וועלכע וויין פאר ארבע כוסות

[שטארק זיך]

לכ׳ ר׳ יוסף משרייבער יצ״ו,

די מימרא וואס איר זאגט בשם ס״ר ז״ל, באס איך געהערט ממש אויף פארקערט,
היה אצל אסיפה בו דנו בענין לתת השגחה על פראדוקטן שונים לצורך פסח, ורב אחד חשוב ז״ל, שצדד לבל יתנו השגחה אפילו ל׳גע׳כשר׳טע טשיקענס (בימים ההם נהגו הרבה להכשיר העופות בבית לצורך הפסח, וגם כיום ישנם כאלו), ברם כשדנו על יין אמר הרב הנ״ל: ״ר׳ יונה הערצאג איז דאך אן ערליכער איד״... וצידד שעל יין אכן יתנו השגחה.

על זה נענה הס״ר בערך כך: ״אך וועל אייך זאגן דעם חילוק צווישן וויין און פלייש״... אצל בשר ושאר מאכלים, תהיה זאת דאגת הרבנית... ואצל יין, ״וועט איר זעך דארפן ארויפשארצן די ארבל... דאן איז שוין ר׳ יונה הערצאג אן ערליכער איד״...
ע״כ הסיפור, ולאו מר בר רב אשי חתום עלה, והבוחר יבחר...

[קראק-פאט]

יא דאס שטימט מער. זיך אנגעהויבן דא

[יוסף שרייבער]

די מעשה האט שוין א קראק פאט געברענגט ערגעץ אויף אונזער וועלטל, במחכ"ת זעה איך נישט פארוואס דאס זאל מיינען פונקט פארקערט פון מיין מעשה, עס איז 2 עקסטערע נקודות ודו"ק.

[שטארק זיך]

די מעשה האט שוין א קראק פאט געברענגט ערגעץ אויף אונזער וועלטל, במחכ"ת זעה איך נישט פארוואס דאס זאל מיינען פונקט פארקערט פון מיין מעשה, עס איז 2 עקסטערע נקודות ודו"ק.

אין הכי טאקע... מיר האט דאס אבער געקלונגן ווי דער זעלבער מימרא נאר עטוואס (בלשון המעטה) פארדרייט...

[יוסף שרייבער]

דאס האט ער געענפערט פאר יענעם רב ווי מען זאגט זייט נישט קיין פרומער אויף אייער רעבעצין'ס חשבון אבער אויף דעם קובע צו זיין צו ער האט געטרינקען ר' יונה'ס וויין? לדעתי נישט

באלד וועט שוין קומען איינער און זאגען אז סאטמארער רב האט געהאלטן אז ר' יונה איז נישט קיין ערליכער איד משום די מעשה, בקיצור מען דארף וויסען ווי דער חמור שטייט איין...

[שטארק זיך]

מסכים

[ווינקל]

מיר ליגט אין זכרון -כ'ברויך איבערפרעגן מיין טאטע'ן זז"ג פונקטליך- אז רביה"ק מ'סאטמאר האט אמאל ביי א טיש געזופט פון ר' יונה הערצאג'ס וויין, כלומר להסיר דיבה מעליו.

[שלומי אמוני ישראל]

יאך טרינק היימישע מאסט

[שרייבטאראפ]

א גאנץ יאהר קידוש
Baron Herzog Jeunesse Cabernet Sauvignon

פסח די ריזערוו איז נישט מבושל

[סאכדעס]

מאסט איז נישט קיין וויין.

[שטארק זיך]

ע״פ הלכה הייסט ער ״יין״; בלייבט נאר איבער מברר צו זיין אויב וויין איז דער אפטייטש פון יין...

[סאכדעס]

ער הייסט יין מגיתו, וואס לויט רוב פוסקים דארף מען האבן פסח וויין ממש.

[דזשעב 012]

די גאנצע זאך פון וויין איז משום "מצוה מן המובחר", וויבאלד עס איז חשוב, דעריבער טאמער איינער קען נישט פארנעמען וויין, איז דאס נישט שייך, און ס'איז אפי' מסתבר אז ביי אזא אופן זאל גרעיפ דזשאוס זיין "מצוה מן המובחר" (בגמרא, "סוחט אדם אשכול של ענבים ומקדש עליו" , טאקע ביי שבת אבער וה"ה לארבע כוסות).

(כ"ז שמעתי משיעור של הג"ר בנציון שטראססער שליט"א דיין נייטרא ב"פ)

[שטארק זיך]

ער הייסט יין מגיתו, וואס לויט רוב פוסקים דארף מען האבן פסח וויין ממש.

לכתחילה או מדינא?
מראי מקום?

[וויכטיג מאכער]

הרב ביקסאד, מיין טאטע מאכט טאקע מאסט, אבער קידוש טרינקט ער וויין, און טאקע די מאטאק סאפט וויין וואס דער עולם האט גערעדט דא.

אני הקטן מאך קידוש יעדע וואך אויף א פלעשל קארבינעי, אמאל פלעגעס זיין נעפע אדער עלעקזענדער פון הערצאג, אבער ס'איז מבושל, און אויב מאכצעך (סאל זיך נישט מאכן) אז איך לאז איבער אויף נאך שבת איזעס שנעל געווארן אויס פריש...

אצינד האבעך געמופט צו "גבעות", א גאר גוטע וויין! איך טרינק דאס שוין פאר ארום א יאר, (אפשר מער) און גאנץ לעצטענס מישעך ארום, יעדע וואך א צווייטס, אמאל גבעות, פסעגאט, און נאך א וויין, א נייע זייער א גוטע נישט מבושל מיטן ביד"ץ הכשר.

אויף פסח האבעך נאכנישט דעסיידעד וואס כ'גיי טרינקן, ווארשיינליך העלעך גיין מיט איינע פון די דריי...

[msp]

ער הייסט יין מגיתו, וואס לויט רוב פוסקים דארף מען האבן פסח וויין ממש.

אמת
אבער די שאלה איז פאר די מחמירים וואס איז חשבער
זהירות מחשש חמץ אדער הידור ביין לד' כוסות

[סגל]

ער הייסט יין מגיתו, וואס לויט רוב פוסקים דארף מען האבן פסח וויין ממש.

אמת
אבער די שאלה איז פאר די מחמירים וואס איז חשבער
זהירות מחשש חמץ אדער הידור ביין לד' כוסות

האב איך אויך געהאט חשק צו מאכן מאסט היי יאר, למעשה דארף מען טאקע אריין קלערן וואס איז בעסער, זיסע וויין פון די קאמפאניס, אדער היימישע מאסט, (טריקענע וויין איז נישט קיין אפשען), האפענטליך עמער פרעגן א רב און לאזן וויסן די עולם דא, אויב איינער האט א ידיעה אין די נושא זאל ביטע אריינקומען

[כא כא כא]

לויפער - בלאש מאסקאט איז די בעסטע וויין פארן סדר, פאר די נישט וויין טרינקער.
ס'איז רויטע וויין, מורא'דיג לייכט צו טרינקען און מורא'דיג לייכט אויפן מאגן, אביסעלע זיסלעך אן צוקער, ס'איז געפילטערט אסאך מאל וואס דאס נעמט אוועק די כח פון די אלקעהאל צו ווירקען אויפן מוח, נאך פיר כוסות שפירט מען נישט גארנישט נישט אויפן קאפ און נישט אויפן מאגן.

אסאך אידן האבן מיך שוין געבענטשט פארן אנטראגן די וויין, זאגענדיג אז כאב קיינמאל נישט געקענט מאכן קידוש אויף וויין ביז איך האב זיי אנגעטראגן די וויין, און זיי זענען זיך מחיה.

קויפט קודם איין פלאש פארן קומענדיגן שבת, פרובירט עס אויס, און מיטן אייבערשטענס הילף וועט איר קענען רואיגערהייט טרינקען פיר כוסות וויין צום סדר אן קיין שווערע נאכפאלגן.

[פרינדזשעס..]

די וויין איז א יחיד במינה עס איז לייכט און געשמאק און האט אלע מעלות,
עס קאסט א נישטיגע $57 ביי מיין משמש,
פארזוכט עס און ווערט נישט אנטוישט.

יין חבל יהודה - מצפה.png (43.84 KiB) געזען 956 מאל

[סגל]

ער הייסט יין מגיתו, וואס לויט רוב פוסקים דארף מען האבן פסח וויין ממש.

אמת
אבער די שאלה איז פאר די מחמירים וואס איז חשבער
זהירות מחשש חמץ אדער הידור ביין לד' כוסות

האב איך אויך געהאט חשק צו מאכן מאסט היי יאר, למעשה דארף מען טאקע אריין קלערן וואס איז בעסער, זיסע וויין פון די קאמפאניס, אדער היימישע מאסט, (טריקענע וויין איז נישט קיין אפשען), האפענטליך עמער פרעגן א רב און לאזן וויסן די עולם דא, אויב איינער האט א ידיעה אין די נושא זאל ביטע אריינקומען

דער רב טענה'ט אז ענדערשע קויפן וויין, אפילו זיסע, ווי נוצן היימישע מאסט, אבער דוקא נישט מבושל.

[נא_שכל]

ער הייסט יין מגיתו, וואס לויט רוב פוסקים דארף מען האבן פסח וויין ממש.

אמת
אבער די שאלה איז פאר די מחמירים וואס איז חשבער
זהירות מחשש חמץ אדער הידור ביין לד' כוסות

האב איך אויך געהאט חשק צו מאכן מאסט היי יאר, למעשה דארף מען טאקע אריין קלערן וואס איז בעסער, זיסע וויין פון די קאמפאניס, אדער היימישע מאסט, (טריקענע וויין איז נישט קיין אפשען), האפענטליך עמער פרעגן א רב און לאזן וויסן די עולם דא, אויב איינער האט א ידיעה אין די נושא זאל ביטע אריינקומען

וויין איז זיכער חשובער ווי מאסט - יין מגיתו, אבער ס'איז כדאי מקפיד צו זיין אז די זיסע וויין זאל זיין נאטורליך זיס, נישט קיין "קריעם" וויינען, וואס די קאמפאני לייגט אריין צוקער. ווייל דעמאלטס גייט עס מעגליך אריין בגדר "יין קונדיטין" וואס איז ווייניגער חשוב ווי יין שאין בו תערובת.

נאטורליך זיס איז דא פארשידענע מינים, אדער שפעט געצייטיגטע - לעיט הארוועסט, אדער וויין וואס מ'שטעלט אפ פרי די פראצעדור פון טוישן די נאטורליכע צוקער אויף אלקאהל.

פרעגט זיך נאך ביי אייער וויין סוחר.

[טאוסטעד]

די גאנצע זאך פון וויין איז משום "מצוה מן המובחר", וויבאלד עס איז חשוב, דעריבער טאמער איינער קען נישט פארנעמען וויין, איז דאס נישט שייך, און ס'איז אפי' מסתבר אז ביי אזא אופן זאל גרעיפ דזשאוס זיין "מצוה מן המובחר" (בגמרא, "סוחט אדם אשכול של ענבים ומקדש עליו" , טאקע ביי שבת אבער וה"ה לארבע כוסות).

(כ"ז שמעתי משיעור של הג"ר בנציון שטראססער שליט"א דיין נייטרא ב"פ)

זייער אינטערעסאנט

ער קריגט זיך מיט א אפענע מחבר?

די מחבר זאגט ביי ארבע כוסות זאל מען טרינקען וויין אאע"פ ששונאו

[טאוסטעד]

נאך מער יעצט זעע איך די מחבר זאגט די לשון "צריך לדחקו"

ווי אזוי קען מען זאגן אז אויב איינער פארנעמט נישט קיין וויין זאל ער ניצן גרעיפ דשוס?

[נא_שכל]

די גאנצע זאך פון וויין איז משום "מצוה מן המובחר", וויבאלד עס איז חשוב, דעריבער טאמער איינער קען נישט פארנעמען וויין, איז דאס נישט שייך, און ס'איז אפי' מסתבר אז ביי אזא אופן זאל גרעיפ דזשאוס זיין "מצוה מן המובחר" (בגמרא, "סוחט אדם אשכול של ענבים ומקדש עליו" , טאקע ביי שבת אבער וה"ה לארבע כוסות).

(כ"ז שמעתי משיעור של הג"ר בנציון שטראססער שליט"א דיין נייטרא ב"פ)

זייער אינטערעסאנט

ער קריגט זיך מיט א אפענע מחבר?

די מחבר זאגט ביי ארבע כוסות זאל מען טרינקען וויין אאע"פ ששונאו

דער מחבר מיינט נישט לאפוקי יין מגיתו, נאר בכלל אז דער מענטש אליינס זאל טרינקן עפעס א "וויין", אפילו חמר מדינה, עי' בפוסקים ובמ"ב. משא"כ בקידוש של שבת ויו"ט קען מען יוצא זיין פון א צווייטן.

[טאוסטעד]

די גאנצע זאך פון וויין איז משום "מצוה מן המובחר", וויבאלד עס איז חשוב, דעריבער טאמער איינער קען נישט פארנעמען וויין, איז דאס נישט שייך, און ס'איז אפי' מסתבר אז ביי אזא אופן זאל גרעיפ דזשאוס זיין "מצוה מן המובחר" (בגמרא, "סוחט אדם אשכול של ענבים ומקדש עליו" , טאקע ביי שבת אבער וה"ה לארבע כוסות).

(כ"ז שמעתי משיעור של הג"ר בנציון שטראססער שליט"א דיין נייטרא ב"פ)

זייער אינטערעסאנט

ער קריגט זיך מיט א אפענע מחבר?

די מחבר זאגט ביי ארבע כוסות זאל מען טרינקען וויין אאע"פ ששונאו

דער מחבר מיינט נישט לאפוקי יין מגיתו, נאר בכלל אז דער מענטש אליינס זאל טרינקן עפעס א "וויין", אפילו חמר מדינה, עי' בפוסקים ובמ"ב. משא"כ בקידוש של שבת ויו"ט קען מען יוצא זיין פון א צווייטן.

וועלכע פוסקים לערנען אזוי אין די מחבר? פון משנה ברירה קוקט יא אויס ווי ער פארשטייט אז די מחבר רעדט פון וויין

אזוי זעע איך אויך אין אוצר הלכות און אין נאך ספרים

איך זעע נאר א היתר אויב מוועט זיך ממש נישט גוט פילן און אריינפאלן אין בעט פון די וויין אבער אז נישט איז זיכער א הידור מצוה אדער גאר א חויב צו ניצן דווקא וויין

אדרבה וועלכע פוסקים לערנען אנדערש? סאיז מיר נוגע למעשה אלס א שטארקע נישט וויין ליבהאבער (מילד גערעדט)