פון דעם היינטיגען טעגליכער "דער איד" ה' תצוה ט׳ אדר תשפ"ג
אמעריקע קומט צום אויספיר: "האוואנא סינדראם" איז נישט פיינטליכע וואפן
וואשינגטאן – נאך עטליכע יאר פון דראמא, פארדאכט און אויספארשונגען, איז די אמעריקאנער רעגירונג געקומען צום אויספיר אז די "האוואנא סינדראם" וואס האט אפעקטירט צענדליגער אמעריקאנער שפּיאנאזש אגענטן און דיפּלאמאטן אין אויסלאנד, איז נישט א פיינטליכע וואפן פון אן אנדער לאנד.
די "האוואנא סינדראם" האט באקומען דעם נאמען צוליב וואס די ערשטע פעלער פון אמעריקאנער באאמטע וואס האבן געשפּירט שווערע מח שטורצן, אויער שמערצן און אנדערע סימפּטאמען, איז געווען אין האוואנא, די הויפּטשטאט פון קובא, אין יאר 16'. זינט דאן האבן שוין ענליכס פּאסירט אין 96 לענדער.
דאס ערשטע פארדאכט איז באלד געפאלן אז עס איז א געוויסע סארט "מיקראוועיוו וואפן" אדער עפּעס ענליכס, וואס א פיינטליך לאנד נוצט צו שעדיגן אמעריקאנער אגענטן און דיפּלאמאטן. מ'פארשט שוין פאר זיבעצן יאר, און מ'האט פארדעכטיגט רוסלאנד, כינע און אנדערע פיינט אין דאס אונטערשטעלן.
למעשה צייגט א נייע שפּיאנאזש באריכט אז מען איז געקומען צום אויספיר אז עס איז בכלל נישט די ארבעט פון א פיינטליכע וואפן, נאר די פילע פעלער פון סימפּטאמען וואס אגענטן און דיפּלאמאטן האבן געשפּירט אין אויסלאנד זענען געווען דער רעזולטאט פון נאטורליכע סיבות אדער אינדיווידועלע געזונט אישוס.