שניי מלכים

[ענדע צדיק!]

בס״ד





מלאכים אין טליתים
שפרינגען אין רינגען
א תחיית המתים
טאנץ, זיי זינגען

גייסטן פון וואטע
קווענקלען און שוועבן
פון פלאנעטן ווייטע
שלום זיך גיבן

ווי קינדער געקליידט
אין העמדער ווייסע
בליטשקען מיט פרייד
די אויגן נאסע

חול המועד אין
שטעטל איז היינט
אויך די זון
געקליידט עלעגאנט

די וואלקענעס טראגן
אויף פוכיגע רעדער
א פולע וואגן
צופלויגענע פעדער

די ווינט ארקעסטרירט
צום פרייליכן טאקט
קעניגליך מארשירט
און שטיוול קנאקט

מונדירן פרישע
פון קעניגליכע ווערד
אויף ריטערישע
פעסטע, ווייסע פערד

ווי קאדעטן מושטירטע
געמאסטענע טריט
קנעפ באצירטע
מיטן פעדערנע הוט

געגלאנצט מיט פראכט
די גאס א נאסע
פלאטערן לייכט
פענער ווייסע

פארן גאסט ווער
גרייט מען די מלוכה
צי הייסט אפשר ער
מנוחה?

[איינס]

הה״ד
שניי מלכים, משמשים לכתר אחד.

[יעקב פריינד]

וואוו.

איך ווער יעדע מאל עקסטער איבערגענומען פון די משוגע גוטע טאלאנט וואס דו האסט אין דיינע הענט! קע"ה

לאוו איט!

[Bissli]

וווואאאאףףףףף!

וואס איין שניי קען אנמאכן! יישר כח! ווי ניד מאר!

[ניינער]

יוש…! דאס איז א פראכט.

[עולם האמת]

wow!

[ממה נפשך]

אההה... די רואיגקייט ווען ס'שנייט... אזוי גוט ארויסגעברענגט.

[משה יוסל]

[היסטאריש]

גראד ווען איך האב געזען דעם קעפל האב איך געוואוסט אז דאס איז ענדע.

הערליך שיין, און פארט גאר געשמאק אינעם געזעצטן ריטם.

אה, און אויך דער בילד איז עפעס ספעציעל שיין און מאכט טראכטן פון… יא, מנוחה. (גראדע גאר שטארק הנאה געהאט פונעם לעצטן פאראגראף.)

ש'כח ענדע.

[פה מפיק]

זאפטיגע שורות,

פיינע קעפל!

[ענדע צדיק!]

הערליך שיין, און פארט גאר געשמאק אינעם געזעצטן ריטם. אה, און אויך דער בילד איז עפעס ספעציעל שיין און מאכט טראכטן פון… יא, מנוחה. (גראדע גאר שטארק הנאה געהאט פונעם לעצטן פאראגראף.)

ס׳גוט צו ליינען א תגובה וואו מען זעהט אז איינער פארשטייט, און קאמענטירט אויף די תוכן.

ש׳כח היסטאריש.

[גרויס בריטאניע]

געבליבן שטיין
ביי איטליכע שורות
פרובירט דערגיין
דער זעלטן זמירות
וואס איז דער מיין
ווידער כ'פרוביר עס
פלוצלינג א שיין!
אַה' ס'דאס קרירות...
ענדע ס'שיין
כ'קאמענטיר עס.

[ענדע צדיק!]

געבליבן שטיין
ביי איטליכע שורות
פרובירט דערגיין
דער זעלטן זמירות
וואס איז דער מיין
ווידער כ'פרוביר עס
פלוצלינג א שיין!
אַה' ס'דאס קרירות...
ענדע ס'שיין
כ'קאמענטיר עס.

זיס.

[טינט]

אזוי שיין!!!!!!

כ'בין אפיציעל דזשעלוס, פון וואו נעמסטו דיין אומאויפהערבארער פלוס פון געדאנקען און ווערטער?

ווען איך האב ווען עני פאוער, וואלט איך אויסגעמעקט דיין אשכול, און גענומען פאר מיר דעם שטיקל.

יעדע ליין, איז נאך א דימענסיע, נאך א פלאץ אין די בריאה ווי ס'שפילט זיך אויס, נאך א וועג וויאזוי עס קומט ארויס אויף די וועלט, און די פילע ביישפילן, פון טאטאלע אבסטראקטע מעטאפארס, צו פשוטע קעניגליכע מציאות'ן.
וואו!

דו ביסט דאך אזוי מין גוט.
ממש אומגלויבליך.

אין מיין הארץ גייט פאר א קנאה-פעסט אויפן העכסטן לעוועל.

[היסטאריש]

אזוי שיין!!!!!!

כ'בין אפיציעל דזשעלוס, פון וואו נעמסטו דיין אומאויפהערבארער פלוס פון געדאנקען און ווערטער?

ווען איך האב ווען עני פאוער, וואלט איך אויסגעמעקט דיין אשכול, און גענומען פאר מיר דעם שטיקל.

יעדע ליין, איז נאך א דימענסיע, נאך א פלאץ אין די בריאה ווי ס'שפילט זיך אויס, נאך א וועג וויאזוי עס קומט ארויס אויף די וועלט, און די פילע ביישפילן, פון טאטאלע אבסטראקטע מעטאפארס, צו פשוטע קעניגליכע מציאות'ן.
וואו!

דו ביסט דאך אזוי מין גוט.
ממש אומגלויבליך.

אין מיין הארץ גייט פאר א קנאה-פעסט אויפן העכסטן לעוועל.

גוט ארויסגעברענגט, כ'האב אויך הנאה געהאט פון די פילע מעטאפארן אויף איין זאך, און נאך אזוי גוט אראפגעלייגט.

אבער ביטע, דיין טאלאנט קען קיינער אוועקמאכן, אויב עפעס בין איך מקנא ענק שני מלכים.