נישטאמת האט געשריבן:קושטא האט געשריבן:צל עובר האט געשריבן:אהער און אהין האט געשריבן:וואלט געווען א געוואלדיגע זאך פון פרעזידענט דזשאוסעף ביידען ירום הודו והדרו, צו פארריכטן די עולה, און באפרייען ר' שמעון זילבער, דעם אלטן קראנקן מענטש, פון זיי טורמע גרוב.
ער קען נישט באפרייען קארופטירטע דעמאקראטן, אן מאכן א ריזן שטינק.
סילבער איז נישט קרופטירט, ווייל ער האט ממש גארנישט געטוהן, פאר ס'איז באקאנט אביסל אויף וואספארא לופטיגע קלאגעס זיין גאנצע קעיס איז באזירט.
קרופטירט זענען די רוצח'ישע בלוט דארשטיגע חיות אונטערן שלייער פון פראסעקיוטערס, און שופטי סדום, ימ''ש. וואס זענען פארנומען טאג און נאכט צו נעמען אומשולדיגע מענטשען, און פאר נארישע מינדערוויכטיגע אויפגעבלאזענע כלומר'שטע פארברעכנ'ס, זיי איינשפארן אין טורמע פאר לאנגע יאהרן, און חרוב מאכן די לעבענס פון זיי און זייערע משפחות. האבן פאר זייער געמיינע אינטערעסן זיך צו בויען א נאמען וכדו' ווידער געשאכטן, און חרוב געמאכט דאס לעבן פון אן אומשולדיגן מענטש, אונטערן שלייער פון נארישע זינלאזע קלאגעס.
קרופטירט זענען די אלע גרויסהאלטערישע פאלאטישנ'ס וואס ווייסן דעם אמת זייער גוט, און האבן נישט די מינדעסטע קארידזש, ארויס צוקומען פארטיידיגן דעם אמת, להציל עשוק מיד עשקו.
און נאך מער פאלטש און קרופטירט, זענען די מענטשן וואס אויך זיי ווייסן דאס זייער גוט, און האבן נאך אין זיך די חוצפה און טראציגקייט, אנצורופן דעם נעבעך'דיגן אומשולדיגן קרבן אז ער איז גאר דער וואס איז קרופטירט, און מיט דעם צו בארעכטיגן די שרעקליכע מעשה רציחה והשחתה.
וואס זענען די קלאגעס קעגן אים? און פארוואס זאגסטו אז עס איז לופטיגע?
די קלאגעס אויף וואס מ'האט אנגעקלאגט סילבער, קען מען בעצם אנקלאגן יעדן איינציגסטן פאלאטישן אין אמעריקא.
סיי וועלכער פאלאטישן דו וועסט נאר נאכגיין, וועסטו טרעפן פארלעצונגען רעכטס און לינקס, א מענשט איז נאר א מענטש.
פשט איז, ס'איז נישט אז ס'איז פארגעקומען עפעס א קריים, און מ'האט געפארשט צו דערגיין וואס, ביז מ'האט געטראפן די שולדיגע. נאר בארארא ימ''ש, האט בכוונה תחלה, מיטן ציל פון ונעשה לנו שם, אז ער איז דער הירא וואס האט אראפגעברענגט דעם מאכטפולן ספיקר, זיך ארויפגעזעצט אויפן קאפ פון דעם סילבר, אים אראפצוברענגען פאר יעדן פרייז, בבחינת סטאלין רוסלאנד, ''די ווייז מיר דעם מענטש און איך וועל דיר שוין ווייזן דעם פארברעכן''
סילבר איז שוין אין ביי בארארא געווען א פארמשפט'ער נאך פאר אלעס האט זיך אנגעהויבן.
ווי זאגט יענער, א פאליסמאן קען נאכפארן א קאר און אים אזוי לאנג נאכפארן ביז ער פאקט יענעם ביי א פארלעצונג. נו ווער איז דא דער פארברעכער, דער פאליסמאן אדער דער דרייווער?
און דאס זעלבע האט זיך אפגעשפילט ביי דיען סקעלעס, און ביי דשאו פערקאוקאו. און באמת כן דרכם פון די רוצחים כסדר. דאס וואס זיי האבן געטוהן פאר רובאשקין, איהם קודם חרוב געמאכט זיין ביזנעס מיט פאלטשע אימיגראציע קלאגעס, און נאכדעם איהם געשטהלט פיסלעך ער זאל עס בשום אופן נישט קענען פארקויפן פאר די פולע ווערד און קענען באצאלן פאר די באנק. און אה.. יעצט האט מען געכאפט דעם גנב.. בענק פראוד!! באשווינלדט א באנק מיט מיליאנען? 27 יאהר אין פריזן!! דאס איז מעשים בכל יום איבערן גאנצן לאנד, נאר פון רובאשקין ווייס מיר אונז אלס איד, אבער אזוי זענען די טורמעס איבערן לאנד, פיל מיט אומשולדיגע מענטשן וואס שמאכטן אין תפיסה פאר לאנגע יאהרן מיט ביטערע יסורים פאר אזאלכע רובאשקין סטייל קלאגעס, אלעס צוליב די תאוות הרציחה והשררה פון די פראסעקיוטערס און די שופטי סדום.
יארן צוריק איז געווען באשריבן אין 'דער שטערן' א לענגערע ארטיקל איבער וויאזוי דער אמעריקאנער יוסטיץ סיסטעם ארבעט, א קלאבאראציע פון די מידיע, פראסעקיוטער'ס, און שופטים. ממש איך זאג ענק, די האר פון קאפ קען זיך אויפשטעלן וואס דארט שטייט.
ויאמר ה' זַעֲקַ֛ת סְדֹ֥ם וַעֲמֹרָ֖ה כִּי־רָ֑בָּה וְחַ֨טָּאתָ֔ם כִּ֥י כָבְדָ֖ה מְאֹֽד
איז מילא א גוי פון די בני עשו, שטעלט זיך ארויס פארטיידיגן די מעשה רצח והשחתה פון די שופטי סדום ועמורה, דאס איז דאך א נארמאלע ערשיינוג, רציחה והשחתה איז דאך זייער אומנות מאז ומעולם, פארשטייט זיך אלעס אונטערן נאמען פון 'יוסטיץ' עשו דומה לחזיר שפושט טלפיו לומר ראו טהור אני.
אבער אז אידן וואס אמת צדק ויושר איז אין אונזער שורש, זאלן ארויס ווייזן די מינדעסטע פארשטענעניש מיט אזאלכע געמיינע אקטן, דאס איז נישט צום פארשטיין.