איינס האט געשריבן:
אין די רעזולטאטן פון פעמילי-טרי, ביי די BIG Y, ערשיינען צוויי סעטס פון רעזולטאטן: Y-STR results און SNP results. קען איינער מסביר זיין קלאר וואס איז די אונטערשייד פון די צוויי, און וואס איינס ברענגט נוצן מער פון די צווייטע
קודם די טייטש, SNP סינגעל נוקליטייד פאלימארפיסעם, אין אידיש, מענטשליכע דנ"א באשטייט פון מער פון 3 ביליאן "אותיות" וואס יעדער אות קען זיין איינס פון די 4, ACGT, כמעט די גאנצע 3 ביליאן איז ביי יעדעם די זעלבע, נאר געוויסע פלעצער מאכט זיך אז ס'קען זיין אנדערש פון מענטש צו מענטש. די פלעצער וואו ס'קען זיין אנדערש הייסן "פאלימארפיזעמס",
די אותיות הייסן נוקילטייד, מילא קומט אויס אז די טייטש פון סינגעל נוקליטייד פאלימאפיסעם איז אזוי, א איינצילע אות וואס קען זיין אנדערש ביי געוויסע מענטשען, דאס איז ניצלעך וויבאלד מען קען רעכענען אז אלע וואס האבן די זעלבע נוקליטייד ביי דעם פאלימארפיזעם זענען משפחה.
STR - שארט טענדעם ריפיטעס, ס'איז דא פלעצער אין די דנ"א וואס א גרופע אותיות חזר'ן זיך איבער, איין מאל און נאכאמאל, פונקטליך וויפיל מאל חזר'ט זיך עס איבער? ווענדט זיך יעדער פלאץ אין די דנ"א, און אסאך מאל מאכט זיך אז ביי געוויסע STR חזרט זיך איבער ביי טייל מענטשען כך וכך מאל, און ביי אנדערע אן אנדערע מספר, און ביי א דריטע גאר אן אנדערע מספר אינגאצען.
די מעלה פון ניצן SNP פאר יחוס, איז וויבאלד א SNP מיוטעט זיך ווייניג, מילא איז מער ענדערש צו זאגן אז 2 מענטשען וואס האבן די זעלבע SNP האט עס די זעלבע מקור, משא"כ STRס, וואס מאכט זיך אסאך אפטער מיוטשענס (STR מיוטשענס געשען ווען די דנא רוקט זיך בשעת עס קאפיערט זיך, געווענליך קען די גוף אויפכאפן ווי ער האלט, אבער אין די פאל פון STR קען ער פארלירן זיין וועג, וויבאלד ער ווייסט נישט ביי וועלעכע נומער פון די STR ער האט ביי) איז יכול להיות אז די זעלבע מיוטשען האט 2 אנדערע מקורות (די אמת איז ביי SNP איז אויך מעגליך צו האבן 2 מקורות, אבער ס'איז וויינגער שייך).
די מעלה פון ניצן STR איז קודם טאקע וויבאלד ס'מאכט זיך אסאך אפטער איז דא אסאך מער STRס זיך ארומצושפילן מיט, נאך א מעלה, איין STR קען האבן מערערע סארט, משא"כ א SNP איז באגרעניצט צו בלויז 4 סארטען.