farshlufen האט געשריבן:שאץ מאץ האט געשריבן:און אז מ'רעדט שוין...
וואס גייט פאר מיטן דעם פסוקי דזמרא שבת צופרי אין רוב שול'ן....
נעמט עס טאקע א האלבע שעה אדער 35 צו דאווענען די ווערטער פון פסוקי דזמרא???
יא.
אין ליכט פון וואס איינער האט שוין געהאט אויפגעברענגט דעם נושא דא, האב איך די וואך געכאפט א בליק אויפן זייגער.
איך האב אנגעהויבן ידיד נפש מיטן בע"ת אום 9:34 (ווען רוב ציבור איז נאכנישט געווען אין שול, און פון די וואס יא האבן רוב ציבור נאכנישט אנגעהאט קיין טלית, און פון די וואס יא האבן א חלק נאכנישט געהאלטן ביי ידיד נפש...).
איך האב מיטגעדאוונט מיטן בע"ת, רוב שטיקלעך האט ער געענדיגט בערך צוזאמען מיט מיר, איינצלנע מאלן האב איך איהם געדארפט א טראפ נאכיאגן.
ביי שוכן עד האב איך נאכאמאל געקוקט אויפן זייגער און געווען סורפרייזט צו זעהן אז ס'איז שוין 10:11.
דאס מיינט אז מ'האט געדאוונט פסוקי דזמרא 37 מינוט, און נישט נאר ס'נישט געווען צו לאנג, נאר אפשר אפי' א טראפ צו שנעל.
פארשטייט זיך אז ארויסזאגן די ווערטער, און אפי' מיט עטוואס כוונה, קען מען סאך שנעלער פון דעם.
אבער דער שבת'דיגער דאווענען האט א ספעציעל ווארעמע נוסח, און ס'צוגייט פשוט אין די ביינער, איז פארוואס זאל מען זיך נישט אביסל אריינטון אינעם דאווענען שבת ווען מ'יאגט זיך נישט?
(ווער רעדט נאך אויב דאוונט מען אזוי ווי אמאליגע חסידישע יודן, מיט הלל הגדול און די שירה פסוק ביי פסוק חו"ק, (אזויווי רביה"ק בעל ברך משה האט איינגעפירט אנהייב תש"מ יארן), דאן קען מען דאווענען 45 ביז 50 מינוט פסוקי דזמרא).
נאך א נקידה, דער בע"ת האט נישט געווארט קיין 1 רגע צווישן שטיקלעך!
אלע שטיקלעך געזאגט אין א רייע איינס נאכן צווייטן.
דאס וואס דו (שאץ מאץ) שרייבסט אז מ'זאל נישט אפהאלטן דעם בע"ת ווייל זיך צו צושטעלן צו שפעט קומערס, מיט דעם בין איך 100% מיט דיר.
די וואס קומען צייטליך דארפן נישט ליידן וועגן די שפעט קומערס.
און צו דארפן ווארטן אפי' נאר 5 מינוט אינמיטן פסוקי דזמרא איז אן אפקומעניש!
מ'האלט שוין דא, די התלהבות איז אויפן וועג ארויף, יעצט גיי קלאץ פאר 5 מינוט.. אדער נעם זיך לייענען גליונות.. און נאכדעם גיי זיי ממשיך תתברך לנצח מיט א ברען...
אבער צו די שאלה אויב ס'נעמט טאקע 35 מינוט, איז מיין ענטפער א גרויסע יא.