די קעפעלך פון די אשכולות.
* * *
א קעפל דארף צו זיין זייער א מופשטדיגע זאך, נישט קיין דעה, נישט איינזייטיג, און רוב מאל נישט קיין שאלה.
פארשטייט זיך אז סווענדט זיך צו איך שרייב א פאום א נייעס אדער א אשכול פאר דעבאטעס.
ווען מען שרייבט א פאום דארף די קעפל זיין קריעיטיוו און צומאל אפילו אומפארשטענדליך, כידוע לחובבי הארט.
ווען מען שרייבט א קרעטשמע ארטיקל, על פי רוב וויל נישט דער שרייבער דו זאלסט כאפן דעם פאנטש ליין ביים אנהייבן ליינען וועט ער אויפקומען מיט א קעפל וואס דערציילט אבער פארציילט נישט.
אבער ביי נייעס אפדעיטס דעבאטעס אנקעטעס וכדו׳ וואס א גרויס חלק פון די אשכולות דאהי זענען געווידמעט פארדעם, דארף דער קעפל זיין זייער פשוט און קלאר.
א אשכול וואס באשרייבט למשל דעם רמב״ם, קומט נישט אז דער קעפל זאל זיין:
- ווער איז געווען דער רמב״ם?
- די גדלות פונעם רמב״ם
- אינטערסאנטע פאקטן איבערן רמב״ם
רמב״ם - רבינו משה בן מימון.
אויסער אויב איינער גייט דורכשמועסן נאר זייטיגע אינטערסאנטע זאכן ארום דעם רמב״ם, דעמאלטס איז טאקע ריכטיג ״אינטערסאנטע פאקטן ארום דעם רמב״ם״, און דיקא נישט סתם רמב״ם.
א נייעס איבער א שלום אפמאך צווישן אמעריקע און רוסלאנד, קען די קעפל נישט זיין:
- די בארבארישע רוסן מאכן שלום מיט די פרידליכע אמעריקע.
- צודרייטע באשלוס פונעם פרעזידענט צו מאכן שלום מיטן רוס.
- א חורבן קומט אויף די וועלט מיטן נייעם שלום אפמאך
- פרידנס צייטן מיט די שלום צווישן אמריקע און רוסלאנד
אפילו פאר א דעבאטע אשכול דארף דער קעפל זיין אויפריכטיג און נישט זאגן קיין צד אינעם דעבאטע.
א שאלה אין א קעפל איז על פי רוב זייער אומקלאר. אבער ווי יעדע זאך סאיז נישט קיין כלל אייביג.
ווען איינער וויל אויסשמועסן פארוואס מעגן יא אדער נישט בחורים דרייוון
- פארוואס טארן בחורים נישט דרייוון?
- מעגן בחורים האבן לייסנס?
- בכלל נישט קיין פראבלעם אז בחורים דרייוון!
אדער ביי די צווייטע דוגמא, דער שרייבער קומט שוין אריין אינמיטן די מעשה אז בחורים מעגן נישט דרייוון און ער קומט אריין פרעגן הלמאי. ער דארף אנהייבן פון אנהייב.
שרייבן דעם קעפל ״בחורים דרייוון״ איז אויך נישט די נושא. ווייל די משמעות איז אז ער גייט דא ברענגען נייעס אז בחורים דרייוון.
לכאורה די ריכטיגסטע וואלט געווען: ״דרייוון אלץ בחור״
אפילו אינעם באריכט אדער אראפלייגן די שאלה דארף מען ערשט אנהייבן מיט א כללותדיגן בליק און אראפ לייגן דעם בילד און די נושא, און נאר נאכדעם נעמען א צד.
קיצער די פוינט איז אז זייער אסאך קעפעלעך זענען אומציענד און אומקלאר ווען משרייבט דאס מיט א נגיעה אדער נישט קלאר וואס מויל.