האום ווארק - שולע היימארבעט

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

ר' יום טוב
שר שלשת אלפים
תגובות: 3534
זיך איינגעשריבן אום: זונטאג סעפטעמבער 20, 2015 12:58 pm

האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

זייענדיג אינדערהיים מיט מיינע 4 טעכטער אין די ימי קורונה ז"ל האב איך אסאך פרישע נושאים קענען געלערנט. איינע פון זיי איז די אומבאגרייפליך שווערע היים-ארבייט, וואס האט זיי געהאלטן פארמשכונ'ט אינערהאלב די פארמאכטע צימערן פאר שעות לאנג נאך טעלעפאן שולע, בעת זיי מאטערן זיך אימערמידלעך איבער א חעלעמער מאטעמאטיק אדער א פילאזאפישע באשיידונג פון א מיטל-אלטער אילוזיע, אלעס מיטן ציהל נישט צו פארלירן די גוטע מארק אויפן ריפארט קארד.

אין אמת'ן האב איך שוין יארן צו הערן און זינגען פון מיין בני בית איבער די מאדנע היים ארבעט פראטאקאלן. ס'הייסט, קוים דאס מיידעלע קומט אהיים פון שולע פארסאפעט, האט זי נאך צווישן 2 און 4 שעה לערן ארבייט צו קענען די טעסט וואס מ'געדענקט שוין נישט א טאג דערויף, און די מאמע דארף יעדע ענדע טאג אונטערשרייבן א פעטיציע אז מען האט טאקע געטון די ארבייט. איך פלעג עס אלס אנקוקן מיט א מאך מיט די האנט, נו געזונטערהייט. יו קענט פייט ווילידזש האל.

אבער אצינדער האבן זיך מיינע אויגעלעך געעפנט. בעת מיין בני בית איז געווען פארנומען מיט די פיצלס אויף איין האנט בעת די טאדלער שלעפט די אנדערע אפצורוימען די קלעבאכטס און ווישן די באלאטעס, צורעכטן די נאכטמאל און צורישן די לאנדרי, אנשטאט וואס די גרעסערע זאלן זיין עוועילעבל צוצולייגן א האנט, האבן זיי למען השם געמוזט זיין פארנומען מיט די נערישע סאציאלע שטודיעס, די זעלבע וואס חם בן אבאמא שטודירט בעיון און באקומט דערויף א ביאלאגישע דעגרי וואס מ'האט נישט ווי איינצוקעשן.

ווען די רופן צו די מנהלת האבן געהאלפן א מכה, האב איך גענומען גריבלען און פראבירן צו דערגיין, וואס פארא גוט יאר דרייט מען די מיידלעך א קאפ מיט די אלע גוטע זאכן. ס'דא זאכן וואס ס'גוט צו לערנען. איך ווייס. טיילמאל מוז מען בדיעבד אריינרוקן אין קריקעלעם זאכן וואס מיר וועלן מיט אונזערע פארגרעבטע קעפ קיינמאל נישט פארשטיין די ציהל פון די סאבדזשעקט. בלויז ווייל דאס קען זיין אינטערעסאנט פאר עמיצן וואס גייט אמאל גיין אין קאלעדזש לערנען די קונץ פון באשאפן גלאבאלע ווארעמונג. דאס אלעס איז אבער גענוג צווישן די ווענט פון שולע. צו וואס דארף מען אנלייגן די מיידלעך אינדערהיים....?????

איז וואס איז טאקע די סיבה דערצו...? מען מוז אידענטיפיצירן די שורש, די סיבה פונעם פראבלעם איידער מען גייט זוכן די סעלושן.

מיט וואס מיר זענען אפירגעקומען איז איינע פון די צוויי מעגליכקייטן:
1) הערט גוט ס'פשעטל: "אויב ח"ו מ'וועט נישט האלטן פארנומען די מיידלעך קעפ פארדאופט מיט שטותים 17 שעה א טאג, דאן קענען זיי זיך ח"ו האבן א מינוט ליידיג צייט צו טראכטן, ותוצאיו מי ישורנה. ודי." און בעת איר ווייזט א פארוואונדעטע מינע קומט צוגיין בערך אזא נאכפאלגנדע סטעיטמענט "וואס ווייסטו, דו האסט אן אנונג וואס גייט אלס רח"ל פאר אין די גאס? וכו' וכו'"
2) עס גענוי ווי אלע סטאנדארטן אין די היימישע לעבנסשטייגער מיט וואס מיר טוען זיך פארמעסטן. עפעס ווערט איינגעפירט, מען טוט עס יארן לאנג, און קיינער האט נישט קיין אנונג די היסטאריע וויאזוי ס'איז בכלל געקומען דערצו, און דערנאך פארט שוין א סיסטעם יארן לאנג אן קיין שאנס פאר א טויש. קיינער ווייסט נישט וויאזוי "היים-ארבייט" האט זיך אנטוויקלט. אבער אז ס'דא קען מען גארנישט טון צו ברענגען אן עק דערצו, אפשר אז מ'וועט זיך צוזאמנעמען אלע קהילות און מאכן תקנות.

איך האלט אז ס'איז נומער צוויי, נומער איינס האט א פירכא, אז ס'דא גענוג און נאך נארמאלערע זאכן מיט וואס צו האלטן פארנומען די קעפ פון אונזערע טעכטער. זיי האבן נאכנישט קיין מאלפע קעפ.

וואס האלט איר?
גאלדענע פעדער
שר האלפיים
תגובות: 2400
זיך איינגעשריבן אום: מאנטאג יאנואר 05, 2015 9:34 pm
לאקאציע: אין שפיץ פונעם קרעמל

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך גאלדענע פעדער »

ס׳שוין דא אזא אשכול דא פון די ניק @מחותן וואס וויינט אויף די נושא. ער טענה׳ט דארט נאך אסאך מער אז ווען נישט די מיידליך זענען אזוי פארנימען וואלטן זיי ווען מער געהאלפן אין שטוב..

לעצם הענין. די מיינונג פון די מנהלת׳ן איז אז מען דארף מיידליך האלטן די קאפ פארנימען און מאכן א קאמפעטישען אז זיי זאל ארבייטן מיט פלייסיגקייט צו באקומען גוטע מארקס.

די סיבה דערפאר איז פשוט. יעדער ווייסט אז בעצם וואלט מען ווען געקענט מאכןאר די מיידליך א גאנץ יאר קאלער וואר מיט פארמעסטען וכדו׳.. צוזאמען מיט א פראגראם זיי צו לערנען די בעיסיק׳ס. ווייל זיי האבן דאך נישט קיין חיוב לימוד התורה ווי די יונגלעך. נאר וואס דען? זאגן די מנהלת׳ן אז טאמער וועט מען אזאנס מאכן וועלן די מיידליך נישט קענען חתונה האבן און זיין נארמאלע אידישע מאמע׳ס ווייל זיי וועל אויפוואקסען ווי שיכורים.. ממילא איז דא די היינטיגע סיסטעם כדי צו אויפברענגען מיידליך וואס זאלן קענען זיין ריספאנסעביל מאמע׳ס. און דאס (דא לייג איך שוין צי..) כנראה האלטן די מנהלת׳ן איז נאר שייך מיט היים ארבייט וואס געבט צו - צי די ערענסקייט פון די לימודים.
וואס טוט זיך
שר שבעת אלפים
תגובות: 7239
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

חומש וויל מען נישט לערנען.. טוט מען דעיס.

ווייס איך נישט פארוואס דו רופסט דיע לערנונגען שטותים.
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
אוועטאר
מצב כללי
שר ארבעת האלפים
תגובות: 4759
זיך איינגעשריבן אום: זונטאג אוגוסט 18, 2013 7:09 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצב כללי »

ר׳ יום טוב ברענגט ארויף א וויכטיגער נושא

עס איז נישט נאר האומווארק עס איז דא פילצאליגע איינפירונגען אין סקול וואס קיינער פארשטייט נישט אבער מען טאר חס ושלום נישט טוישן ווייל עס גייט שוין אן מדור דור

דער פראבלעם פון האומווארק איז נאכמער ווייל עס נעמט אריין די עלטערן

די מאמע דארף זיין פארנומען מיט האומווארק אנשטאט מיט היימארבעט
אוועטאר
קרעפלעך
שר חמישים ומאתים
תגובות: 480
זיך איינגעשריבן אום: זונטאג יוני 07, 2020 2:01 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעפלעך »

ערעב יום טוב זייער גיט אראפגעלייגט!

איך קען הערן די געדאנק פון האלטען פארנומען די מיידלעך, אבער פאר וועלכע גיטע סיבה קען מען זיי נישט אויסלערנען גיט צו נייען קאכן און נאך וואס זיי וועלן האבן אסאך ניצן זייער גאנצע לעבן?
אוועטאר
הענדימען
שר עשרת אלפים
תגובות: 15034
זיך איינגעשריבן אום: פרייטאג אקטאבער 27, 2017 11:14 am

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך הענדימען »

כ'האב געהערט יארן צוריק אז די פראבלעם איז דווקא די ענגלישע פרינציפעלס

זיי דארפן "ווייזן" אז זיי זענען נישט עפעס אבי ווער און ס'איז דא א קאנקורענץ ווער ס'קען מער (שטותים) אריינלייגן אין די מיידלעך
כאניש אזוי קיין געהעריגע אקסן (קרעדיט כאניש)

מ'קעמיך קאנטאקטירן אויף handymanivelt ביי דזשימעיל
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

איי ר' יונטל, האסט געעפענט א פאראייטערטע וואונד
דער פראבלעם פון אלעמאל איז אין די יעצטיגע וואכן געווען פילפאכיג
איך בין מכבד יעדן וואס האט היים סקול מיידלעך צו טשעקן וואסערע וויכטיגע טעסט זייערע טעכטער האבן געסטאדיט די לעצטע צוויי וואכן, וואס לכבוד דעם האט די בני בית נישט געהאט די הילף פון איר גרויסע מיידל
נישטא צו וועם צו רעדן
און ביידע סיבות זענען ביידע אמת, די ערשטע סיבה זאגט די ענגלישע פרינציפל, און די צווייטע סיבה זאגט דער אידישער מנהל אז לכבוד דעם איז שווער צו מאכן א טויש, בפרט ווען ער האט צוטון מיט אלט געזעסענע מנהלת'ער וואס ווייסן אז מ'טאר חלילה נישט משנה זיין
ווי אויך האט עס זייער אסאך מיט די פראגראמען וואס מ'באקומט, איטס אל אבאוט מאני, אסרו חג סוכות דארף למען הקרעפלעך זיין סקול, ווייל אז נישט זענען נישט דא גענוג שולע טעג אז די שטאט זאל באצאלן
און די זעלבע איז די מורא'דיגע וויכטיגקייט פון די צוויי וואכן צו האלטן די מיידלעך אין סקול ביז 4 נאכמיטאג, וואס ס'איז נישטא קיין נארמאלע סדר לימודים, מ'זוכט פון אונטערן טיש וואס צו טון מיט זיי, די עיקר ס'זאל זיין געקאווערט אז מ'איז געווען צוויי וואכן אין סקול (אויף יעצט איז עס מער די תירוץ פארוואס צו בעטן שכר לימוד, הלמאי איך שטעל דיר עפעס צו, און פאר דעם זעלבן תירוץ האבן די מיידלעך געמוזט לערנען ענגלישע לימודים פון פסח ביז יעצט אויפן טעלעפאן)
בקיצור דער גאנצע סקול סיסטעם דארף א גוטן שאקל, איך ווייס אז פון שרייבן אויף אייוועלט ביז למעשה איז א ווייטע וועג, איך פיל אבער בעסער נאכן אויסגעבן מיין ווייטאג
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
בוחר בשירי זמרה
שר האלפיים
תגובות: 2627
זיך איינגעשריבן אום: דינסטאג יאנואר 26, 2016 10:49 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך בוחר בשירי זמרה »

יארן צוריק איז געווען אין די אויסגאבע מעלות אן אנגייענדע דיסקוסיע צווישן עלטערן און פרינציפלס דערוועגן -פאר א היבשע תקופה

אפשר קען איינער אהערברענגען ס'עט זיין לתועלת
איר האט הנאה -יעצט בשעת מעשה- פונעם סייט?
קומט אריין דא אצינד, און טראסקעט אריין עפעס
באלייכטער
שר חמישים
תגובות: 50
זיך איינגעשריבן אום: דאנערשטאג מארטש 07, 2019 11:05 am

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך באלייכטער »

איי איז דא אסאך צורעדן וועגן די נושא.
מ'לערענט און מ'האלט דרשות איבער די חסד פון די אמהות, די חסד פון רבקה, אין ווען ס'קומט למעשה, ווען מ'ווארט אונדערהיים אויף די לשמור ולעשות, אז דע מיידלעך זאלן א חסד טאן און צולייגן א האנט זענען זיי נשט צוהאבן. זיי זענען פארשפארט מיט הואם-ווארג. א בחינה הזרעים ברנה בדמעה יקצרו. דאס טפשות מעג זיך שוין ענדיגן.
די גרויסע מיידלעך זאלן גיין און שולע נאך די קליינע אז די גרויסע זאלן קענען זיין אונדערהיים העלפן די מאמע אויסרישן די קליינע, נאכן אנהייבן איר טאג מיט חסד אונדערהיים קען זי זיין גרייט פאר סקול. ווען די מיידלעך זענען און שטוב מעג נישט די סקול אויף א טעגליכע אויפן האלטן די מיידליך האסטיטש. זיי דארפן העלפן אויך.
אוועטאר
שפע רב
שר האלף
תגובות: 1663
זיך איינגעשריבן אום: דינסטאג פעברואר 06, 2018 11:20 am

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך שפע רב »

מיין רעבעצין איז יארן געווען א טיטשער.זי איז איבערגעצייגט, נאכן ארבעטן איבער 10 יאר אונטער די מנהלת'ן, אז די האומווארק איז בעיקר (אפשר סאב-קאנשעסלי) ווייל די סקולס/גרעידס/פרינציפלס האבן א פארמעסט ווער ס'איז מער אהערגעשטעלט היי קלעס, און לערנט מער. און כ'רעד אויך פון די נארישע זייטיגע סובטזעקטס ביי ענגליש.

מהאי טעמא איז די לעצטע פאר יאר ארויף די 'סטאנדארטן' פון גרעדועשן פלעיס צו משוגע'נע ווערטשאפטן. נישט אזוי לאנג צוריק איז א ערשטע-קלאס גרעדויעשן געווען פער קלאס. יעדע מיידל (מ'רעדט דא פון אינגע קינדער) איז געווען איבערגליקלעך. די מאמעס זענען געקומען אין די קלאס און ס'איז געווען היימיש.

היינט ספענדט די מוסדות ''צענדליגער טויזענטער דאלערן' בלי גוזמא פאר טייערע ערענ'זשערס, פראפס, און א פולע פראפעסינאלע כמו שפיל. פאר וועם? פאר 5 - 6 יעריגע מיידלעך!

די זעלבע מוסדות וואס וויינען מיט ביטערע טרערן ווי זיי זענען נעבעך שרעקליך געדרוקט.

אלעס איז נארישע קאמפעטישן צו ווייזן ווי אהערגעשטעלט אונזער מוסד איז.

הלוואי זאל קאראנ''ע מאכן א סוף צו די טייערע ספענדעריי און נארישע קאמפעטישן אויף ווער ס'קען לערנען מער 'סוב'זשעקס.
אוועטאר
כאניש וואס צו טון
שר עשרים אלף
תגובות: 22317
זיך איינגעשריבן אום: מאנטאג סעפטעמבער 04, 2017 6:18 pm
לאקאציע: אפן וועג צום ארבייט
פארבינד זיך:

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך כאניש וואס צו טון »

וואס טוט זיך האט געשריבן:חומש וויל טאר מען נישט לערנען..
די לעכטיגע טעג זענען שוין נענטער ווי ווייטער!
ר' יום טוב
שר שלשת אלפים
תגובות: 3534
זיך איינגעשריבן אום: זונטאג סעפטעמבער 20, 2015 12:58 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

מ'קען לערנען אסאך גוטע זאכן מיט די מיידלעך. איך האב לעצטנס געצאלט עטליכע הונדערט דאלער פאר באקן לעקציעס פאר מיין טאכטער. מ'קען בעסער אויסלערנען נייען. בנוגע ענגליש דארף ווערן געלייגט א דגוש אויף שפראך, לייענען, און שרייבן. מאטעמאטיק איז בלויז וויכטיג בעיסיק. ווילסט נאך עפעס אויסלערנען? לערן וויאזוי זיך צו פירן מיט דרך ארץ. סאציאלע באנעמונג סקילס. וויאזוי צו בודזשעטן א שפארזאמע לעבנסשטייגער. וויאזוי קעיר צו נעמען פון קינדער. א.א.וו.

בעפאר ס'געווען 12'טע קלאס האט מען אסאך גוטע זאכן געלערנט אין הויעך שולע. היינט וויל מען צווינגען אז די מיידלעך זאלן וועלן גיין אין 12'טע, מאכט מען זיכער צו לאזן אלע היי-פראפייל לעקציעס פאר די 12'טע קלאס. דערפאר מוז מען זוכן פון אונטער די ערד וואס צו לערנען אין די אינגערע קלאסן.

אבער אין אמת'ן גערעדט, איז טאקע דא גאנץ ווייניג רעלעוואנטע נושאים מיט וואס מיידלעך זאלן זיין פארנומען דורכאויס א גאנצן טאג. אמאל, מיט 15-20 יאר צוריק האט מען געלערנט קאמפיוטער בעיסיקס. היינט איז דאס שוין געווארן אסור.
וואס טוט זיך
שר שבעת אלפים
תגובות: 7239
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

כאניש וואס צו טון האט געשריבן:
וואס טוט זיך האט געשריבן:חומש וויל טאר מען נישט לערנען..

מאכט נישט אויס...

די פוינט בלייבט די זעלבע..
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
וואס טוט זיך
שר שבעת אלפים
תגובות: 7239
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

ר' יום טוב האט געשריבן:מ'קען לערנען אסאך גוטע זאכן מיט די מיידלעך. איך האב לעצטנס געצאלט עטליכע הונדערט דאלער פאר באקן לעקציעס פאר מיין טאכטער. מ'קען בעסער אויסלערנען נייען. בנוגע ענגליש דארף ווערן געלייגט א דגוש אויף שפראך, לייענען, און שרייבן. מאטעמאטיק איז בלויז וויכטיג בעיסיק. ווילסט נאך עפעס אויסלערנען? לערן וויאזוי זיך צו פירן מיט דרך ארץ. סאציאלע באנעמונג סקילס. וויאזוי צו בודזשעטן א שפארזאמע לעבנסשטייגער. וויאזוי קעיר צו נעמען פון קינדער. א.א.וו.

בעפאר ס'געווען 12'טע קלאס האט מען אסאך גוטע זאכן געלערנט אין הויעך שולע. היינט וויל מען צווינגען אז די מיידלעך זאלן וועלן גיין אין 12'טע, מאכט מען זיכער צו לאזן אלע היי-פראפייל לעקציעס פאר די 12'טע קלאס. דערפאר מוז מען זוכן פון אונטער די ערד וואס צו לערנען אין די אינגערע קלאסן.

אבער אין אמת'ן גערעדט, איז טאקע דא גאנץ ווייניג רעלעוואנטע נושאים מיט וואס מיידלעך זאלן זיין פארנומען דורכאויס א גאנצן טאג. אמאל, מיט 15-20 יאר צוריק האט מען געלערנט קאמפיוטער בעיסיקס. היינט איז דאס שוין געווארן אסור.

וואס איז טאקע פשט אז מען לערנט נישט קאמפיוטער בעיסיקס?

אז מען האט געקענט אמאל זאל מען היינט אויך קענען...
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
גאלדענע פעדער
שר האלפיים
תגובות: 2400
זיך איינגעשריבן אום: מאנטאג יאנואר 05, 2015 9:34 pm
לאקאציע: אין שפיץ פונעם קרעמל

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך גאלדענע פעדער »

ר' יום טוב האט געשריבן: וויאזוי צו בודזשעטן א שפארזאמע לעבנסשטייגער.

דאס וואלט געווען אזא טובה, נישט צי משיג זיין! יונגעלייט וואלטן געהאט אסאך גערינגער דעם לעבן ואין להאריך.
;l;p- ;l;p- ;l;p-
אוועטאר
שמואל בארג
שר ארבעת האלפים
תגובות: 4026
זיך איינגעשריבן אום: דאנערשטאג פעברואר 18, 2016 6:44 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמואל בארג »

כאניש וואס צו טון האט געשריבן:
וואס טוט זיך האט געשריבן:חומש וויל טאר מען נישט לערנען..


מ'מעג, מיט דברי חז"ל (רש"י בכללם) מעג מען נישט.

מיר ווילן נישט לערנען אפילו בלויז חומש, ווייל אזוי האבן זיך געפירט אבותינו ורבותינו הקדושים.
אוועטאר
שמואל בארג
שר ארבעת האלפים
תגובות: 4026
זיך איינגעשריבן אום: דאנערשטאג פעברואר 18, 2016 6:44 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמואל בארג »

גאלדענע פעדער האט געשריבן:
ר' יום טוב האט געשריבן: וויאזוי צו בודזשעטן א שפארזאמע לעבנסשטייגער.

דאס וואלט געווען אזא טובה, נישט צי משיג זיין! יונגעלייט וואלטן געהאט אסאך גערינגער דעם לעבן ואין להאריך.
;l;p- ;l;p- ;l;p-


גראדע לערנט מען דאס אין סקול, מיין רביצין זז"ג האט מיר נאך די חתונה אויסגעלערנט וויאזוי צו רעקאנסיילן א באנק, וואס בעיסיק אקאונטינג מיינט, און אויך טיפס וויאזוי צו לעבן אויסגערעכנט, זאכן וואס זי האט זיך אויסגעלערנט אין שולע.

וואס דען? רוב מיידלעך האבן נישט קיין געדולד! און זיי געדענקט נישט און פראקטעצירן נישט וואס מ'לערנט מיט זיי.
גאלדענע פעדער
שר האלפיים
תגובות: 2400
זיך איינגעשריבן אום: מאנטאג יאנואר 05, 2015 9:34 pm
לאקאציע: אין שפיץ פונעם קרעמל

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך גאלדענע פעדער »

שמואל בארג האט געשריבן:
גאלדענע פעדער האט געשריבן:
ר' יום טוב האט געשריבן: וויאזוי צו בודזשעטן א שפארזאמע לעבנסשטייגער.

דאס וואלט געווען אזא טובה, נישט צי משיג זיין! יונגעלייט וואלטן געהאט אסאך גערינגער דעם לעבן ואין להאריך.
;l;p- ;l;p- ;l;p-


גראדע לערנט מען דאס אין סקול, מיין רביצין זז"ג האט מיר נאך די חתונה אויסגעלערנט וויאזוי צו רעקאנסיילן א באנק, וואס בעיסיק אקאונטינג מיינט, און אויך טיפס וויאזוי צו לעבן אויסגערעכנט, זאכן וואס זי האט זיך אויסגעלערנט אין שולע.

וואס דען? רוב מיידלעך האבן נישט קיין געדולד! און זיי געדענקט נישט און פראקטעצירן נישט וואס מ'לערנט מיט זיי.

פון וואס איך ווייס לערענט מען מיט די מיידליך אקאונטינג - א שוועגערען מיינע לערענט דאס פאר אין א סקולה, אבער מען לערענט נישט בודזשעטינג! למשל אין ישיבות מאור יצחק (וואקסמאן) אין מאנסי לערענט מען מיט די בחורים די בודזשעטינג בוכער פון מסילה. מי יתן והיה אז די מיידליך זאל מען דאס מער אריין באקען. איך טראכט אבר יעצט אז ווען די מיידליך זעהן ביי די עלטערן אנדערש... ווייס איך נישט וויפעל ס׳וועט העלפן.. אבער כאטש עפעס זאלן זיי הערן מער דערוועגן, העלן זיי האבן א מער גליקליגע און עהרליכע לעבן מיט כשר געלט.
אוועטאר
שמואל בארג
שר ארבעת האלפים
תגובות: 4026
זיך איינגעשריבן אום: דאנערשטאג פעברואר 18, 2016 6:44 pm

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמואל בארג »

אויך אמת, מ'זעהט ביי די עלטערן פארקערט ווי די לערערינס לערנען, זעהט מען אזוי אויס ליידער. (וכן בעניני צניעות ומסורה וכדו. בעוה"ר).
אוועטאר
הענדימען
שר עשרת אלפים
תגובות: 15034
זיך איינגעשריבן אום: פרייטאג אקטאבער 27, 2017 11:14 am

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך הענדימען »

שמואל בארג האט געשריבן:גראדע לערנט מען דאס אין סקול, מיין רביצין זז"ג האט מיר נאך די חתונה אויסגעלערנט וויאזוי צו רעקאנסיילן א באנק, וואס בעיסיק אקאונטינג מיינט, און אויך טיפס וויאזוי צו לעבן אויסגערעכנט, זאכן וואס זי האט זיך אויסגעלערנט אין שולע.

וואס דען? רוב מיידלעך האבן נישט קיין געדולד! און זיי געדענקט נישט און פראקטעצירן נישט וואס מ'לערנט מיט זיי.

ווען מ'זאל ווען נאר לערנען און פארהערן אזוי שטארק ווי געאגראפיע און קארענט איווענטס....
כאניש אזוי קיין געהעריגע אקסן (קרעדיט כאניש)

מ'קעמיך קאנטאקטירן אויף handymanivelt ביי דזשימעיל
יואל שרייבער
שר שלשת אלפים
תגובות: 3674
זיך איינגעשריבן אום: דינסטאג אפריל 04, 2017 1:33 am

Re: האום ווארק - שולע היימארבעט

  • ציטיר
  • צו לייגן א דאנק דארפט איר זיין אריינגעלאגט

תגובה דורך יואל שרייבער »

למעשה, איך האב נאך נישט קיין מיידלעך די עידזש, אבער לויט ווי איך הער פון מענטשן איז אין די יעצטיגע צייט טאקע וויכטיג געווען צו האלטן די מיידלעך ביזי, און כולי האי ואולי האט עס אויך נישט קיין סאך געהאלפן.
הײמישער זײגער
שר שלשת אלפים
תגובות: 3289
זיך איינגעשריבן אום: דינסטאג יולי 14, 2020 11:46 am

דארף מען טוישן די יעצטיגע סיסטעם פאר היי סקול?

  • ציטיר
  • צו לייגן א דאנק דארפט איר זיין אריינגעלאגט

תגובה דורך הײמישער זײגער »

עס באדערט מיר שוין א לאנגע צייט און איך וויל עס אויסשמועסן..

א בחור אין ישיבה'ס טאג איז איינגעטיילט אין פארקוקן, פארלערנען, חזר'ן וכו וכו, עס קומט אויס אז סך הכל וואס ער דארף זיצן איינגעלייגט אויף איין פלאץ איז 1.5 שעה ביים פארלערנען, די אנדערע צייטן קען ער גיין אין ביה"כ, גיין טרינקען א קאווע, אראפלייגן די קאפ וכו',דערנאך אויב אפילו מען פארהערט און מען קען נישט איז נישט עק וועלט, און ווען ער איז אינדערהיים איז ער פטור פון אלעס, און דאס איז א בחור וואס האט א חיוב לימוד התורה.

ביי מיידלעך זיי דארפן ארויסלויפן אינדערפרי איבערלאזענדיג די מאמעס זיך פארענען מיט די קליינע קינדער, די זעלבע ביים אהיימקומען, זיי האבן ווייס איך וויפיל טיטשערס א טאג, יעדער קומט מיט 45 מינוט צוגעגרייטע דרשה וואס די מיידלעך דארפן שרייבן נאטס, טוהן האמווארק, נעמען פיינעלס, מען סטראשעט מיט נישט געבן די רעפארט קארדס, זיצן דיטענשן וכו וכו.

מיין פלאן:
היי סקול מיידלעך זאלן גיין אין סקול 30 מיניט נאך וואס די קליינע קינדער גייען (נישט ווי זאגענדיג פאר די מאמע, איך גיי לערנען אין סקול כיבוד אב ואם און די נעם קעיר פון די קינדער אן מיין העלפ) די זעלבע זאך ביים אהיימקומען זאל זיין פאר די באסעס קומען, נישט האבן קיין האומווארק בכלל (וואס די טאטעס און מאמעס דארפן מאכן פאר זיי) צו קענען צוהעלפן די מאמע מיט די קליינע קינדער און געבן סאפער וכדומה.
אין סקול זאל מען געבן צווישן יעדע פיריאד 45 מינוט כלאמפערשט צו חזר'ן און זיך אויסליפטערן..

יא זיי וועלן לערנען ווייניגער אבער איך בין זיכער אז זיי וועלן קענען זיין א גוטע מאמע צו מחנך זיין די קינדער און קאכן פיין אן וויסן ווער די עלטערן פון די תנאים זענען געווען (וואס די טאטע וואס ווייסט עס אויך נישט דארף עס גיין נאכקוקן) אדער להבדיל קענען אויסעוועענדיג אלע פרעזידענטן פון אמעריקע.

סך הכל וועלן די מיידלעך זיין אינדערהיים מער שעות און נישט זיין מער שעות אין סקול כאילו זיי זענען גע'own'ט ביי די סקול, און וויסן וואס איז זייערע ריכטיגע תפקיד אויף דעם וועלט.

וואס האלט די עולם פון די געדאנק?

נ.ב. דאס איז אויסדריקלעך נישט פאר עלטערן וואס זוכן די מערסטע אפטער סקול פראגראמען און דערנאך לאזן זיי די קליינע קינדער אויפן גאס שפילן ביז שפעט, די עלטערן ווען זיי האבן ווען א ברירה וואלטן זיי מן הסתמא מיטגישיקט די פידזאמעס אין חדר/סקול און אהיימגענומען די קינדער יעדן ראש חודש פאר 3 שעה וכדומה.
אוועטאר
היימישער הייקער
שר האלף
תגובות: 1634
זיך איינגעשריבן אום: דינסטאג יאנואר 08, 2019 5:07 pm

Re: דארף מען טוישן די יעצטיגע סיסטעם פאר היי סקול?

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער הייקער »

איך האלט זייער דעפון! ספעציעל אז זיי זאלן גיין אין סקול שפעטער ווי די קליינע.

לגבי היים ארבעט, האב איך גערעדט צו א חשוב'ע און ערליכע מנהל פון א גרויסע מיידעל סקול, און ער האט געטענה'ט אז ווען מיידלעך האבן נישט קיין עול ברענגט עס צרות. יש דברים בגו.
הײמישער זײגער
שר שלשת אלפים
תגובות: 3289
זיך איינגעשריבן אום: דינסטאג יולי 14, 2020 11:46 am

Re: דארף מען טוישן די יעצטיגע סיסטעם פאר היי סקול?

  • ציטיר
  • צו לייגן א דאנק דארפט איר זיין אריינגעלאגט

תגובה דורך הײמישער זײגער »

היימישער הייקער האט געשריבן:איך האלט זייער דעפון! ספעציעל אז זיי זאלן גיין אין סקול שפעטער ווי די קליינע.

לגבי היים ארבעט, האב איך גערעדט צו א חשוב'ע און ערליכע מנהל פון א גרויסע מיידעל סקול, און ער האט געטענה'ט אז ווען מיידלעך האבן נישט קיין עול ברענגט עס צרות. יש דברים בגו.

ווען מען וועט זיי לערנען אין סקול וואס די תכלית פון א אידישע טאכטער איז וועלן זיי האבן די שטוב עול, און ווי געשריבן די האומווארק זענען על פי רוב די עלטערנס עול.
נאך איינער

Re: דארף מען טוישן די יעצטיגע סיסטעם פאר היי סקול?

  • ציטיר
  • צו לייגן א דאנק דארפט איר זיין אריינגעלאגט

תגובה דורך נאך איינער »

די נושא פין היי סקול אין האומווארק איז נאך א פלאץ ווי מזעט אז רוב עלטערן זענען דערקעגן אין עם כל זה גייט עס שוין אן יארן לאנג, אין די קאמפטישן צווישן די סקולס ווערט נאר גרעסער,
שרייב תגובה

צוריק צו “דעת הקהל”