און אויב ח"ו נישט - וועל איך מוזן בלייבן אויף די פארשטינקענע 'פילן צו קענען זיין א רואיגע בעל חי'
גענאגעלט די פראבלעם פון מעדיקעישאן.
ריכטיג!
און אויב איך נעם נישט מעדיקעישן, בין 'איך' גענאגעלט און מיין משפחה גע'האמערט!!
איך האב א ידיד א אויסגעצויגענע נשמה, א עילו נשגב, ער וואוינט אליין אין א בעיסמענט, שמוציג און שטינקעדיג, שלאפט בייטאג און אויף ביינאכט צו צומישן די ufo's, זיצט אין ס'קיסע שעות ארוכות פאר א סגולה קעגן עצירות, די איבערגעבליבענע סארדינס-אין-אויל שווימט אין די אייער-נעכטיגע קאפי ארום זיין בעט-בענקל-טיש-ספרים שאנק, ער דרייט זיך ארום מיט די ווייסע מכנסיים התחתון און לערנט קבלה, פארטרייבט דיבוקים, מחי' מתים, חולם חלומות און וואס נישט...
איינמאל אין א וואנארעבעל מינוט און נישט האבנדיג וואס צו פארלירן האב איך זיך אויסגערעדט וועגן מיינע אבסעסיעס האט ער מיר אפגערעדט פון מעדיקעישן ווייל עס פארדאבט, אבער ער האט מיר גע'עצה'עט צו טרינקען אביסל אלקאהאל ווען איך בין אנגעצויגן............
בתוך הדברים האב איך מיר מתחצף געווען און אים געפרעגט צו ער האט אמאל געטראכט צו נעמען מעדיקעישן, זאגט ער מיר: "איך טאר נישט נעמען. אויב איך נעם, פארליר איך אלע מיינע מדריגות"
כ'האב אים שיעור אראפגעווארפן אלע מדריגות...
און אויב ח"ו נישט - וועל איך מוזן בלייבן אויף די פארשטינקענע 'פילן צו קענען זיין א רואיגע בעל חי'
גענאגעלט די פראבלעם פון מעדיקעישאן.
ריכטיג!
און אויב איך נעם נישט מעדיקעישן, בין 'איך' גענאגעלט און מיין משפחה גע'האמערט!!
איך האב א ידיד א אויסגעצויגענע נשמה, א עילו נשגב, ער וואוינט אליין אין א בעיסמענט, שמוציג און שטינקעדיג, שלאפט בייטאג און אויף ביינאכט צו צומישן די ufo's, זיצט אין ס'קיסע שעות ארוכות פאר א סגולה קעגן עצירות, די איבערגעבליבענע סארדינס-אין-אויל שווימט אין די אייער-נעכטיגע קאפי ארום זיין בעט-בענקל-טיש-ספרים שאנק, ער דרייט זיך ארום מיט די ווייסע מכנסיים התחתון און לערנט קבלה, פארטרייבט דיבוקים, מחי' מתים, חולם חלומות און וואס נישט...
איינמאל אין א וואנארעבעל מינוט און נישט האבנדיג וואס צו פארלירן האב איך זיך אויסגערעדט וועגן מיינע אבסעסיעס האט ער מיר אפגערעדט פון מעדיקעישן ווייל עס פארדאבט, אבער ער האט מיר גע'עצה'עט צו טרינקען אביסל אלקאהאל ווען איך בין אנגעצויגן............
בתוך הדברים האב איך מיר מתחצף געווען און אים געפרעגט צו ער האט אמאל געטראכט צו נעמען מעדיקעישן, זאגט ער מיר: "איך טאר נישט נעמען. אויב איך נעם, פארליר איך אלע מיינע מדריגות"
כ'האב אים שיעור אראפגעווארפן אלע מדריגות...
איך מוז אייך זאגן, איר זענט אן אייזערנער שרייבער מיט א געבראטענער סענס אוו הומאר אין אייער פעדער!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
געוואלדיג, דאס איז זיכער אז אויב מ'ארבעט אויף זיך איז דאס בעסטע וואס ס'קען נאר זיין. און דאס על כל פנים יעדער זיכער מודה לכאורה. די דיסקוסיעס פאנגען זיך אן נאכדעם צי טעראפי צי מעידקעישאן, וועלכע טעראפי, וועלכע מעדיקעישאן?
לויט ר' שרגא פליישמאן'ס מהלך, לאזט זיך הערן אז דאס עצם גיין צו טעראפי און נעמען מעדיקעישאן איז א בחינה פון אויפגעבן יכולת, און דאס אליין איז א חלק פון דער ישועה. איך פארשטיי אז ס'לאזט זיך אסאך גרינגער הערן אז די טעראפי און מעדיקעישאן אליין דארפן העלפן, אבער די קושיא איז פארוואס ס'העלפט נישט פאר יעדן די זעלבע?
האלא דו... קום אהער, כ'אנישט וואס צו טון. ווילסט שמועסן מיט מיך?? קענסט באשטיין צו זיין מיין חבר פאר אביסל??? יא?! עכט?!... אקעעעי קום זיצן דא נעבן מיך... אזוי... רוק דיך אביסל צוריק, די רבי לאזט נישט זיצן אזוי נאנט... סא וואס טוט זיך...............
כ'האב אמאל געשמועסט מיט א משפחה מיט-גלידער (צובראכענע), און פאר סאם ריזען האט אריינגעפאפט די נושא אז ערב פסח/פסח איז געווען אנגעצויגן די מצב הבריאות ביים רבי'ן זאגט מיר יענער מיט א פלאכן פנים "ס'נישט געווען עפעס ספעציעל. ס'איז אייביג געווען אנגעצויגן נאר דעמאלטס איז עס ארויסגעקומען".... איך פארשטיי. מענטשן זענען קיוט...
האב איך מיך דערמאנט:
איין יאר אלץ קינד ערב יום כיפור, כ'מיין ערב בדיקת חמץ, בין איך געפארן מיט די קאר אויפפיקן עפעס א טייערע דאקומענט און מען האט עס געלייגט נעבן מיר אין די בעק, נאכן פארקן איז מיין טאטע געקומען צו מיין טיר עס עפענען און נעמען דעם בריליאנט, און צו מיין יאמי מזל ווען ער האט געפענט די טיר איז די פעפער ארויסגעפאלן פון קאר און זיך אריינגע'טובל'ט אין די פאדל ביי די זייט..... (אהא! ממש ווי ביי די פלעי).
פרעג בעסער נישט. די אויגן... די נאז... די קולות... "דו שוטה איינער, האסט נישט געקענט וואטשען וואס דו טוסט, דו ווייסט ווי לאנג איך ווארט שוין אויף דעם, משוג'ענער"
יענע כל נדרי ביינאכט איז שוין נישט געווען א טאטע מיט א קינד, נאר עס איז געווען אן עדאלט וואס בלאזט און א קינד וואס איז אונטערגעשלאגענע איינגעמאכטס!
די קומענדיגע צופרי האב איך מורא געהאט אהיימצוגיין נאכן דאווענען צו שריפת חמץ נישט וויסענדיג צו עס איז שוין דיני רפיא, האב איך איידעלערהייט גע'קאלט פון שול פרעגן צו די פעיפער האט זיך שוין אויסגעטריקענט "יא צדיק, אלעס איז מסודר, ס'איז גארנישט געשען"..........
עס איז שוין איינמאל געשען, און עס האלט נאך אינמיטען די פראסעס ביז די 120 בעזר השם!
נ.ב. פאר "עני'יאן" וואס דארף העלפ אין "עני" טעראפי נושא, עס דרייט זיך אין אלע טעראפי אשכולות א טייערע ניק מלא עקספיריענס און פאקטן וואס די גרעסטע חברה האבן אים שוין מודה געווען אויף אלעס וואס ער האלט, אויב דו האסט סיי וועלעכע פראבלעם, זעץ אים אריין א אישי און ער וועט דיר אקעגן קומען מיט די סעלושען רייט אוועי בבחינת יאן-סייז-פיטס-אל.
מאך נאר זיכער אז דו גייסט מיט הכנעה און קשיבת הלב ווייל אויב עס וועט נישט ארבעטן מיינט אז דו האסט עס נישט געטון ריכטיג.
(גראב גערעדט: יא! אפילו איך בין ב"ה א געהאלפענער, און איך האב נישט קיין שמץ אפיקורסת אין די טעכניק וואס איך ניץ, באדערט מיר נאך אלץ אויב דו וועלידעדטס נישט מיך נישט מיט די מהלך וואס איך ארבעט נאך די יסורים וואס איך בין שוין דורכגעגאנגען)
וואס האלטסטו זיך צוריק פון שרייבן קלאר ווער דאס איז ? געב ארויס זאל דער עולם הנאה האבן
קודם געב דיר א קלאפ אין ריקן אין מיין נאמען, דיין שפראך איז מורה'דיג. דיין האממער האט דיר געהאלטן ביים דעת.
סאיז בכלל נישט גרינג וואס די לייגסט דא אראפ. אין איך קוק זייער ארויף דיר פארן דא זיין פאר דיר אליין, אין דיין בני בית פארן אויסווארטן אויף דעם דיימאנט סזאל זיך אויסשלייפן, איך ווייס נישט צי זי איז דיר מוחל, איך האף אז זי עפרישיעיט דיין סענס אוו הוממער.
דער אויבישטער זאל זיין מיט דיר. אין יא עקספויזשער איז עולה על כולם. נאר נישט אייביג איז מען גרייט פאר עקספוישזער. ספרייט מיר צי הערן אז די האלטסט שוין דארט.
די וויכטיגסטע איז טאקע קודם צי וויסן וויאזוי זיך צי ערלויבן צי שפירן די עמוישענס.
יעדער ווערט אזוי צומישט דא, און די אלע טערעפי גלייבערס ווערן בארואיגט אז אההה, כאגעוויסט אז טערעפי העלפט יא!
די איינציגע זאך וואס העלפט איז א קלוגער מענטש מיט א טאלאנט ארויסצוהאבן א מענטשנס נפש. מען קען אפשר לערנען גוטע עצות, אבער מען קען נישט קויפן קיין סכל. דערפאר זענען די לייסענסט טערעפיסטן גארנישט ווערד. עס איז נישט ווי פלעין א הארץ דאקטער וואס דארף קענען די אלע זאכן פון קאליטש און ער פארשטייט שוין צו הערצער, נאר ס'איז א פארשטאנד צו נפש וואס נאר איינער מיט עכטע פארשטאנד צו א מענטשנס נשמה-נפש, קען העלפן. דערפאר זענען דא אזויפיל טעראפיסטן וואס שעדיגן, און דא דארט די קלוגע און גוטע אידן וואס האבן באמת ארויס די נפש, און פון זיי קומט די ישועה.
יעצט צו הרב דורך געמאכט. דאנקט דעם אייבישטן אז איר האלט דא. אזויפיל אנדערע מאכן אסאך מער מיט ביז זיי קומען אן צום סוף. איר האט אבער איין טעות. די מעדיקעישן איז נישט קיין זאך וואס איז געמאכט צו בלייבן דעראף. געדענקט, אייער פראבלעם איז אין נפש, און די פילן זענען אויפן גוף! יא, מען דארף אסאך מאל צוקומען צו זיי פאר א שטיק צייט, אבער ווען מען לערנט זיך אויס צו לעבן ראוג מיטן נפש, דארף מען צילן אראפצוגיין פון דעם. האב נישט מורא, די וועסט קענען! ווי עס שיינט האסטו א גוטע טערעפיסט, און וועסט נאך איין טאג זיין א מענטש מיט א שטארקע געזינטע נפש.
הצלחה פאר יעדן.
איר זאגט דברים של טעם און מיין ציל איז צו האבן א געזונטע נפש, און א גרויסן דאנק פאר די חיזוק!
מיין מעסעדזש פאר כלל ישראל:
איך האב געגעסן גענוג כריין ביז יעצט און איך וויל נישט עסן נאך ! איך וועל ענדערש בלייבן לעבן מיט מעדיקעישן א גאנץ לעבן, ווי לעבן א גאנץ לעבן אן קיין לעבן. איך האף צו ווערן אינגאנצן געזונט און קענען אראפגיין דערפון, און אויב ח"ו נישט וועל איך מוזן בלייבן אויף די פארשטינקענע פילן צו קענען זיין א רואיגע בעל חי... היו לא תהי'.
א סייד פוינט וואס איז מעגליך נישט גערעכט; אבער איך פיל אזוי ביי מיר. אויב איך האב יארן לאנג געהאט פיזישע ענקזייעטי ווייל מיין נפש איז נישט געווען געזונט, איז אפילו ווען מיין נפש איז בעסער איז מיין גוף נאך אנגעצויגן פיזיש. די עצה איז לכאורה צו רעדן צו זיך ווי צו א קליין קינד (דאס קינד אין מיך...) "דו ביסט א פיינע מענטש, ביסט דורכגעגאנגען אסאך און ביסט געווארן אנגעצויגן, יעצט ביסטו שוין מסודר און דו מעגסט שוין ווערן רואיג וכו'".
דאס איז וואס איך זאג. די יא קענען אנגיין אן מעדיקעישן, אויב די וועסט וועלן. די נפש דארף קענען אנגיין אן די הילף פון מעדיקעישן עווענטשעלי.
(אגב איך דיסעגרי מיט די עצה צו רעדן צו זיך ווי צו א קליין קינד. די ווייסט אויך אז זיך אליינס באראיגן העלפט אויף פינקליך פינף מינוט. די עצה איז רעדן צו זיך ווי א גרויסע אדאלט און זיך זאגן:
איך בין א פיינע מענטש. די אייבירשטער האט מיר געגעבן מיינע נסיונות אין מיין יוגנט. אלעס קומט פון אים. אלעס מיינט אלעס! אויך מיין ענעקזייעטי, מיין אנגעצויגנקייט, אויף די סיבה פארוואס איך בין אנגעצויגן, מיין אלע כריין געעסעכטס! אלעס קומט פון דיר באשעפער. ווייל ער איז די ''איינציגע'' כח אויף דער וועלט! ער איז אויך די איינציגע וואס קען מיך אויסהיילן. קיינער קען נישט אויסער דו! נישט מיין טערעפיסט, פילן, און אויך נישט איך אליינס! נאר נאר נאר דו!
זאג דיך עס איבער דריי מאל.
יעצט פיל ווי די קענסט טאקע גארנישט.
יעצט זיי מתפלל צום איינציגסטן כח אויף דער וועלט.
יעצט וועט קומען א מין ראוגקייט וואס די האסט נאכנישט געפילט!
מאני בעק געראנטירט אז 'דאס העלפט'.)
מי לנו גדול פון הגה״צ ר׳ יעקב מאיר שעכטער שליט״א וואס האט שוין כמה פעמים גערעדט און געשריבן איבער די וויכטיגקייט פון נעמען מעדיצין און די חורבן ווען מען האלט זיך צוריק אויב רופאים זאגן אז מען דארף עס.
בנוגע מעדיקעשאן..מה כל הרעש ביי רוב מעדיקעשאנ׳ס זענען די side-effects כמעט גארנישט..
און אודאי איז עס נישט קיין לכתחילה (אזוי ווי יעדע מעדיקעשאן) אבער ס׳דא אמאל וואס אן אנדערע עצה איז פשוט נישט דא, סוי וואס ווילסטו? ער זאל אויסגיין פון יסורים?
אבער איין זאך..ס׳לוינט זיך צו צאלן מער געלט און גיין צו א גרויסע מומחה..ווייל אויב נעמט מען די ראנג מעדיקעשאן, דעמאלטס קען זיין צרות..
און א ווארט צו הרב @דורכגעמאכט..כ׳בין ממש שפראכלאז, הן פון די תוכן..ס׳איז אנריעל אז די ביסט אזוי קאנעקטעט מיט דיינע פילינגס..און הן פון דיין הומאר און קריעיטיוועטי איר זענט דאך ממש א גאון אין שרייבעריי..כה לחי!!
יגעתי ולא מצאתי אל תאמין..(ברחניות העיקר אינו התוצאה..העיקר הוא היגיעה)
יישר כח יודן פאר די חיזוק. און ווי הרב כרכא האט ארויסגעברענגט אז פון היינט און ווייטער ווייסטו מער נישט מיט וועם מען קען זיך משדך זיין
איך וויל מסיים זיין די נעכטיגע אויסברוך…
אויב איך האב געפערליך ליב סושי, אזאש אז ווען איך טראכט יעצט דערפון עפענט זיך מיר די דריזען און איך קען זיך יעצט פארשטעלן צוקייען די דזשעלידיגע רייז מיט די שטייפע עלעקטעריק טעיפ, געקאכטע סעלמאן פיש און ווייכע אוואקאדא… ווער רעדט נאך מיט די שארפע ספייסי מעיא… אה! מעין עולם הבא. אלע מיינע געפילן צושפילן זיך מיר פון בענקשאפט!
איז יעצט, די דאקטער טענה'עט עפעס וועגן קאלעסטעראל, דיקייט פון די בלוט, צוקער… איך ווייס נישט פונקטליך וואס אבער אזויפיל ווייס איך אז די תאוות זענען א פארגאנגענהייט און איך טאר מיך נישט צופירן די מויל. סא, זייט איך האב די לאגיק אז איך טאר נישט, האב איך מער נישט ליב קיין סושי?? אין קאפ אריין! ווען איך וואק דורך די סושי, דארף איך במזיד אוועקוקן אז די גומען זאלן מיר נישט ארויספאלן… ווייל מיט לאגיק טוישט מען נישט קיין פילינגס
ביי ליידענדע ארבעט עס אויף ביידע וועגן, די עקלדיגע פילינגס קען קומען (קען קומען?? קומט!!!) אן שום לאגישע הסבירים און מען קען עס נישט אוועקנעמען מיט קיין שום לאגישע הסבירים!!! גארניקס העלפט נישט… די איינציגסטע עצה איז זיך אויסצולערנען לעבן מיט די ספיקות און מאנסטערישע פילינגס וואס דאס איז א ביטערע ארבעט און געשעט נישט אזוי שנעל, און אויך געווענליך ווען מען קומט צו די הכרה איז מען שוין געווענדליך א געשענדעטע טשיקן…
פאר מיין קומענדיגע אטאקע טראכט איך צו שרייבן די ביאלאגישע און אנדערע סיבות וואס ברענגט די אנשיקעניש, אבער היות איך דארף זיין אין א בעסערע גוסטע צו פארנעמען די צווישנרופן וואס גייט זיך מאכן על פי דרך האתון, וועל איך מיך קודם אביסל אנשפארן.