ווי א דונער אינמיטן העלן טאג איז אריינגעקומען דעם ערב שבת די שרעקליכע נייעס וואס האט אויפגעשאקעלט און צוטרייסלט יעדע אידיש הארץ, אז די הארץ פון די קעניג פון אידישע לידער האט געגעבן א קלאפ די לעצטע קלאפ, ניטעאמאל קיין צייט צו איינצורייסען און די ערגסטע האט פאסירט.
האסט פארגינען א קאמפלימענט פאר א צווייטען, ס'איז דיר געגאנגען בנפשו יענעם צו דערפרייען און מאכן גוט פילען האסט מקיים געווען דעם 'ואהבת לרעך כמוך' במלוא מובן המילה, אשריך רבי מיכאל דארט אין גן עדן !!
אינטערסאנט אז דיין פטירה איז געװען ערב שבת וואס א גרויסע חלק פון דיינע ניגונים רעדן פונעם הייליגע שבת ובפרט די סידיס וברוכים הם מיט שבתון, אזויפיל אידען גרייטען זיך צום שבת מיט דיינע הערליכע אוצרות ווי די רעדסט פונעם קדושת השבת.
אז מ'טראכט אריין ווען האט די באשעפער צוריקגענומען דיין נשמה ?! די ערשטע טאג פונעם ספירה וואס מ'הערט נישט קיין מוזיק ! ווי צו ווייזן אז במשך די גאנצע מעגל נשמה האט מען דיך נישט געקענט ארויפנעמען למעלה, האסט דאך געזונגען יעדע טאג פאר אידישע קינדער, א טאג נאך פסח מ'הערט נישט קיין מוזיק מ'ניצט נישט אזוי די כח הנגינה האט מען אויסגעלאשן דאס ליכטעלע..!!!
אויף רבי אהרן קארלינער זאגט מען ער האט געמאכט 80 טויזענט בעלי תשובות האבן צדיקים מסביר געווען נישט פשט ער איז ארום געפארן נאר דארט ביי זיך אין אינדערהיים האט ער געהאט אזא שטארקע השפעה אויף די גאנצע וועלט.
רבי מיכאל ווער ווייסט וויפעל טויזענטע אידען די האסט געברענגט נענטער צום באשעפער מיט דיינע לידער?! ביזט געזיצען אין דיין סטודיא פארמאכט, און פון דארט זענען צענדליגער טויזנטער אידען נתעורר געווארן צו עבודת השם !!!
די שכר איז גאר גרויס האסט איבערגעלאזט הערליכע אוצרות יעדע סידי איז ווי א מוסר ספר וואס איז מחזק און וועט שטארקען אידישע קינדער לעולמי עד ס'איז א אייביגע זכות !!
רבי מיכאל מ'וועט דיר געדענקען מיט גאלדענע אותיות ! א זינגער וואס האט און וועט לעולמי עד אריינברענגען שמחה אין אידישע הערצער.
מיכאל טו בעטן, רבונו של עולם,
זעה דיינע קינדערליך צער,
גענוג שוין געליטען, אזויפיל יסורים, פתח לנו שער,
טויזענטע יארן, אין גלות געווען,
מיר ווילן שוין אלע די גאולה זען,
משיח צדקינו, במהרה אמן.
אוי וויי בד"ה איך בין באמת צושפילט און צושודערט...
איך בין נישט קיין בעל הספד אבער אויך נישט קיין בעל שתקן וויפיל איך וויל שוין יא רעדן שטיקן די טרערן.
אבער די פינגער קענען קלאפן און קלאפן קיינער קען עס נישט אפשטעלן, מיכאל טייערער סע טוט זיך נישט גלייבן און הערן.
מיין ברודער האט מיר גערופן ערב שבת פרעגן אויב סע אמת, איך האב אבער נאך דעמאלטס גארנישט געהערט - די טשיללס וואס איך האב באקומען ווען איך האב געהערט דערוועגן האב איך שוין נישט געהאט א לאנגע צייט. מיכאל האט פאר מיר געמיינט מער ווי סתם א זינגער. ווען ער וואלט געפירט טיש וואלט איך זיכער געגאנען זעהן ווי אזוי ער פרייט זיך מיט יעדן יוד. איך ווייס נישט ווי מע נעמט אזוינע מדריגות, על שלשה דברים העולם עומד וגו' על הגמילות חסדים... דאס איז געווען מיכאל שניטצלער מיט אלע מפרשים!
קוק מיך נישט אן! איך וויל שרייבן ברייט (כ'האב אבער מורא) איך קען נישט נאך רביי'ס היינט מיט אזא 'לעוועל' גוט הארץ! די מעשיות וואס איך האב מיט געהאלטן זענען א טיפה מן הים - די חברים זיינע (און מיינע) פארציילן - די שמייכל און שמחה וואס מיכאל האט געהאט איז בכלל נישט געווען עפעס וואס יעדער פארמאגט - גראדע האלט איך אז דער אויבערשטער האט עם געמאכט זינגען ווייל אז נישט ווער וואלט מיר מחזק געווען? יא דער מיכאל האב איך געהאט אויף 'ספיד דייל' לאך לאך דער האט געדענקט מיינע קינדערס נעמען! מיר פלעגן רעדן אויפ'ן טעלעפאון מיר און די קינדער - יעדער האט עם ליב געהאט!
איך האב געארבייט מיט עם = ווער נישט הא? איך פלעג כסדר רעדן מיט עם ווער נישט?
יעדער האט באמת געפילט ווי זיין בעסטע חבר. און בום מיכאל איז נישט דא! סע פארט יעצט ארום א קליפ ווי א היימלאזער מאן בעהט עם א קאפי און מיכאל גייט אריין אין געשעפט און קופט עם איינס. איך בין א מילליאן פערסענט זיכער אז דאס איז נישט די ערשטע מענטש וואס ער קויפט קאפי - ווי אויך בין איך 100 פערסענט זיכער אז מער אזוינע עובדות איז דא וואס מען האט נישט אפגעכאפט אויף קאמערע ווי יא!
אוי איך זיץ מיר אין קרעכץ - מיכאל אַיֶכָּה? פארפאלן מיר האבן פארלוירן א יוד וואס האט קיין פליג נישט געטשעפעט! א יוד וואס האט זיך אפגעגעבן מיט קינדער טאטעס און מאמעס - מיט א מין ליבליכקייט וואס איך האב מורא איז מער נישטא! מיאכאאאאאאלללל איך האף אז איך קען היינט ארויפגיין קיין ירושלים מיט דיר אין משיח - אויב נישט חלילה האף איך צו גיין דיר באגלייטן צום איביגן רוה!
-------
איך האב אזויפיל צו פארציילן אבער מיין קאפ און הארת זענען ערגעץ פארבלאנדזשעט - עוד חזון למועד (איך רעזערוו דאס פלאץ)
א יוד וואס האט יעדן אויפגענומען שיין - נישט יעדער וואס איז נארמאל - נאר יעדן אפי' וואס איך האב נישט געקענט שטיין אין זיינע ד' אמות! דער האט ארום גענומען יעדן אפי' ברייטע ביבער היטן וד"ל - איך האב אסאך געזעהן און געהערט - נישט אומזיסט איז יעדער געווען זיין פרענד! אוי מיכאל = סע בענקט זיך!
דער בעל מנגן ר' מיכאל שניצלער, דער משמח אלקים ואנשים ר' זושא שמעלצער, און דער כאר-פירער ר' חילו פאזען: א געשמאקע שמועס לכבוד יום-טוב פסח איבער דעם סדר האלף-בית מיט בארימטע פיגורן. (חלק ב') https://www.yiddish24.com/interviews/38/36621
דער בעל מנגן ר' מיכאל שניצלער, דער משמח אלקים ואנשים ר' זושא שמעלצער, און דער כאר-פירער ר' חילו פאזען: א געשמאקע שמועס לכבוד יום-טוב פסח איבער דעם סדר האלף-בית מיט בארימטע פיגורן. (חלק ב') https://www.yiddish24.com/interviews/38/36621
כהאף ר ישיעלע קרויס דער אפטא רב וועט מספיד זיין
!Michael was real a yiddish hartz
דער בעל מנגן ר' מיכאל שניצלער, דער משמח אלקים ואנשים ר' זושא שמעלצער, און דער כאר-פירער ר' חילו פאזען: א געשמאקע שמועס לכבוד יום-טוב פסח איבער דעם סדר האלף-בית מיט בארימטע פיגורן. (חלק ב') https://www.yiddish24.com/interviews/38/36621
כהאף ר ישיעלע קרויס דער אפטא רב וועט מספיד זיין
!Michael was real a yiddish hartz
על דעת המקום, ועל דעת הקהל
בישיבה של מעלה, ובישיבה של מטה
אנו מתירין להתפּלל
מיר מאכן דיר פאר א שליח ציבור,
זאג פארן אייברשטען.
או טאטע! – אוי טאטע!
דו ווייסט דאך וואס טוט זיך דא בישיבה של מטה
אוי רחמים – שאלי
נעם ארויף אונזערע טרערן דארט בישיבה של מעלה
יתגדל ויתקדש שמי-ה רבה אמן.
וואס איז מיט די לויה? ווערט לכאורה בערדיגט פאר שבת.
