערעל וואלן
סך הכל: 4-5 וואל טעג (געוואנדען צו די פעדעראלע און סטעיט פריימעריס זענען אויף די זעלבע טאג), מעגליך אמאל 3 טעג, אויב אויך די פרעזעדענטליכע פריימערי זענען צוזאמען מיט די אנדערע פריימעריס

יאר נאך פרעזעדעטליכע וואלן
מאי - סקול דיסטריקט וואלן
ערגעץ צעווישען יוני און אגוסט - טאון און קאונטי פריימערי (געווענליך אויף די זעלבע טאג)
נאוועמבער - דזשענערל וואלן
סך הכל: 3 וואל טעג

מידטערם וואלן
מאי - סקול דיסטריקט וואלן
ערגעץ צעווישען יוני און אגוסט - פריימערי פון סענעט\קאנגרעס און פריימערי פון סטעיט פאזיציעס צומאל די זעלבע טאג, צומאל 2 אנדערע טעג
נאוועמבער - דזעשנערעל וואלן
סך הכל: 3-4 וואל טעג (געוואנדען צו די פעדעראלע און סטעיט פריימעריס זענען אויף די זעלבע טאג)

יאר איידער די פרעזענדענטליכע וואלן
מאי - סקול דיסטריקט וואלן
ערגעץ צעווישען יוני און אגוסט - טאון און קאונטי פריימערי (געווענליך אויף די זעלבע טאג)
נאוועמבער - דזשענערל וואלן
סך הכל: 3 וואל טעג

סך הכל: צעווישען די 4 יאר סייקעל, איז דא 12-15 וואל טעג, אן עוורידזש איז דאס כאטש איין מאל אין 4 חדשים. און דאס רעכענט נישט אריין וואל טעג פון די ווילידזשעס (א חלק ווילידזשעס לויפן אויף די זעלבע טעג, אבער אן אנדערע חלק ווי עירמאנט, טשעסנאט רידזש און פאמאנע לויפן אויף אנדערע טעג), די לייבעריי טעקס לעווי וואוט, און נאך א טוץ פון קלענערע פאזיציס, וואס קענען האבן אייגענארטיגע וואל טעג.
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

אין 9 טעג ארום קומט פאר די מעיאר וואלן אין עירמאנט, וויל איך שרייבן א שטיקל אנאליז איבער די פארמעסט.

קודם די היסטאריע, די ווילידזש פון עירמאנט איז געגרינדערט געווארן אין 1991, נאכדעם וואס א גרופע אידן האבן זיך אהינגעצויגן, די ווילידזש איז געגרינדערט געווארען מיט איין סיבה, ארויסצוהאלטען די אידן. די ערטשע שטיק צייט נאך גרינדען די ווילידזש, האט די ווילידזש אויסגעטיילט פיל צרות פאר אידן בכלל, און בתי מדרשים בפרט. בערך 9 יאר צוריק איז די מאיער פון עירמאנט דענניס קעי געשטארבן, זיין ריפלעסמענט האט איבערגענומען פאר א יאר ביז די נייע טערמין, אין 2015 איז פארגעקומען וואלן פאר מאיער, ס'איז געווען די אידיש געשטיצטע קאנדידאט טאמעס גאללע, און די פערזערוו קאנדידאט פיל דזשגענטי, דזשעגענטי האט ארויסגעקוועטש א זיג אין די פארמעסט, גראד ווען דזשגענטי איז אריינגעקומען, האט ער ארויפגעשרויפט די אנטיסעמטיזעם אויף א שטאפל וואס אפילו פאר עירמאנט איז געווען עקסטרעם.

אין 2004 האט א ישיבה משכנות לאביר יעקב געזוכט צו באקומען פערמיטס אין די ווילידזש פון עירמאנט, פארשטייט זיך אז זיי האבן עס נישט באקומען, האבן זיי געסועט די ווילידזש, אויך די פעדעראלע גאווערמענט האט געסועט די ווילידזש אויף דיסקראמנאציע קלאגעס. אין 2011, האט די געריכט גע'פסק'נט אז עירמאנט מוז טוישן די זאונינג, וויבאלד זייער זאוניניג איז קעגן די געזעץ, און טוהט דיסקרימניערן קעגן אידן, און אז עס פארלעצט די RLUPIA געזעץ. אויך האט די געריכט געפסקנט אז עירמאנט טאר נישט טוישען די זאוניג (חוץ די זאכן וואס די געריכט האט גע'פסק'נט אז זיי מוזן זאפארט טוישן) ביז 2017 (טאמער געדענק איך ריכטיג) , ווי נאר ס'איז געקומען 2017, האט פיל דזשעגענטי געלייגט א בילדינג מארטיעם, דהיינו ער האט געזאגט אז מען קען נישט געבן קיין שום בוי פערמיטען, וויבאלד מען דארף איבערארבייטען די זאונינג, און מילא אינצעווישן, טאר מען בכלל נישט בויען.

צום סוף האט ער צוריקגעלייגט די זעלבע זאונינג וואס די געריכט האט גע'פסק'נט איז אנטיסעמטיש, און די לאוסיוטס האבן נישט געשפעטיגט צו קומען, קהילת סאטמאר מהר"א האט גע'עפענ'ט א מיידל שולע אויף טשערי לעין אין עירמאנט, און פארשטייט זיך אז קיין פערמיטען האט מען זיי נישט געגעבן, האבן זיי געסועט (מערקווירדיג אז קהילת סאטמאר האט נישט פארלאנגט קיין שום געלט פון די ווילידזש, בלויז אז די געריכט זאל צווינגען די ווילידזש זיי צו געבן די פערמיטען, דאס האט געפירט אז די אינשורענס קאמפיני האט נישט געוואלט באצאלן די לויערס פאר די ווילידזש, טענה'דיג אז זיי האבן גארנישט צו דערלייגן אויב עירמאנט פארלירט די לאוסויט, זעהן זיי נישט קיין סיבה צו באצאלען די לויערס, די ווילידזש איז געווען געצווינגען צו באצאלן לויערס פון זייער אייגענע טאש, און דאס האט באטראפען בערך 5% פון די עירמאנט בודזשעט), אויך ביהמ"ד רודניק, האט געסועט די ווילידזש, נאכאמאל איז די פעדעראלע געווארמענט אריינגעקומען, און אויך געסועט די ווילידזש.

4 יאר צוריק, האט מען זיך געגרייט פאר פרישע וואלן אין עירמאנט, די שטימונג איז געווען מורא'דיג היציג, ס'איז נישט געווען קיין שום איד אין עירמאנט וואס האט נישט געוואוסט פון עכ"פ איין יחיד (נישט א ביהמ"ד), וואס האט געליטען צרות פון די ווילידזש. די עסקנים האבן זיך דאן אריינגעלייגט ראשם ורובם אין די וואלן, צו זעהן וואס מען קען טוהן דאס מאל יא צו געווינען. איינער פון די הויפט שאלות איז געווען, זאל מען אריינוואוטען אידן, אדער ענדערש פריינטליכע גוים? מען האט מחליט געווען צו גיין מיט פריינטליכע גוים, צוליב 2 סיבות, איינס, מען האט געהאפט צו באקומען עפעס גוי'שע שטימעס, און מיט אידן וואלט מען דאס זיכער נישט באקומען, 2. מען האט געהאלטן אז געוויסע אידן וועלן אויך נישט וועלן שטימען פאר אידן, אלץ מורא אז אידן וועלן צופיל נאכלאזן זאונינג געזעצען. פארשטייט זיך אז נעמען גוים איז געקומען מיט די ריזקע אז זיי וועלן נישט בלייבן דיר געטריי.

עירמאנטס רעגירונג באשטייט פון א מאיער און 4 טראסטיס, די מאיער זעלבסט איז אויך א טראסטי, סך הכל 5 טראסטיס, די סדר איז אז יעדער 2 יאר לויפט מען, איין מאל לויפט די מאיער און 2 טראסטיס, און די אנדערע מאל לויפן די אנדערע 2 טראסטיס און די ריכטער, קומט אויס, אז דער וואס געווינט די וואלן ווען די מאיער לויפט, געווינט א מערהייט פון 3-2 אויף די באורד.

די וואלן אין 2019 זענען געווען מורא'דיג שווער, וויבאלד ס'איז געווען 2 מאל אזויפיל רעגיסטרירטע גוים, פון וויפיל ס'איז געווען רעגיסטרירטע אידן, דאס מיינט, אז פאר יעדער גוי וואס איז ארויסגעגאנגן שטימען, האבן 2 אידן געדארפט גיין שטימען. די שטימונג איז געווען היציג, און מען האט געהאפט אז מען וועט געווינען, והנה די נאכט פון די וואלן, האט זיך ארויסגעשטלעט אז די אידישע קאנדידאטען זענען פאראויס מיט 150 שטימען, מיט נאך 250 אבענסטי בעללעטס געבליבן צו ציילן, די עסקנים האבן אבער געוויסט אז זיי האבן אריינגעברענגט 200 אבסענטי בעללעטס, און אז די זיג איז פארזיכערט. וויאזוי טאקע האט מען דאס באוויזען? די תירוץ איז טורנאוט גוי'שע טורנאוט איז געווען 37%, אבער אידישע טורנאוט איז געווען 82%, מער פון די דאפעלט וואס עס האט זיך אויסגעפעלט צו געווינען.

די שמחה האט אבער נישט לאנג אנגעהאלטען, ווען קורץ נאך די וואלן, האט זיך איינער פון די גוישע טראסטיס וועם די אידן האבן אריינגעברענגט אויסגעדרייט די דאשיק, און צוזאמען מיט די עקזיסטרינע 2 פערזערוו ראמאפאו טראסטיס, האבן זיי קאנטרילירט די באורד. דא איז די ווילידזש אריינגעפאלן אין א שטיקל גרידלאק, וויבאלד אסאך זאכן דארף'ן סיי די מאיער, און סיי רוב פון די באורד, און דא האט די מאיער נישט געהאט רוב באורד. עכ"ז אסאך זאכן האט מען אריינגעכאפט אין די ערשטע פאר וואכן, וואס האט פארגרינגערט די מצב, אויך, איז נישט אריין אין עפעקט קיין שום נייע גזירות, והשלישית והוא העיקר, פול מענטשען וועם מען האט נישט מצליח געווען צו ווארפן פון די ווילידזש אין צייט, האבן אבער איינגעזעהן אז די אידן האבן געווינען די וואלן, און ס'איז שטארק מסתבר אז זיי גייען ווייטער געווינען די וואלן, און טאמער ווילן זיי נישט פארלירען זייער דזשאב קענען זיי זיך מער נישט אויפפירן אנטיסעמטיש (איין אויסנאם איז געווען די פייער אינספעקטער, וועלעכע איז געווען די ערשטע זאך וואס די אידן האבן פארלויערן די מערהייט דערויף, די אינספעקטער איז געווען א מאדערנע איד, וועם די איינציגסטע מצוות וואס איז עם אנגעגאנען זענען געווען "ונשמרתם מאד לנפשותיכם" און דינא דמלכותא דינא, ער האט אויסגעטיילט צרות נאך מער פון וויפיל די גוים האבן געטיילט, צום סוף האט זיך ארויסגעשטעלט אז ער זעלבסט האט געבראכן די געזעץ, און ער האט געמוזט פארלאזן זיין פאזיצע מיט בושות וחרפות, זעהט אויס אז דינא דמלכותא איז עם נאר אנגעגאנגען ווען יענער האט געבראכן די געזעץ, אבער ער אליין האט געמעגט ברעכן די געזעץ)

אין 2021 זענען די וואלן פארגעקומען אין סאמע מיטן קאוויד, די קאוויד געזעצען פון no-excuse אבסענטי בעללעטס זענען געווען אין עפעקט, די עסקנים האבן זיך צוגעכאפט דערצו, מען האט געארבייט ארום די זייגער צו רעגיסטרירן וויילער, מען האט געברענגט פאר יעדעם אינדערהיים א אבסענטי בעללעט ריקוועסט וואס איז שוין געווען אויסגעפילט אלע אינפראמאציע, מען האט בלויז געדארפט חתמנ'ן, די עסקנים האבן דאס צוריקגעטראגן, און דערנאך געברענגט די אבסענטי בעללעט, און געווארט ביז מען האט דאס אויסגעפילט, דערנאך האבן זיי עס צוריקגעטראגן. טראץ וואס די עולם איז נישט געווען אזוי הייס וואו אין 2019, האבן די עסקנים געהאפט אז די אבסענטי בעללעט דרייוו וועט אבער ארויסהעלפען.

אין 2021 זענען געווען די נומערען אביסל בעסער פאר די אידן, 60% רעגסטריטע וויילער זענען געווען גוים, און 40% זענען געווען אידן, דאס מיינט, אז פאר יעדער 3 גוישע וויילער, איז געווען 2 אידישע וויילער, דאס מאל האט מען נישט אייגעשטעלט מיט גוי'שע קאנדידאטען, נאר מען האט געשטעלט אידשע קאנדידאטען, טראץ די שטארקע אבסענטי בעללעט דרייוו איז אידשע טורנאוט געפאלן צו בערך 77%, אבער גוישע טורנאוט איז געפאלן נאך שטערקער צו בלויז 22%, די רעזולטאט איז געווען א שטארקע אידישע לאנדסלייד.

יעצט קומען ווייטער פאר וואלן אין עירמאנט, די וואלן זענען פאר מאיער און 2 טראסטיס, אין די יעצטיגע וואל סעזאן, האב איך נישט קיין קראנטע ציפערען, אבער וויפיל איך שאץ, איז נאכאלץ דא א מערהייט פון גוישע וויילער, אבער בלויז 10-20% מער, נישט 50% וואו אין 2021, און זיכער נישט דאפעלט וואו אין 2019.

די פראבלעם וואו איך זעה עס איז אזוי, לויט מיין עדיוקעטעיד געסס, זענען 40% אידן וואס וואינען אין עירמאנט, אידן וואס האבן זיך געצויגן נאכדעם וואס דזשיגענטי איז ארויס, זיי האבן קיינמאל נישט געפילט זיין אנטיסעמטיזם, פון די אנדערע חלק וואס געדענקען נאך יא די דזישגענטי רעזשים, איז אבער שוין דורכגעגאנגן 4 יאר זינט ער איז ארויס, און מען געדענקט שוין נישט, עכ"פ די היציגקייט איז זיכער שוין נישט דא. און יעצט איז נישט דא די עצה פון עבסענטי דרייוו, וויבאלד היינט דארף מען זאגן אז מען גייט זיין אינדערויסן פון די קאונטי אין די טאג פון די וואלן, און קאוויד איז שוין נישט קיין תירוץ. (עס קומט נאך אלץ פאר א עבסענטי דרייוו, אבער אויף א פיל קלענערע פארנעם, און נאר פאר אזעלעכע אידן וועלעכע וועלן טאקע זיין אינדערויסן פון די קאונטי). ס'איז דא נאך א געפאר, זינט די 2019 וואלן איז געווען אזא לענדסלייד, וועלן אידן זאגן, עה, מיין שטימע איז נישט אזוי וויכטיג, מען גייט סייווי געווינען, מילא בין איך צו פויל צו גיין צו די וואלן, אבער דאס איז נישט ריכטיג, וויבאלד אויב גענוג אידן מאכן דעם חשבון, וועלען מיר פארלירען די וואלן.

וויפיל טורנאוט שאץ איך אז מען דארף האבן צו געווינען? די שאלה איז אויף די גוישע טורנאוט, יעצט אז זיי זענען אינדערויסן לגמרי, יכול להיות אז דאס הייצט זיי משונה'דיג צו גיין צו די וואלן (פונקט וואו די אידן זענען געווען היציג 4 יאר צוריק), איך גלייב נישט אז זיי וועלן דערגרייכן אידישע טורנאוט שטאפלען, פשוט וויבאלד נישט יעדער גוי שטימט מיט מיט פערזערוו ראמעפאו, און זיי טרעפן זיך נישט יעדן טאג אין בית המדרש, מילא קענען זיי זיך נישט אזויפיל, און מילא איז זיי שווערער צו מאכן א געט-אוט-די-וואוט קאמפיין, אבער 50% טורנאוט, קענען זיי לכאורה יא דערגרייכן (אויך מעגליך אז זייער טורנאוט וועט פאלן צוליב נידיריגע מאראל, אבער מען קען זיך נישט אויף דעם פארלאזן, זאגן זאגן זיי אז זיי האבן גאר שטארקע רעספאנס, און אז זייער עולם גרייט זיך צו קומען אין די מאסן). אויב זאלן זיי האבן 50% טורנאוט, מיינט דאס, אז די אידן דארפן האבן 60% טורנאוט כדי צו געווינען. 60% פערצענט איז א ציפער וואס מען דערגרייכען, אבער בלויז אויב יעדער איד טראכט אז זיין שטימע איז וויכטיג, אויב טראכט מען, עה, מען גייט סייווי געווינען, און זיי קומען ארויס מיט א 50% טורנאוט, וועלן מיר ח"ו פארלירען די וואלן.

ווער זענען די קאנדידאטען? די אידישע קאנדידאטען זענען די יעצטיגע גוי'שע מאיער, וועלעכע האט שוין געוויזען 4 יאר געטריישאפט פאר די אידן, און מילא קען מען זיך פארלאזן אז ער וועט ווייטער אנהאלטען מיט דעם. די צווייטע איז ר' משה מנחם פריעדמאן, און די דריטע איז א גוי מיט די נאמען לאורענס א'טול, א געהילף פאר די געוועזענע טאון סופערווייזער סט לאורענס. לדעתי איז די ליסטע די בעסטע פון ביידע וועלטען, פון איין זייט וועט מען האבן א גוי'שע מאיער, וועלעכע האט שוין אויפגעוויזען זיין געטריישאפט, און פון די אנדערע זייט וועט א מערהייט פון די באורד זיין אידן (צוויי עקזיסטרינע + ר' משה מנחם), אזוי אז וועטא פאוער וועט אלץ בלייבן ביי די אידן.

בערך א יאר צוריק, האט מען דורכגעפירט א רעיד אויף די הויז פון די עקזיסטירנע אידיש פריינטלייכע גוי'שע טראסטי, און מען האט געטראפן דארט א הויפן פון ביקסן, סיי לעגאלע, און סיי אומלעגאלע, מען האט עם דעמאלסט געקלאגט מיט'ן האבן אומלעגאלע געווער, (לדעתי, הגם איך קען נישט זאגן פאר זיכער אז די רעיד געקומען בלויז וויבאלד ער האט געהאלפן אידן, און אז מען זוכט טרעפט מען) אפאר וואכן צוריק, האט געפליעד גילטי, און עס דראעט עם 18-24 חדשים טורמע, מיט זיין גילטי פלי, האט ער אוטאמטיש פארליורען זיין טראסטי פאזציע, וויבאלד ניו יארק סטעיט געזעץ איז, אז א פארברעכער טאר נישט זיין קיין טראסטי אין א ווילידזש, די מאיער האט געשטעלט ר' משה מנחם הנ"ל אלץ זיין ריפלעסמענט.

ווער זענען די גוישע קאנדידאטען? די מאיער איז רעלף בראקאו, רעלף איז געווען פון די גרינדער פון עירמאנט, און איז געווען די צווייטע מאיער פון עירמאנט, ער האט געהאט פארשידינע פאזציעס אין די ווילידזש, אלץ טראסטי, און נאך אנדערע פאזיציעס, 6 יאר צוריק האט ער אנגעפאנגען פראבירן צו טאנצען אויף ביידע חתונות, סיי אז ער איז מיט די אידן, און סיי אז ער איז מיט פערזערוו, ונמצא קרח מכאן וקרח מכאן, אויב זאל ער טאקע יעצט ערוויילט ווערן וועט ער לכאורה צוריקגיין צו זיין אריגנעלע פערזערוו ראמאפאו וועגן, און אפילו אז נישט, די אלע וואס זענען געבליבן אין די ווילידזש, און האבן אויפגעהערט מיט די אנטיסעמטיזים, פשוט וויבאלד זיי האבן געזען אז די אידן געווינען די וואלן, וועלן יעצט צוריקדרייען, זעהנ'דיג אז די אידן קענען נישט געווינען קיין וואלן, און זיי וועלן מער נישט מורא האבן פאר זייערע דזשאבס.

די 2 טראסטי קאנדידאטען זענען פשוט 2 מענטשען אנצופילן די טיקעט, אבער דא האבן זיי געטוהן א קליגע שריט, זיי האבן גענומען עלטערען פון קינדער, מיט די האפענוג אז זיי קענען אסאך מענטשען, די עלטערען וואס זיי טרעפן ביי PTA, די עלטערען פון זייער קינדער'ס חבירים, וכו' וכו', און די אלע וועלן ארויסקומען שטימען בלויז וויבאלד זיי קענען די טראסטיס, און איינוועגס וועלן זיי שוין שטימען פאר די גאנצע ראו, אלע וואס לויפן אויף די אזוי גערופענם "עירמאנט טעקספעיער פארטיי", אפילו די מענטשען זענען לאו דוקא פערזערוו ראמעפאו, און אזוי ארום האפן זיי אריינצוכאפן נאך אפאר וואוטס.
באקסער בוים
שר האלף
תגובות: 1856
זיך איינגעשריבן אום: דינסטאג יאנואר 31, 2017 12:41 pm

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך באקסער בוים »

כ׳בין נישט קיין ראוקלענד איינוואוינער, אבער די עירמאנט ארטיקל איז גאר אינטערעסאנט געווען צו ליינען!
איך האב בכלל נישט קיין מיינונג איבער די נושא, ס'איז זשאסט געשריבן אין די וועלט אריין.
אוועטאר
פעטער שמואל
שר האלפיים
תגובות: 2640
זיך איינגעשריבן אום: זונטאג אפריל 29, 2018 1:56 pm

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך פעטער שמואל »

איין נקודה. איך מיין אז ביהמ’’ד ראדאשיץ האט געסועט, נישט רידניק.

בנוגע די פייער אינספעקטאר, זיי האבן געהייערט א מענטש מיט א קאפל כדי צו ווייזן אז זיי זענען נישט אנטיסעמיטעש. עס האט זיך שפעטער ארויסגעשטעלט אז דער מענטש מיטן קאפל, א מאדערנער פוו ניו העמפסטעד, האט געקויפט זיין הויז מיט א מארטגעדזש און האט קיינמאל נישט געמאכט קיין פעימענט. ער האט געוואוינט אין יענע הויז פאר איבער צעהן יאר אהן צאלן מארטגעדזש. אזעלכע ”קאוד אינפארסמענט” מענטשן האבן זיי גענוצט צו פייניגן די אידן פון עירמאנט.
איך בין גערעכט 98 פראצענט פון די צייט.
וועם גייט אן די איבעריגע 3 פראצענט?
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

פעטער שמואל האט געשריבן: זונטאג מארטש 12, 2023 5:30 pm
איין נקודה. איך מיין אז ביהמ’’ד ראדאשיץ האט געסועט, נישט רידניק.

בנוגע די פייער אינספעקטאר, זיי האבן געהייערט א מענטש מיט א קאפל כדי צו ווייזן אז זיי זענען נישט אנטיסעמיטעש. עס האט זיך שפעטער ארויסגעשטעלט אז דער מענטש מיטן קאפל, א מאדערנער פוו ניו העמפסטעד, האט געקויפט זיין הויז מיט א מארטגעדזש און האט קיינמאל נישט געמאכט קיין פעימענט. ער האט געוואוינט אין יענע הויז פאר איבער צעהן יאר אהן צאלן מארטגעדזש. אזעלכע ”קאוד אינפארסמענט” מענטשן האבן זיי גענוצט צו פייניגן די אידן פון עירמאנט.
געסועט האט רידניק, נישט ראדאשיץ, ראדאשיץ האט באקומען א $2.3 מיליאן דאללער קנס, פאר'ן לאזן פארק'ן אין דער דערנעבדיגע לאט, גלייך איידער די וואלן אין 2019 האבן זיי געסטטעלט פאר $100 (נישט קיין טייפאו, $100 גלאט פאר א 2.3 מיליאן פיין), איידער די וואלן אין 2021 האבן זיי אויך געסטטעלט מיט סאטמער, און זיי געגעבן אלעס וואס זיי האבן געוואלט, דערנאך זענען די חברה געגאנגען און געפאוסט אויף זייער וועבזייטל, אז סאטמאר האט געדראפט די קעיס, און אז ס'האט נישט געקאסט קיין צענט פאר די ווילידזש ווייל די אינשורענס האט באצאלט. אין פאקט האט די ווילידזש 2 יאר נאכאנאד געצאלט בערך 5% פון זייער בודזשעט פאר דעם. און סאטמער האט "געדראפט" די קעיס וויבאלד זיי האבן באקומען אלעס וואס זיי האבן געוואלט.
אוועטאר
עפעס אנדערש
שר שלשת אלפים
תגובות: 3906
זיך איינגעשריבן אום: זונטאג נאוועמבער 22, 2020 5:06 pm

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך עפעס אנדערש »

שוין נישט נוגע פאר יעצט, אבער דער בעסטער עצה אין אזעלכע פעלער איז צו אפירזוכן נאך א גויאישע קאנדידאט קעגן יעדע אידיש'ער קאנדידאט, און אויב מעגליך, זאל עס אויסקומען איין טינקעלער און איין ווייסער פרוי/מאן קעגן יעדע אידישע געשטיצטער קאנדידאט, אזוי אז די גוי'אישע שטימען זאלן זיך ספליטן צווישן צוויי קאנדידאטן.
אוועטאר
עדה
שר האלף
תגובות: 1983
זיך איינגעשריבן אום: פרייטאג אפריל 01, 2022 1:46 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך עדה »

א דאנק, זייער קלאר און געשמאק באשריבן

ווען איז די ספרינג וואלי ווילידזש וואלן?

און וואס טוט זיך מיט אינגאנצן אויפלעזן די ווילידזש?
נִצְּחוּ אֶרְאֶלִּים אֶת הַמְּצוּקִים וְנִשְׁבָּה אֲרוֹן הַקֹּדֶשׁ
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

עדה האט געשריבן: מאנטאג מארטש 13, 2023 3:30 am
א דאנק, זייער קלאר און געשמאק באשריבן

ווען איז די ספרינג וואלי ווילידזש וואלן?

און וואס טוט זיך מיט אינגאנצן אויפלעזן די ווילידזש?
דאכט זיך אז ספרינג וועלי איז אין נאוועמבער, די פראבלעם מיט שרייבן אן אנאליז אויף ספרינג וועלי וואלן איז אז מען לייגט זיך אריין אין טעגלאש, און כאטש קיין שום קהילת טעגלאש איז נישט אינוואלוועד, דאך איז עס "כמו טעגלאש".

בנוגע אויפלעזן די ווילידזש קיינער וויל דאס נישט (אויב רעדסטו פון ווילידזש אוו עירמאנט, אויב די רעדסט פון ווילידזש אוו ספרינג וועלי, איז נישט דא קיין שום ערענסטע קאמפיין, מער רעדט און רעדט אבער מען טוהט נישט), און באמת, א קליינע ווילידזש האט די מעלה אז מען קען עס פיל גרינגער מסדר זיין, חוץ די טובות וואס די אידן האבן פון די נייע מאיער, פארט די ווילידזש פיל גלאטער יעצט וואו אונטער דזשיגענטי.
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

איך וויל צולייגן א דיסקלעימער צו מיין אנאליז, איך בין נישט קיין עסקן, און איך רעד נישט בשם עסקנים, זיכער נישט איבער זייער צילן, וויפיל שטימען זיי האפן ארויסצוברענגען, און וויפיל שטימען זיי זאלן צילן ארויסצוברענגען, דער וואס וויל קוקן מיינע תגובות קען זיך איבערצייגן, איך גלייך ציפערען, און איך גלייך וואלן, מילא האב איך געהאט א חשק צו שרייבן אן אנאליז איבער די וואלן.
אוועטאר
עדה
שר האלף
תגובות: 1983
זיך איינגעשריבן אום: פרייטאג אפריל 01, 2022 1:46 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך עדה »

בבקשה האט געשריבן: מאנטאג מארטש 13, 2023 10:12 pm
עדה האט געשריבן: מאנטאג מארטש 13, 2023 3:30 am
א דאנק, זייער קלאר און געשמאק באשריבן

ווען איז די ספרינג וואלי ווילידזש וואלן?

און וואס טוט זיך מיט אינגאנצן אויפלעזן די ווילידזש?
דאכט זיך אז ספרינג וועלי איז אין נאוועמבער, די פראבלעם מיט שרייבן אן אנאליז אויף ספרינג וועלי וואלן איז אז מען לייגט זיך אריין אין טעגלאש, און כאטש קיין שום קהילת טעגלאש איז נישט אינוואלוועד, דאך איז עס "כמו טעגלאש".

בנוגע אויפלעזן די ווילידזש קיינער וויל דאס נישט (אויב רעדסטו פון ווילידזש אוו עירמאנט, אויב די רעדסט פון ווילידזש אוו ספרינג וועלי, איז נישט דא קיין שום ערענסטע קאמפיין, מער רעדט און רעדט אבער מען טוהט נישט), און באמת, א קליינע ווילידזש האט די מעלה אז מען קען עס פיל גרינגער מסדר זיין, חוץ די טובות וואס די אידן האבן פון די נייע מאיער, פארט די ווילידזש פיל גלאטער יעצט וואו אונטער דזשיגענטי.
איך האב געמיינט צו פרעגן וועגן אויפלעזן ספרינג וואלי
נִצְּחוּ אֶרְאֶלִּים אֶת הַמְּצוּקִים וְנִשְׁבָּה אֲרוֹן הַקֹּדֶשׁ
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

קעפל: נייעס און קרישקעלעך פון מאנסי און ראקלענד קאונטי
פרעזידענט פרא-טעמפאר האט געשריבן: דאנערשטאג מארטש 16, 2023 10:18 am
נאכמיטאג האט געשריבן: מיטוואך מארטש 15, 2023 5:46 pm
פארשידענע פארשידענס האט געשריבן: מיטוואך מארטש 15, 2023 5:42 pm
cccrazzy
The traffic. In Monsey. Is getting worser and worse
its abouth time dto do something abouth it
גוט מארגען
אטשולדיגט פאר וואס איך גיי שרייבן אבער ס'איז א פאקט!

ווען פרעזירוו רעמעפאו וואלט געוואונען טאון עלעקשען'ס וואלט מאנסי נישט אזוי אויס געזעהן. ס'וואלט נישט געווען די טרעפיק וואס ס'דא היינט צוטאג אין מאנסי און מען וואלט געוואונט אסאך מער אויס געשפרייט. וואס וואלט געברעגט פרישע אפערטאנעטי'ס פאר היימישע ביזנעסער.

מאנסי האט היינט א טויטע אינפענסטראקטשער.
דאכט זיך אז די שמועס איז מער געאייגענט פאר דער אשכול.

פערזערוו ראמאפאו און זייער נאכפאלגער CUPON איז א גרופע, וואס זייערע עמטליכע ציל איז צוריק צו האלטן אווערדעוועלפמענט אין ראמאפאו, אבער פאקטיש איז די גרופע אן אנטיסעמיטישע גרופע.

פון וואנעט ווייס איך? אפאר ראיות.
פערזערוו פירער האבן געמאכט א יד אחת מיט יאפפעד, וואס האט אווערדעוועלפמענט מיט עדיוקעישן?
פערזערוו פירער ארבייטן האנט ביי האנט מיט פירער פון גרופעס וואס ארבייטן קעגן אידישע דעוועלאפמענט אין גלילת לעיקוואד וואס האט לעיקוואד מיט ראמאפאו?
פארוואס ווען א גוי דעוועלעפעד איז נישט דא אזא וויי געשריי פון פערזערוו, נאר ווען א איד דעוועלעפעד?
פארוואס ווען א איד מאכט איבער זיין הויז פון אינעווייניג, וואס לייגט נישט צו קיין טראפ דעוועלפמענט זענען זיי דערקעגן?

חוץ פון די ראיות איז פערזערוו געווינען נישט קיין ווען זיי געווינען ווען, טאקע טאון האבן זיי נישט געווינען אבער עירמאנט יא, און וואס האבן זיי דאן געטון? וואס איז געשען ווען זיי האבן געווינען קאונטי עקזעקיוטיוו? זיי האבן נישט בלויז אפגעהאלטן פון בויען, נאר זיי האבן אויסגעטיילט סתם צרות פאר יחידים.
אוועטאר
דרייטצעך
שר ששת אלפים
תגובות: 6131
זיך איינגעשריבן אום: מיטוואך דעצעמבער 29, 2021 5:13 pm
לאקאציע: וואו דרייטצעך א איד?

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך דרייטצעך »

ישר כח בבקשה פאר די הערליכע אנאליז, זייער שיין צעלייגט די וואלן בכלל און עירמאנט בפרט.
= שומר ישראל שמור שארית ישראל =
איך בין נישט קיין דעמאקראט, נישט קיין ריפובליקען און ניטאמאל קיין אינדיפעדענט, איך באנוץ זיך מיט מיין אייגענעם שכל...
אבער אנטקעגן דעת תורה פון מיינע רבי'ס בטלה דעתי!
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

לעצטיגע אפדעיט פון עירמאנט, טורנאוט איז נידריג, בערך 650 שטימען אריינגעקומען (לשבר את האוזן, 2019 איז געווען סך הכל מער פון 3100 שטימען, און אין 2021 איז געווען סך הכל כמעט 2600)
אוועטאר
קלמן יאסעלע
שר חמש מאות
תגובות: 942
זיך איינגעשריבן אום: דינסטאג נאוועמבער 19, 2019 9:33 am
לאקאציע: ערגעצוואו

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלמן יאסעלע »

באקסער בוים האט געשריבן: זונטאג מארטש 12, 2023 4:39 pm
כ׳בין נישט קיין ראוקלענד איינוואוינער, אבער די עירמאנט ארטיקל איז גאר אינטערעסאנט געווען צו ליינען!
גא"מ
!Vox Populi, Vox Dei
אוועטאר
דרייטצעך
שר ששת אלפים
תגובות: 6131
זיך איינגעשריבן אום: מיטוואך דעצעמבער 29, 2021 5:13 pm
לאקאציע: וואו דרייטצעך א איד?

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך דרייטצעך »

בבקשה האט געשריבן: דינסטאג מארטש 21, 2023 2:05 pm
לעצטיגע אפדעיט פון עירמאנט, טורנאוט איז נידריג, בערך 650 שטימען אריינגעקומען (לשבר את האוזן, 2019 איז געווען סך הכל מער פון 3100 שטימען, און אין 2021 איז געווען סך הכל כמעט 2600)
אידן VS גוים?
= שומר ישראל שמור שארית ישראל =
איך בין נישט קיין דעמאקראט, נישט קיין ריפובליקען און ניטאמאל קיין אינדיפעדענט, איך באנוץ זיך מיט מיין אייגענעם שכל...
אבער אנטקעגן דעת תורה פון מיינע רבי'ס בטלה דעתי!
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

בבקשה האט געשריבן: דינסטאג מארטש 21, 2023 2:05 pm
לעצטיגע אפדעיט פון עירמאנט, טורנאוט איז נידריג, בערך 650 שטימען אריינגעקומען (לשבר את האוזן, 2019 איז געווען סך הכל מער פון 3100 שטימען, און אין 2021 איז געווען סך הכל כמעט 2600)
האלט שוין ביי 1600
אוועטאר
א פיינע וואקאציע
שר מאה
תגובות: 175
זיך איינגעשריבן אום: זונטאג יאנואר 15, 2023 5:26 pm

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך א פיינע וואקאציע »

בבקשה האט געשריבן: דינסטאג מארטש 21, 2023 8:05 pm
בבקשה האט געשריבן: דינסטאג מארטש 21, 2023 2:05 pm
לעצטיגע אפדעיט פון עירמאנט, טורנאוט איז נידריג, בערך 650 שטימען אריינגעקומען (לשבר את האוזן, 2019 איז געווען סך הכל מער פון 3100 שטימען, און אין 2021 איז געווען סך הכל כמעט 2600)
האלט שוין ביי 1600
עני אפדעיט?
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

א פיינע וואקאציע האט געשריבן: דינסטאג מארטש 21, 2023 9:49 pm
בבקשה האט געשריבן: דינסטאג מארטש 21, 2023 8:05 pm
בבקשה האט געשריבן: דינסטאג מארטש 21, 2023 2:05 pm
לעצטיגע אפדעיט פון עירמאנט, טורנאוט איז נידריג, בערך 650 שטימען אריינגעקומען (לשבר את האוזן, 2019 איז געווען סך הכל מער פון 3100 שטימען, און אין 2021 איז געווען סך הכל כמעט 2600)
האלט שוין ביי 1600
עני אפדעיט?
אידן: 1321
גוים: 655
לעצט פארראכטן דורך בבקשה אום מיטוואך מארטש 22, 2023 9:53 pm, פארראכטן געווארן 1 מאל.
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

דאס איז אן די עבסענטיס, געשאצט לויט די עסקנים אז מיט אבסענטיס וועט עס זיין

אידן: בערך 1550
גוים: בערך 750
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

ויהי ממחרת, מען האלט א טאג נאך די וואלן, עס איז צייט פאר א פאוסט וואלן אנאליז, אויבן אויף, איז די טאג געווען א גוטע טאג, די אידן האבן אנגעצויגן בערך דאפעלט פון די גוים, 655 קעגן 1321 (דאפעלט פון 655 איז 1310).

לאמיר געבן א שטיקל בליק אויף די טורנאוט, קודם כל די רעגיסטרירטע וויילער, איך האב געשריבן אין מיין אנאליז אז מיין געס איז אז די גוים האבן 20% מער וויילער וואו די אידן, למעשה איז דאס געווען אביסל אפגערוקט, באמת איז געווען בערך 30% מער רעגיסטריטע גוים וואו אידן, דאס מיינט אז פאר יעדער % וואס גוים זענען ארויסגעקומען, האבן די אידן געדארפט ארויס ברענגען 1.3%, יעצט פאקטישע טורנאוט, שטעלט זיך ארויס אז די גוים האבן געהאט דערווייל אן אבסענטיס 19% טורנאוט, מיט 3% שוואכער וואו 2021, אידן האבן געהאט א שמוץ אריבער 50% טורנאוט, שטארק נידריגער פון די 77% וואס אונז האב מיר געהאט אין 2021.

יעצט לאמיר גייען צו די שאצונגען פון די אבעסנטיס, די גוים האבן א געשאצטע 100 אבסענטיס, און די אידן א געשאצטע 225 אבסענטיס, אויב לייגט מען צו די ציפערען, שטייט גוי'שע טורנאוט ביי 22% גענוי וואס זיי האבן געהאט 2 יאר צוריק, אידישע טורנאוט שפרינגט צו כמעט 60% טורנאוט, אבער דערווייל זענען די ציפערען נישט באשטעטיגט.

יעדער וואס האט אביסל מיטגעהאלטען די וואלן האט געזען אז בערך 6:30 זענען די עסקנים אריין אין פאניק מאוד, וואס איז געשען, לפאניק מה זו עושה? בפרט אז מען האט אזוי שיין געווינען?

די תירוץ איז אזוי, די עסקנים האבן געשטעלט מענטשען אינדערויסען פון די שטום בודקעס, און געבעטען יעדער איד וואס איז געגאנגען שטימען, אז זיי זאלן קומען צו די מענטשען און זאגן אז זיי האבן געשטימט. די ציל איז געווען צוויי פאכיג, איינס, מען וועט וואוסן אז דער מענטש דארף מען שוין נישט רופן, און די עסקנים וואס האבן געמאכט די קאללס וועלן קענען רופן אנדערע מענטשען (לשבחם יאמרו, דורכאויס די גאנצע קאמפיין האבן די עסקנים נישט געמאכט קיין איין ראבא-קאל, די צד שכנגד האט יא געמאכט, און אפילו גערופן אידן אויך), און צווייטענס, מען זאל וואוסן וויפיל אידן האבן געשטימט.

יעצט האבן די עסקנים געהאט 2 ציפערען, די ליסטע פון אידן וואס האבן געשטימט, און די ציפער פון וויפיל מענטשען האבן געשטימט אלעס צוזאמען. די ציפער האבן זיי געקענט האבן דורך פשוט קוקן וועלעכע נומבער בעללעט מען האלט ביי (יעדער בעללעט האט א נאמבער), ביי יעדער טישל, ס'איז סך הכל געווען 4 טישלעך (באמת 2 טישלעך, אבער יעדער טישל האט געהאט 2 מענטשען). כדי צו וואוסן וויפיל גוים האבן געשטימט, איז די חשבון פשוט, סך הכל שטימען - אידישע שטימען = גוישע שטימען.

בערך 6:30 האט די סצענע אויסגעקוקט בערך אזוי, 1500 שטימען טאטעל, און אויף די ליסטע איז געווען בערך 625 אידן, לפי חשבון האט דאס געמיינט אז די גוים שטייען ביי בערך 875 שטימען. דאס האט געטריבן די עסקנים אריין א געפערליכע פאניק, צוויי א האלב שעה געבליבן צו שטימען, און די גוים שטייען דערווייל מיט 250 שטימען פאראויס, למעשה, צוליב די פאניק, זענען ארויסגעקומען נאך 500 אידן שטימען, דאס האט געברענגט די טאטעלע שטימען צו 2000, די אידישע ליסטע צו בערך 1100, און די געשאצטע גוים צו בערך 900.

למעשה האט זיך ארויסגעשטעלט נאכ'ן ציילן, אז פיל אידן וואס האבן געשטימט האבן זיך נישט געמאלדען צו די עסקנים אז זיי האבן געשטימט, מילא איז די אמת'ע 6:30 ציפער געווען בערך 800 אידן צו 700 גוים. מיט דעם אלעם האט נאך א שטיקל אויסגעפעלט די פאניק, וויבאלד מען האט נישט געקענט וואוסן טאמער די גוים וועלן נישט אפשר ארויסברענגען נאך 100 שטימען.

איך וויל לשבר את האוזן, אין 2019, האבן די גוי'שע קאנדידאטען אנגעצויגן מער פון וויפיל די אידישע קאנדידאטען האבן אנגעצויגן היי יאר. דאס מיינט, אז טאמער וואלטן די גוים מצליח געווען צו האבן א טראפ בעסער טורנאוט פון וויפיל זיי האבן געהאט 4 יאר צוריק, וואלטען זיי געווינען. (באמת, האבן זיין אין 2019 געהאט 2 גוי'שע קאנדידאט, רעלפי און דזשיגענטי, דזשיגענטי אליינס האט געהאט 37% טורנאוט, רעלפי האט געהאט 5%, צוזאמען האבן זיי געהאט 42%, יעצט איז בלויז רעלפי געלויפן, און וואלט געקענט צוזאמשטעלן די 37% מיט די 5%).

יעצט וואס איז פשט אז די גוים האבן טאקע געהאט אזא נידריגע טורנאוט? קודם די קאנדידאט, רעלפי בראקאו איז וואו געשריבן אויבן, געווען די 2'טע מאיער פון עירמאנט, ער זיצט שוין יארן אין די ווילידזש, און ער איז אביסל א שווערע מענטש, און האט זיך שוין מיט פיל מענטשען צוקריגט, און מילא איז דאס עפעס וואס האט מעגליך אראפגעטריבן זיינע ציפערן. אויב איז דאס אמת, פארוואס האבן זיי עם געשטעלט אלץ קאנדידאט? האבן זיי דאס נישט געוויסט? די תירוץ איז, אז זיי האבן נישט געהאט קיין ברירה, 4 יאר צוריק איז ער גלאפען, און צוגענומען 200 שטימען פון דזשיגענטי, היי יאר וואלט ער ווידער געלאפן, סיי אן פערזערוו, סיי מיט, און ער וואלט ווידער אוועקגעשלעפט 200 שטימען פון זיי, מילא האבן זיי איינגעזעהן אז זייער בעסטע טשאנס איז זיך צו פאראייניגען אונטער עם. נאך א זאך, איז לכאורה געווען זייערע נידריגע מארעל, זיי האבן נישט עכט געהאלטען אז זיי גייען געווינען און מילא זענען זיי געבליבן אין דער היים.

נ. ב. מיינע געשאצטע ציפערן פון די וואל טאג זענען נישט קיין קראנטע ציפערען, נאר בערך א חשבון לויט וויפיל איך האב געהערט פון די עסקנים, און די איבריגע געמאכט א חשבון אליין. איין זאך וואס איך ווייס יא קראנט, אז 6:30 איז די געשאצטע גוי'שע שטימען געווען פיל העכער פון די געשאצטע אידישע שטימען. און באמת זענען די אידן דאן געשטאנען שמאל פאראויס.
אוועטאר
נקדימון
ק.נ.א. פאליטישע קארעספאנדאנט
תגובות: 16516
זיך איינגעשריבן אום: זונטאג נאוועמבער 03, 2019 7:05 pm

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך נקדימון »

בבקשה, געוואלדיג! סאליד קלאר און אינפארמאטיוו.
נואך
שר חמישים ומאתים
תגובות: 272
זיך איינגעשריבן אום: פרייטאג פעברואר 18, 2022 11:27 am

Re: לאקאלע וואלן אין ראקלענד קאונטי.

  • ציטיר
  • צו לייגן א דאנק דארפט איר זיין אריינגעלאגט

תגובה דורך נואך »

בבקשה האט געשריבן: דאנערשטאג מארטש 16, 2023 1:06 pm
קעפל: נייעס און קרישקעלעך פון מאנסי און ראקלענד קאונטי
פרעזידענט פרא-טעמפאר האט געשריבן: דאנערשטאג מארטש 16, 2023 10:18 am
נאכמיטאג האט געשריבן: מיטוואך מארטש 15, 2023 5:46 pm
פארשידענע פארשידענס האט געשריבן: מיטוואך מארטש 15, 2023 5:42 pm
cccrazzy
The traffic. In Monsey. Is getting worser and worse
its abouth time dto do something abouth it
גוט מארגען
אטשולדיגט פאר וואס איך גיי שרייבן אבער ס'איז א פאקט!

ווען פרעזירוו רעמעפאו וואלט געוואונען טאון עלעקשען'ס וואלט מאנסי נישט אזוי אויס געזעהן. ס'וואלט נישט געווען די טרעפיק וואס ס'דא היינט צוטאג אין מאנסי און מען וואלט געוואונט אסאך מער אויס געשפרייט. וואס וואלט געברעגט פרישע אפערטאנעטי'ס פאר היימישע ביזנעסער.

מאנסי האט היינט א טויטע אינפענסטראקטשער.
דאכט זיך אז די שמועס איז מער געאייגענט פאר דער אשכול.

פערזערוו ראמאפאו און זייער נאכפאלגער CUPON איז א גרופע, וואס זייערע עמטליכע ציל איז צוריק צו האלטן אווערדעוועלפמענט אין ראמאפאו, אבער פאקטיש איז די גרופע אן אנטיסעמיטישע גרופע.

פון וואנעט ווייס איך? אפאר ראיות.
פערזערוו פירער האבן געמאכט א יד אחת מיט יאפפעד, וואס האט אווערדעוועלפמענט מיט עדיוקעישן?
פערזערוו פירער ארבייטן האנט ביי האנט מיט פירער פון גרופעס וואס ארבייטן קעגן אידישע דעוועלאפמענט אין גלילת לעיקוואד וואס האט לעיקוואד מיט ראמאפאו?
פארוואס ווען א גוי דעוועלעפעד איז נישט דא אזא וויי געשריי פון פערזערוו, נאר ווען א איד דעוועלעפעד?
פארוואס ווען א איד מאכט איבער זיין הויז פון אינעווייניג, וואס לייגט נישט צו קיין טראפ דעוועלפמענט זענען זיי דערקעגן?

חוץ פון די ראיות איז פערזערוו געווינען נישט קיין ווען זיי געווינען ווען, טאקע טאון האבן זיי נישט געווינען אבער עירמאנט יא, און וואס האבן זיי דאן געטון? וואס איז געשען ווען זיי האבן געווינען קאונטי עקזעקיוטיוו? זיי האבן נישט בלויז אפגעהאלטן פון בויען, נאר זיי האבן אויסגעטיילט סתם צרות פאר יחידים.
איך ווייס פין אן עלטערע אשכנזישע יוד אן אלטע מאנסי תושב וואס האט אנפאנג זיך אנגעשלאסן אין פערזערוו ראמאפאו ווייל ער איז געווען זייער אימצופרידן פין די גאנצע
געבויעריי אבער זיך שנעל אפגעשאקלט ווען ער האט געהערט ווי זיי האקן אויף ישיבות אין אנדערע זאכן וואס האט גארנישט מיט בויען
THE BEST THING THE GOVERNMENT CAN DO TO THE ECONOMY IS NOTHING
אוועטאר
בבקשה
שר חמשת אלפים
תגובות: 5398
זיך איינגעשריבן אום: דאנערשטאג יוני 25, 2020 11:42 am

פראפערטי טעקס, וויאזוי ארבייט דאס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך בבקשה »

דער תגובה וואס איך גיי יעצט שרייבן, האט בעצם נישט מיט די פאליטיק אדער וואלן, אבער כמעט ביי יעדער וואלן איז דאס פון די הויפט נושאים, און מענטשען פארשטייען נישט פונקטליך וויאזוי ער ארבייט (אסאך ווייסען א ביסל, אבער ווייסען נישט די פול פיקטשער), וויל איך שרייבן א תגובה דערויף.

ס'איז דא אין ראקלענד קאונטי פארשידענע גאווערמענטס, אבער בעצם, וואס מיינט א גאווערמענט? אסאך זאכן, אבער פאר אונזערע צוועקן וויל אויך אויסשמועסן איין וועג עס אנצוקוקן, עכ"פ א חלק דערפון. א גאווערמענט שטעלט צו סערוויסעס פאר די ציבור, און די ציבור צאלט פאר דעם שטייער.

די פעדעראלע רעגירונג למשל, שטעלט צו א מיליטער צו פארטיידיגען די לאנד, דאס קאסט געלט, זיי נעמען דאס פון שטייערצאלער. יעצט וויאזוי לייגט רעגירונג שטייער?

די פעדעראלרע רעגירונג און סטעיט רעגירונג לעבן בעיקר אויף אינקאם טעקס.
די קאונטי לעבט אויף סעילס טעקס, און אויף פראפערטי טעקס.
די טאון, די ווילידזש און די סקול באורד לעבן בעיקר אויף פראפערטי טעקס.

סיי די קאונטי, די טאון, די ווילידזשעס און די סקול באורדס, לעבן עכ"פ א חלק פון פראפערטי טעקס, וויאזוי גייט דאס צו?

זיי וועלען מאכן א בודזשעט, כך וכך וועט מיר קאסטען צו רייניגען די שניי, כך וכך וועט מיר קאסטען אויפצופיקן די גארבידזש, כך וכך קאסט די פאליציי, וכו' וכו', דערנאך וועלן זיי מאכן א ליסטע פון הכנסות, כך וכך פון די סטעיט, כך וכך וועל איך באקומען פון קנסות, וכו' וכו', בעיקר וועלן זיי זאגן, פון פראפערטי טעקס וועל איך באקומען כך וכך. דער סכום וויפיל זיי באשטימען, דאס דארף מען פון פראפערטי טעקס, דאס הייסט די "טעקס לעווי". (tax levy).

יעצט לאמיר אביסל אריבערגיין צו די אנדער זייט מטבע, די הייזער, און עססעסמענטס. ווען איך האב מיר די ערשטע מאל באגעגנט מיט אן עססעמענט, בין איך געווען זייער צומישט, די עססעמענט איז געווען פיל ווייניגער פון וויפיל די הויז איז ווערט געווען, שפעטער האט מיר איינער מסביר געווען אז די עססעסמענט איז בלויז א פרעסנטידזש פון די הויז, האב איך שוין פארשטאנען פארוואס ס'איז אזוי נידריג, אבער ס'האט מיר נאך אלץ געשטערט, וואס איז פשט פון דאס מאכן אזוי קרום, פארוואס נישט מאכן גראד, וויפיל די הויז איז ווערט, אזויפיל איז די עססעמענט?

די תירוץ איז אזוי, לאמיר זאגן, א טאון מאכט זיך אויף, א נייע טאון, האט בלויז איין הויז, די עססעסער קומט אראפ, מאכט זיך די חשבון, אקעי, די הויז איז ווערט $100,000. שרייבט אראפ, עססעמענט הויז 1: $100,000. נעקסטע יאר, האט זיך די טאון צווואקסען, ס'איז צוגעקומען נאך א הויז, די הויז איז פונקטליך די זעלבע וואו די ערשטע הויז, עססעסער קומט אראפ, שאצט אפ, שרייבט אראפ עססעמענט הויז 2: $110,000. וואס גייט דא פאר שרייט הויז 2, איך בין דאך פונקט די זעלבע וואו הויז 1 וואס איז עססעסד פאר $100,000? פארוואס האסטו ארויף געלייגט נאך $10,000? זאגט די עססעסער, קוק, ס'איז געווען אינפלאציע, ס'איז געווארען א מאנגל אין הייזער, מילא יעצט ביסטו ווערט $110,000, באמת, ווען איך גיי יעצט עססעסן הויז 1, וואלט איך עם אויך עססעסד פאר $110,000. זאגט הויז 2, וואו איז די יושר? וויבאלד עם האסטו עססעסעד פאראיאר, דארף ער צאלן ווייניגער שטייער? וואו איז די יושר?

כדי צו פאררעכטען די פראבלעם, איז דא וואס רופט זיך די "עקוויליזעשען רעיט" (equalization rate), וואס דאס ארבייט אזוי, די עססעסער וועט יעדער יאר מאכן א חשבון, וויפיל האט צוגעגעבן אינפלאציע צו הייזער? וויפיל האט די מאנגל אין דירות צוגעגעבן צו די העכרונג פון דירות פרייזן? דערנאך וועט ער אויפקומען מיט א פערסעטידזש, וואס לפי דעתו וועט מאכן אז היי יעריגע עססעמענט זאלן זיין בדרך כלל אויף די זעלבע ראטע וואו די אנדערע יארן. צוריק צו אונזער משל, די עססעסער מאכט זיך א חשבון, אה 10% איז ארויף די פרייז לכבוד אנדערע פאקטארען, מילא ווען איך שאץ הויז 2 פאר $110,000, מוז איך אראפנעמען לפי חשבון, אזוי ביידע אייניגע הייזער זאלן זיין עססעסעד פאר די זעלבע $100,000.

לאמיר איבערגיין, הויז 1, וועלעכע איז געשאצט געווארען יאר 1, פאר $100,000, וועט יאר 1 שטיין אויף זיין טעקס ביל אזוי, עססעמענט: $100,000, עקוויליזשען רעיט: 100%, געשאצטע עכטע פרייז: $110,000, הויז 2, וועלעכע איז געשאצט געווארען יאר 2, ווען די עקוויליזעשען רעיט איז געווען בערך 91%, וועט זיין עססמענט אויך זיין $100,000. ביידע, סיי הויז 1 און סיי הויז 2, וועלן זעהן אויף זייער טעקס ביל אזוי, עססמענט: $100,000, עקוויליזעשען רעיט: 91%, געשאצטע עכטע פרייז $110,000.

אן אנדערע וועג צו קוקן דערויף, עססעסמענט איז אן אינפלאציע-פרוף חשבון אויף וויפיל דיין הויז איז ווערט, עכטע וועליו איז נישט אינפלאציע-פרוף, דער וועג וויאזוי מען האלט די עסססעמענט אינפלאציע-פרוף, איז דורך טוישן די עקוויליזעשען רעיט.

יעצט לאמיר צוריקגיין, די טאון האט זיך געמאכט א חשבון וויפיל געלט ער דארף, יעצט דארף מען צוטיילן די שטייער לויט די הייזער, וויאזוי צוטיילט מען עס? רוב מאל דורך עס צוטיילען לויט די עססעמענטס, דהיינו, מען נעמט די טעקס לעווי, און מען צוטיילט עס לויט די עססעמענט פון "אלע" הייזער אין די טאון, און יעדער דארף צאלן לויט זיין עססעסמענט. למשל, אויב די לעווי איז $1000, און ס'איז די 3 הייזער ,2 זענען עססעסעד פאר $100,000, און די דריטער פאר $200,000, וועט מען נעמען די לעווי -אין אונזער פאל $1000-, און מען וועט צוטיילען לויט אלע עססמענטס -אין אונזער פאל $400,000- קומט אויז אז פאר דאללער עססעסעד דארף מען צאלן (1000/400000) $0.025, די הייזער וואס זענען עססעסעד פאר $100,000 וועלן צאל לפי חשבון $250, און די $200,000 וועט צאלן $500, א חלק טעקסעס וועלן באצלאט ווערען פער יוניט, נישט פער עססעסעד, נאר עס וועט צוטיילט ווערן גלייך לויט אן אנדערע חשבון, וואס הייסט יוניטס, בדרך כלל איז א סינגל פעמילי הויז איין יוניט, א קאנדאו וועט זיין איין יוניט פער קאנדאו, און ביזנעסער וועלן האבן ספעצילע הלכות (די יוניטס ווערען באשטעטיגט בשעת די פראצודער פון בויען די הויז, ווען מען באקומט די פערמיט, און מען מאכט די אינספעקעשענס, ערגעץ בשעת די פראססעס, וועט באשטעטיגט ווערן די יוניטס פון די געביידע).

לאמיר איבערגיין בקיצור וויאזוי עס ארבייט
1. די עססעסער וועט שאצן דיין הויז, דערנאך וועט ער לייגן אן עססעד וועליו לויט די יעצטיגע עקוויליזעשען רעיט
2. די עססעמענט איז אינפלאציע-פרוף, און עס טוישט זיך נישט מיט אינפלאציע
3. די עקוויליזעשען רעיט טוישט זיך יעדער יאר, מיט די ציל צו האלטען די עססעמענט אינפלאציע-פרוף
4. די טאון דארף געלט פאר א צוועק, זיי לייגן א טעקס לעווי, דאס איז וויפיל זיי דארפן סך הכל פון די טאון שטייערצאלער צו דעקן הוצאות
5. על פי רוב, וועט די טעקס לעווי צוטיילט ווערן לויט די טאטעל עססעסמענט פון די טאון, און דערנאך וועט יעדער צאלן לויט זיין עססעמענט.

אפט מאל, וועל איך הערן די פראגע, וואס איז פשט, די הייזער גייען ארויף אין וועליו, און די שטייער קומט נישט אראפ, וואס איז פשט? יעצט אבער אז מען האט א קלארע פארשטאנד וויאזוי שטייער ארבייט, פארשטייט מען אז דאס איז בכלל נישט קיין קשיא, וויבאלד דאס וואס הייזער גייען ארויף, דאס האט מיט אינפלאציע, אדער שוואכע סופליי, און שטארקע דימענד, און דאס טוהט בכלל נישט אפעקטירען די עקזיסטירינע עססעמענטס, וועלעכע בלייבן די זעלבע, אפגעזעהן וויפיל די הייזער גייען ארויף אין וועליו.

אויך וועל איך הערן די פראגע, יעדער יאר קומען צו נאך הייזער, שווערע הונדרעטער מיליאנען דאללער ווערט, וואס איז פשט אז טעקס גייט נישט אראפ? די תירוץ איז נישט אזוי פשוט, ס'איז אמת, אז דאס וואלט געדארפט אראפברענגען שטייער, אבער די אמת איז 2-פאכיג, איינס טאטעל עססמענטס גייען נישט אזויפיל ארויף, 2, טעקס לעווי גייט יא ארויף. נקוט האי כללא בידך, אויב טעקס לעווי גייט ארויף מער פון וויפיל די עססמענטס גייען ארויף פרעצענטועל, למשל, טעקס לעווי גייט ארויף 5%, אבער טאטעל עססמענטס גייען ארויף 1%, דאן וועט שטייער ארויף גיין, אויב אבער פארקערט, למשל אז די לעווי גייט בלויז ארויף 0.5%, דאן וועט שטייער אראפגיין.

אין אנדערע ווערטער, ווען לעווי וואקסט שנעלער פון עססמענטס, גייט שטייער ארויף, און ווען עססמענטס וואקסן שנעלער, דאן פאלט די שטייער. די סיבה פארוואס שטייער אין ראמאפאו גייט נישט אראפ אזוי שנעל, איז וויבאלד עססמענטס פארן זייער שטייט ארויף.

פארוואס טאקע? וואס איז פשט אז די עססמענטס פארן נישט ארויף? יעדער יאר איז דא הונדרעטער נייע דירות, וואס דאס וואלט געדארפט ארויף טרייבן די עססמענטס? אויף די פראגע האב איך נישט קיין פאקטישע תירוץ, ס'איז נישט דא קיין תירוץ וואס איך קען זאגן דאס איז די סיבה, און ווייזן שווארץ אויף ווייס דאס איז די סיבה, אבער שעפוקלירען קען איך, אבער די שעפוקלאציעס זענען בלויז דאס, שעפוקלאציעס.

איין מעגליכע הסבר איז, אז יעדער יאר מאכט זיך אויף פון פריש קאנגרעגעשעינס, וואס זיי צאלן נישט קיין טעקס, און מילא פאלט לכבוד דעם די טאטעל עססמענטס. נאך א מעגליכע הסבר, איז די ריעססמענטס, באמת דארף די עססעסער ריעססעסען די הייזער יעדער פאר יאר, אבער ס'איז נישט קיין סוד אז ער טוהט דאס נישט. אבער וואס יא, אסאך מאל וועט מען וועלן אז הויז זאל ווערען ריעססעסעד, מען וועט נעמען א לויער, און ער וועט שוין זיכער מאכן אז דיין עססעסמענט זאל אראפגיין, און דאן וועט אויך די טאטעל עססמענטס אראפגיין. אבער וואו געזאגט אז דאס אלעס שעפוקלאציעס, נישט קיין קראנטע זאכן.

איך וויל אביסל אוטערשטרייכן די נקודה וואס איך זאג, בנוגע די עקוויליזשען רעיט, און די שטייער, ברענג איך דא 3 טשארטס, וועלעכע פארגלייכן די צוויי סקול דיסטריקטס וואו אידן וואוינען בעיקר, די איסט ראמאפאו צענטראלע סקול דיסטריקט, און די סופפערן צענטראלע סקול דיסטריקט. צענטראלע מיינט
East Ramapo vs Suffern Taxes Per $1000 Assessed.png
East Ramapo vs Suffern Taxes Per $1000 Assessed.png (48.47 KiB) געזען 1807 מאל
East Ramapo vs Suffern Taxes Per $1000 Value as per Assessor's Estimated Market Value.png
East Ramapo vs Suffern Taxes Per $1000 Value as per Assessor's Estimated Market Value.png (55.43 KiB) געזען 1807 מאל
East Ramapo vs Suffern Tax Levy Increase.png
East Ramapo vs Suffern Tax Levy Increase.png (36.84 KiB) געזען 1807 מאל
די אויבערשטע טשארט איז וויפיל שטייער עס האט געקאסט פער $1000 עססעסעד, אויב קוקט מען די טשארט (די ליין איז א טרענדליין) שטעלט זיך די בילד ארויס אזוי, איסט ראמאפאו איז די שטייער אויף ביז 2017, געווארען פלאך, און זייט 2019 איז עס געפאלען, סאפפערן איז געשטיגן ביז 2020, אבער איז לעצטנעס פלאך.

אבער די ערשטע טשארט ווייזט נאר די שטייער כלפי די אינפלאציע-פרוף עססמענט, וואס טוהט זיך ווען מען קוקט אויף די געשאצטע אמת'ע ווערט? דאס איז די צווייטע טשארט, שטעלט זיך ארויס א גאנצע אנדערע בילד, ביידע האבן זיך געהויבן ביז 2015, און ביידע זענען דערנאך שטארק געפאלן, מיט איסט ראמאפאו פאלנדיג פיל שטערקער פון וויפיל סאפפערן איז געפאלן.

וועלעכע ציפער איז דער מער אויסגעהאלטענע ציפער, עססעסעד וועליו אדער געשאצטע עכטע וועליו? די תירוץ איז ווענדט זיך וועלעכע קאנטעקסט מען רעדט, און רוב פעלער איז די עססעסעד וועליו די מער אויסגעהאלטענע ציפער, אבער ווען איינער פרעגט, וואס איז פשט אז הייזער גייען ארויף אין וועליו, אבער שטייער גייט נישט אראפ, איז די תירוץ, לא דובים ולא יער, ס'איז היפש אראפגעגאנגען. די נעמסט נאר אן אינפלאציע-פרוף ציפער, און די פרעגסט פארוואס אינפלאציע טוישט עס נישט.

די דריטע טשארט איז פשוט צו פארגלייכן וויפיל די טעקס לעווי האט זיך געטוישט פון יאר צו יאר.
אוועטאר
י גרין
שר האלף
תגובות: 1172
זיך איינגעשריבן אום: דאנערשטאג יולי 09, 2020 3:39 am

Re: לאקאלע פאליטיק און וואלן אין ראקלענד קאונטי

  • ציטיר
  • צו לייגן א דאנק דארפט איר זיין אריינגעלאגט

תגובה דורך י גרין »

אויב סהאט גארנישט מיט די עפפרעיזט וואליו וואס ספארקויפט זיך, פארוואס קען מען עדשאסטן די טעקסעס נאך א סעיל ווייזנדיג אז סאיז ווערט ווייניגער?
שרייב תגובה

צוריק צו “אקטועלע נייעס”