אומבאקאנטע קברי צדיקים אין צפון א"י

אידישע און אלגעמיינע היסטאריע

די אחראים: אחראי, גבאי ביהמד

טריסקער
שר ששת אלפים
תגובות: 6427
זיך איינגעשריבען אום: מאנטאג מארטש 28, 2016 7:00 pm

תגובהדורך טריסקער » דאנארשטאג נובעמבער 17, 2016 9:40 am

משה, אויף די מערה פון אביי ורבא האט שוין הרב אשר זעליג מרגליות ז"ל געזאגט אז דאס איז נישט וואו די עולם גייט היינט, ער זאגט די מערה וואו מ'גייט היינט איז בכלל נישט די מערה פון אביי ורבא נאר פון אובאקאנטע נפטרים, און די אמת'ע מערה פון אביי ורבא איז אינעם בעיס.

אוועטאר
משהזוךמיר
שר ארבעת האלפים
תגובות: 4999
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » דאנארשטאג נובעמבער 17, 2016 3:38 pm

שכ'ח פאר'ן אויפמערקזאם מאכן. איך האב נישט געוואוסט דערפון. אבער אזויפיל זעהט מען פון דעם, אז די קבר וואס קדמוננו שרייבט איז שוין געווען דעמאלטס אנגענומען, כאטש נישט ריכטיג....
לעצט פאראכטן דורך משהזוךמיר אום דאנארשטאג נובעמבער 17, 2016 7:45 pm, מאל פאראכטן געווארן 1 סך הכל.

טריסקער
שר ששת אלפים
תגובות: 6427
זיך איינגעשריבען אום: מאנטאג מארטש 28, 2016 7:00 pm

תגובהדורך טריסקער » דאנארשטאג נובעמבער 17, 2016 6:02 pm

אין די 'שטערן' איז געווען באשריבן די השתלשלות העניינים, איך וועל דאס שרייבן גאר קורץ:

ביים בויען דעם ארמי בעיס האט מען געטראפן א מערה אינמיטן גראבן, די ארמי האט גערופן הרב אשר זעליג מרגליות ז"ל צוזאמען מיט נאך מומחים וואס האבן באשטעטיגט אז דאס איז גאר די מערה פון אביי ורבא (ס'דא א פונקטליכע צייכענונג דערפון וואו מ'קען זען זאגאר וועלכע כוך איז אביי און וועלכע איז רבא און וועלכע איז רב דימי מנהרדעא), און זיי האבן אפגעמאכט מיט די ארמי אז זיי זאלן נישט צורירן צו די מערה (נישט זאגנדיג פאר די ארמי פון וועמען דאס איז).

קורץ דערויף האבן די ארמי געטראפן א צווייטע מערה (וואו מ'גייט היינט אלס אביי ורבא), אבער דא האבן די ארמי נישט מסכים געווען צו דאס לאזן אומבארירט און זיי האבן אנגעהויבן גראבן דארט. איז הרב מרגליות ארויסגעקומען מיט דעם רוף מוחה צו זיין אויף די גראבונגען, אבער וואוסנדיג אז צו א פארשטופטן פלאץ וועלן ווייניגער מוחים קומען און די אפקלאנג וועט זיין גאר שוואך און וועט אויב אזוי נישט אויפטוהן, האט ער אויסגערופן אז דאס איז די מערה פון אביי ורבא וועלנדיג ראטעווען די מערה, און הערנדיג די נעמען זענען טאקע גאר אסאך מוחים ארויסגעקומען און געפירט א שווערע קאמף וואס האט טאקע ענדע מצליח געווען.

נאכן הצלחה האט הרב מרגליות - להשלמת העניין - אויפגעשטעלט צוויי פלאכע מציבות פון בעטאן אלס אביי און רבא, און א צייט שפעטער, נאך וואס עמיצער האט אים אויפגעמערקט אז אינעם מערה פון אביי ורבא ליגט אויך רב דימי מנהרדעא, האט ער צוגעלייגט א מציבה פון בעטאן אלס רב דימי מנהרדעא.

אבער ער אליין האט - נאך וואס אלעס האט זיך בארואיגט - געזאגט אז די מערה איז נישט פון אביי ורבא, אויפווייזנדיג דערביי אז דאס שטימט בכלל נישט מיט וויאזוי די מערה פון אביי ורבא דארף אויסצוקוקן.

די זעלבע פרשה האט זיך איבערגעשפילט ביי מערת רב פפא, אבער דארט איז דאס טאקע זיין מערה (דארט האט מען זאגאר שוין געהאט ארויסגעגראבן די ביינער, אבער נאך די שווערע הפגנות האבן די ארמי דאס צוריקגעלייגט).

אוועטאר
משהזוךמיר
שר ארבעת האלפים
תגובות: 4999
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » דאנארשטאג נובעמבער 17, 2016 7:00 pm

שכ'ח הרב טריסקער פאר די היסטארישער באריכט. באמת האט קדמונינו אויך געטון אמאל אזאנס, וואס איך וועל אי"ה באשרייבן במקומו.
אגב אויף די טעיפ פון די הפגנה אדר תשל"ט הערט מען ווי אינמיטן די הפגנה קומט אריין די באריכט אז זיי האבן געזאגט אז זיי גייען צוריקגעבן די ביינער (מען רעדט דארט פון די ביינער פון אביי ורבא אבער לפי הנ"ל קומט אויס אז מען רעדט פון די ביינער פון רב פפא ובניו.

אוועטאר
משהזוךמיר
שר ארבעת האלפים
תגובות: 4999
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

ר' עקיבא

תגובהדורך משהזוךמיר » פרייטאג נובעמבער 18, 2016 12:21 am

און פארשטייט זיך אז מ'קען נישט רעדן פון טבריה און נישט דערמאנען דער תנא ר' עקיבא דער יסוד פון תורה שבעל פה און פון די עשרה הרוגי מלכות וואס אויף זיי שטייט אז קיין שום מלאך ושרף קען נישט אריינקומען במחיצתם, (כאטש וואס זיין ציון איז זייער באקאנט).
מעשה היה ברבי עקיבא שהיה חבוש בבית האסורים ור' יהושע הגרסי היה תלמידו ומשמשו. ערב יום הכפורים נפטר ממנו והלך לביתו, בא אליהו ז"ל ועמד על פתח ביתו, אמר ליה שלום עליך רבי, אמר ליה שלום עליך רבי ומורי, אמר ליה כלום אתה צריך, אמר לו ומי אתה, אמר ליה כהן אני ובאתי להגיד לך שרבי עקיבא מת בבית האסורים. מיד הלכו שניהם לבית האסורין ומצאו פתח שער בית האסורין פתוח ושר בית הסוהר היה ישן וכל האסורים היו ישנים והשכיבו את ר' עקיבא על המיטה ויצאו. מיד נטפל אליהו ז"ל ונטלו על כתפיו, וכשראה רבי יהושע כך א"ל לאליהו ז"ל רבי והלא אמש אמרת לי שכהן היית וכהן אסור לטמא במת, אמר לו דייך ר' יהושע בני, חס ושלום שאין טומאה בתלמידי חכמים ואף בתלמידיהם. והיו מוליכים אותו כל הלילה עד שהגיעו לאנטיפרס של קוצרין, כיון שהגיעו לשם עלו שלש מעלות וירדו שלש מעלות ונפתח המערה לפניהם וראו שם כסא וספסל ושולחן ומנורה, והשכיבו את ר' עקיבא על המיטה ויצאו, וכיון שיצאו נסתמה המערה ודלקה הנר על מנורה, וכשראה אליהו כך פתח ואמר: אשריכם צדיקים ואשריכם עמלי תורה ואשריכם יראי אלהים שגנוז וטמון לכם ומשומר לכם מקום בגן עדן לעתיד לבא, אשריך רבי עקיבא שנמצא לך מלון ערב בשעת מיתתך". [ילקוט שמעוני משלי רמז תתקמד]


עס געפינט זיך אויבן אויפ'ן בארג, פיל העכער ווי דער ציון פון ר' חייא ובניו. לויט פיל מקורות איז די גאנצע בארג פול מיט די קברים פון זיינע 24,000 הייליגע תלמידים.

אזוי אויך ליגט גלייך דערנעבן דער הייליגער רמח"ל.

ממש לעצטנס האט מען געבויעט א מקוה אויפ'ן שטח, אזוי אויך האט מען געבויעט א נייע (ספרדישע) ביהמ"ד העכער דעם ציון (די מזרח וואנט פונעם נייעם ביהמ"ד איז העכער דער מערב וואנט פונ'ם ציון, וואס דארט איז די מערה.)

אויף די ערשטע בילד אויף די לינקע זייט זעהט מען דעם מקוה, דערנאך דער אוהל פון ר' עקיבא (דער העכערער בנין) און דערנאך דעם אוהל פון רמח"ל.
IMG_1559.JPG


אויף די צווייטע בילד - געכאפט פון די אנדערע זייט - זעהט מען פון רעכטס צו לינקס: די נייע בנין, דערנאך זעט מען באהאפטן דערצו דעם אלטן בנין וואס דערין איז די פתח המערה, דערנאך דעם אוהל פון רמח"ל.
IMG_1561.JPG


אויפ'ן דריטן בילד זעהט מען די מציבה אין דעם נייעם בנין העכער די פתח המערה

IMG_1563.JPG

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » מוצ"ש נובעמבער 19, 2016 2:47 pm

אנטשולדיגט מיר, אבער דער רמח"ל ליגט דארט נישט, עס איז בס"ה געווען א מאטיוו פון די מדינה אהין צו שלעפן מענטשן. כמעט נישטא קיין מקורות דערויף.
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » מוצ"ש נובעמבער 19, 2016 2:50 pm

טריסקער האט געשריבן:משה, אויף די מערה פון אביי ורבא האט שוין הרב אשר זעליג מרגליות ז"ל געזאגט אז דאס איז נישט וואו די עולם גייט היינט, ער זאגט די מערה וואו מ'גייט היינט איז בכלל נישט די מערה פון אביי ורבא נאר פון אובאקאנטע נפטרים, און די אמת'ע מערה פון אביי ורבא איז אינעם בעיס.


היינט צו טאגס איז עס איז נישט ממש אינעם בעיס, עס איז בס"ה א מערה וואס געפינט זיך עטליכע פיס נאך די באקאנטע מערה, אבער עס איז היינט צו טאגס שוין פארשטאפט און נישט מעגליך אריינצוגיין. געוויסע ידנעים, ווי אנשין וחבריו, ווייזן אן אויף א דריטע מערה וואס איז אביסל ווייטער, אונטערן בעיס, אבער עס איז שווער אנצוקומען אהין ווייל מ'קען זיך גאר גרינט אויסגליטשן און אריינפאלן אינעם טאל
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » מוצ"ש נובעמבער 19, 2016 2:52 pm

לחיים ולשלום האט געשריבן:ס'איז דא ערנסטע מקורות אויף די קראנטקייט פון רחל אשת רבי עקיבא, ווייל מאנכע טענה'ן אז ס'איז זייער נישט מקורות'דיג?
אויף רבי ירמי' זעט מען דאך אין ספרי רבי חיים וויטאל בשם דעם אר"י הק' אז ער ליגט ביים עק פון די שטאט טברי'


באבא סאלי האט געשפיגן זאגענדיג אז עס ליגט דארט א אראבקע. צו 'סאמת צו נישט זאלט איר זאגן.
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » מוצ"ש נובעמבער 19, 2016 3:10 pm

משהזוךמיר האט געשריבן:וואס וויל איך ארויסברענגען?
איך וויל ארויסברענגען די חילוק צווישן ועד להצלת קברי הקדמונים בא"י (אויך באקאנט אלס קדמונינו) און אהלי צדיקים.


דער ועד להצלת קברי הקדמונים בא"י איז נתייסד געווארן בשנת תשמ"א דורכ'ן דעמאלס'דיגן ירושלים'ער בית דין, מיטן ציל צו אויפבויען ציונים אויף די קברי צדיקים אין א"י, אלס מיטל קעגן די רעגירונג וואס האט אין יענע תקופה געארבעט העפטיג אויסצורייסן וואס מער קברים איבער די לענג און די ברייט פון א"י. דער ועד איז באשטאנען פון א קבוצה מיטליעריגע יונגעלייט וואס האבן - שוין דעמאלטס, פאר 36 יאר צוריק - געהאט צענדליגער יארן ערפארונג און ידיעות איבער די קברים, און האבן געהאט געדינט אין די מיליטערישע חברה קדישא אזוי אז זיי האבן געהאט ערפארונג מיט מתים און קבורה. די קבוצה זענען געווען בחורים בשנת תש"כ ווען מען האט אויסגעגראבן די קברים ארום דעם הייליגן רמב"ם'ס ציון, און דער בריסקער רב זי"ע האט זיי געשיקט ראטעווען די ביינער. זיי זענען אהינגעגאנגען פארנאכטס ווען די ארבעטער האבן שוין פארלאזט דעם פלאץ אבער עס איז נאך געווען אויפגעשלאסן, און זיי האבן ארויסגע'גנב'עט די ביינער, און מען האט עס שפעטער צוריק מקבר געווען.
נעם למשל א איד ווי הרה"ח הישיש ר' גרשון קויפמאן, א איד שוין אין די גבורות, וואס ער האט ביי זיין בר מצוה (בערך שנת תש"י) געבעטן פונ'ם חזון איש זי"ע (ער איז געווען א שטיף אייניקל - זיין טאטע איז אויפגעוואקסן ביים חזו"א) א ברכה היות ער וויל עוסק זיין אינ'ן תחום פון קברים, און עס איז דא אסאך פלעצער וואס זענען מסוכן, וויל ער א ברכה אז עס זאל אים נישט שאדן. האט אים דער חזו"א געגעבן א הבטחה(!) אז עס וועט אים קיינמאל נישט שאדן (און עס האט אים טאקע קיינמאל נישט געשאדט, טראץ וואס ער איז שוין געווען אין די מסוכנ'דיגסטע פלעצער. פארנדיג מיט אים אין צפון קען מען הערן יעדע שטיק צייט ווי ער מאכט די ברכה "שעשה לי נס במקום הזה"... טיילמאל מיט שם ומלכות און טיילמאל אן, לויט ווי מען האט אים גע'פסק'נט נאך יעדע מעשה... אזוי אויך האט מיר דערציילט א איד וואס פארדינגט קארס אז ר' גרשון האט דריי מאל אים צוריקגעברענגט די קאר, יעדע איינציסטע שטיקל דערפון.... און ער האט נישט פארשטאנען פארוואס ער רעגט זיך, איך האב דאך אפי' צוריקגעברענגט די שליסל!... און ער האט אלעס איבערגעלעבט און גייט ווייטער אן ב"ה.)
ער איז געווען דער וועגווייזער פאר'ן רבי'ן זי"ע אין תשי"ח - נאך אלס בחור! - און אין תשכ"ה ווען דער רבי איז געגאנגען אויף מקומות הקדושים, און אזוי אויך האט ער ארומגעפירט רוב רבי'ס פון פריערדיגן דור ווי הרה"ק ר' חיים מאיר'ל מוויזניץ זצ"ל, וועלכער פלעגט אים כסדר נעמען ווען ער איז געגאנגען אויף מקומות הקדושים, סקולענער רבי זצ"ל, און אנדערע.
מען רעדט דא פון אידן וואס האבן מקבל געווען פון די "גאר" פריערדיגע דור די קבלה איבער קברים, און יעדער פון זיי האט זיך מוסר נפש געווען אפצוהיטן די קברים, זיי זענען געקראכן אויף די פיר מיט שטיינער אויפ'ן רוקן אויף הויכע מסוכן'דיגע פעלזן צו בויען ציונים.
און, דער גרעסטער ראי' אויף זייער פארלעסליכקייט איז, אז עס איז דא פלעצער ווי זיי זאגן אז זיי האבן פארלוירן דעם פונקטליכן פלאץ, און זיי ווייסן נישט וואו עס איז.

לעומת זה, ר' ישראל מאיר גבאי איז גאר א וואוילער איד וואס האט שוין אויפגעטון גדולות ונצורות אין ראטעווען בתי חיים אין אייראפע (טראץ וואס ער איז א ספרדי און האט נישט קיין שום זיידעס אין אייראפע!), אבער, בענין קברי צדיקים אין א"י איז ער זייער נישט פארלעסליך אזוי ווי אין דער אויבנדערמאנטער דוגמא. בעיקר וואס ער האט געטון אין א"י איז אז אויף כמעט יעדן קבר וואס קדמונינו האט געבויעט, האט ער גע'טענה'ט אז יענער ליגט נישט ממש דארט נאר אביסל ארויפציר, אדער גאר אין אן אנדערע געגנט אינגאנצן. אזוי אויך האט ער אין יעדע לאך (כידוע זענען די בערג אין צפון א"י פול מיט מערות קבורה, און מען קען איבעראל זען לעכער - די פתחי המערות) האט ער "מברר געווען" ווער עס ליגט דארט און געלייגט צעטלעך, בעת וואס קדמונינו האט געלייגט נאר וואס זיי האבן געהאט מקובל (חוץ איין פלאץ וואס זיי האבן בכונה צוגעלייגט, און מיר וועלן עס בעזר השם אויסשמועסן במקומו.)
און בנוסף לזה, איז ער זייער א תמימות'דיגער וואס נעמט אן זאכן זייער גרינג. אן טון די נויטיגע ריסוירטש (לדוגמא, ער זוכט יעצט דעם ציון פון הרה"ק ר' אלישע מגארליץ זצ"ל אין סיביר. ווען ער זאל א פרעג טאן ביי די אייניקלעך וואלטן זיי געוואוסט צו דערציילן אז דעם בארג וואו ער ליגט האט מען אויפגעריסן נאך אינמיטן די מלחמה צו אויסגראבן גאלד פון אונטער דעם, און עס איז ממש נישט געבלעבן קיין זכר פון דעם בארג ממילא איז נישטא וואס צו זוכן.)
און נאך עפעס, אלעס איז פון אייגענע ריסוירטש ווייל ער איז נישט אזוי אלט. (רוב פון די אריגינעלע מיטגלידער פון קדמונינו זענען שוין לאנג אויפ'ן עולם האמת, בעת וואס יבלחט"א ר' ישראל מאיר איז א מיטליעריגער מענטש

אשר על כן, זענען לכאורה קדמונינו'ס קברים פיל מער פארלעסליך, אשר על כן גיי איך מיט זיי. און ווער עס וויל וויסן וואס ר' ישראל מאיר גבאי האלט קען זען אלעס שיין מסודר אויף זיין וועבסייט http://www.zadikim.org/

כ'הער וואס דו טענה'סט אבער כ'בין בכלל נישט איינשטומיג מיט דיר. יא, געוויסע פלעצער בוסטו גערעכט און ער האט שוין געמאכט געוויסע טעותים ווי למשל אינעם ברעם ראיאן ווי ער איז זיך זייער טועה איבערן קבר פון אסתר המלכה (און די אנדערע דארט), אבער אין געוויסע פלעצער האט ער א פיל ברייטערע ידיעה. יעצט די מעשה איז אזוי, אין פילע פלעצער וואס גבאי ווייזט אז די קבר געפיחנט זיך אינעם געגנט, איז נישט אלעמאל אנגעצייכנט געווארן די פונקטליכע און גענויע ד' אמות ווי די קבר געפינט זיך, אבער דאך האט ער אין פילע פלעצער די ריכטיגע פלאץ.

יעצט, גבאי קען אין פילע ערטער די אנווייזן אויף סתירות און מיינונגס-דעפערענסן אויף א געוויסע קבר, און ער וועט דיר קלאר זאגן גיב א קוק, עס איז דא וואס האלטן אזוי און ס'דא וואס האלטן אזוי, אבער קדמונינו גיבט פארן מענטש זייער א פלאכע בילד, ער גיבט דיר נישט די ברייטע ידיעות.

און כ'וועל דיר געבן א דוגמא ווי קדמנונינו האט זיך מיאוס טועה געווען. כ'ווייס ס'וועט דיר זיין שווער דאס אנצונעמען, היות עס איז שוין פאר א שיינע פאר יאר אנגענומען אנדערש ווי דעם, אבער לויט וויפיל איך בין נאכגעגאנגען איז אין דעם פאל גבאי הונדערט פראצענט גערעכט. קבר רב חייא.

קדמונינו טוט אנווייזען אינמיטען די גרויסע טרעפ, אבער כאפ א בליק אין די רייד פון רבי חיים וויטאל:

"אחר כך תלך [מחצר הרמב"ם ורב ברונא] מעט לצד צפון ונוטה לצד מערב, ושם בהר ההוא אשר שם קוברים אנשי טבריא מתיהם, שם אכסדרה אחת בנויה בשלושה כותלים[9], וקורין אותה העולם מערת רבי חייא ובניו. ודע כי באותם חלונות שיש בכותל הצפוני, שם קבורים רבי חייא ויהודה וחזקיה בניו, ורב המנונא סבא[10] הנזכר תמיד בספר הזוהר, ורב הונא ריש גלותא שהיה בזמן רבינו הקדוש והעלו ארונו למערת רבי חייא כנזכר בתלמוד"

- די וועד קדמונינו האט מחמת איזה סיבה פשוט געטוישט ריכטונג, און אנשטאט גיין לצד צפון, זענען זיי געגאנגען לצד דרום. וברור אצלי. אריינקוקענדיג אין זייער פאפולארע ספר איז מיר פשוט שווארץ געווארן פאר די אויגן, די דאזיגע שורה פעלט פשוט פון די שטיקל ביי זיי. לויט גבאי איז די קבר נעבן די צוים פון יד שטרית, אראפ די גאס פונעם קבר הרמב"ם.

איך קען ב"ה א יעדע איינציגסטע קבר בארה"ק, עד שידי מגעת, און כ'האב שוין ב"ה באזוכט ביי א יעדע קבר ב"ה, און מיר וועלן נאך קענען אסאך פארברענגען אינאיינעם איבער דעם ברייטן פעלד. כ'האב הנאה כ'בין נישט די איינציגסטער דא...
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

קאזאבלאנקא
שר חמש מאות
תגובות: 549
זיך איינגעשריבען אום: דינסטאג אוגוסט 02, 2016 11:11 pm

תגובהדורך קאזאבלאנקא » מוצ"ש נובעמבער 19, 2016 8:08 pm

משה מאשקאוויטש האט געשריבן:אנטשולדיגט מיר, אבער דער רמח"ל ליגט דארט נישט, עס איז בס"ה געווען א מאטיוו פון די מדינה אהין צו שלעפן מענטשן. כמעט נישטא קיין מקורות דערויף.


איך האב געהערט אז דער הייליגער שומר אמונים איז דער וואס האט מגלה געווען אז דא ליגט דער רמח"ל

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » זונטאג נובעמבער 20, 2016 10:55 am

קאזאבלאנקא האט געשריבן:
משה מאשקאוויטש האט געשריבן:אנטשולדיגט מיר, אבער דער רמח"ל ליגט דארט נישט, עס איז בס"ה געווען א מאטיוו פון די מדינה אהין צו שלעפן מענטשן. כמעט נישטא קיין מקורות דערויף.


איך האב געהערט אז דער הייליגער שומר אמונים איז דער וואס האט מגלה געווען אז דא ליגט דער רמח"ל


קען זיין. קיינמאל נישט געהערט דערוועגן, אבער ס'נישט מסתבר צו זאגן אז די שומרי אמונים רבי זאל אנווייזען ווי א קבר געפינט זיך, ווייל זינט האר"י הק' ותלמידיו איז כמעט נישט געווען אזעלכע וואס זאלן קענען אנווייזן די גענויע ארט פון א קבר. כ'זאג נישט, ס'געווען אזעלכע וואס האבן יא געוויזן אפילו אין די לעצטערע דורות, א שטייגער ווי רבי אשר פריינד זצ"ל, אבער ווייניג.

ע'מיר אי"ה נאכגיין די מקור דערפון. אויס ווייסטו פון ווי עס שטאמט, קענסטו מיר עס ביטע איבערגעבן.
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

קאזאבלאנקא
שר חמש מאות
תגובות: 549
זיך איינגעשריבען אום: דינסטאג אוגוסט 02, 2016 11:11 pm

תגובהדורך קאזאבלאנקא » דינסטאג נובעמבער 22, 2016 11:31 am

נא, אז ר' אשר האט געקענט איז דאך על אחת כמה וכמה דער שומר אמונים וואס איז געווען א בעל רוח הקודש אמיתי

דער מקור געדענק איך נישט גענוי, עס קען אויך זיין אז ס'איז נישט אמת...

אויס וועלט
שר מאה
תגובות: 126
זיך איינגעשריבען אום: זונטאג יולי 03, 2016 11:13 am

תגובהדורך אויס וועלט » מיטוואך נובעמבער 23, 2016 12:18 am

ווי פלעגט רבי אשר גיין חוץ מירון. דן בן יעקב. קבר דוד. וויטעבסק. ווי נאך?

אוועטאר
אי-רעלעווענט
שר חמש מאות
תגובות: 543
זיך איינגעשריבען אום: דינסטאג מארטש 08, 2016 8:53 pm
לאקאציע: אין בונקער

תגובהדורך אי-רעלעווענט » דינסטאג נובעמבער 29, 2016 10:13 pm

אויס וועלט האט געשריבן:ווי פלעגט רבי אשר גיין חוץ מירון. דן בן יעקב. קבר דוד. וויטעבסק. ווי נאך?

קיימאל געהערט פון דן בן יעקב,
קבר דוד האט א מקור ? כמיין די רבי האט עס אוועקגעמאכט.

אוועטאר
משהזוךמיר
שר ארבעת האלפים
תגובות: 4999
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » זונטאג דעצמבער 25, 2016 7:50 pm

משה מאשקאוויטש האט געשריבן:כ'הער וואס דו טענה'סט אבער כ'בין בכלל נישט איינשטומיג מיט דיר. יא, געוויסע פלעצער בוסטו גערעכט און ער האט שוין געמאכט געוויסע טעותים ווי למשל אינעם ברעם ראיאן ווי ער איז זיך זייער טועה איבערן קבר פון אסתר המלכה (און די אנדערע דארט), אבער אין געוויסע פלעצער האט ער א פיל ברייטערע ידיעה. יעצט די מעשה איז אזוי, אין פילע פלעצער וואס גבאי ווייזט אז די קבר געפיחנט זיך אינעם געגנט, איז נישט אלעמאל אנגעצייכנט געווארן די פונקטליכע און גענויע ד' אמות ווי די קבר געפינט זיך, אבער דאך האט ער אין פילע פלעצער די ריכטיגע פלאץ.

יעצט, גבאי קען אין פילע ערטער די אנווייזן אויף סתירות און מיינונגס-דעפערענסן אויף א געוויסע קבר, און ער וועט דיר קלאר זאגן גיב א קוק, עס איז דא וואס האלטן אזוי און ס'דא וואס האלטן אזוי, אבער קדמונינו גיבט פארן מענטש זייער א פלאכע בילד, ער גיבט דיר נישט די ברייטע ידיעות.

און כ'וועל דיר געבן א דוגמא ווי קדמנונינו האט זיך מיאוס טועה געווען. כ'ווייס ס'וועט דיר זיין שווער דאס אנצונעמען, היות עס איז שוין פאר א שיינע פאר יאר אנגענומען אנדערש ווי דעם, אבער לויט וויפיל איך בין נאכגעגאנגען איז אין דעם פאל גבאי הונדערט פראצענט גערעכט. קבר רב חייא.

קדמונינו טוט אנווייזען אינמיטען די גרויסע טרעפ, אבער כאפ א בליק אין די רייד פון רבי חיים וויטאל:

"אחר כך תלך [מחצר הרמב"ם ורב ברונא] מעט לצד צפון ונוטה לצד מערב, ושם בהר ההוא אשר שם קוברים אנשי טבריא מתיהם, שם אכסדרה אחת בנויה בשלושה כותלים[9], וקורין אותה העולם מערת רבי חייא ובניו. ודע כי באותם חלונות שיש בכותל הצפוני, שם קבורים רבי חייא ויהודה וחזקיה בניו, ורב המנונא סבא[10] הנזכר תמיד בספר הזוהר, ורב הונא ריש גלותא שהיה בזמן רבינו הקדוש והעלו ארונו למערת רבי חייא כנזכר בתלמוד"

- די וועד קדמונינו האט מחמת איזה סיבה פשוט געטוישט ריכטונג, און אנשטאט גיין לצד צפון, זענען זיי געגאנגען לצד דרום. וברור אצלי. אריינקוקענדיג אין זייער פאפולארע ספר איז מיר פשוט שווארץ געווארן פאר די אויגן, די דאזיגע שורה פעלט פשוט פון די שטיקל ביי זיי. לויט גבאי איז די קבר נעבן די צוים פון יד שטרית, אראפ די גאס פונעם קבר הרמב"ם

בנוגע דאס אז גבאי ווייזט דיר אלע שיטות ביזטו 100% גערעכט, אלס פארש ספר איז ער זייער גוט, משא"כ קדמונינו וואס איז בכלל נישט געמאכט אלס בירור הדברים נאר מיטצונעמען אויפ'ן וועג אלס וועגווייזער צו די קברים וואס זיי האבן געבויעט און אויך ברענגען זיי מאמרים פון יעדעם צו לערנען אויפ'ן ציון, ברענגען זיי נאר די מקור אויף דעם פלאץ.

איך רעד אבער פון די עצם קברים (דהיינו ווען דו פארסט ארום אויף מקומות הקדושים, וועלכע ציון איז מער קראנט), איז קלאר אז גבאי איז בדרך כלל זייער נישט פארלעסליך ווי מען זעהט פון ר' יוחנן בן נורי, און פון נאך פילע קברים וואס ער האט "אנטדעקט" און באצייכנט וואס איך וועל נאך אי"ה ברענגען בילדער במקומם.

ווידער בענין קבר ר' חייא, ביזטו לכאורה גערעכט אז אינמיטן די טרעפ איז נישט ריכטיג.
אבער בנוגע דאס וואס קדמונינו לאזט אויס נוטה לצד מערב, קדמונינו ברענגט בדרך כלל (אדער גאר קיינמאל) נישט פון כתבי אר"י דירעקט, נאר וואס דער אדער יענער שרייבט בשם כתבי אר"י. אין חיבת ירושלים, ברענגט ער אויך די ווערטער פון רח"ו, און ער לאזט אויך אויס די ווערטער "אחר כך תלך [מחצר הרמב"ם ורב ברונא] מעט לצד צפון ונוטה לצד מערב!" ער הייבט אויך אן "שם בהר ההוא אשר שם קוברים אנשי טבריא מתיהם וכו'!"


משה מאשקאוויטש האט געשריבן:איך קען ב"ה א יעדע איינציגסטע קבר בארה"ק, עד שידי מגעת, און כ'האב שוין ב"ה באזוכט ביי א יעדע קבר ב"ה, און מיר וועלן נאך קענען אסאך פארברענגען אינאיינעם איבער דעם ברייטן פעלד. כ'האב הנאה כ'בין נישט די איינציגסטער דא...

כאטש איך האב פרובירט בין איך אין די יאר און א האלב וואס איך האב געוואוינט אין א"י נישט אנגעקומען צו באזוכן "אלע" קברי צדיקים, אבער ביי "גאר אסאך" בין איך ב"ה יא אנגעקומען צו גיין, און ב"ה אז איך האב דא געטראפן איינעם מיט מער ידיעות און ערפארונג אזוי וועלן מיר בעזר השם קענען מברר זיין אסאך ענינים צוזאמען.
Get your facts first, then you can distort them as you please.

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » זונטאג דעצמבער 25, 2016 10:57 pm

האסט א שטיקל נקודה. אבער די מציאות - לויט מיין פרעזענליכע ערפארונג איז, אז גבאי טוט דיר געבן אין פילע ערטער די ארט ווי די קבר געפינט זיך, אבער די גענויע פלאץ איז נישט שטענדיג ריכטיג. דאס הייסט, ער שרייבט א געוויסע ארט וואס געפינט זיך אין א געוויסע געגענט, און געווענטליך איז ער גערעכט אז די קבר איז אין דעם ספעציפישן געגענט, אבער די גענויע פלאץ ווי ער צייכנט אן איז נישט פונקטליך, נאר מען קען אליינס גיין און אפירזוכן דעם קבר.

איך מיז מודה זיין אז עס איז דא געוויסע ערטער ווי גבאי האט טעותים, ווי לדוגמא די גאנצע געגנט פון ברעם ווי עס איז הונדערט פראצענט קלאר אז ער האט דארט טעותים, אבער אין אלגעמיין קען ער האבן פיינע סחורה...
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

אוועטאר
משהזוךמיר
שר ארבעת האלפים
תגובות: 4999
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » דאנארשטאג דעצמבער 29, 2016 2:15 pm

אי-רעלעווענט האט געשריבן:
אויס וועלט האט געשריבן:ווי פלעגט רבי אשר גיין חוץ מירון. דן בן יעקב. קבר דוד. וויטעבסק. ווי נאך?

קיימאל געהערט פון דן בן יעקב,

דער פריערדיגער סקולענער רבי זצוק"ל איז געווען ביי דן בן יעקב נעבן בית שמש, ווען ער איז ארויסגעקומען האט ער געזאגט "איך שווער מיט ג-טס נאמען אז ער ליגט נישט דא!!!"
Get your facts first, then you can distort them as you please.

אוועטאר
היטשינער
שר מאה
תגובות: 111
זיך איינגעשריבען אום: מיטוואך נובעמבער 23, 2016 3:48 pm

תגובהדורך היטשינער » דאנארשטאג דעצמבער 29, 2016 3:41 pm

משהזוךמיר האט געשריבן:
אי-רעלעווענט האט געשריבן:
אויס וועלט האט געשריבן:ווי פלעגט רבי אשר גיין חוץ מירון. דן בן יעקב. קבר דוד. וויטעבסק. ווי נאך?

קיימאל געהערט פון דן בן יעקב,

דער פריערדיגער סקולענער רבי זצוק"ל איז געווען ביי דן בן יעקב נעבן בית שמש, ווען ער איז ארויסגעקומען האט ער געזאגט "איך שווער מיט ג-טס נאמען אז ער ליגט נישט דא!!!"

לפי ידיעתי איז רבי אשר זצ"ל געגאנגן צום ציון פון דן בן יעקב אבער נישט די פון בי"ש נאר אין ירושלים אויף רחוב שטראוס וואס טייל זאגן אז ער ליגט דארט [תלמידו כ"ק אדמו"ר מפאריסוב שליט"א גייט אסאך אהין]

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » דאנארשטאג דעצמבער 29, 2016 9:06 pm

היטשינער האט געשריבן:
משהזוךמיר האט געשריבן:
אי-רעלעווענט האט געשריבן:
אויס וועלט האט געשריבן:ווי פלעגט רבי אשר גיין חוץ מירון. דן בן יעקב. קבר דוד. וויטעבסק. ווי נאך?

קיימאל געהערט פון דן בן יעקב,

דער פריערדיגער סקולענער רבי זצוק"ל איז געווען ביי דן בן יעקב נעבן בית שמש, ווען ער איז ארויסגעקומען האט ער געזאגט "איך שווער מיט ג-טס נאמען אז ער ליגט נישט דא!!!"

לפי ידיעתי איז רבי אשר זצ"ל געגאנגן צום ציון פון דן בן יעקב אבער נישט די פון בי"ש נאר אין ירושלים אויף רחוב שטראוס וואס טייל זאגן אז ער ליגט דארט [תלמידו כ"ק אדמו"ר מפאריסוב שליט"א גייט אסאך אהין]

ריכטיג.
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

אוועטאר
היטשינער
שר מאה
תגובות: 111
זיך איינגעשריבען אום: מיטוואך נובעמבער 23, 2016 3:48 pm

תגובהדורך היטשינער » מאנטאג ינואר 02, 2017 1:48 pm

אי-רעלעווענט האט געשריבן:קבר דוד האט א מקור ? כמיין די רבי האט עס אוועקגעמאכט.

האט איינער מער פרטים?

ראספשע
שר האלפיים
תגובות: 2038
זיך איינגעשריבען אום: מאנטאג אוקטובער 10, 2016 11:43 am

תגובהדורך ראספשע » מאנטאג ינואר 02, 2017 1:52 pm

דער הייליגער מנחת אלעזר איז געווען ביי קבר דוד, כמסופר בארוכה אין ספר מסעות ירושלים

אוועטאר
פרעגער
שר האלף
תגובות: 1296
זיך איינגעשריבען אום: זונטאג אוגוסט 09, 2009 11:35 am

תגובהדורך פרעגער » מאנטאג ינואר 16, 2017 8:21 am

היטשינער האט געשריבן:
אי-רעלעווענט האט געשריבן:קבר דוד האט א מקור ? כמיין די רבי האט עס אוועקגעמאכט.

האט איינער מער פרטים?


כידוע היו אדמור"י בית רוזין - הוסיאטין קאפיטשניץ סאדיגורא ובאיאן זצוק"ל מרבים להתפלל על קבר דוד המלך
פרעגט וואס איהר ווילט, ווען איהר ווילט, ווי אזוי איהר ווילט

24/7
שר מאה
תגובות: 183
זיך איינגעשריבען אום: מוצ"ש אוקטובער 01, 2016 3:47 pm

תגובהדורך 24/7 » מאנטאג ינואר 16, 2017 11:00 am

פרעגער האט געשריבן:
היטשינער האט געשריבן:
אי-רעלעווענט האט געשריבן:קבר דוד האט א מקור ? כמיין די רבי האט עס אוועקגעמאכט.

האט איינער מער פרטים?


כידוע היו אדמור"י בית רוזין - הוסיאטין קאפיטשניץ סאדיגורא ובאיאן זצוק"ל מרבים להתפלל על קבר דוד המלך

כידוע???

אוועטאר
פרעגער
שר האלף
תגובות: 1296
זיך איינגעשריבען אום: זונטאג אוגוסט 09, 2009 11:35 am

תגובהדורך פרעגער » דינסטאג ינואר 17, 2017 4:24 pm

24/7 האט געשריבן:
פרעגער האט געשריבן:
היטשינער האט געשריבן:
אי-רעלעווענט האט געשריבן:קבר דוד האט א מקור ? כמיין די רבי האט עס אוועקגעמאכט.

האט איינער מער פרטים?


כידוע היו אדמור"י בית רוזין - הוסיאטין קאפיטשניץ סאדיגורא ובאיאן זצוק"ל מרבים להתפלל על קבר דוד המלך

כידוע???


כן, כידוע!! לקוראי ספרי בית רוזין - כמו"כ ישנה תמונה מפורסמת מהרה"ק מהר"י מהוסיאטין סמוך לציון דוד המלך.
כל פעם שהגיע האדמו"ר מבאיאן לארה"ק הי' מתפלל על קבר דוד המלך.
פרעגט וואס איהר ווילט, ווען איהר ווילט, ווי אזוי איהר ווילט

דניאל בוימענגארטן
שר חמישים ומאתים
תגובות: 435
זיך איינגעשריבען אום: דאנארשטאג ינואר 05, 2017 12:44 pm

תגובהדורך דניאל בוימענגארטן » זונטאג מאי 14, 2017 5:11 pm

משהזוךמיר האט געשריבן:
אי-רעלעווענט האט געשריבן:
אויס וועלט האט געשריבן:ווי פלעגט רבי אשר גיין חוץ מירון. דן בן יעקב. קבר דוד. וויטעבסק. ווי נאך?

קיימאל געהערט פון דן בן יעקב,

דער פריערדיגער סקולענער רבי זצוק"ל איז געווען ביי דן בן יעקב נעבן בית שמש, ווען ער איז ארויסגעקומען האט ער געזאגט "איך שווער מיט ג-טס נאמען אז ער ליגט נישט דא!!!"

זייער א אינטערעסאנטער לשון, ממש א שבועה דאורייתא.

אגב, ר' משה ביטע זייט ממשיך דעם אשכול, יעצט עס באגעגענט און ס'יז זייער אינטערעסאנט.


צוריק צו “זכור ימות עולם”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 4 געסט