א שהכל אויף א רעטעך מיינט היינט א תלמיד חכם… היידראופאניקס

די אחראים: יאנאש,אחראי,געלעגער

אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

א שהכל אויף א רעטעך מיינט היינט א תלמיד חכם… היידראופאניקס

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

היידראופאניקס - וואסער פלאנצונגען

יעדע פלאצנונג - וואו אימער עס איז דארף האבן אויף צו קענען וואקסן די מעין בעיסיק קאמפאונענטס:
א פלאץ וואו די ווארצלען קענען זיך אנקערן, פון וואו ס'זאל זיך קענען אנהאלטן, און אויך דארף עס קענען ארייננעמען אין זיך צוויי חלקים. 1. וואסער 2. נוטריענטס וואס גייען אריינלייגן אין די געוואוקס דעם כוח און טעם און לעבן פון די פלאנצונג.
די לעצטע מעין קאמפאונענט איז פאוטאו סינטיעסיס, און דעיס איז ליכט שטראלן. פון די זון אדער ארטיפישל ליכטיגקייט פון על עי די אדער פלארעסנט לייט.

די נוטריענטס באשטייען פון זעכצן עלעמענטס וואס ווערט צוגעשטעלט דורך די ערד, לופט און די וואסער. קארבן, היידראדזשן, אקסידזשן, פאספאורס, פאוטעסיום, נייטראודזשן, סולפור, קאלסיום, איירן, מאגניזיום, באראן, מאנגאניעז, קופער, זינק, מאליבדינום, און קלארין.
די אמאליגע נאטורליכע וועג פון פלאנצן איז געווען אינדרויסן וואו די זון שיינט, די ווינט בלאזט, ס'רעגנט און ס'זאפט זיך איין אין דער ערד, אן די ערד האט אין זיך די נויטיגע נוטריענטס.

פארשער האבן זיך געשפילט יארן צו טרעפן וויאזוי מ'קען מאכן וואקסן אין א קאנטראלד ענווייראנמענט, און א סטערעלייזד שטוב אדער אין א גרינהאוז, און זיי האבן אריינגעברענגט אלע חלקים עקסטער, און זיכער געמאכט אז די ערד איז ריין פון ווערים, עפידס, און אנדערע בעלי חי וואס מאכן קאליע די געוואוקסן, און זיי האבן אריינגעלאזט קאנטראלירטע לופט, און דורכגעזייטע וואסער, און געלאזט די זון שיין אריינקומען.

פעסט פארווארד צו היינט.

מ'דארף בכלל נישט קיין ערד! מ'האט צאם געשטעלט א נוטריענט סאלושן פון די אלע אויבנדערמאנטע מינירלס געמישט מיט וואסער - וואס דארף דאך א געוואוקס סייווי, און מ'לייגט עס אריין אין א פאס, און מ'לייגט אריין א לופט-פאמפ אדער א לופט שטיין וואס ברענגט אריין לופט אין די וואסער - פאר די חלקים פון די מיניראלס וואס ליגט אין די לופט און נישט און וואסער, און פון אויבן שיינט ארטיפישל לייט - פאוטאו סינטיעסיס, און מ'לייגט אריין די זומען אין א קליינע געלעכערטע שיסל אינעם וואסער, און ביז אפאר וואכן רייסט מען אפ שיינע קנאקעדיגע רויטע זאפטיגע טאמעיטאס.
אדער אנדערע וועדזשטעבלס ווי פיקלס, זוקיני, און סקוואש, מייערן, און רובארב, פעפערס - אלע קאלירן און סארטן, ארטיטשאוקס, צוויקל, סעלערי, עגפלענט, צוויבל, ליעקס, פארסניפ, רעיטעך, אספאראראגווס, בראקעלי, פאטעיטע אדער סוויט פאטעיטע, בונדלעך, ביענס, ברוסל ספראוטס, קאליפלאוער, קעבעדזש, לעטוס (נישט לעטערס…).

אדער שטארק וואסעריגע פרוכט ווי רויטע מעלאונא, קענטעלאופ, אלע מינים בעריס, (סטראבעריס, בלובעריס, בלעקבעריס, און רעספבעריס), טרויבן, באנענעס, און אפילו פיינעפל. זאכן וואס דארפן נישט קיין שטארקע ביימער א'סאל קענען וואקסן.

בלומען וואס מ'קען עסן, מייקראו גרינס, אדער ערבס ווי, ארוגעלא, טשייווס, ארעגענאו, מינט, פעפערמינט, טיים, בעיזל, קאריענדער, ראוזמערי, סעידזש, שערוויל, דיל, און טאראגאן.

שוין היינט דא מערערע קאמפאניס וואס שטעלן צו פארטיגע פעסער מיט א פייפינג סיסטעם, מיט א פאמפ, מיט א צווייגן סופארט געבוי דערויף, מיט די לייטס פון אויבן, און פארשטייסט זיך די געמישטע נויטיגע נוטריענט סאלושנס, און אפילו די סיעדלינגס - די זומען, און ס'וואקסט אין דיינונג רום! מ'דארף נאר האבן לעקטער און וואסער אינדערהיים - מים שלנו…

די ארגינעלע - און נאך היינט די גרינגסטע און ביליגסטע - וועג הייסט דיעפ וואטער היידראופאניקס, ווייל די געוואוקסן ליגן אין א קליינע געלעכערטע שיסל פון וואו די ווארצלען וואקסן ארויס אין ליגן אין א פילע באקעט אנגעפולט מיט נוטריענט-רייכע וואסער.

https://www.dropbox.com/s/113w6eljmx1tt ... inners.mp4

נאכדעם איז צוגעקומען די היינט זייער פאפולערע עראופאניקס.

עראו מיינט לופט. היות מ'האמיר געשמועס אז פלאנצונגען דארפן לופט האט מען זיך געשפילט און געטעסט און מ'האט געטראפן אז ס'מעג - און ס'איז בעסער אויב די ווארצלען אטעמען דאפעלט פון וויפיל זיי טרינקען, אבער זיי קענען זיך אויסטרוקענען…. האט מען געמאכט א סיסטעם אז וואסער ווערט געשפריצט אין די ווארצלען ווערן גוט נאס פאר פופצן מינוט, נאכדעם לאזט מען עס אטעמען פאר א האלבע שעה, נאס פאר פופצן מינוט טרוקן פאר א האלבע שעה וכן על זה הדרך.
און מ'האט עס איינגעשטעלט מיט א טיימער וואס האט געהאלטן חשבון, און מ'האט געקענט פארגעסן דערפון. דער וועג האט זיך אויסגעשטעלט צו זיין מיט גאנצע פופציג פראצענט שנעלער און באקומען פארטיגע פרוכט!

די ערשטע אזעלכע סיסטעמס האט געהייסן די עב ענד גראו - אזויווי די נאטורליכע וואסער לעוולס הייבן זיך און לאזן זיך אראפ, דאס האט געארבעט מיט צוויי פאמפס, איינס האט אריינגעגעפאמפט וואסער פון א טאנק צו אלע באקעטס מיט געוואוקסן, און נאך א האלבע שעה ארויסגעפאמפט דאס וואסער צוריק אריין אין טאנק.

נאך שפעטער איז מען אויפגעקומען מיט נאך א גרינגערע וועג און דאס איז די ווערטיקל גארדנס. מ'האט אריינגעלייגט די קליינע שיסלעך אין לעכער וואס מ'האט געמאכט אין א הוילע פאול, דעם פאול האט מען אריינגעלייגט אין א נוטריענט סאלושן באקעט, און מ'האט אריינגעצויגן א פייפ מיט א פאמפ וואס האט ארויפגעשטופט וואסער ביזן שפיץ פון די פאול, און פון דארט האט עס צוריק אראפגעטראפט אויף אלע ווארצלען, און פון דארט איז דאס וואסער צוריק אריינגעקומען אינעם באקעט אונטן. דער פאמפ צינדט זיך אן יעדע האלבע שעה פאר פופצן מינוט.

כהיום יום איז שוין דא אזעלכע סיסטעמס, רעזידענשל, און קאמערשל, קליינע גרויסע און ריזיגע איבער די גאנצע וועלט. ס'דא א קאמפאני וואס קומט אראפ וואו אימער אין די וועלט און שטעלט איין א גרינהאוז היידאופאניק סיסטעם וואס קען ארויסגעבן עטליעסט טויזנט געצייטיגטע ביימעלעך יעדע וואך! און סאך מער - אויב צאלט מען מער… מ'דארף סך הכל האבן פלאץ וואו עס אויפצושטעלן, לעקטער און וואסער.

אין אהער, טשיקאגאו אינטערנעשנל עירפארט, האט די פארט אוטאריטי איינגעפלאנצט צענדליגער ווערטיקל פארמס, און די רעסטאראנט דארט אין די עירפארט נוצט די וועדזשטעבלס פאר די סעלעדס נאר פון די 'פארמס'.

א קליינע קליפ וויאזוי א קעכער אין מאנהעטן ווייזט זיין ווערטיקל גארדן אויפ'ן דאך פון זיין רעסטאנאנט.
https://www.dropbox.com/s/g3h8n9vlokjfr ... aurant.mp4


קלאונינג.
קלאונינג - נאכקאפיען פארטיגע ארגאניזמס, איז שוין היינט נישט קיין גרויסער חידוש, אבער עס ווערט גענוצט טאג טעגליך דורך די פארמערס.
דהיינו, די נארמאלע וועג פון פלאנצן איז נעמען זומען און עס באוואסערן ביז עס ווערט כמעט פארפוילט און נאכדעם הייבט אן ארויסצוקומען פיצעלע ווארצלעך, ווערט גרעסער, וואקס א בלעטל, ווערט א צווייג, וכו', וכו'. צו לאנג פאר תשע14!
מאכט מען אזוי. איין ביימעלע פלאנצט מען איין אויף די געהעריגע וועג, אבער ווי נאר ס'מאכט זיך צווייגלעך, פלאנצט מען איבער - און ביי היידראופאניקס מיינט איבערפלאנצן סך הכל אריין לייגן דעם צווייגן אין אן עקסטערע לעכל, און ביז איין וואך האט דאס צווייגל נייע פרישע ווארצלען! און ביז בלויז פיר וואכן! קען מען שניידן שיינע פיינע טאמעיטעס וכו'. פון דעם נייעם ביימל קען מען נאכאמאל איבערפלאנצן עד סוף כל הדורות און פון יעדע נייע צווייגעלע וועט פיר וואכן שפעטער זיין פרישע פירות.

און צוגאב צו דעם אלעם איז צוגעוואקסן אקואפאניקס - פיש פארמס אינאיינעם מיט פלאנצונגען.

פיש טענק אונערס ווייסן - און ס'איז שוין זייער שיין אויסגעשמועסט געווארן דא אויפ'ן וועלטל דורך --- אז נאך יעדע קורצע צייט מוז מען טוישן דאס וואסער אין א פיש טענק ווייל ס'ווערט צו קאנדענסד מיט די אפפאל פון די פיש, און די קולטשערס, און מ'מוז טוישן דאס וואסער, אבער… מ'טאר נישט טוישן די גאנצע אויף איינמאל ווייל ס'דארף בלייבן פון די קולטשערס אינעם טאנק - אז נישט קענען די פיש שטארבן.

און אוודאי און אוודאי די חברה וואס האדעווען פיש אין טאנקען אויף צו פארקויפן דארפן סאך אפטער טוישן דאס וואסער, ווייל ס'דא דארט סאך מער פיש.

האבן פארשער צאם געשטעלט אז דאס וואסער איז גאר רייך אין ממש די נוטריענטס וואס פלאנצונגען דארפן צו וואקסן! האבן זיי איינגעשטעלט א סיסטעם אין וואס די וואסער פון די פיש-טענקס ווערט ארויסגעפירט צו א פילטער און פון דארט אריין צו די טענק אונטער די היידראופאניקס געוואוקסן, און די געוואוקסן לעבן פון די ניוטריענטס פון די פיש-וואסער, און נאכדעם ווערט עס צוריקגעפירט צום פיש טאנק ריין און גוט פאר די פיש זיך צו האדעווען געהעריג.

https://www.dropbox.com/s/hxyysbp5sawp1 ... ponics.mp4

ווי עס שיינט ווערן היינט רוב גאר שיינע ערלום און גרעיפ טאמעיטעס - און ספעציעל די שיינע פלאם טאמעיטאס וואס מ'קויפט נאך מיט'ן צווייגל - געמאכט דורך עיראופאניקס.

נו היכי תמצא אז מ'קען עסן א גרויסע וועדזשטעבל סעלעד און האבן א פרוכט סעלעד פאר קינוח סעודה און מאכן א שהכל אויף אלעם?
זאלער, וואס וועט זיין מיט אפאר דאלער...
אוועטאר
נישט
שר האלף
תגובות: 1195
זיך איינגעשריבן אום: דאנערשטאג מאי 01, 2014 8:14 pm
לאקאציע: יסודו מעפר, וסופו לעפר

  • ציטיר
  • צו לייגן א דאנק דארפט איר זיין אריינגעלאגט

תגובה דורך נישט »

אז סי'איז פלאות שיין געשריבן, דארף איך ניטאמאל זאגן
כ'וויל נאר פרעגן, האסט עפעס א לינק וואו מען קען עס קויפן?
אוועטאר
ענדע צדיק!
שר שמונת אלפים
תגובות: 8100
זיך איינגעשריבן אום: מיטוואך יולי 17, 2013 4:44 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך ענדע צדיק! »

אינטערסאנט! שכח ר' זאלער
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון
אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

נישט האט געשריבן:האסט עפעס א לינק וואו מען קען עס קויפן?

gardenpool.org איז א גוטע פלאץ אנצוהייבן. דארט איז דא אסאך פראדוקטס פאר ביליג, אבער אויך אסאך קלעסעס וואס איז מסביר וויאזוי עס איינצושטעלן און פארוואס.
אבער דו קענסט מאכן א סערטש אויף hydroponics, aeroponics, אדער aquaponics און וועסט טרעפן פון די ביליגסטע קליינע סיסטעם, ביז די טייערסטע גרעסטע.
זאלער, וואס וועט זיין מיט אפאר דאלער...
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

וואס טיצעך לענין שבת? מעג מען רייסן?
דענקעך אין מחזה אליהו פון הרב פאלק איז דא א תשובה בנושא
אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

יהיה כן האט געשריבן:וואס טיצעך לענין שבת? מעג מען רייסן?
דענקעך אין מחזה אליהו פון הרב פאלק איז דא א תשובה בנושא

א שטארק אינטערסאנטע שאלה, דארף מען גיין נאכזוכן, ווייל אין מציאות ביי די עראופאניקס איז דאך אויטאמאטיש גארנישט מחובר אין ערגעץ - ווען דאס וואסער שפריצט נישט.
"אפרייסן" קען בסך הכל מיינען בלויז ארויסנעמען פונעם טעפל און לייגן אויפ'ן טיש.
זאלער, וואס וועט זיין מיט אפאר דאלער...
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

הערליך ר' זאלער,
אויב גרעיפ טאמעטאס וכדו' וואקסן היידראפאוטיק, דארף מען מאכן א שהכל. וויכטיג צו וויסן.


כמה שאלות
א. וויאזוי האלט זיך א ביימעלע אין וואסער, עס דארף דאך ערד זיך צו האלטן? ועל יובל ישלח שרשיו

ב. קען איך מיר פלאנצן א הערליכן אתרוג אויף סוכות, איז מען יוצא דערמיט?

ג. איז מען חייב תרומות ומעשרות שמיטה ויובל, לקט שכחה ופאה?
שוש אשיש בה', תגל נפשי באלקי! (ישעיה סא)
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

יהיה כן האט געשריבן:וואס טיצעך לענין שבת? מעג מען רייסן?
דענקעך אין מחזה אליהו פון הרב פאלק איז דא א תשובה בנושא

וואס האלטסו שוין ביי רייסן, איך האלט נאך ביי איינפלאנצן לענין שבת..

אויב נישט רייסן קען אבער זיין מעמר אויב אסאך אויף אמאל.
שוש אשיש בה', תגל נפשי באלקי! (ישעיה סא)
אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

איך האב עס געשריבן ווייל איך האב געהערט די הלכה פונעם שהכל אויף טאמעיטעס. מ'קען באקוקן די פעקעדזשינג, געווענליך שטייט דערויף די אינפארמאציע. א לאקאלער פארמער האט געזאגט אז אויב זענען זיי זייער שיין און גענוג טייער איז עס עפ"י רוב פון היידראופאניקס.

לגבי דעם מציאות, האלטן זיך די ביימעלעך אין קליינע געלעכערטע טעפעלעך אין וואס די ווארצלען כאפן זיך אן.
דער פסוק הייבט זיך אן אזוי, והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי. קען זיין פשט אז אויב וועלן די ווארצלען זיין אין דער ערד אויך וועט ער נישט דארפן מורא האבן אויך נישט, ווייל די ערד וועט עס היטן אין א טרוקעניש, אבער ביי היידראופאניקס, אויב לעשט זיך אויס דער פאמפ פאר אפאר שעה איז דערנאך מיט אלע געוואוקסן...

לגבי תרומות ומעשרות דארף מען פרעגן א בקי בענינים אלו. ליידער בין איך נאכנישט.

לגבי אתרוג, וואס זאל זיין די שאלה לגבי יוצא זיין?
אבער אין מציאות ווייס איך נישט צו ס'וועט ארבעטן, ווייל ווי געשריבן ארבעט נישט דער סיסטעם געהעריג פאר פרוכט וואס פארלאנגען א שטארקע שטאם (ביזדערווייל…). נישטא קיין שום ציטרוס ביימער ווי לעמאן, ליים, אראנדזש, גרעיפפרוכט און אתרוג. ס'אויך נישטא קיין פלאמען, פיטשעס, עפל, בארן, וכדומה. נאר בלעטערדיגע ערבס און וועדזשטעבלס און ווייך-צווייגלדיגע פרוכט.

לגבי שבת, ווי יהיה כן האט געפרעגט, בין איך אויך נייגעריג - נאכנישט אויף למעשה, אבער… איינפלאנצן איז לכאורה נישט קיין שאלה. מ'טאר דאך נישט סתם אזוי גיסן וואסער אויף דער ערד משום זורע. דא גיסטו וואסער אויף ווארצלען און ס'מאכט דירעקט וואקסן. וואס זאל זיין א צד היתר בכלל?
לגבי שניידן איז די שאלה ביי איין לעטוס, ווען ס'איז מער-ווייניגער פארטיג, און מ'דארף עס פלעין ארויסנעמען פון זיין זעלבסט-שטענדיגע טעפל, צעשניידן און טיילן. וועט מען מעגן?
זאלער, וואס וועט זיין מיט אפאר דאלער...
אוועטאר
לכתחילה אריבער
שר עשרים אלף
תגובות: 20191
זיך איינגעשריבן אום: זונטאג מאי 09, 2010 7:20 pm
לאקאציע: למטה מעשרה

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכתחילה אריבער »

זייער שיין אין אינפארמעטיוו די ארטיקל! טענק יו.

שוין לאנג געוואלט קויםן אזא קליינע "מאשינקע" צן פלאנצען סטראבעריס..... כ'מיין שבת נאכמיטאג אין קאנטרי, סטראבערי מיט סמייטע..... אהההה!! אין סטאר איז דאך פון מיט ווערים ר"ל. געזען עדווערטייזט אין א קעטעלאג, אבער דאס איז נישט ממש מיט וואסער, נאר מיט א ספעציעלע סארט "געמישאכטס" פון קעמיקאלן.

די וואס פלאנצען פון "די סחורה" - זאל נישט אויסגערעדט זיין - נוצן די חכמה'לעך, ווייל עס מוז זיין באהאלטן.

די פלאנצונגען אין וואסער - אויב כ'דענק גוט - שווימט אויף אזעלעכע "פאום טעצלעך" וואס האלטן זיך אויפן אויבערפלאך, אזוי פאלט עס נישט אריין.

שוין געהערט אז לגבי מרור - וואס מען וויל נעמען גרינס וואס האט געווענדליך "צופיל פראוטין".... נוצט מען פון גרין הויזער - פלעגט זיין פון גוש קטיף, ביז מען האט זיי ארויסגעטריבן -. אבער לעצטענס האט מען געברענגט פון די "וואסער פלאנצונג סארט", און געוויסע האבן פארפירט אז עס האט נישט קיין "דין מרור" ווייל עס איז נישט געוואקסען פון ערד.

לגבי תרומות ומעשרות, איז עס לכאורה נישט ערגער ווי א "עציץ שאינו נקוב" און די זעלבע מיט ערלה, שמיטה וכו'. גרויסע מחלוקת, אבער כ'מיין אז ביי שמיטס איז מען מחמיר.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

זייער אינטערעסאנט. זענען די פרוכט די זעלבע רייך און געזונט ווי ארגעניק פרוכט?

- -

כ'קלער נאך צו די אשכול באלאנגט נישט אין ידיעות התורה פארום
home
שר חמישים ומאתים
תגובות: 382
זיך איינגעשריבן אום: דינסטאג נאוועמבער 20, 2012 10:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך home »

אוועטאר
קנאפער ידען
שר החסד
תגובות: 30727
זיך איינגעשריבן אום: זונטאג יאנואר 06, 2013 10:06 pm
לאקאציע: וואו ג-ט ב"ה וויל

  • ציטיר
  • צו לייגן א דאנק דארפט איר זיין אריינגעלאגט

תגובה דורך קנאפער ידען »

home האט געשריבן:http://www.aerogarden.com/?cid=ppc_g&gclid=CN_qsOfGrL8CFRJk7AodlwkAlA

אויב דענק איך גוט איז דער דאזיגער פירמע געווען באשריבן מיט עטליכע יאר צוריק אין דער שטערן לגבי סטראובערי'ס.
"אייער צופרידנהייט, מיין הנאה." -מיך אליינס...

נישט אייביג קום איך אן צו אלעס, אויב איינער האלט איך קען בייהילפיג זיין פאר עפעס דא קען מען מיר צושיקן א לינק דערצו אין אימעיל [email protected]
home
שר חמישים ומאתים
תגובות: 382
זיך איינגעשריבן אום: דינסטאג נאוועמבער 20, 2012 10:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך home »

גערעכט
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

רבותי! עס קומט א שטורעם און דאס מאל איז עס נישט אין א גלעזל וואסער, נאר אסאך אסאך מער פון דעם.

ווי באקאנט קומט יעצט דער יום טוב פסח, אין וועלכן איינס פון די חשוב'סטע מצוות ביים סדר נאכט, טאקע א דרבנן בזמן הזה ליידער, איז די מצוה פון מרור.

יעצט דער חשוב'סטער מרור איז "חזרת" ווי באקאנט פון גמרא נאך, און די אחרונים חכם צבי, חק יעקב וכו', האבן פעסטגעשטעלט אז ס'רעדט פון דעם בלעטערדיגן ירק וואס מיר קענען אלס שאלאטן אדער romaine lettuce.

און מיר ווייסן דאך אלע אז צו עסן מרור אדער סיי וועלכע גרינצייג אן דעם וואס ס'זאל ווערן נבדק כהלכה מחשש תולעים איז אמאל אן איסור דרבנן (מיעוט המצוי) און אמאל א דאורייתא (איתחזק איסורא), בכל אופן איז עס א שרעקליכע איסור ווען פאר יעדן ווארם וואס מ'עסט וועט מען נכשל אין עטליכע לאוין דאורייתא (תלוי צי ס'איז א קריכעדיגס אדער פליעדיגע). און ס'איז באקאנט וואס דער הייליגער חתם סופר זי"ע שרייבט אין זיינע הגהות אויפ'ן שלחן ערוך, אז אויב איינער האט נישט קיין גוטע בודקים צו איבערקוקן די שאלאטן און צו זיכער מאכן אז ס'איז ווערים-ריין, זאל עס ח"ו נישט עסן, נאר יוצא זיין מרור מיט תמכא-כריין (אדער אנדערע מינים).

אין די לעצטע יארן יאוווען זיך קאמפאניעס ווי די שוואמען וואס אלע האלטן דער נושא פאר די אויגן, זיי צילן צו אהערשטעלן פאר'ן עולם מהודר'דיגע שאלאטן וואס זאלן זיין געפלאנצט און גרינהאוזעס און געוואשן און נבדק דורך אלע מיני עצות ותחבולות, אז ס'זאל ח"ו נישט זיין קיין חשש תולעים אין די דאזיגע שאלאטן, און אז ווען א איד איז מקיים די מצוה פון מרור זאל עס נישט זיין ח"ו קיין מצוה הבאה בעבירה, ווען אינאיינעם מיטן בלעטל מרור זאלן ח"ו מיטקומען עטליכע פליעדיגע אדער קריכעדיגע וואס זענען שטעקן געבליבן צווישן די חסא בלעטער.

והדברים עתיקין וידועים לכל.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

אין יעדן פאל, און אין יעדן מקום, און אין יעדן זמן, האט זיך יעדער געהאלטן צו די גדרים פון די אנגענומענע הוראות פון רבנים, דיינים און פוסקים, און אלע שאלאטן וואס זענען פארקויפט געווארן פאר מרור, פלעגן געפלאנצט ווערן ע"פ דרך המסורה דווקא אין ערד. און טראצדעם וואס ס'איז דא א פיינע עצה, אראפ מיט די ערד און מיט אלע תולעים, און פלאנץ שאלאטן hydroponically אין וואסער, איז דאס קיינעם נישט בייגעפאלן צו טון אזא זאך ח"ו ביז היינט, וויסנדיג אז מרור דארף זיין א ירק, א "בורא פרי האדמה", און עס דארף וואקסן אין דער ערד. איי די קריכעדיגע? מ'העט זיך מוטשען, אזוי אדער אזוי.

עד שבא... טראך... דער חכם פון דער מה נשתנה האט זיך אויפגעוועקט, און נישט מער און נישט ווייניגער, האט ער געעפנט א קאמפאני צו מאכן שאלאטן וואקסן אין וואסער. אין וואסער איז דאך נישטא קיין ווערים, מה לי ולצרה הזאת. אלזא מ'פאקט ירקות אין בעגס, ירקות אין טאש, און מ'פארקויפט פאר'ן עולם די שאלאטן וואס זענען געוואקסן אין וואסער, אז מ'זאל מיט דעם מקיים זיין מצות מרור. און כדי להגדיל הצרה האט מען נאך ארויפגעשריבן דערויף "ברכתו בורא פרי האדמה".

אלזא, יבואו בעלי תריסין ויגידו כדת מה לעשות....
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

דא האט איר דעם תהליך פון פלאנצן שאלאטן און אנדערע ערליי לעטוסן, אויפ'ן היידראו פאנישן סיסטעם. כדי צו וויסן אויב ס'זענען דא חילוקים, דארף מען פרעגן די בעלי מכשירים.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

זע דא אז אפילו די היבש מאדערנע זענען חושש אז וואסער-שאלאטן איז שהכל.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

און אויך לגבי תולעים איז נישט אזוי פויגלדיג, זע דא.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

זע דא לגבי מרור.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

זעה אויך דא
אוועטאר
מקובל אלוקי
שר האלף
תגובות: 1219
זיך איינגעשריבן אום: מאנטאג נאוועמבער 01, 2021 10:12 pm

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך מקובל אלוקי »

ע”פ מנהגי בית ראפשיץ צו מאכן א בורא פרי האדמה אויף די פאטעיטא נאר פסח ביי כרפס אין א גאנצע יאר מאכט מען א שהכל...
מעג מען לכ’ ניצן די מרור לכתחילה,
ווייל די סיבה פארוואס זיי מאכן א שהכל אויף פאטעיטא א גאנצע יאר איז ווייל זיי האבן געהאלטן אז סוואקסט פון די וואסער נישט פון די ערד...
אין דאך האבן זי געהאלטן אז מ'קען מאכן א האדמה פאר כרפס,
צו פטרן די מרור...
די זעלבע ביי די מרור לכאורה,
איך פסקען נישט...
אבער די ראפשיצע קינדער זענען געווען גרויסע ת”ח!
זיכסט א ספר, רבי, חברותה, מראה מקום, אין לימוד הקבלה? איך קען אייך אפשר העלפן! אין אישי!
אוועטאר
פלעגט גיין שלאפן פרי
שר חמש מאות
תגובות: 867
זיך איינגעשריבן אום: מיטוואך מאי 18, 2022 4:15 am

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלעגט גיין שלאפן פרי »

פאר די מאכסט א מהפיכא פון דעם גיי רעדעס דורך מיט א דיין אדער אויב דעיס האט א געהעריגע הכשר איך גלייב די דיינים ווייסן דערפון אין זעט אויס זיי האלטען אז סקיין פראבלעם
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

פלעגט גיין שלאפן פרי האט געשריבן: דינסטאג מארטש 21, 2023 4:24 am
פאר די מאכסט א מהפיכא פון דעם גיי רעדעס דורך מיט א דיין אדער אויב דעיס האט א געהעריגע הכשר איך גלייב די דיינים ווייסן דערפון אין זעט אויס זיי האלטען אז סקיין פראבלעם
איך האב שוין גערעדט מיט עטליכע דיינים, וואס זיי האלטן אלע אז ס'איז א פראבלעם (מסתמא איז אויך דא וואס האלטן אז ס'גוט, אבער ס'איז א טיפיקל שערוריה. שוין לאנג נישט געווען!).
אב לאנדאן
שר חמישים ומאתים
תגובות: 358
זיך איינגעשריבן אום: דינסטאג נאוועמבער 19, 2019 9:24 am

Re: שטורעם אין עולם התורה - וואסער-שאלאטן פאר מרור

  • ציטיר
  • צו לייגן א דאנק דארפט איר זיין אריינגעלאגט

תגובה דורך אב לאנדאן »

מקובל אלוקי האט געשריבן: דינסטאג מארטש 21, 2023 3:58 am
ע”פ מנהגי בית ראפשיץ צו מאכן א בורא פרי האדמה אויף די פאטעיטא נאר פסח ביי כרפס אין א גאנצע יאר מאכט מען א שהכל...
מעג מען לכ’ ניצן די מרור לכתחילה,
ווייל די סיבה פארוואס זיי מאכן א שהכל אויף פאטעיטא א גאנצע יאר איז ווייל זיי האבן געהאלטן אז סוואקסט פון די וואסער נישט פון די ערד...
אין דאך האבן זי געהאלטן אז מ'קען מאכן א האדמה פאר כרפס,
צו פטרן די מרור...

די זעלבע ביי די מרור לכאורה,
איך פסקען נישט...
אבער די ראפשיצע קינדער זענען געווען גרויסע ת”ח!
מהיכי תיתי אז דעס איז געווען זייער הסבר?
מפני שאנו מדמין, נעשה מעשה?
שרייב תגובה

צוריק צו “הלכות תפלה וברכות”