טעכנאלאגיע וואס מ'מיינט ס'נישטא

איבער אלע סארט כלי מכשירים

די אחראים: זייער נייגעריג,אחראי,thefact

אוועטאר
MUTCHE
שר מאה
תגובות: 148
זיך איינגעשריבן אום: זונטאג סעפטעמבער 09, 2007 1:09 pm
לאקאציע: דא

טעכנאלאגיע וואס מ'מיינט ס'נישטא

  • ציטיר
  • צו לייגן א דאנק דארפט איר זיין אריינגעלאגט

תגובה דורך MUTCHE »

טראכט נאר אריין, די וועלט איז טאקע גאר פארגעשריטן, באנען לויפן שנעלער ווי פליגערס, טעלעפאנען וואס ארבעטן בעסער ווי קאמפיאטערס, שיקן מעיל איז שנעלער ווי רעדן, און מאשינען הערן דיר אויס מער ווי מענטשן (וואויס קאנטראל בלע"ז), זייער א מאדערענע וועלט.

אבער ווי נישט ווי, זענען עטליכע זאכן וואס מיר באניצן זיך שוין יארן אבער ווי עס קוקט אויס איז די טעכנאלאגיע איבערגעשפרינגען איבער זיי, מען האט פון זיי אינגאנצן פארגעסן.

האב איך מיר אראפגעזצעט טראכטן, וואס קען מען אויפטוהן פאר טעכנאלאגיע, ס'איז מיר איינגעפאלן עטליכע רעיונות, אבער נאך א קליינע סערטש, בין איך געוואר געווארן אז איך בין נישט דער איינציגסטע בעל דמיונות, און עטליכע זאכן וואס הערט זיך ווי א פאנטאזיע, זענען שוין דא צובאקומען, אדער האט מען שוין געטראכט דערפון.

אזעלכע זאכן, ווי למשל א שירעם, וואס די איינציגסטע טעכנאלאגיע פון א שירעם אין די לעצטע צוויי הונדרעט יאר איז געווען די קנעפל עס זאל זיך עפענען און צומאכן, איך האב שטענדיג געמיינט אז דאס איז עס, עס וועט שוין נישט זיין קיין חידושים דערין אין די קומענדיגע צוויי הונדרעט יאר.

איר וואונדערט זיך, וואס קען מען שוין מאכן? א שירעם איז א שירעם, מען זעהט אז עס רעגנט כאפט מען עס אהן, מען עפענט עס, מען האלט עס שטארק אהן, אז עס דרייט זיך איבער דרייט מען עס צוריק, מען גייט אריין אין שטוב מאכט מען עס צו, מען לייגט עס אין א זייט, און אלע וואסער דערויף מאכט א קליינע טייכל צו די "פרייד" פון עקרת הבית.

אבער נאכן אפירזוכן, האב איך געטראפן עטליכע אינטערסאנטע שירעמעס וואס קען זיין עס וועט איינעם צונוץ קומען.

בילד


ווען מען לויפט אין א רעגן, די ווינט בלאזט אריין אין פנים, און מען מוז האלטן די שירעם כמעט אינגאנצן גראד קעגן פנים, שטעלט זיך ארויס אז מען קען נישט זעהן גארנישט, אויף דעם איז מען אויפגעקומען מיט די דורכזיכטיגע שירעמעס.
עס איז דא פארשידענע דורכזיכטיגע שיערמעס פון פירמעס, אבער די "באמפברעלא" צייכנט זיך אויס אינעם אויסשטעל, ווי אויך מיט אריין געבויטע על-עי-די לייטס וואס זאלן שיינען ביינאכט.

אבער עס איז דא סתם דורכזיכטיגע שירעמעס, קויפט א דורכזיכטיגע שירעם אויף עמעזאן

אויב האט איר אן אייפאד, מן הסתם האט איר די פראבלעם, איר שפאצירט אויפן גאס, די אייפאד ארבעט, אייער אויערן זענען פארשטאפט מיט עירפאונס, און איר ברומט אייך אונטער, אלעס פיין און וואויל.
אבער, פלוצלינג עס לאזט זיך אראפ א שלאקס רעגן, איר נעמט ארויס אייער שירעם און עפענט עס אויף, איר כאפט אהן די שירעם מיט ביידע הענט עס זאל נישט אייך איבערלאזן אום באשיצט.
פלוצלינג פאלט אייך איין אויפן געדאנק אז איר ווילט יעצט הערן א ווארימע ניגון, די אייפאד ליגט און טאש, און די הענט זענען אויפן שירעם וואס טוט מען?

אייברעלא
אייברעלא

דערפאר איז דא די שירעם מיטן נאמען "אייברעלא", וואס מען קאנעקט צום אייפאד, און דורך די שירעם קען מען קאנטראלירן די מוזיק.
אז מען גיבט דאס שירעם א רוק אויף פארויס, גייט עס צום נעקסטן ניגון, און אויף צוריק גייט די אייפאד אויך צוריק א טרעק.
אויב דרייט מען עס ארום ווערט די וואליאם העכער אדער שטילער.

בלייבט נאר איבער צו וואונדערן, וואס פאסירט אין גאר א שווערן וועטער, ווען די ווינט ווארפט דאס שירעם אהין און צוריק, אדער ווען די שירעם דרייט זיך אויס....

וואס איז די וועטער?
וואס איז די וועטער?
0,1425,sz=1&i=156802,00.jpg (47.63 KiB) געזען 2584 מאל

געענדיגט מיט די צייטן וואס איר גייט ארויס פון דערהיים, שפרייט אויס אייערע הענט צום הימל דרייענדיג ארויף און אראפ, צו האבן א פונטקליכע אפשאצונג צו עס רעגנט צו נישט.
באקענט אייך מיט די שירעם וואס דערציילט די וועטער, דורך א לעמפל וואס עס צינדט זיך אהן, און אלערט דער איינגעטומער אז עס קומט א שווערן וועטער, שניי, לייכטע רעגן, שווערע רעגן וכו'.
די אינפארמאציע נעמט די שירעם פון זיין אויטאמאטיש קאנעקטעד צו AccuWeather.com
צובאקומען פאר הונדרעט דרייסיג דאללער (בעסער פארגעסט עס נישט אין מקוה) דא
אן ענליכע שירעם איז דא פון א צווייטע פירמע

אויב זענט איר נישט צופרידן מיט די שירעם וואס איז בלויז קאנעקטעד צום אינטערנעט צו וויסן די וועטער, וועט איר אפשר זיין אינטערסירט צו וויסן וועגן די "אינטערנעט שירעם".

אינטערנעט שירעם
אינטערנעט שירעם

דאס שירעם איז א גרויסע סקרין, וואס קען זיך קאנעקטן צום נעט דורך וויי-פיי, ווי אויך אויך פארמאגט די שירעם א קעמרע אפצוכאפן בילדער, און עס אפלאודן אויף פליקער, ווי אויך א דזשי-פי-עס פאר די באקוועמליכקייט פון א טוריסט אן א פרעמד לאנד, מען קען דערויף האבן טרידי מאפעס, און אנוויזונגען, (דער טוריסט האט מזל אז עס רעגנט, ווען נישט וואלט ער געדארפט גיין אין א שיינע קלארע וועטער מיט זיין שירעם נישט צו בלאנדזשענען).
מער אינפארמאציע קענט איר טרעפן דא

אין אמת'ן, איך האב נאך נישט ארויס די געדאנק, ווי אזוי קען מען ארום שפאצירן די שטאט אהן דעם וואס די ווי-פיי קאנעקשן זאל זיך אפהאקן, די איינציגסטע עיצה וואס איך זעה איז זיך אריין צו זעצן אין א קאפעי הויז וואס טיילט וויי-פיי בחינם, איך בין נאר סתם נייגעריג צו זעהן ווי אזוי מען וועט אנקוקן דער מענטש וואס זעצט זיך אוועק צום טיש מיט א אפענע שירעם...


איך ווארט נאך אויפן פירמע וואס זאל ערצייגן א שירעם וואס זאל זיך אליינס האלטן, און עס דערמאנען איידער איר פארלאזט א פלאץ אז איר זאלט נישט איבערלאזן די שירעם דארט.
אוועטאר
אונגארישער
שר האלף
תגובות: 1611
זיך איינגעשריבן אום: מאנטאג דעצעמבער 01, 2008 12:00 pm
לאקאציע: אין שאראש פאטאק

  • ציטיר
  • צו לייגן א דאנק דארפט איר זיין אריינגעלאגט

תגובה דורך אונגארישער »

יוש איז דאס זיס
Liberalism is a mental disorder
אוועטאר
thefact
שר האלפיים
תגובות: 2511
זיך איינגעשריבן אום: מיטוואך יאנואר 31, 2007 3:30 pm
לאקאציע: וויליאמסבורג, ברוקלין
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך thefact »

מאטכע
יו ביזטו גוט!!!
הק' משה אהרן (וועבסייט - פראפייל)
לערנט אייך אויס צו שווימען אין די טיפע וואסערן פון קאמפיוטערס

די פאקט איז, אז מ'לערנט, קען מען, און אז נישט...
אוועטאר
גימעל
שר האלף
תגובות: 1110
זיך איינגעשריבן אום: זונטאג נאוועמבער 22, 2009 4:09 pm
לאקאציע: דערנעבן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך גימעל »

יוש מאטכע ביסט גוט...
בלייבט נאר איבער צו זאגן 'זעצדעך לערנען!'
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

;l;p- ;l;p-
אוועטאר
leiby
שר שלשת אלפים
תגובות: 3911
זיך איינגעשריבן אום: זונטאג נאוועמבער 16, 2008 11:08 pm
לאקאציע: צווישן אידן

  • ציטיר
  • צו לייגן א דאנק דארפט איר זיין אריינגעלאגט

תגובה דורך leiby »

אייפאד קאנטראל אין די קויט ווען ס'איז קאלט
אטעטשמענטס
אייפאד אין די קויט 3
אייפאד אין די קויט 3
iMBCWLE-2T.jpg (12.15 KiB) געזען 2296 מאל
אייפאד אין די קויט 2
אייפאד אין די קויט 2
black-coat-with-ipod-controls.bmp (90.05 KiB) געזען 2298 מאל
אייפאד אין די קויט
אייפאד אין די קויט
spyder_limited_edition.JPG (37.68 KiB) געזען 2302 מאל
שש מצות תמידיות: אהבת ה',יראת ה', יחוד ה', אמונה בה', שלילת ע"ז, ולא תתורו.
אוועטאר
חושים בן דן
שר חמש מאות
תגובות: 607
זיך איינגעשריבן אום: דאנערשטאג אקטאבער 01, 2009 10:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושים בן דן »

מאטל האסט מיר עס געהייסן ליינען, כ'האב עס געליינט און ס'איז סופער דופער... ;l;p- ;l;p- ;l;p- ס'קומטער דריי אזאנע
רעיון אויף די פרשה - חתום חתמתי ואני יודע מה הוא
שרייב תגובה

צוריק צו “טעכנאלאגיע”