נאטן

די אחראים: יאנאש,אחראי,געלעגער

בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

נאטען

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

געפינט זיך דא עמיצער וואס קען די חכמה פון נאטען?

אויב יא ביטע א געפעליגקייט טון און זיך לאזן הערן.

די מעשה איז אזוי, אזוי ווי איך הייב נישט אן צו קענען קיין נאטען.. עגבערט מיר שוין לאנג אין מח, פון וואו קומט דאס, ווער האט דאס מחבר געווען? ווי אלט איז דאס? איז דאס אונטערנאציאנאל? איז דאס נאר פאר שפילערס אדער ס'איז דא וואס ליינען דאס און זינגען תיכף ומיד געהעריג דעם ניגון.. איז זיך דאס גרינג צו דערלערנען?.. חכמת המוזיקא איז דאך פון די שבע חכמות.. און איך גלייב אז נאטען איז זיכער א חלק פון די חכמה..

דער אמת, ס'איז דאך נישט די איינציגסטע זאך וואס איך ווייס נישט, און וויל וויסן, און האב הונדערט קשיות.. איז וואס האט מיך אבער באוואויגען צו שרייבן די פאר שורות דא.. נאר לעצטענס האב איך געטראפן אן אלט ביכל פון 500 יאר צוריק, וואס א גרויסער געלערנטער ביבלישער העברעאישער ערל האט ארויסגעגעבן אין שווייץ, און דארט איז אריינגעדרוקט בילדער פון נאטן פון די טעמי המקרא, דאס האט מיך שוין ארויסגענומען פון די כלים, ס'ברענט מיר פשוט דער נייגער צו וויסן וואס דער האט געוויסט דערפון, און וויאזוי מ'האט עס דאן געזונגען.

די טעמים, אדער וויאזוי מיר רופן עס טראפן, (איי וואס האט טראפן מיט ניגון, דערמאנט מיר עס פונעם באקאנטן טראפ-ניגון, וואס דער וועלט בארימטער באבובער קאמפאזיטאר האט פארפאסט בשעת'ן זיך צוהערן צו די טראפן וואס זענען געפאלן לעבן אים, פון דעם איז באשאפן געווארן א ניגון, נישט סתם א ניגון נאר גאר א התעוררות'דיגע ניגון וואס מ'זינגט ביי די העכסטע מאמענטן פון א אידס לעבן, אונטער די חופה), איז די איינציגסטע זאך, וואס איז פון די חלקי התורה, און מ'קען עס נישט אראפשרייבן אויף א ספר אזוי ווי אלע אנדערע חלקי התורה שבע"פ, נאכדעם וואס עס איז מותר געווארן אלס עת לעשות לה', דו מוזט עס הערן פון איינעם במסורה דור אחר דור.

און טעמים לויט ווי אונז ווייס מיר היינט, איז נישט קיין שפילעכל פון די שפעטערע חכמי טברי' די בעלי המסורה, צי פון עזרא הסופר, לויט וויאזוי רוב פריערדיגע מדקדקים האבן געהאלטן, און לשיטתם מיינט די גמרא אין נדרים נישט די טראפן נאר עפעס אנדערש, יעדער איינער מיט זיין פשט, און דער גרויסער מדקדק אליהו בחור אין הקדמה צו זיין מסרת המסרת איז זייער שטארק מאריך דערין ממש קוים וואס מ'קען אים רירן, ער טענה'ט אויב ס'איז מסיני פארוואס ווערט עס קיין איינמאל נישט דערמאנט אין כל ספרי חז"ל א מלה אחת פון א טראפ, ער האט בערג מיט ראיות אויף זיין מיינונג.

אבער אונזער דור שפל מיר וואס האבן זוכה געווען צו דעם התגלות הזוהר, וואס בספרא דא יפקון מן גלותא, און דארט איז ר' שמעון מגלה געוואלדיגע רזי דרזין אויפן פשטא און זרקא וכו' וכו', און אלע מקובלים פה אחד, אז כולם ניתנו מסיני, כידוע די ד' קדושות התיבה וואס ווערט גערופן אין קבלה מיט ר"ת טנת"א [טעמים נקודות תגין אותיות].

און כאטש וואס אין הלכה איז גע'פסק'נט אז ביי א טעות אין טראפן דארף מען נישט איבערליינען, ווייזט מען שוין אבער אויף וויפיל צענדליגע נקודות טוישט זיך לויטן טראפ, ווי אס"ף [און טייל מאל אויך די משנה למלך, און גרעסערע מפסיקים], וועט משנה זיין א שוא צו א סגול אדער קמץ, פון פתח צו א קמץ, פון א סגול צו א צירי, אין נקודות איז דאך אמאל זיכער מסיני, און א טעות דארט איז מעכב בדיעבד ווייל ס'איז משנה די משמעות, איז וויאזוי קען זיך די נקודות טוישן פאר די טראפן?..אויב ס'איז נישט מרועה אחד ניתנו..

צוריק צום ענין, וויבאלד א טאן קען מען נישט שרייבן מיט קיין ווערטער, האבן די גאונים דאס נישט געקענט פארשרייבן, די פעולות וואס די טעמים טוען, די כחות פון יעדע טעם, די דרגות אין הפסקה און פון חיבור, און די אלע חילוקים אין דקדוק דורך די טעמים האבן די אבן עזרא מיט ר"ת מברר געווען אין זייערע חיבורים, און אויך אנדערע ראשונים ווי די רד"ק רש"י, משולב אין זייערע ספרים, אבער די טעם וואס זיי לייגן אריין אין א פסוק צו פארשטיין גוט די עומק כוונת הקרא, ווי ס'גייט דער מאמר העולם אויף טאטע שיק מיר הויזן, און ווי די גמרא זאגט הקורא בלא נעימה.. דאס פארשטייט זיך קען מען נישט שרייבן נאר הערן.. און פון דעם איז ארויסגעקומען אז מ'ווייסט נישט געוויסע טראפן וויאזוי ריכטיג צו זינגען, און פארשידענע חילוקים צווישן די עדות ישראל שבטי קה. טייל פשוטע משרתים וואס מ'איז מאריך בנגינה, און צומאל שטארקע מפסיקים וואס מ'איז מבליע, צו די זעלטענע טראפן וואס זייער אסאך ווייסן נישט וויאזוי צו זאגן, דער ירח בן יומו, קרני פרה, וואס ווייל מ'הערט עס ווייניג כאפט מען עס נישט געהעריג אויף, און מ'זעט ווי די בני ארץ ליטא, האבן א באזונדערע נוסח אויף נביאים, און אויף עטליכע מגילות. [די פלאות'דיגע תימנ'ע מסורה פון ווייזן מיט די הענט, וואס כ'האב שוין געזען, רעדיך נישט, ווייל ס'האט נישט מיט נגינה, אבער זעט אויס אין צייטן פון רש"י איז עס געווען דארט אויך, אויף די גמרא אין ברכות שמראין בה טעמי תורה, איז רש"י מסביר דאס וואס זיי טוען),

און אזוי אויך, אפילו ביי די באקאנטע טראפן איז דא חילוקים צווישן די אשכנזים און ספרדים תימנים, צווישן די אשכנזים טאקע כמעט נישט, [נאר איינצעלנע, ווי די ליטווישע זאגן נישט דעם ניגון פשטא-קטן, א טייל אויך נישט דעם שיינעם מי הי הי הי הי הי נאח, אויסער ביי א לגרמיה].

בקיצור.. דאס אז ס'איז אפגעשריבן נאטן דערוועגן פון אזוי לאנג צוריק איז מיר זייער שטארק אינטערעסאנט, איך האב נאר אזויפיל אויפגעמערקט אז די נאטן דארט הייבט נישט אן צו ענדלען צו די נאטן וואס איך זע היינט צוטאגס, איז דא קום איך צוריק צו מיינע ערשטע שאלות.. איז דא עטליכע נאטן, אדער איין אונטערנאציאנאלע? ואת"ל כדרך האחרון, וועט מען מוזן זאגן אז די נאטן זענען מיט די יארן משונה געווארן אזוי ווי יעדע שריפט ווערט..

איז ווארט איך אויף א מבין וואס עט זיך אנגטראגן צו העלפן א צובראכן איד, וואס זעט נישט קיין וועג ארויס......
אויב אמצא את שאהבה נפשי, וועל איך בל"נ זיך אנשטרענגן צו אריינסקענען דא א בילד א דוגמא, איך האף ס'וועט מיר געלונגען...
לעצט פארראכטן דורך בני היכלא אום מאנטאג יולי 14, 2008 5:04 pm, פארראכטן געווארן 2 מאל.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

היות כ'בין נישט באן קאמפיוטער, וועט אי"ה אביסל שפעטער דעליווערט ווערן א גאנצער פעקל אינפארמאציע, מיט אן ענטפער אויף רוב פון דיינע פראגעס.
An article a day keeps the babies away
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

ווער האט זיך אנגערופן מיט הילף?.. אה מאשקע.. פארשטייט זיך. ווער דען?.. זיכער ער.. מ'רעדט דאך פון מיסטער כעסעד..
לעצט פארראכטן דורך בני היכלא אום מאנטאג יולי 14, 2008 5:05 pm, פארראכטן געווארן 2 מאל.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

אקעי, די מעשה איז אזוי. אינדערהיים האב איך א סעט פון היסטאריע ביכער, מיט'ן נאמען "נגינה און תפלות ביי אידן" (עפעס אזוי), געשריבן דורך יהודה לייב חדקל (פרעג מיך נישט פון וועלכע חדקל משפחה, ווייל כ'בין נישט באקאנט). דער איד האט ארויסגעגעבן א מייסטער-ווערק איבער אלע עניני נגינה והמסתעף ביי כלל ישראל, אנגעפאנגען פון דעם ערשטן מאל וואס א מוזיקאלישער אינסטרומענט ווערט דערמאנט אין דער תורה, קורץ נאך בריאת העולם, ביז די היינטיגע צייטן.
(אגב, זיי מיך נישט אזוי מקנא, ווייל איך האב נאר דריי בענדער. איינס אדער עטליכע בענדער פעלט מיר...)

בין איך געגאנגען היינט צופרי, און געכאפט עטליכע בילדער וואו ער רעדט פון די נאטן און די טראפן, און כ'וועל עס אי"ה נאך היינט ארויפלייגן דא. כ'דארף נאך טרעפן א גוטן וועג וויאזוי עס ארויפצולייגן אין א סדר.

איז לאמיר דערווייל ענטפערן אפאר פון דיינע פראגעס, צו שטילן דיין דורשט נאך ידיעות.

1) די חכמה פון אפשרייבן מוזיק איז גאר אן אלטע, מעגליך אז נאנט צו 2,000 יאר. ביז ארום 500 למספרם פלעגט מען דאס שרייבן מיט בוכשטאבן, אבער שפעטער האט מען עס געטוישט צו סימנים. דער סיסטעם וואס מ'נוצט היינט צו שרייבן נאטן, קומט פון אן איטאליענער פראפעסאר, כ'געדענק נישט זיין נאמען, אבער כ'ווייס אזויפיל אז די אלע ווערטער וואס מ'נוצט אין דעם מוזיק "שפראך", זענען איטאליעניש.

2) יא. מוזיקאלישע נאטן איז אינטערנאציאנאל. אין די גאנצע וועלט ניצט מען דעם זעלבן סיסטעם פון ליינען און שרייבן מוזיק.

3) נאטן איז סיי פאר שפילערס און סיי פאר זינגערס. אבער, פיל מער מענטשן קענען דאס שפילן ווי זינגען. די סיבה איז פשוט, ווייל ביים שפילן דארפסטו בלויז וויסן "וועלכן קנעפל צו דרוקן" און ווי שטארק צו דרוקן אא"וו, משא"כ ביים זינגען דארפסטו אליין כאפן וועלכע נאוט ס'קומט יעצט.
עס זענען דא צוויי סארט וועגן וויאזוי צו ליינען מוזיק ביים זינגען (און אין א געוויסן זין אויך ביים שפילן): פערפעקט פיטש און רעלאטיוו פיטש. "פערפעקט פיטש" - לגבי זינגען - איז פיל שווערער. מ'דארף קוקן אויפ'ן ערשטן "בוכשטאב", לאמיר זאגן אז ס'איז א C (די בוכשטאבן גייען פון A ביז G), און לויט דעם אנפאנגען צו זינגען דעם ניגון, אז ס'זאל טאקע זיין אויפ'ן SCALE פון C. דאס איז שווער צו טון, ווייל ווייניג מענטשן קענען "דערקענען" אויף א קול וועלכע פון די זיבן (צוועלף, אריינגערעכנט די האלבע) נאטן ס'איז. דער אנדערער וועג איז "רעלאטיוו פיטש", ד.ה. אז ער קוקט אויפ'ן ערשטן צייכן, וואס ס'איז א C, און לויט דעם נעמט ער זיך זינגען, אבער ס'איז לאו דוקא א C. ס'איז מעגליך אז ער זינגט אויפ'ן G אדער B 'סקעיל'. נאר וואסזשע דען? ער קען די חכמה פון ליינען "רעלאטיוו", ד.ה. אז צווישן C און E איז דא צוויי סטעפס, ווייסט ער צו זינגען דעם צווייטן נאוט מיט צוויי סטעפס העכער פונעם ערשטן, הגם ס'איז מעגליך אז ער האט יעצט געזונגען א D און א F. פארשטייסט? כ'האף אז יא.
לגבי שפילן מוזיק, איז "רעלאטיוו פיטש" גראדע א גרעסערער קונץ (אויב דו קענסט נישט דעם ניגון), ווייל דו דארפסט יעדן נאוט "טראנספאוסען" - צב"ש - מיט דריי סטעפס. לאמיר זאגן אז דו האסט א ניגון וואס איז געשריבן אויפ'ן C סקעיל, און מ'בעט דיר אז דו זאלסט דאס שפילן אויפ'ן F סקעיל, דארפסטו יעדן איינציגן נאוט "טראנספאוסען" (איבערזעצן, אויפטוישן) מיט דריי סטעפס ארויף. דאס זעלבע איז שייך ווען מ'דארף אפשפילן א ניגון נידעריגער ווי ס'איז אפגעשריבן. דאס איז פארשטענדליך א שווערע מלאכה, ווייל אז מ'קען נישט דעם ניגון דארף מען שטארק האלטן קאפ נישט צו פארפארן.

4) צי ס'איז גרינג זיך צו לערנען? אויב מ'לערנט זיך עס אלס קינד, איז עס ממש פוטער ברויט. פונקט אזוי ווי דו האסט דיך אויסגעלערנט אלף בית, איז דאס נאך א שפראך וואס מ'קען זיך לערנען. אין די עלטערע יארן איז שין אביסל שווערער, אבער נאך אלץ אויספירבאר, אויב מ'האט דעם ריכטיגן רצון. ס'דויערט נישט אזוי לאנג, אבער מ'דארף אסאך פראקטיצירן אז ס'זאל גוט אריינגיין אין די ביינער.

5) יעצט אביסל לגבי די טראפן. די טעמי טבריא זענען אביסל אנדערש ווי די טעמי בבל (וואס עזרא האט מחבר געווען און מיטגעברענגט פון בבל אויף ארץ ישראל ביים זמן בית שני), מיט דעם אז איינס איז געשריבן אויף אותיות און איינס אויף צייכענעס (כ'וועל באלד ארויפלייגן א טבלא פון ביידע סארט טראפן).
אריגינעל פלעגט נישט זיין קיין געשריבענע טראפן פון פשטא מונח זרקא וכו', נאר מ'האט געוויזן אזעלכע סימנים מיט די הענט! (אזוי ווי 'סיין לענגווידזש), און פון דעם נעמט זיך דאס וואס די תימנ'ער ווייזן נאך מיט די האנט עד היום הזה! שפעטער איז מען געגאנגען און אפגעשריבן די זעלבע סימנים אויף פאפיר, ווייל צוליב די שווערע צייטן וואס מ'האט מיטגעמאכט האט מען מורא געהאט אז דאס וועט פארגעסן ווערן.
אגב, די תימנ'ער זענען באקאנט אלס די וואס האבן די קראנטסטע מסורה, סיי לגבי די הברה פון די אותיות (חילוקים צווישן א ח' און א כ', ועוד) און סיי לגבי די טראפן, ווייל זיי זענען לאנגע יארן געווען אויף איין פלאץ, זיי האבן כמעט נישט געוואגלט און געוואנדערט, ממילא איז ביי געבליבן די מסורה מדור דור כמעט פון די צייטן פון עזרא הסופר!

6) דאס וואס דו שרייבסט: וויבאלד א טאן קען מען נישט שרייבן מיט קיין ווערטער, האבן די גאונים דאס נישט געקענט פארשרייבן, די פעולות וואס די טעמים טוען, די כחות פון יעדע טעם, די דרגות אין הפסקה און פון חיבור, איז לאו דוקא אזוי, הגם אמאל האט מען נאכנישט געהאט קיין וועג וויאזוי צו שרייבן פונקטליך די שטארקקייט פון יעדע תנועה, אבער לויט'ן היינטיגן מוזיק שפראך וואס דער איטאליענער האט ערפינדן, קען מען אראפשרייבן פונקטליך ווי שטארק א נאוט דארף געדרוקט ווערן, מיט א קליינעם צייכן העכער דעם נאוט, ממילא איז יא מעגליך צו גיין צו די תימנ'ער, הערן פון זיי וויאזוי מ'זינגט יעדע תנועה, און דאס פארשרייבן, כדי ס'זאל פארבלייבן לדורי דורות (לויט וויאזוי ס'גייט יעצט, אויב משיח וועט ח"ו נישט דא זיין בקרוב, וועט פון דעם תימנ'ער אידנטום און מסורה ח"ו נישט בלייבן קיין זכר, ווייל אלע ציען זיך אוועק צו די פרייע לענדער, און אז מ'האלט זיך נישט צוזאמען ווערט אלעס צוביסלעך פארגעסן).

7) לגבי דאס אז די אלטע נאטן ענדלט בכלל נישט צו די אמאליגע, איז דא צוויי מעגליכקייטן: אדער האסטו געזען נאטן וואס איז נאך געשריבן געווארן אויפ'ן אלטן "בוכשטאבן" סיסטעם, אדער האסטו יא געזען געהעריגע נאטן, נאר דער שריפט איז שטארק נשתנה געווארן, אזוי ווי אלע אנדערע געשריבענע שפראכן.

אקעי, גענוג אויף דערוויל?
An article a day keeps the babies away
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

אויף אזאנס האב איך מיך נישט גערישט מאשקע...פששששש.... אפילו בילדער געכאפט,, געוואלדיג!!

לאמיר מאכן א סך הכל פון די שאלות און תשובות..[פון די נאטן חלק, לאמיר נישט אריינגיין יעצט אין די טראפן חלק וואס איך בין אריין דערין אגב, אבער נישט דאס איז מיין ציל דא, ויש הרבה לדון ולחלוק בדבריך, וקצת כבר אמרתי לעיל].
נאטן איז אלט 2000 יאר, 1500 יאר האט מען געשריבן נאטן מיט בוכשטאבן (וואס מיינט דאס), און די לעצטע 500 יאר האבן די איטאליענע מחדש געווען די היינטיגע אונטערנאציאנאלע נאטן מיט סימנים.
צו שפילן איז גרינגער צו ליינען נאטן ווי צו זינגען.
ס'איז גרינג זיך אויסצולערנען אין די אינגע יארן, שווערער אין די שפעטערע יארן, אזוי ווי א שפראך.
די צוויי מינע פיטשעס, זאג איך דיר אפן אז איך פארשטיי נישט קיין מלה, איך האב ניטאמאל פרובירט, וויסענדיג אז איך קען דאס נישט.. איך וועל מיך דאך נישט אויסלערנען קיין נאטן יעצט אזוי על רגל אחת..
[לגבי נומער 6, בין איך שולדיג, ווייל מ'פארשטייט נישט וואס איך זאג, און איך רעד טאקע נישט פון היינט, נאר פון אמאל, און אויך נישט פון שטארקייט פון א תנועה.. לאמיר עס איבער זאגן אביסל בעסער,
וויבאלד א טאן האט מען נישט געקענט שרייבן מיט קיין ווערטער (אין די צייטן פון חז"ל ביי אידן), במילא האבן דאס די דעמאלטסדיגע גאונים נישט געקענט אפשרייבן (אז מיר זאלן היינט וויסן וויאזוי די תורה הייסט זינגען א טראפ), (דא האט געזאלט קומען אביסעלע ספעיס, א צווייטע פאראגראף, א נייע זאך), דאס האבן זיי יא געטון, אז זיי האבן מסביר געווען, די פעולות די כוחות די דרגות די הפסקות די חיבורים פון יעדן טעם, (פון די זאכן רעדן אלע ראשונים אין זייערע חיבורים, אבער וויאזוי צו זינגען האט מען נישט אפגעשריבן). דאס האב איך געזאגט..]

די נאטן וואס איך האב געזען, איז געשריבן געווארן קנאפע 500 יאר צוריק און יא אויף נאטן, נישט קיין בוכשטאבן, נאר נישט די היינטיגע שיינע מאדערנע נאטן, נאר אלטמאדישע שטריכן, ווי א פאונד סימבאל און סקווער באקסעס, [איך וועל מוזן ארויפלייגן א פיקטשער זע איך, זאלסט פארשטיין וואס דא טוט זיך]. און ס'איז קלאר אנדערש ווי היינטיגע, פון דעם פארשטיי איך אז ס'איז דא, אדער לכה"פ אמאל געווען, אן אנדערע טייפ פון נאטען.

די תמצית פון אלעם איז, צו וואס איך ציל דא, און צו וואס איך וויל צוקומען, איז איין זאך, איך בין נישט געקומען רעדן פון די סוגי' פון טראפען, און אפילו נישט פון חכמת הנאטען זיך אויסצולערנען די זאך יעצט.. (ווער ס'וויל יא רעדן דערפון געזונטערהייט וויפיל ס'גייט, אדרבה ואדרבה).

מיר קוועטשט נאר איין זאך, וויאזוי מ'זינגט די טראפן, און צי איינער היינט קען מעגליך אויסליינען און פארשטיין די תנועות פון די נאטן פון דעם פראפעסאר, צו זען צי אונזער ניגון שטימט דערמיט אדער ס'אנדערש, [וויאזוי דער יעניגער זאל מיר זינגען דעם טראפ, וואס איך גאר אזוי צו וויסן, אין פאל עס איז יא אנדערש, ווייס איך ניקס???],

דאס צוצוקומען האב איך געמוזט אריינפירן דעם נושא אינעם שורש חכמת הנאטען, צי זען אויב דאס היינטיגע איז דאס אלטע, און אויב די אלטע מיט די נייע זענען איבעראל, וכהנה וכהנה, האסטו מיר אזוי שיין און הערליך געענטפערט אויף מיינע קוועטשענישן, זאל דיר דער פון אויבן באצאלן, ווייל איך קען נישט...
לעצט פארראכטן דורך בני היכלא אום מאנטאג יולי 14, 2008 5:05 pm, פארראכטן געווארן 2 מאל.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

אקעי היער ווי גאו, עפטער סאו מעני עטעמפטס..טענק גאד פיינעלי..(קרעדיט יענטאאש).
לעצט פארראכטן דורך בני היכלא אום מאנטאג יולי 14, 2008 5:05 pm, פארראכטן געווארן 2 מאל.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

כ'האב נאך קיינמאל נישט געזען די סארט נאטן, אבער לויט ווי איך פארשטיי איז דאס א לייכטערע ווערסיע פון אונזערע נאטן, וואס אין דעם שפראך האט מען טאקע נישט געקענט צופיל ארויסשרייבן פונקטליך וויאזוי צו זינגען א נאוט.

איך וועל באלד ארויפלייגן א בילד פון געהעריגע נאטן פון די טראפן, און שפעטער וועל איך עס אויספרובירן אויפ'ן פיאנא צי ס'ענדלט בכלל צו אונזערע היינטיגע נאטן.
An article a day keeps the babies away
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

מאשקע.. דו ביסט געהעריג גרייט צו ארבעטן און אוועקגעבן צייט פאר א איד וואס לא שמעת ולא ידעת, מי יתיצב לפני בן ענק כמותך..
כאפ איך נישט געהעריג דיין צווייטן פאראגראף, דו גייסט פרובירן אויסצוזינגען די נאטן פון בילד, אויף דיין פיאנא?, [דאס טייטשט איך האב האפענונג געוואויר צו ווערן די מיסטעריעזע קאודס], אדער וואס?

ביני לביני.. האב איך מיך גענומען די מיה, בינותי בספרים, איך האב מיך אנגעשטויסן אין א העברעאיש ביך 'הכתב והמכתב' פון יואל שווארץ אין א"י, שרייבט ער אז די אלטע גריכן האבן געצייכענט טענער דורך 'מודוסים'? [אלטע מוזיקאלישע לייטערלעך], אינעם מיטעלאלטער אין אייראפע איז געווען די ערשטע נאטען די 'גריגאריאנישע' דאס איז פון די 'קאטוילישע קירכע' און ער שרייבט אז דאס איז איבערגעזעצט געווארן בגניבה פון די טעמי המקרא!!!, [לויט דעם קומט אויס אז די סימנים פון די טראפן וואס אונז האבן מיר היינט צוטאגס איז ריכטיגע נאטן, און עס איז די טאטע פאר די היינטיגע אנגענומענע אינטערנאציאנאלע נאטן], די צייכענונג פון דעמאלטס איז געווען גאנץ אנדערש פון די היינטיגע, וכו', די היינטיגע אנגענומענע מוזיקאלישע נאטן, איז אויסגעפארעמט געווארן אין אייראפע מיט בערך 300 יאר צוריק און האט געדינט פאר די קאמפאזירערס פון קלאסישע מוזיק, [ביז דא אן איבערזעצונג פון זיין שרייבן].

לויט אים, איז אלעס פארשטענדליך, ווייל די נאטן וואס איך האב געברענגט, איז די אלטע פון וואס ער רעדט וואס איז שוין געטוישט געווארן, האב איך שוואכערע שאנסן, אז איינער פון אייך דא, וואס קען אויסליינען היינטיגע נאטן זאל דאס פארשטיין, אויסער אויב ס'איז ממש ענליך..

אגב, איז אינטערעסאנט אז דער הייליגער משנת חסידים מגדולי מפיצי קבלת האר"י, אין סוף פון זיין חיבור הון עשיר האט אריינגעדרוקט א ניגון מיט נאטן, [איך האף עס צו ברענגן דא בקרוב], די ניגון בין איך נישט זיכער אויב ס'איז זיינס, [די ליבאוויטשע שרייבן אז דער מהר"ש זאל האבן געזאגט אז דאס איז די מקור פאר די ניגון 'אין סוף'], אבער די ליריקס איז זיכער זיין אויף עניני שבת מילה תפילין, און ער האט געהייסן איינער זאל עס אראפשרייבן אויף נאטן און האט עס געדרוקט, דאס איז זייער אינטערעסאנט, איך ווייס נישט אויב ס'איז דא נאך א גדול בישראל וואס זאל דרוקן א ניגון מיט נאטן, נאכדערצו פון א מקובל נורא פון עטליכע הונדערט אירן צוריק, די אזוי גערופענע חוקרי החסידות שרייבן אז ס'איז געווען א קפידה ביי חסידים קעגן נאטן..

שוב ראיתי, אז רב סעדיא גאון האט געשריבן סימנים פון תשר"ת תר"ת מיט שטריכן.
לעצט פארראכטן דורך בני היכלא אום מאנטאג יולי 14, 2008 5:06 pm, פארראכטן געווארן 2 מאל.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

דאס איז דער משנת חסידים'ס ניגון.

מאשקע; וואס זאגסטו צו דעם? דאס איז יא די געהעריגע? קענסט דאס זינגען?
קענסט אזא ניגון? וכו' וכו'..

איי ייי ייי מאשקע. וואו וואלט מיר געווען אן דיר... לא מצאנו ידינו ורגלינו..
לעצט פארראכטן דורך בני היכלא אום מאנטאג יולי 14, 2008 5:06 pm, פארראכטן געווארן 2 מאל.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

מיינע ענטפערס אין BOLD.

בני היכלא האט געשריבן:כאפ איך נישט געהעריג דיין צווייטן פאראגראף, דו גייסט פרובירן אויסצוזינגען די נאטן פון בילד, אויף דיין פיאנא?, [דאס טייטשט איך האב האפענונג געוואויר צו ווערן די מיסטעריעזע קאודס], אדער וואס?

יא, כ'וועל פרובירן.

לויט אים, איז אלעס פארשטענדליך, ווייל די נאטן וואס איך האב געברענגט, איז די אלטע פון וואס ער רעדט וואס איז שוין געטוישט געווארן, האב איך שוואכערע שאנסן, אז איינער פון אייך דא, וואס קען אויסליינען היינטיגע נאטן זאל דאס פארשטיין, אויסער אויב ס'איז ממש ענליך..

ס'קוקט מיר אויס זייער ענליך, און איך וועל עס קענען אויסליינען בעז"ה (נאר אויפ'ן פיאנא, כ'קען נאך דערווייל נישט זינגען פון נאטן. איינער וויל ספאנסערן די לעקציעס?...) די עיקר חילוק איז, אז די היינטיגע נאטן שרייבט מען פונקטליך ווי לאנג יעדע תנועה זאל זיין, ד.ה. אז א יעדע BAR איז איינגעטיילט אין 4 BEATS (אדער דריי פאר א וואלץ וכו'), און יעדע תנועה איז אנגעצייכנט וויפיל פונעם BAR ס'זאל פארנעמען, ד.ה. א פערטל, א האלבע, א גאנצע, אמאל א אכטל, א פערטל מיט א אכטל, וכו'. ס'קען אמאל זיין 16 נאטן פער BAR, וואס יעדע פון די 16 נאטן איז א 16'סטל, און יעדע פיר אינאיינעם איז איין פערטל פונעם באר (א קווארטער נאוט), און אלע פיר קווארטערס צוזאמען ווערט א גאנצע באר, ודי בזה.

הכלל די אלטע סטיל נאוטס (כעין ווי דאס וואס דו האסט אראפגעברענגט), איז אראפגעשריבן מער ווייניגער אזוי ווי מ'לערנט אויס פאר קינדער צו שפילן. דרוק דריי מאל נומער 3, נאכדעם צוויי מאל נומער 5, וכו'. ער ווייסט נישט ווי לאנג ער דארף אנהאלטן יעדעס קנעפל. יענע נאטן קוקן אויס די זעלבע, מיט איין אויסנאם אז ס'איז דא קעסטלעך וואס האבן א שטרייך העכער דעם, וואס דאס באדייט לכאורה אז דארט דארף מען אביסל מאריך זיין (אז ס'איז אזוי ווי צוויי פערטל נאטן). כ'וועל דאס שפעטער קענען וויסן אויף זיכער אי"ה.


די אזוי גערופענע חוקרי החסידות שרייבן אז ס'איז געווען א קפידה ביי חסידים קעגן נאטן..

כ'האב קיינמאל נישט געהערט פון אזא קפידא. ביי אלע תלמידי בעש"ט האט מען אפגעשריבן ניגונים, און א דאנק דעם ווערן זיי היינט אנטדעקט און ארויסגעגעבן לאור עולם, א ביישפיל דער טעיפ "בני היכלא" (נישט צו פארמישן מיט...) וואס די נאטן דערפון האט מען לעצטנס אנטדעקט אין איינעמס אוצר. פון מאדזשיץ - צב"ש - איז דא א געוואלד מיט ניגונים אויף פאפיר, וואס די רבי'ס האבן געזונגען פאר די חסידים און זיי האבן עס פארשריבן. א טייל דערפון איז אפילו אפגעשריבן געווארן דורך גוי'אישע מוזיקאנטן וועלכע האבן זיך אויסגעצייכנט אין דעם.

An article a day keeps the babies away
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

בני היכלא האט געשריבן:דאס איז דער משנת חסידים'ס ניגון.

מאשקע; וואס זאגסטו צו דעם? דאס איז יא די געהעריגע? קענסט דאס זינגען?
קענסט אזא ניגון? וכו' וכו'..

איי ייי ייי מאשקע. וואו וואלט מיר געווען אן דיר... לא מצאנו ידינו ורגלינו..


יאפס! דאס איז (כמעט) ווי אונזערע היינטיגע נאטן (אויסער די קאטשקערייען ערגעץ אינמיטן, וואס כ'ווייס נישט וואס ס'באדייט. לכאורה איז עס א קורצע אפרוה. דאס איז זייער אלט און אומקלאר, אבער די זעלבע שפראך ווי היינט. מיר וועט עס זיין אביסל שווער אפצושפילן, אבער ביז 2-3 טעג קען איך דיר עס ברענגען אפגעשפילטערהייט אי"ה דורך א חבר וואס מאכט עס טשיק-טשאק.
An article a day keeps the babies away
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

דא האסטו דעם טבלא איבער די "טעמי בבל" און "טעמי טבריא" וואס כ'האב פריער דערמאנט.
אטעטשמענטס
0805071102a.jpg
0805071102a.jpg (178.47 KiB) געזען 6013 מאל
An article a day keeps the babies away
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

די טראפן לויט ווי מ'האט זיי געלייענט אין רוסלאנד.
אטעטשמענטס
0805071110a_custom_174.jpg
0805071110a_custom_174.jpg (19.79 KiB) געזען 6940 מאל
An article a day keeps the babies away
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

עניוועי, כ'האב נאך אפאר בילדער דא, פון אלע טראפן פון די חמש מגילות וכו', אבער ס'איז שוין נישט נוגע לעצם הענין.
An article a day keeps the babies away
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

ממממממממאאאאאאאאאאששששששששששששששקקקקקקקקקקקקקקקקקעעעעעעעעעעעעעעעע!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
גגגגגגגגגגגגגעעעעעעעעעעעעוווווווווווווווווווווואאאאאאאאאאאאאאאאלללללללללללללדדדדדדדדדדדדדדדדיייייייייייייייייגגגגגגגגגגגגגגג!!!!!!!!!!!!!!!!!!!!!!!!!!!!!

שוין.. איך זע סאכדעס, האט געטון צו די זאך, שוין נישט די ערשטע מאל וואס ער כאפט מיר אויס די מצוה..

דו האסט אויף דיר א של ראש קייניינעהארע.. א מו"ק בל' סגי נהור.. מ'זאגט אז די מלבוש האט אמאל גערעדט מיט וועם נאר כ'געדענק שוין נישט.. ער איז דאך געוואן א פרוש מהאי עלמא במלוא מובן המלה.. און דער צדיק האט גערעדט בענינים העומדים על הפרק וואס די וועלט האט זיך דעמאלטס איבערגעדרייט, ארויסגייענדיג זאגט דער הייליגער מלבוש מרוב פרישותו ותמימותו, אז יענער צדיק האט רוח הקודש ווייל וויאזוי ווייסט ער וואס טוט זיך אין די אנדערע עק וועלט [מ'רעדט דא פון א חכם מחוכם בכל החכמות, נאר בעניני העוה"ז איז ער געווען מופשט, א שטייגער ווי אונז האמיר געהאט דא אין אמעריקא דער טשימפער רב, באקאנט די מעשה איינער האט אים אמאל געשיקט א שאלה אויף א געז רענטש אין הל' בשר וחלב, האט ער אים געענטפערט שמעולם לא ראה או שמע מדבר הזה, אבל לפי שאלתו מבין שכך וכך היא ציור כלי הזאת, און ער האט אים אויסגעמאלן די גאנצע געז-רענטש נאך אפשר בעסער ווי ס'איז עכט געווען], ... אזא פרוש איז ער געווען.... פארשטייסט די נקודה?.. שוין... טובתן של ר... אינה שלימה...אבער יעצט האב איך יא זוכה געווען צו פארשטיין וואס דו זאגסט..

עלמיר ווארטן בכליון עינים עד ישקיף וירא ה' משמים יראה בעניינו וירפא את לבבינו הנדכה והנכאב ברוב רחמיו ית"ש.

די קפידה פון חסידים, האב איך מדגיש געווען אז דאס איז המצאה פון די חוקרים,.
אזוי שרייבט מ.ש. גשורי אין "לתורת הניגון בחסידות" "מלחיני החסידות לא חפצו להודות ביתרונות שבידיעת חכמת המוסיקה הכללית, וביחוד קשה היה להם להשלים עם מציאת כתב תוי-נגינה המאפשר לרשום כל ניגון בכתב כשם שרושמים מכתב, ולא פעם נשמעה האימרה השנונה המכוונת נגד כתב הנגינה, אין להשוות ניגון היוצא מן הלב לניגון הבא מן התוים, ואכן, קשה היה לפעמים לרשום בכתב התוין את הניגוניחם המסובכים, מסוגו של הרצ'יטטיב, שדרכי הריתמוס היו זרים לו, או של וואלעכעל, שהחזק והרך משמים בו בערבוביא, יחד עם משכו של המון, שפעם מתנהל באיטיות ופעם בחפזון, וכן של ניגוני הדביקות והתפעלות המלאים סלסולים וקישוטים המכבידים על רישומם בתוים, ורק בדורות האחרונים נמס הקרח ומלחיני החסידים החלו להשתמש גם בתוי נגינה"
אבער אחוץ מאדזשיץ אפאר יאר פאר און נאך די קריג, וואו האבן אלע פריערדיגע און שפעטערדיגע תלמידי בע"ש געשריבן נאטן?, די בני היכלא טעיפ איז אויך פון א פריוואטע איד פאר די קריג. נאכאמאל נישט אז איך ווייס טאקע אזוי ווי אים אז עס זאל האבן געווען א אימרה דערקעגן, איך האב נאר פשוט קיינמאל נישט געהערט און געזען , אויסער די פאר חסידות'ן ווי מאדזשיץ און חב"ד אין די לעצטע תקופה, אז מ'זאל שרייבן נאטן ביי חסידים..ווער האט געקענט בכלל נאטן ביי חסידים? אין די ריכטיגע תקופות..
לעצט פארראכטן דורך בני היכלא אום מאנטאג יולי 14, 2008 5:06 pm, פארראכטן געווארן 2 מאל.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

מאשקע
וואסערע ביכל איז דאס וואו ס'איז די טראפן מיט די נאטן?

שקויעך פארן בילד פון די טעמי בבל, איך האב נישט געדענקט אזאנס.., פארוואס זאגסטו אז די טעמי בבל איז אותיות? ענדערש ווי די טעמי טבריא?
לעצט פארראכטן דורך בני היכלא אום מאנטאג יולי 14, 2008 5:07 pm, פארראכטן געווארן 2 מאל.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

בני היכלא האט געשריבן:מאשקע
1) וואסערע ביכל איז דאס וואו ס'איז די טראפן מיט די נאטן?

2) פארוואס זאגסטו אז די טעמי בבל איז אותיות? ענדערש ווי די טעמי טבריא?



1) נגינה און תפלות ביי אידן, פון י.ל. חדקל.

2) קוקט אויס כ'בין געווען אביסל צעמישט. כ'האב געלייענט צופרי נאר אויבן אויף. אבער אנדערש איז עס יא.
An article a day keeps the babies away
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

דאס וואס דו פרעגסט וועגן ווער ס'האט געקענט נאטן ביי חסידים, איז אזוי: ערשטנס, ס'האט זיך געקענט מאכן אין יעדע חסידות איינער וואס האט געקענט. צווייטנס, האט עס געקענט אפגעשריבן ווערן דורך אחד שאינו בן ברית.

דאכט זיך אז ס'איז דא ניגונים פונעם מגיד ממעזריטש, אפגעשריבן אויף נאטן, הגם ס'קען זיין אז ס'איז נישט אפגעשריבן געווארן בשעתו, נאר אין די שפעטערע יארן.

אגב, די נאטן פאר'ן "בני היכלא" קאסעטע, קומט טאקע פון גשורי'ס אוצר, און דער ספר פון די מאדזשיצער ניגונים איז אויך ארויסגעגעבן געווארן דורך גשורי'ן.
An article a day keeps the babies away
לחיים ולברכה
שר האלפיים
תגובות: 2554
זיך איינגעשריבן אום: דאנערשטאג פעברואר 22, 2007 1:10 pm
לאקאציע: אונטער'ן נעץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך לחיים ולברכה »

נאטן נאטן איבער'ן קאפ האב איך א גאנצן הויפן....
כ'האב אמאל אנגעהויבן זיך אויסלערנען נאטן, אבער..... כ'בין געבליבן ביים אנהויב. כ'על איבערליינען אלעס וואס די חברה האבן געשריבן דא אויבן, אפשר עמיר האבן וואס מוסיף צו זיין.
אם אין אני לי, אויב איך וועל נישט טוהן פאר מיינע אייגענע קינדער, מי לי, ווער וועט דאס טוהן אנשטאט מיר?
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

אקעי מ'דארף פארשאפן דעם נהר חדקל וואס קומט ארויס פון גן עדן אין גייט אריין דין די טעמי בבל, מישט זיך אויס מיטן פרת.
איך מיין צו זאגן, אז ביי חסידים האט מען נישט געלערנט קיין חכמות מ'האט דאס זייער מרחיק געווען, ס'איז זיכער געווען דא דארט, וואס זענען געוען מלומדים, בפרט אין די לעצטע דורות.

לחיים, הפוך בה, און לאז דיך הערן, פתח פיך ויאירו דבריך.. להגדיל תורה...
לעצט פארראכטן דורך בני היכלא אום מאנטאג יולי 14, 2008 5:07 pm, פארראכטן געווארן 2 מאל.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

ס'פארהאן א ספר אונטערן נאמען "שלטי הגבורים" (נישט דער באקאנטער פי' אויפן רי"ף), וואס איז געשטעלט איבער די עבודת בית המקדש (דער תוספות יו"ט אין מס' מדות ברענגט אים). דער ספר איז כולל אין זיך אלע חכמות העולם וואס האט זיך אויסגעפעלט כדי צו קענען אנגיין מיט'ן סדר עבודת הבית המקדש. ס'איז א מורא'דיג אינטערסאנט ספר. עס נעמט אריין אין זיך לימודי מדע אין אלע שבע חכמות העולם.

וויבאלד אין ביהמ"ק האבן די לוויים זיך באנוצט מיט'ן חכמת המוסיק"א, לנגן בכלי שיר, דעריבער האט ער גאנצעטע פרקים וואו ער ארבעט ארום אין חכמת השיר והנאט"ן

אין חלק א', פון פרק רביעי און ווייטער (כ'מיין ביז פרק י"ב), ארבעט ער אויס יעדע כלי שיר וואס ווערט נאר דערמאנט אין פסוק, און ער צולייגט פונקטליך וואס דאס איז. פארשטייט זיך אז ער הויבט אן מיט די נאטן און פון דארט פארט ער ווייטער צו די כלי שיר.

דער ספר איז בכלל אן אוצר בלום שאין כמוהו.

א לינק וואו מ'קען דאונלאודן דעם ספר
http://www.hebrewbooks.org/root/data/pd ... agibsa.pdf
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

ברוך תהי'!
An article a day keeps the babies away
אוועטאר
טאגליכט
שר חמישים ומאתים
תגובות: 295
זיך איינגעשריבן אום: מאנטאג יולי 03, 2006 5:27 pm
לאקאציע: אויפן פליגער

  • ציטיר
  • צו לייגן א דאנק דארפט איר זיין אריינגעלאגט

תגובה דורך טאגליכט »

זארעך שכוח פאר די שלטי הגבורים, איך האב געהאט דעם ספר און אוצר הספרים פון ישיבה, איין שיינעם טאג איז מיר עס פארשווינדן געווארן, שכוח נאכאמאל
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

זארעכ שכוח פארן צולייגן א פלייצע דא מיט דיין חשובע לינק.
לעצט פארראכטן דורך בני היכלא אום מאנטאג יולי 14, 2008 5:08 pm, פארראכטן געווארן 2 מאל.
לאקשען ברעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאקשען ברעט »

בס"ד



תורה צוה לנו משה מורשה קהלת יעקב
לעצט פארראכטן דורך לאקשען ברעט אום מאנטאג אוגוסט 06, 2007 5:16 pm, פארראכטן געווארן 1 מאל.
שרייב תגובה

צוריק צו “תורת הנגינה און כלי שיר”