נייעס און נאטיצן פון לענדער ארום די וועלט

[אלעקסיי דער דריטער]

אליאירטע פון פרעזידענט זשאעיר באלסאנאראו האבן פריער אין וואך געוואונען קאנטרל פון ביידע געזעץ הייזער - ערוועלענדיג די צוויי בלאסאנאראו אינדארסירטע קאנדידאטן אלס ספיקער פון איטליכע הייזער.

[אלעקסיי דער דריטער]

איטאליע'ס פרעמיער מיניסטער גועסיפי קאנטעי וועט מארגן רעזיגנירן פון אמט, און וועט פרובירן צו פארמען א פרישע קאאליציע רעגירונג.

די יעצטיגע רעזיגנאציע קומט נאך וואס זיינע ביז יעצטיגע קאאליציע מיטארבעטער -די "איטאליע וויווא" פארטיי- האט זיך ארויסגעצויגן פון די קאאליציע אפמאך צוליב מיינונגס פארשידענהייטן איבער די וויירוס רעאקציע.

נאכ'ן פרובירן פארהאנדלען צווישן די פארטייען, האט די ארטיגע פארליאמענט ספיקער, ראבערטא פיקא, געמאללדן אז די זייטן קענען זיך נישט פאראייניגן.

פרעזידענט סערגיאו מאטעריללא האט אריבערגערופן מאריאו דרעהי פאר א זיצונג, א שריט וואס מערערע זעהן אלס צייכן אז דער פרעזידענט וויל באאויפטראגן דרעהי מיטן פארמירן א טעכנאקראטישע רעגירונג.
- - - - -
דרעהי איז א געוועזענע עקזעקיוטיוו ביי די אייראפע'אישע צענטראל באנק - און ער ווערט קרעדיטירט מיט'ן ראטעווען די יורא וואלוטע אין 2012.

דאס לעצטע מאל איטאליע איז געפירט געווארן דורך א טעכנאקראטישע רעגירונג -א גרופע עקספערטן וואס ווערן נישט ערוועלט דורכ'ן פאלק, נאר געשטעלט דורכ'ן פרעזידענט- איז געווען אין 2011-2013.

[אלעקסיי דער דריטער]

דענישע געזעצגעבער האבן געשטימט צו שטעלן א געוועזענע אימיגראציע מיניסטער פאר אן אן אימפיטשמענט טרייעל.

די פראצעס קומט אין רעאקציע צו א ארדער וואס זי האט ארויסגעגעבן אין 2016 אז אזיל-רעכט זוכענדע פארפעלקער וואס קומען אן אין לאנד, זאלן ווערן פונאנדערגעשיידט אויב איז איינער פון זיי אונטער 18. זי ווערט אנגעקלאגט אויף ארויסגעבן די ארדער אין קעגענזאץ צום ארטיגן געזעץ, ווי אויף פאר'ן געבן פארפירערישע אינפארמאציע פאר דעזעצגעבער אין די פארליאמענט.
- - - - -
אנדערש ווי אמעריקא ווי די אימפיטשמענט טרייעל ווערט אפגעהאלטן דורך די סענאט, ווערט אין דענמארק די טרייעל אפגעהאלטן דורך א ספעציעלע "קאורט אוו אימפיטשמענט" -א געריכט געשאפן מיט דעם איינעם ציהל פון פירן די פראצעס- צוזאמגעשטעלט דורך ריכטער פונעם העכסטן געריכט און מיטגלידער געשטעלט דורך די פארטייען.

אויך קען א שולד אורטייל דורכ'ן אימפיטשמענט געריכט פירן צו געלט שטראפן אדער טורמע טערמינען - אנדערש ווי אמעריקא וואס די שטראף איז ווערן ארויסגעווארפן פון אמט, מיט א מעגליכקייט פון נישט קענען האלטן א פאסטן אין די רעגירונג.

[אלעקסיי דער דריטער]

לאָקמאַן סלים -א פראמינענטע לעבאנעזער אקטיוויסט, און באקאנטע אויסגעשפראכענע קעגנער פון די "חעזבאללאה" טעראר גרופע- איז געפונען געווארן אין זיין קאר נישט לעבעדיג.

דאס קומט בלויז עטליכע טעג נאך וואס ער האט עפענטליך באשולדיגט די גרופע אין איהם סטראשענען מיטן טויט - און נאך וואס ער האט נעכטן געפעלט פאר עטליכע שעה, האט מען אונטערגענומען א זוכעריי ביז מ'האט איהם געפונען דערשאסן צום טויט אין זיין קאר.

אמעריקאנער סעקראטערי אוו סטעיט ענטאני בלינקען האט גאר שארף פארדאמט די אינצידענט, און אויפגעפאדערט לעבאנעזער באאמטע זאלן זעהן צו שטעלן די שולדיגע דערין פאר'ן געריכט.

[אלעקסיי דער דריטער]

אוטאריטעטן אין האיטי האבן ארעסטירט 23 אויף באשולדיגונגען אז זיי האבן געזוכט איבערצוווארפן די רעגירונג.

צווישן די ארעסטירע ציילט א סופרים קאורט ריכטער און א האויכראנגיגע פאליציי אפיציר.

די ארעסטן קומען נאך וואס אפאזיציע פיגורן האבן פאריגע וואך עפענטליך געמאלדן אז זיי זוכן צו ערזצן די ארטיגע פרעזידענט מיט איינע פון די סופרים קאורט ריכטער -די טערמין פונעם אמטירענדע פרעזידענט, יאווענעל מאזעי, לויפט אויס אין 2022.

די אפאזיציע באשולדיגט אז מאזעי פיארט אן א אוטארירעישע רעזשים, און אז ער זוכט צו טוישן די קאנסטיטוציע צו באקומען שטעקערע מאכטן איבער'ן לאנד.

[אלעקסיי דער דריטער]

125 מענטשן פעלן נאך וואס א דאמבע אין די הויכע אינדיאנע הימלאיען בערג האט איבערגעראכן - ארויסלאזענדיג א מאסיווע שטראם וואסער וואס האט פארפלייצט די גאנצע ארום.

ביז יעצט האט מען שוין געפונען 7 קערפער.

[פעיק ניוז]

דער פארטריבענער זוהן פון איראן'ס לעצטער שאך זאגט אז ער איז זיכער ביי זיך אז די יעצטיגע איסלאמיסטישע רעזשים אין איראן איז אויפן וועג ארויס.

רעזא פאלאווי האט געגעבן אן אינטערוויו, אין וועלכע ער האט געזאגט אז דאס איראנער פאלק פארלירט אלס מער און מער צוטרוי און גלויבונג אין די רעזשים, און אז די צוטרוי האט אסאך אפּגעפוילט אין די לעצטע צען יאר. פאלאווי זאגט אז ער קען פאראויסזעהן א דעמאקראטישע פּרא-אמעריקאנער רעגירונג אין לאנד.


דעילי איד

[נארמאליזעם]

שאכמאט?

[משה בן יעקב]

איראקער ערפארט וואס ווערט געניצט דורך אמעריקאנער מיליטער איז געווארען אטאקירט

[יש לו מנה]

איראקער ערפארט וואס ווערט געניצט דורך אמעריקאנער מיליטער איז געווארען אטאקירט

מער באריכטן איבער דעם?

[בן איש חי]

איראקער ערפארט וואס ווערט געניצט דורך אמעריקאנער מיליטער איז געווארען אטאקירט

מער באריכטן איבער דעם?

US Secretary of State Blinken released a statement
following the rocket attacks in Erbil, Iraq.

He says the State
Department is "outraged" by the attacks, and confirms that several coalition members were injured, including a U.S. member and several contractors

SOS statement

56915.jpeg (64.68 KiB) געזען 1794 מאל

[נודניק]

איראקער ערפארט וואס ווערט געניצט דורך אמעריקאנער מיליטער איז געווארען אטאקירט

מער באריכטן איבער דעם?

US Secretary of State Blinken released a statement
following the rocket attacks in Erbil, Iraq.

He says the State
Department is "outraged" by the attacks, and confirms that several coalition members were injured, including a U.S. member and several contractors

56915.jpeg

וויאזוי קען זיין אז די חברה פארכטן זיך נישט פין ביידענס רחמנות׳דיגע ווארעם הארץ?? אתמהה

[אלעקסיי דער דריטער]

צוליב אזא אקציע האט דער אראנזשע משוגע'נע רוצח וואס האט ביז לעצטענס אקופירט 1600 פענסילוועניע עוועניו פארארדענט דאס אומקום פון סולעימאני על קידוש שם ה'איסלאמישע רעפובליק.

[אידישע מוח]

צוליב אזא אקציע האט דער אראנזשע משוגע'נע רוצח וואס האט ביז לעצטענס אקופירט 1600 פענסילוועניע עוועניו פארארדענט דאס אומקום פון סולעימאני על קידוש שם ה'איסלאמישע רעפובליק.

Wow שארף

[שקר]

צוליב אזא אקציע האט דער אראנזשע משוגע'נע רוצח וואס האט ביז לעצטענס אקופירט 1600 פענסילוועניע עוועניו פארארדענט דאס אומקום פון סולעימאני על קידוש שם ה'איסלאמישע רעפובליק.

האב נישט מורא די אלטע קנאקער וואס האט אריין געמאפט דארט ווען גארנישט טין
משום כבוד הבריאות
בלוט זאל זיך גיסען אבער שלום מיט איראן וועט זיין
וואס די רויטער האט נישט געקענט שלום מאכן מיט די גרעסטע פיינט קען ער יא
יחי המלך

[Jhon]

דער פארטריבענער זוהן פון איראן'ס לעצטער שאך זאגט אז ער איז זיכער ביי זיך אז די יעצטיגע איסלאמיסטישע רעזשים אין איראן איז אויפן וועג ארויס.

רעזא פאלאווי האט געגעבן אן אינטערוויו, אין וועלכע ער האט געזאגט אז דאס איראנער פאלק פארלירט אלס מער און מער צוטרוי און גלויבונג אין די רעזשים, און אז די צוטרוי האט אסאך אפּגעפוילט אין די לעצטע צען יאר. פאלאווי זאגט אז ער קען פאראויסזעהן א דעמאקראטישע פּרא-אמעריקאנער רעגירונג אין לאנד.


דעילי איד

פעיק ניוז איז זייער גוט צו רעפארטן דעיס איצטער (נעם עס נישט פאר א טשעפע, פשוט א וויץ), ווייל דער פאלאווי האט שוין חזקה דאס צו פאראויסזאגן די לעצטע 50 יאר!!

[משה בן יעקב]

האסט געהערט די מוראדיגע נייעס אמעריקע איז ממש ״אויפגערייגט״ הלמאי מען האט געשאסען ראקעטס......

[השקדן]

איראקער ערפארט וואס ווערט געניצט דורך אמעריקאנער מיליטער איז געווארען אטאקירט

מער באריכטן איבער דעם?

US Secretary of State Blinken released a statement
following the rocket attacks in Erbil, Iraq.

He says the State
Department is "outraged" by the attacks, and confirms that several coalition members were injured, including a U.S. member and several contractors

56915.jpeg

וויאזוי קען זיין אז די חברה פארכטן זיך נישט פין ביידענס רחמנות׳דיגע ווארעם הארץ?? אתמהה

די עיקר מ'האט דאס פארדאמט מיט שטרענגע לשונות.
אויב דאס וואלט געשען ביי טראמפ וואלט מען געזאגט. קוק וויאזוי מהאט נישט מורא פון אמעריקא וכו'

[יש לו מנה]

איראן פרובירט נאר צו מעסטן ביידען'ס שטייפקייט

[בעסער אזוי]

צוליב אזא אקציע האט דער אראנזשע משוגע'נע רוצח וואס האט ביז לעצטענס אקופירט 1600 פענסילוועניע עוועניו פארארדענט דאס אומקום פון סולעימאני על קידוש שם ה'איסלאמישע רעפובליק.

נאר אזעלכע רוצחים

[בעסער אזוי]

איראן פרובירט נאר צו מעסטן ביידען'ס שטייפקייט

די טעסט ווייזט דערווייל נעגעטיוו, מעגליך אז די רעפיד טעסט איז נישט אזוי אקוראט

[יש לו מנה]

איראן פרובירט נאר צו מעסטן ביידען'ס שטייפקייט

די טעסט ווייזט דערווייל נעגעטיוו, מעגליך אז די רעפיד טעסט איז נישט אזוי אקוראט

[אלעקסיי דער דריטער]

NATO גענעראל-סעקרעטאר סטאלטענבערג זאגט אז די אליאנץ וועט אריבערשיקן טויזענטער פרישע טרופן קיין איראק צו פארזיכערן אז ארטיגע טעראר גרופעס שפירן זיך נישט באקוועם.

א הויכראנגיגע באמטע אינערהאלב די אמעריקאנער פענטאגאן האט באגריסט די באשלוס פון NATO, אבער האט נישט געוואלט זאגן אויב אמעריקא וועט אויך אנטייל נעמען דערינען.

[אלעקסיי דער דריטער]

ווערט באריכטעט איבער א פרישע ראקעט אטאקע - דאסמאל אויף אן איראק'ער עירפארס באזע נעבן די שטאט באַלאַד, ארום 40 מייל צפון פון די הויפטשטאט באגדאד.

איין ציווילע איז פארוואונדעט געווארן - טייל באריכטן אז ער איז געווען איינגעשטעלט ביי אן אמעריקאנער דעפענס קאטראקטאר פירמע, אין די צייט וואס אנדערע באריכטן אז ער האט געארבעט פאר די איראק'ע מיליטער.

[פעיק ניוז]

א פרישער סקאנדאל קאכט זיך קעגן דער פעיסבוק סאושעל מידיא פּלאטפארמע, נאכדעם וואס זיי האבן בלאקירט סיי וועלכע נייעס פון ווערן ארויפגעשטעלט אויף זייער פּלאטפארמע אין אוסטראליע.

די זאך דרייט זיך ארום א נייע געזעץ וואס די רעגירונג אין אויסטראליע האלט אינמיטן באשטעטיגן, וואס וועט דערקלערן אז מידיא קאמפּאניס און צייטונגען קענען בעטן פון פעיסבוק געלט יעדעס מאל וואס זייערע נייעס ארטיקלען ווערן פּובליצירט אויף פעיסבוק.

אויסטראליע צילט מיט'ן געזעץ צו פארזיכערן, אז אינדערצייט וואס פעיסבוק ווערט רייך פון דעם וואס מיליאנען נוצן זייער פּלאטפארמע צו דיסקוסירן נייעס, זאל זי אויך מיטטיילן אירע פארדינסטן מיט די נייעס קאמפּאניס. פעיסבוק ברויזט און האט דעריבער בלאקירט אלע נייעס פון זייער פּלאטפארמע אין אויסטראליע.


דעילי איד