וויאזוי קאכט א גוי???

געשמאקע ארטיקלן און בילדער וכדו'

די אחראים: אחראי, געלעגער

אוועטאר
מכה בדופן
שר מאה
תגובות: 203
זיך איינגעשריבען אום: מיטוואך נובעמבער 07, 2012 6:21 pm
לאקאציע: נעבן וואנט

וויאזוי קאכט א גוי???

תגובהדורך מכה בדופן » מאנטאג נובעמבער 17, 2014 11:19 pm

די שאלה איז מעך אויפגעקומן ווען כ'האב זיך געדרייט אין האום דיפאו, באט לאמער נישט כאפן קיין הייסע קארטאפל (ס'ז סאך ערגער פון הייסע לאקשן), נאר אנהייבן פון אנפאנג.

די מעשה גייט צוריק צום פארגאנגענעם ל"ד בעומר ווען כ'האב באזוכט ביי אחד מגדולי התורה פון די ליטע וועלכע וואוינט אין בני ברק. יענער האט מעך אנגעוואונטשן (מיטן ליטווישן אקצענט – אנישט גייט דער דזשאוק פלאפן): בני חיי ומזוני.

איז אזוי, א חי' האבעך שוין ב"ה ביז דער 120, און מזוני ווארטעך נאך דערווייל ס'זאל געשען (חוץ אויב דער גדול האט געמיינט מזונות, ווייל יענס האבעך גענוג...). איז געבליבן צו באקומן בני (מיטען ליטווישן אקצענט – אנישט גייט דער דזשאוק פלאפן).

פעסט פארווערד א האלבע יאר און כ'האב זיך איינגעהאנדלט א באני רעביט.

איר פרעגט פארוואס? זאג נאר, ווילסט הערן א מעשה אדער פרעגן קאשעס?

עניוועי, די באני רעביט האבעך שיין איינגעארדענט אין א קעידזש ביים ווינקל פון דיינינג רום, וואו ס'האט פיין פארברענגט די טעג מיט עסן, שפילן און זיין קיוט. די קינדער האבן עס זייער אינדזשויד און שטארק ליב געהאט עס צו צערטלן און פיטערן.

מה עשה הקב"ה, נישט לאנג דערויף האבן איינר פון מיינע קינדער אנגעהויבן באקומן עלערדזשיק ריעקשענס פונם באני רעביט, סאו ס'האט נישט געקענט בלייבן אינדערהיים. אינגאנצן פטור ווערן פון דעם האבעך אויך נישט געוואלט, ערשטענס ווייל די קינדער האבן עס אינדזשויד, און צווייטענס (בעיקר) ווייל כ'האב אויסגעגעבן אסאך געלט צו קויפן עסן און טריעטס פארן רעביט, און ס'מעך געווען א שאד נישט צו באקומן מיין מאני'ס ווערט.

(בד"וו נישט אלץ לוינט זיך צו באקומן די מאני'ס ווערט. אמאל איז בעסער מ'געבט אויס דער געלט פאר גארנישט, למשל ביי מעדיקל אינשורענס...)

ד'בעסטע עצה וואס כ'האב געקענט טראכטן איז צו לייגן דער רעביט אינם בעק יארד, באט פאר דעם וואלטעך געדארפט קויפן אן אנדערע סארט קעידזש, און סתם אויסגעבן נאך $100-$150 (מינימאם) איז אויך נישט קיין עסק. סאו דערווייל האבעך מקיים געווען יהא מונח, און כ'האב געזוכט אויפן 'כלי' א סעקאנד הענד רעביט האטש.

נו, ווי זאגט נאר דער פסוק, יגעת ומצאת תאמין, האבעך געטראפן איינער וואס פארקויפט א צוויי שטאקיגער רעביט האטש פאר היבש ביליג, מיט איין חסרון אז דער רעמפ ארויפצוגיין צום העכערן שטאק איז צובראכן. ער האט צוגעשריבן אז נישט געזארגט, פאר עטליכע פיאסטער אין האום דיפאו מיט 2-3 מינוט ארבעט, קעמען עס פאררעכטן.

אף אני בחלומי...

כ'האב געקויפט דעם האטש און עס אריינגערוקט אין מיין קאר (נאך אויסארבעטן וויאזוי מ'מאכט די סיעטס ליגן. כ'געדענק קלאר כ'האב אמאל געוואוסט...!), און פון דארט גלייך דעפארן צום האום דיפאו קויפן א שטיק האלץ פארן רעמפ.

אקעי, דער ערשטע זאך וואס כ'האב געברויכט איז א מעסטער צו וויסן פונטקליך ווי לאנג דער רעמפ דארף זיין. כ'האב זיך נישט געשעמט און געפרעגט ביים ארבעטער אין וועלכע אייל ס'ליגן די מעסטערס, מיט א פרישקייט אהין געגאנגן, און...כ'האב שיר נישט געכאלישט...פופצען טאלער פאר א מעסטער??? וואס, זענען זיי פאררוקט??? און זיי רעדן זיך איין איך גיי אויסגעבן אזויפיל געלט פאר א נארישע מעסטער???

ווי זאגט דער פסוק, אן איד געט זיך אנ'עצה...כ'האב ארויסגענומען מיין גארטל, און אנגעמאסטן דריי פיס, ווען ביי יעדע האלבע פיס האבעך געמאכט א קניפ! יעצט קענען זיי זיך האלטן מיט זיירע מעסטערס – איך וועל שוין נוצן מיין גארטל.

הכלל, דער רעמפ האט בעדארפט זיין גענוי צוויי פיס, בינעך שנעל צוריק אין געשעפט זוכן א שטיק האלץ וואס איז בערך דריי פיס – גענוג אויף אפצושניידן א פאר שטיקלעך פאר טרעפ. יעצט גיי זוך...

ביים האלץ סעקשאן האבעך נישט געטראפן נאר ריזיגע לאנגע שטיקער האלץ, וואס קוים ס'וועט פיטן אין מיין קאר. נאך זיך דרייען איבערן גאנצע סטאאר, אינקלודינג דער אוטסייד, האבעך געזען ס'ז נישט קיין תכלית, און כ'וועל מוזן בלית ברירה נעמען א לאנגע האלץ. האפענטליך וועלעך טרעפן וואס צו טון מיט דער רעשטע, און אויב נישט וועלעך עס העכסטענס טרייען צו פארקויפן אויף איבעי.

די האלץ מסודר, דארפעך קויפן א דרילער. געווענליך האבעך נישט ליב די פאוער טולס, ווייל ביז היינט האבעך זיך ב"ה פיין מסדר געווען מיט דזשאסט צוויי טולס: א שטיין און דאקט טעיפ. מיין רול איז – אויב ס'דארף זיך רוקן אבער ס'ז סטאק נוצט מען דעם שטיין, און אויב ס'רוקט זיך ווען ס'דארף נישט נוצט מען דאקט טעיפ (און אויב ס'פייפט שפרוצט מען דאבעליו די 40). וועסט נישט גלייבן וויפיל יאר כ'האב שוין אויפגעשטעלט מיין סוכה מיט דזשאסט יענע צוויי טולס...

אקעי, נישט ממש, פארן סוכה דארף מען אמאל אריינסקרוען שרויפן, אבער פאר דעם האבעך א מילכיגער מעסער...

בויען א רעמפ אידעך אבער א סיריעס דזשאב און ס'גייט נישט אזוי כאפ לאפ מיט מיינע קאטשעלאבע טולס, סאו כ'וועל ברויכן קויפן א דרילער. נו נו, זאל זיין אזוי, כ'וועל שוין אין איינוועגס אינזין האבן לשם מצות סוכה וועט עס גיין אויפן חשבון פון הוצאות שבת ויו"ט.

אומר ועושה, כ'בין זאפארט געגאנגן צום דרילער סעקשאן און געטשוזד א דרילער. ס'זאגט זיך אזוי גרינג 'געטשוזד א דרילער', באט אין אמת'ן האבעך נישט געמאכט א דיסישען אין איין רגע נאר רואיגערהייט באטראכט יעדער דרילער און גוט דורכגעליינט אלע מעלות פון יעדע באזונדער. איווענטשעלי האבעך געקויפט ס'ביליגסטע...

איז מעך נאר געבליבן צו קויפן איין זאך, די שרויפן – אבער ווי לאנג קען דעם דויערן צו פיקן א פעקל שרויפן? כאמעך פאררעדט...

רבותי אלמלי כ'זע עס מיט די אייגענע אויגן וואלטעך נישט געגלייבט – כמעט א גאנצן אייל נאר שרויפן, אפשר 70 אנדערע סארט. רבונו של עולם, פארוואס דארף מען אזא סעלעקשען פון שרויפן?

מילא ס'קומט חנוכה און מיין בעקעריי פארקויפט 70 סארט דאונאטס פארשטייעך. מילא ס'קומט סוכות און מיין בוטשער סטאר פארקויפט 70 סארט קאולד דאטס פארשטייעך. מילא ס'קומט פורים און מיין וויין סטאר..יו געט דע פוינט. אבער 70 סארט שרויפן???

קוקטס מעך אין די אויגן און זאגטס מעך ס'ז נישט קיין פאררוקטע וועלט. ווען איך האב ווען א סטאר פארקויף איך 3 סארט שרויפן: קורצע, מיטעלע און לאנגע! אקעי כאפטס מעך נישט ביים ווארט, 4 סארט – אויך ברייטע (עקטשעלי 6 סארט ווייל די ברייטע דארפן אויך זיין קורצע, מיטעלע און לאנגע, באט דעטס איט!).

שטייענדיג אזוי פארלוירענערהייט ביים אייל פון די שרויפן האבעך אין אכט גענומען אז גוים האבן נישט מיין פראבלעם. זיי קומען, טשעקן, קלויבן, שמועסן די מעלות און חסרונות פון איינס ווערסאס דעם אנדערע א.א.וו.

אינם ערשטע מינוט האט מעך עס געגעבן א קליינם שטאך, אמער פארוואס בין איך אזא בטלן קעגן להבדיל די גוים, אבער דערנאך האבעך אריינגעטראכט אז ענעכע נאמע, זיי טויגן אפשר מער צו טולס, באט אין פראוויזארישע טולס זענען מיר אידן סעקאנד טו נאן!

למשל האט עטס אמאל געקוקט וואס אן אידישע ביזנעס מאן האלט אלץ אין זיין טלית ותפילין בייטל? א גאנצע אפיס, סענוויטשעס, א שופר פאר חודש אלול, א סליחה'לע, סידור, הושענות זאגער און וואס נישט... צי איז דען א וואונדער אז א גוי דארף א גאנצע בריעף קעיס?

וויפיל נוצן קענט איר טראכטן וואס מ'קען טון מיט איין גארטל? נו, וועלכע גוי האט אזא ווערסעטייל טול אין טאש?

צי איז דען דא אויפן גאנצן כדור הארץ איין גוי וואס האט אמאל געמישט א קאווע מיטן הענטל פון זיין ברילן? ניטאמאל די עצה פון גיסן הין און קריק פון איין קאפ צום צווייטן ווייסן זיי, ווייל דאס לערנט מען אין הלכות כלי שני...

אלזא קומעך צום פראגע פונם קעפל, וויאזוי קאכט א גוי, הלמאי ער קען דאך נישט אנכאפן דעם דעקל פונם טאפ מיט זיין קאפל???


נ.ב. כ'קלער אז וועגן דעם האט מען געטוישט פון די הייסע באלבס צו די קאלטע, ווייל די גוים האבן נישט געקענט ארויסדרייען די באלבס מיטן קאפל...
צוגעלייגטע
וויאזוי קאכט א גוי.pdf
(144.81 KiB) דאונלאודעד 131 מאל

אוועטאר
סביב העולם
שר שלשת אלפים
תגובות: 3787
זיך איינגעשריבען אום: זונטאג נובעמבער 27, 2011 1:05 pm

תגובהדורך סביב העולם » מאנטאג נובעמבער 17, 2014 11:25 pm

קען דען א גוי שרייבן אזא ארטיקל?
ער האט דאך נישט אזא פעדער
געוואלדיג (נד"נ)
AROUND THE WORLD AROUND THE CLOCK
ארום די (איי) וועלט - רונדע דעם זייגער

אוועטאר
green
שר האלף
תגובות: 1552
זיך איינגעשריבען אום: מאנטאג אפריל 22, 2013 12:49 pm
לאקאציע: בין השמים ובין הארץ

תגובהדורך green » מאנטאג נובעמבער 17, 2014 11:29 pm

יוש שרייבסט גוט אבער איך גלייב דיר א מכה

שטארק זיך
שר ששת אלפים
תגובות: 6163
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » מאנטאג נובעמבער 17, 2014 11:36 pm

ברוך הבא בני... כמיין באני....
What's your MO? mine is
8373
-the KOLBE index
Know - Go - Show - GROW

אוועטאר
גוגל
שר האלף
תגובות: 1876
זיך איינגעשריבען אום: דינסטאג יוני 19, 2012 2:35 pm
לאקאציע: אויף אייוועלט

תגובהדורך גוגל » מאנטאג נובעמבער 17, 2014 11:37 pm

אזאנס צו ספינען...

וואס האסטו למעשה געטוהן מיטן רעביט?

אוועטאר
שנאפס
שר עשרת אלפים
תגובות: 15187
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מאנטאג נובעמבער 17, 2014 11:39 pm

פשי, א מין המשך פון א ארטיקל...

מכה האסט מיר ארויפגעברענגט א שמייכל נאך א .... טאג
kraitchmah עט גימעיל

אוועטאר
לוי יצחק
שר ארבעת האלפים
תגובות: 4257
זיך איינגעשריבען אום: מוצ"ש דעצמבער 01, 2012 11:20 pm
לאקאציע: זאג אמר רבי בנימין...

תגובהדורך לוי יצחק » מאנטאג נובעמבער 17, 2014 11:41 pm

פאר א גוט יאר... דער קאכט דא צאם א מכה'ראני...
א דאנק פאר אלע וואס טוען אונז אפדעיטן כסדר.

אוועטאר
AHA
שר האלפיים
תגובות: 2008
זיך איינגעשריבען אום: מיטוואך נובעמבער 30, 2011 6:14 pm
לאקאציע: בין פטיש לסדין

תגובהדורך AHA » מאנטאג נובעמבער 17, 2014 11:47 pm

דיין גיסטע איז בעסער ווען ס'רעגענט.. גיט געלאכט.
דיין בעקעריי האט 70 ערליי דאונאוטס? א נעכטיגען טאג, ס'האט סך מער. אין סיז בעסער ווי קאולד קאוטס מיט וויין.
איך גלייב אז אלעס וואס דער באשעפער טוהט איז נאר גוט. בעטן בעט איך אז הראינו השם את חסדיך אפו' מיין באגרעניצטע מוח אין פליישיגע זאל דאס אויך זעהן.

אוועטאר
באדינער
שר חמישים ומאתים
תגובות: 420
זיך איינגעשריבען אום: מיטוואך אוקטובער 30, 2013 12:56 pm
לאקאציע: אויף דייעט

תגובהדורך באדינער » מאנטאג נובעמבער 17, 2014 11:51 pm

יויש האב איך אויסגעפלאצט ביים ענד..
More more....

אוועטאר
לכתחילה אריבער
שר עשרת אלפים
תגובות: 19987
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » דינסטאג נובעמבער 18, 2014 12:01 am

די כלי שני טריק!! וואף! ס'גוט! די פלאט טוויסט! חחח!! סופער דופער.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
אויסערן מיניסטער
שר האלף
תגובות: 1196
זיך איינגעשריבען אום: זונטאג אוגוסט 03, 2014 9:19 pm
לאקאציע: אינעם ווייסן הויז

תגובהדורך אויסערן מיניסטער » דינסטאג נובעמבער 18, 2014 12:06 am

וואס איז למעשה געווארן מיט די אלערדשיק פונעם דשוניער-מכה?
העי מכה'לע דו ביזט פיינע נייעס קיפ אפ
די ווינדער פון די נאטור מה רבו מעשיך ה'

אוועטאר
זאכליך
שר שבעת אלפים
תגובות: 7614
זיך איינגעשריבען אום: זונטאג דעצמבער 19, 2010 5:23 pm

תגובהדורך זאכליך » דינסטאג נובעמבער 18, 2014 12:17 am

א ריכטיגע מכה ארטיקל!!!
אמור מעט, קוק ווייניגער אויף וואס ער זאגט,
ועשה הרבה, און קוק מער וואס ער טוהט.

אוועטאר
נשמה
שר ארבעת האלפים
תגובות: 4916
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » דינסטאג נובעמבער 18, 2014 12:26 am

אך זאג דעך. כה לחי.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

אוועטאר
לאדיךארויס
שר האלף
תגובות: 1378
זיך איינגעשריבען אום: דינסטאג אוקטובער 04, 2011 4:09 pm
לאקאציע: נישט

תגובהדורך לאדיךארויס » דינסטאג נובעמבער 18, 2014 12:34 am

יו ביסטו גוט מכה'לע! שרייב אונז אפטער דיינע טאג ביכער.
זיי געזונט (מיטן ליטפישן אקצענט...)
פרעג נישט וואס אייוועלט קען ביישטייערן פאר דיר - פרעג וואס דו קענסט ביישטייערן פאר איר

אוועטאר
ניקעל
שר חמישים ומאתים
תגובות: 305
זיך איינגעשריבען אום: זונטאג סעפטעמבער 14, 2014 11:21 pm

תגובהדורך ניקעל » דינסטאג נובעמבער 18, 2014 1:14 am

צחוק צחקתי

אפטימיסט
שר האלף
תגובות: 1200
זיך איינגעשריבען אום: מאנטאג אוקטובער 15, 2012 10:51 pm

תגובהדורך אפטימיסט » דינסטאג נובעמבער 18, 2014 1:39 am

א שטיק מתיקות! כאזיך עטליכע מאל געמוזט שטעלן אין א זייט לאכן. אבער וואסי געבליבן מיטן האזל?

אוועטאר
א גראם מיט טעם
שר שלשת אלפים
תגובות: 3725
זיך איינגעשריבען אום: דאנארשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

תגובהדורך א גראם מיט טעם » דינסטאג נובעמבער 18, 2014 8:50 am

געוואלד!!!!
אוי האבען מיר געבענקט אויף דיין זאפטיגען שריפט
געלאכט אויסגעפלאצט און ווידער געלאכט,א דאנק פארען ברענגען א שמייכעל
בד"וו מזל"ט צום 200'סטע תגובה
ווי וואנט מאר.
ווילט איהר אויסגראמען אייער טאטע ביי מצוה טאנץ?
זיכט איר א פאסיגע פאום מיט צו שיקען מיט א מתנה?
מיר קענען עס צושטעלען פאר אייך,
ווי אויך שרייבען מיר גראמען פאר דיננערס, זינגערס ועוד,
שיקט אן אישי אדער אימעיל צו gram.mit.tam@gmail.com

אוועטאר
יאפין
שר האלף
תגובות: 1398
זיך איינגעשריבען אום: דינסטאג פאברואר 24, 2009 8:12 am

תגובהדורך יאפין » דינסטאג נובעמבער 18, 2014 9:42 am

געלאכט! שכוח.
משנכנס אדר מרבים בשמחה

אוועטאר
ידיד
שר שלשת אלפים
תגובות: 3815
זיך איינגעשריבען אום: מאנטאג יולי 16, 2012 6:37 pm

תגובהדורך ידיד » דינסטאג נובעמבער 18, 2014 10:49 am

דאס איז טאקע די סיבה פארוואס די גוים גייען אזויפיל עסן אין רעסטאראנט. זיי קענען נישט קאכן.. (איי וויאזוי קאכט דער רעסטאראנט קעכער?? גוטע קשיא.. אפשר האבן זיי א אידישן ארבעטער.)

מכה'לע, גאר גוט אראפגעלייגט! דו ביזט וואן אף עי קיינד מיט דיינע שילדערונגען!

אוועטאר
שלעפשיץ
שר האלף
תגובות: 1314
זיך איינגעשריבען אום: מיטוואך פאברואר 17, 2010 1:32 pm
לאקאציע: ביים רבי'ן אין שלעפשיץ
פארבינד זיך:

תגובהדורך שלעפשיץ » דינסטאג נובעמבער 18, 2014 10:50 am

אוי איז דאס גוטע נייעס
די ארטיקל איז גוט אפי' בני אויפן חסידישן הברה
והא ראי' איך האב געלאכט אפי' איך קען נישט ליטוויש ;l;p- ;l;p- ;l;p-
shlepshitz@gmail.com For all your Graphic & Website needs email

אוועטאר
ענדע צדיק!
שר חמשת אלפים
תגובות: 5431
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » דינסטאג נובעמבער 18, 2014 11:24 am

אפטימיסט האט געשריבן:א שטיק מתיקות! כאזיך עטליכע מאל געמוזט שטעלן אין א זייט לאכן. אבער וואסי געבליבן מיטן האזל?
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

דזשימי קארטער
שר העשר
תגובות: 26
זיך איינגעשריבען אום: זונטאג נובעמבער 16, 2014 1:40 pm

תגובהדורך דזשימי קארטער » דינסטאג נובעמבער 18, 2014 5:15 pm

איך וואקל מיך פאר געלעכטער...חאחאחא

דמתה לתמר
שר מאה
תגובות: 148
זיך איינגעשריבען אום: דאנארשטאג אוקטובער 30, 2014 4:20 pm

תגובהדורך דמתה לתמר » דינסטאג נובעמבער 18, 2014 6:15 pm

לכתחילה אריבער האט געשריבן:סופער דופער.

נ"בביי אונז נוצט מען דעם קאפעל צו קראצען דעם קאפ, נישט נאר צו דרייען באלבס.

אוועטאר
נשמה
שר ארבעת האלפים
תגובות: 4916
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » דינסטאג נובעמבער 18, 2014 6:43 pm

דמתה לתמר האט געשריבן:
לכתחילה אריבער האט געשריבן:סופער דופער.

נ"בביי אונז נוצט מען דעם קאפעל צו קראצען דעם קאפ, נישט נאר צו דרייען באלבס.


און צו הרג'נן א בייזן ציפער.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

אוועטאר
מכה בדופן
שר מאה
תגובות: 203
זיך איינגעשריבען אום: מיטוואך נובעמבער 07, 2012 6:21 pm
לאקאציע: נעבן וואנט

תגובהדורך מכה בדופן » דינסטאג נובעמבער 18, 2014 9:10 pm

א גרויסן ייש"כ פאר אלע מגיבים.

אפדעיט פאר אלע וואס זארגן צום שיקזאל פונם האזל:
ב"ה מיט גרויס מי און פלאג איז מעך געלונגן צו בויען דעם רעמפ, און דער רעביט האט זיך געמאכט היימיש אינם נייע וואוין (בד"וו נישט קיין סאך קלענער פון א ווילי דירה, נאר מיטן מעלה אז ס'פארמאגט א בעקיארד אויך...). איין זאך האבעך יא עגמ"נ אז ס'שטעלט זיך אויס דער אויבערשטע שטאק פונם האטש איז גענוג נידריג דער האז זאל גלייך דארט אריינטאנצן, און ס'ברויך ניטאמאל צוקומען צום רעמפ. סאו למעשה איז דער גאנצע טריפ קיין האום דיפאו געווען אומזיסט, באט זאת נחמתי אז כאטש הא'מער פארדינט אן ארטיקל.


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: בבל און 20 געסט