כתוב על לוח - מיינע געדאנקען

געדאנקען און התחזקות בעניני עבודת השם

די אחראים: יאנאש,אחראי,געלעגער

אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פאר קאמענטארן - דא:

פון אשכול: ווי אזוי קען מען פארמיידן די אינגווארג פון די היינטיגע נסיונות?

נשמת השכל האט געשריבן:און די גענעראציע ווי איך בין אויפגעוואקסן האט מען נישט אריינגעפרעגלט קיין גן עדן, נאר גיהנם...

מיין נקודה יעצט איז נישט אז מען דארף רעדן מער פון דעם אדער פון די אנדערע, ווייל לענ"ד איז די גאנצע וויכוח דא דברים של מה בכך ווייל די נקודת היהדות איז נישט גן עדן און נישט גיהנם! אוודאי איז די תכלית הבריאה כדי להטיב לבריותיו, איך רעד אבער פון די בליק וואס מיר דארפן האבן אויף יודישקייט אויף די וועלט און אויף זיך אליין. און די בעסטע ארויסצוקומען קלאר וואס דאס איז איז דורכן מסתכל אויף די וועלט און זיך פרעגן: וואס זענען מיר אנדערש פונעם גוי? א גוי האט אויך חיובים, א גוי איז געהעריג מצוה אויף אמונה בין אדם לחבירו וכו' לכאורה וועט ער אויך כאפן פעטש אויב איז ער עובר אויף זיינע חיובים און באקומען שכר אויב האלט ער עס איין, און נאכמער.... עס ווערט געפסקנט (איך געדענק נישט אויף די מינוט דעם מראה מקום, איך וועל עס אי"ה נאכקוקן און עס אהערברענגען...) אז א גוי מעג מקיים זיין זיין די גאנצע תורה (אויסער שבת...) און ער וועט באקומען דערויף שכר! סוי ווי שטעקט אונזער חילוק? און ווען א מענטש קומט ארויס קלאר מיט דעם דאן האט ער דעם ריכטיגן בליק אויף די וועלט און אויף זיין תכלית דא.... און פארשטייט זיך אז מיט דעם קומט מיט די אלע זאכן וואס דאס אמתע יודישקייט ברענגט מיט זיך, א שטייגער ווי שכר ועונש וכיוצא בו...

אין עס איז א פאקט אז רוב מענטש פון די לעצטע 2 גענעראציעס האבן באמת נישט קיין אנונג פון עכטע יודישקייט צו זאגן!! (כאפ מיך נישט ביים ווארט...)

אין איך וועל מסכים זיין מיט הרב מאנסיער מיט די נקודה אז מען טאר נישט לייגן דאס גאנצע יודישקייט (אויך נישט די האלבע....) אויפן חלק העונש שבו, ווייל רבים חללים הפילה דאס אוועקשטעלן דאס יודישקייט מיט אין א נעגעטיווע ליכט...

ודי בזה כעת... אע"פ שיכולין שיש להאריך בזה טובא.
לעצט פארראכטן דורך נשמת השכל אום דאנערשטאג יולי 09, 2020 8:27 pm, פארראכטן געווארן 2 מאל.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: וויאזוי קען מען פארמיידן די אינגווארג פון די היינטיגע נסיונות?

נשמת השכל האט געשריבן:ס'האט נישט קיינער דא געשריבן אז 'חינוך' מיינט עקסעפטנ'ס.

וואס מהאט יא געשריבן איז: אז די סבה פארוואס זייער אסאך פאלן אוועק און זענען בועט אין וואס מהאט זיי מחנך געווען איז: ווייל דאס קינד פילט אז וויבאלד ער איז געגאנגען אביסל צו לינקס צו (זייער אסאך מאל איז עס ניטאמאל לינקס נאר סתם אז דאס קינד העלפט דיך נישט אויספארעמען דאס בילד וואס דו האסט דיך געפיקטשערט אין דיין קאפ ווי אזוי זאכן גייען אויסזעהן, און דאס קינד ציווישט דיר אביסל די קארטן, און אסאך מאל איז עס אזוי אפילו דוקא ווען דאס קינד טוט גוטע זאכן.... והדברים עתיקים...), איז תו אין לו תקוה, ער איז שוין פון די שוואכע ער איז סר מן הדרך.... ממילא פילט ער אז ער פארלירט גארנישט מיטן גיין נאך ווייטער...
לעצט פארראכטן דורך נשמת השכל אום דאנערשטאג יולי 09, 2020 7:53 pm, פארראכטן געווארן 1 מאל.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: וויאזוי קען מען פארמיידן די אינגווארג פון די היינטיגע נסיונות?

נשמת השכל האט געשריבן:
איינס האט געשריבן: ביי די אלטטוארג איז עס נישט אזא גרויסע פראבלעם ווי ביי די יונגע (סאיז א פראבלעם אבער נישט אזוי גרויס)


קען זיין טאקע אז עס איז נישט אזא גרויסע פראבלעם, אבער דו כאפסט נישט אז דאס וואס די אלטווארג זענען נישט אויסגעבויעט אין אמונה און אין יהדות, דין גרמא אז די יונגווארג זענען נישט אויסגעבויעט דערינען! און דער טאטע וויפיל ער זאל נאר וועלן אז זיין קינד זאל זיין ערליך וועט עס אים נישט קיין סאך העלפן ביקאו"ס ה"י איז דע פראבלע"ם און ווילאנג אלעס קלאפט ביים קינד די סיסטעם די אנגענומענקייט אא"וו, בלייבט ער אזוי צו זאגן אן ערליכער איד, ווייל פארוואס דען נישט? אבער איינמאל עס איז דא די מינדעסטע פא"ש פאר דעס קינד צו גיין אנדערש, (צו זאל עס זיין דאס וואס דער מאנסיער האט געשריבן, צו דאס וואס @רב 'אתמר' האט געשריבן, ויש עוד וכמה סבות וגורמים, ויש להאריך....) איז נישטא די זאך וואס זאל אים צוריקהאלטן!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: וויאזוי קען מען פארמיידן די אינגווארג פון די היינטיגע נסיונות?

נשמת השכל האט געשריבן:קינדער און עלטערן דארפן ביידע ארויסהאבן דעם יסוד היהדות מיט א ברורות! אויב אבער מען איז מחנך די קינדער מיט די פרטים ווי @רב 'אויערבאך' זאגט, דאן וועט דאס גאנצע יודישקייט באשטיין אויף די עטליכע פרטים ולא יותר.

און אויב מארגן וועט דער טאטע קומען און שרייען אז; מיין קינד איז אראפ פון יודישן וועג! ער האט געלייקנט אינעם אויבערשטן! וכדו', זאלט איר וויסן אז דער טאטע זאגט ליגנט..... ווייל דאס קינד האט נישט געלייקנט, ווייל מען קען נישט לייקענען עפעס וואס מען האט קיינמאל נישט געגלייבט.... ער האט באמת קיינמאל נישט ארויסגעהאט די קאנצעפט פון זיין א איד, ער האט נאר געוויסט פון עפעס געוויסע פרטים פון עונש און שכר, און אז מען טאר נישט דאס און יענץ טוהן, וואס דאס איז זאכן וואס רילעיט"ן בכלל נישט צו א מענטשן אויב איז מען נישט אויסגעבויעט מיט די יסודות. נאר וואס דען? ווילאנג אלעס איז געגאנגען כשורה איז ער געווען איניסענ"ט און געטוהן וואס מען האט אים אויסגעלערנט. אבער איינמאל עפעס האט זיך פארהאקט - איז אין 0 טיי"ם ווארפט ער אלעס אוועק ווייל די יסודות פעלן אים. סוי - בסך הכל וואס האט ער אוועקגעווארפן? דאס אז 'ער זאגט יא ליגנט' אפי' זיין טאטע האט אים געזאגט 'אז מען טאר נישט', וכו' וכו'. ווייל אז מען האט נישט קיין יסודות נאר פרטים קען מען נאר אוועקווארפן טאקע אט די פרטים אבער נישט קיין יסודות - ווייל ער פארמאגט דאך עס נישט... והבן זה.

[מרעדט שוין נישט פון די וואס די יודישקייט וואס זיי גיבן איבער באשטייט פון ממש שטותים ווי שיך/זאקן/היט/ברילן, וכדו' - צו אנדערע פיינע גדרים וסייגים, וואס ווען א קינד פון אזא שטוב פאלט אוועק האט דאך דאס קינד באמת גארנישט אוועקגעווארפן אויסער אביסל חיצוינית'דיגע הבלים. ודי בזה].
לעצט פארראכטן דורך נשמת השכל אום דאנערשטאג יולי 09, 2020 8:28 pm, פארראכטן געווארן 1 מאל.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:זיי האבן א בחירה אויף זייער א קליינעם פארנעם. ד"ה; אז קודם כל - דו האסט נישט קיין מושג וויפיל מאל דער פ"ד האלט זיך איין במשכ'ן טאג עכ"פ לפי ערכו. און יעדעס מאל ער האלט זיך איין וואקסט די שוים אין אים אויף ארויף, ממש אזוי ווי א וואלקעינא בארג וואס זאמעלט לאווע ביז עס גיט א שיס אויף... אבער ווען עס שיסט..... אוי אוי!!

(אגב. ביי יעדן מענטש גייט זיין מדת הכעס צו אויף אזא אופן. אבער ביים פ"ד [size=85][מחמת איזה סבה שהוא, א שמועס פאר זיך] איז זיין מדת הכעס אויף אסאך א העכערע לעוועל, און עס וואקסט מיט אסאך א שנעלערע טעמפא, און פון ממש קלייניקייטן. דוכט זיך אז @ר' משה דער קליינער.... האט שוין נאכגעברענגט די די פרעספעקטיוו ווי אזוי מען קוקט דאס אן אין די סייקאלעדזשי וועלט. דהיינו. אז ביי יעדן מענטש גייט דאס פון 0 צו 1-2 אין די צייט וואס ביים פ"ד גייט דאס פון 8 צו 9-10... והדברים עתיקין)[/size].

אויסער דעם. ווען עס קומט צו א מצב וואס די ארומיגע האבן זיך שוין אויסגעלערנט אביסל ווי אזוי אראפצושטעלן א פיס און ווי אזוי צו דיעלן מיט די סוטואציעס, און מען האלט שוין נאכן אויפרייס.... און ליידענדער קומט ענדליך צו די הכרה אז זאכן זענען פון יעצט אין ווייטער גענצליך אינדרויסן פון זיינע הענט, דאן וועט דער ליידענדער באקומען א שטיקעלע בחירה אויף זיך, וויבאלד די גאנצע סבה פונעם אביוז און קאנטראל איז דאך -ווי שוין אויסגעשמועסט דא- א פחד פון פארלירן זיין זיך (עס אביסל א טיפערע געדאנק, ואולי עוד חזון למועד). איז ווילאנג דאס אביוז און מאנופילעישאן גיט אים דעם געפיל - דאן איז ער אי"ן.... און ער גייט ווייטער אן מיט זיין קראנקע מהלך החיים.

אבער איינמאל זיין מוח באקומט דעם בליץ אז ער קען שוין דא גארנישט מאכן, און ער איז אויס קאפעליטש מאכער... קען ער אנהייבן טראכטן אביסעלע ארויס פון זיך (למשל, עמיצער וואס איז ל"ע מיט די נערווען נישט געזונט, ווען עס קומט אים אן אטאקע פארלירט ער אויך דאס קאנטראל אויף זיך... אבער עס איז פארהאן מיטלען ווי זאוי אים צו דערשרעקן און ער פאקט איין... דאס איז א מציאות אז אויף געוויסע וועגן קען מען זיי אויך קאנטראלן אפילו נארמעל"י איז ער ארע"וו קאנטראל. וויבאלד יעדע מענטש האט א געוויסע פוינט וואס דאס גיט אים א בליץ אין קאפ... און מאכט אז ער זאל אנהייבן טראכטן ניכטערער. כן הוא ממש מיט פ"ד ליידענדער, ודו"ק).

כן נלענ"ד.

אבער דאס איז אלעס אין גוטע פעלער, ליידער אבער אין גאר אסאך פעלער אפשר רוב... קומט עס נישט דערצו, ווייל ביז וואס ווען ווי.... האט שוין דער ליידענדער אזויפיל חרוב געמאכט אז בלייבט אים שוין נישט קיין געלעגענהייט צו פארעכטן.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:צו דיר וויקטעם היקר, וואס השי"ת האט דיר געפריווט מיט אזא ניסיון! די האסט נישט קיין אנונג ווי נאך די אלע ווייטאגן יסורים און חשכות, איז דא דער 'לית נהורא כנהורא דנפיק מגו חשוכא!' עס נישטא די ווערטער ארויסצוברענגען די אנבעליוועבל אפעטאנעט"י וואס דו האסט - א דאנק דיין שווערע עבר - אריינצוקוקן אין דיין נפש צו פארשטיין זאכן וואס דו וואלסט ווען קיינמאל נישט פארשטאנען און ארויסגעהאט ווען נישט דיין שווערע עבר! ווי האט זיך מיר א יונגערמאן אויסגעדריקט: ווען מיין טאטע גיט מיר 2 פעטש ווייניגער, וואלט איך קיינמאל נישט געווען דאס וואס איך בין היינט!

די בליק וואס דו האסט היינט אויף זאכן, אויף די וועלט, אויף דער זאך וואס הייסט מענטש, אויף דיינע קינדער, אויף דיין עזר כנגדו, און בעיקר אויף דיר אליין! וואלסטו קיינמאל נישט געהאט ווען דו האסט ווען נישט די עקספיריענס'עס וואס דו האסט עקספיריענס'ט!

טייערער יונגערמאן / בחור וכו', לויף ביטע נישט אוועק פון דיין עבר, לויף נישט אוועק פון די געפילן וואס ברויזן, נעם דיין עבר און קוק זיי אין פנים אריין, פעי"ס עס, און זאג צו דיר: איך נעם מיין שווערע פארגאנגענהייט, און איך גיי עס נעמען זיך צו בויען, בנפש וברוח, איך גיי נעמען דאס אלעס וואס מיין פארגאנגענהייט האט מיר געלערנט, און עס נעמען אריינצוקוקן אין מיין נפש, און צו בויען דערמיט מיין רוחניות'דיגע פארשטאנד!

דייקא דיין שווערע עבר גיט דיר די מעגליכקייט זיך אויפצובויען מיט א פנימיות און טיפקייט! דייקא דיין שווערע עבר גיט דיר די מעגליכקייט צו קוקן אויף דיין לעבן מיט אינגאצן אן אנדערע בליק - ווי איינער וואס האט נישט געהאט דיינע עקספיריענס'עס! דייקא דיין שווערע עבר גיט דיר די מעגליכקייט צו דערגרייכן השגות און ידיעות אין עבודת השם מיט א קלארקייט אין דיין נפש און אין דיינע טבעיות!

געדענק דאס מאמר החכם - אונזערע חז"ל הקדושים: אין חכם כבכל ניסיון! עס איז נישטא דער וואס ווייסט אזוי גוט און פארשטייט אזוי גוט ווי דער בעל ניסיון!!!

און געדענק דאס און דאס דער עיקר: לויף נישט אוועק פון דיינע שוואכקייטן, ווייל זיי זענען דיינע שטארקייטן!!

און השי"ת זאל מרפא זיין די וואס האבן נאכנישט זוכה געווען צו אנערקענען דאס גוטס און טובה וואס מען קען ארויסנעמען פון אזא עקספיריענס, די וואס האבן נאכנישט זוכה געווען צו זעהן דאס 'נהורא' וואס קען ארויסקומען פון אזא חושך, זיי ליגן נאך אינעם חשכות הנקרא 'דינייע"ל וכו'' - אז זיי זאלן זיך קענען ספראווען און בייקומען אט די אלע געפילן פון חושך וארפל וואס דראהעט זיי איינצושלינגען און אראפפירן אין תהום אריין! זאלן זיי זוכה זיין צו קענען זעהן די חושך און די יסורי הנפש וואס זיי גייען אדורך אלץ א טאל זיך אויפצובויען און שטייגן און ארויפגיין העכער העכער אל הסולם העולה בית קל.

והשי"ת ירפא כל חולי ישראל רפואת הנפש ורפואת הגוף, וכל שבר לב הקב"ה ימלא חלוליהם, השתא בעגלא ובזמן קריב, אמן.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:עס איז שוין עטליכע מאל ערווענט געווארן דא, דאס ענין אז אסאך וויקטעמ'ס העלפן ארויס אנדערע א דאנק זייער עקספיריענס.

דארף דא אויפגעמערקט ווערן, אז עס איז טאקע זייער ריכטיג צו נעמען די אייגענע שווערעקייטן וואס מען איז אדורך און מיט דעם העלפן יודן אין אזעלעכע און ענליכע מצבים.

פון די אנדערע זייט אבער - דארף מען אכט געבן, אז דאס ארויסהעלפן אנדערע זאל נישט זיין א גייסטישע קאווער א"פ צו די געפילן מיט וואס ער אליין דרייט זיך ארום, און ער ניצט דאס העלפן אנדערע צו פארדעקן אויף זיינע שווערע געפילן. והדברים עתיקין, ומובן למבין.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:
רוצה לדעת האט געשריבן: ליידער א נארמאלע ערשיינונג ביי זיי, נישט צו זוכן זייערע קינדער, ווייל זיי האבן נישט דאס מינדערסטע געפיל צו זייערע אייגענע קינדער.


עס ווענט זיך ווער, ביים נ.פ.ד. איז עס טאקע אין אסאך פעלער אזוי ווי דו זאגסט. אבער ביים ב.פ.ד. איז זי מעשה זייער אסאך מאל אנדערש, זייער הארץ פלאטערט לכאורה פאר פארלוירענקייט, אמת אז אין רוב פעלער וועט ער זיך טאקע נישט בוקן צום קינד/ספאוס [און עס איז דא אסאך מאל וואס ער וועט יא קענען קומען צום קינד / ספאוס מיט קראקאדיל טרערן אז: איך טוה אזויפיל פאר דיר.... און איך האלט עס נישט אויס אז דו זאגסט אז איך האב דיר שלעכטץ געטון בכלל.... און דו ווייסט ווי שטארק איך האב דיר ליב....? איך האב דיר אמאל עפעס שלעכטץ געטאן....? וכו' וכו'...]. אבער זיין הארץ וועט יא זיך שאקלען פאר שרעק און אנגסט, און ארויס קוקן מיט פחד און האפענונג אז דאס קינד / ספאוס זאל אים נישט פארלאזן, ווייל פון דעם האבן זיי די מערסטע מורא.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע
נשמת השכל האט געשריבן:קלארמאכונג!

דער עולם זאל ביטע נישט בלייבן סטאק אויף די פיזישע געשעענישן וואס ווערט דא געשילדערט, ווייל אין פאקט קומען אין רוב פראצענט אזעלעכע שטיבער נישט דוקא די עקסטרעמסטע פיזישע אטאקעס ווי די וואס ווערן דא געשילדערט (נישט אז עס קומט נישט פאר, קומט שוין איינמאל פאר, נאר נישט דוקא די עקסטרעמ'סטע שבעקסרעמ'סטע...), נאר בעיקר וואס עס קומט פאר איז, אויסטערלישע און שרעקליכע אביוז און מעניפולעישאן וואס איז ממש נישט שייך אראפצוגעבן אויף פאפיר, און נאר ווער עס איז א אמת'ע וויקטעם וועט פארשטיין דאס קומענדיגע:

דעי אויגן!!! יו... דעי אויגן דארט!!! סאיז צרות!!!

דעי ווייסע נאז און רויטע גענאק דארטן!!! עס קומט עפעס!!!

יו..... דעי פולווער!!! דעי פולווער!!!! די לופט......

די בלוט פרעשור.... אזש מען הייבט אן שוויצן.....

די הארץ באכעניש.... די ענקזייעטי!!!

וכו' וכו' וכו' וכו'

עס איז די בעסטע ווי אזוי איך האב עס געקענט אראפלייגן... ווער עס וויל קען משלים זיין.....
לעצט פארראכטן דורך נשמת השכל אום מאנטאג יולי 13, 2020 7:17 pm, פארראכטן געווארן 1 מאל.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:עס איז נישט פארהאן די פענע וואס זאל אראפגעבן און די פאפיר וואס זאל פארנעמען די אנבעליוועבל סיעתא דשמיא און כוחות הנפש און הרחבת השכל וואס די איבערלעבער וועלעכע זענען געבליבן ערליכע נארמאלע יודן פארמאגן!!

עיני עיני יורדה מים אויף די הונדערטער און אפשר טויזענטער וועלעכע זענען פארפאלן געגאנגען און האבן נישט זוכה געווען געראטעוועט צו ווערן אט די ביטערע מלחמת הנפש! פון די געפילן פון יאוש און ווערטלאזיקייט וואס האט זיי ארומגענומען א דאנק די אלע יארן פון באקומען נעגעטיווע געפילן צו אלץ און אלעמען, אנגעהויבן פון א נעגעטיווע געפילן צו זיך אליינס, און געענדיגט ביי נעגעטיווע געפילן צו.... כל הקדוש ה"י....

ווען דו באגעגענ'סט עמיצן וואס איז ארויסגעפאלן ממחננו, קוק אים נישט אן מיט א שלעכט אויג, קוק אים נישט אן מיט א ווערדט'לאזע בליק, זיי אים נישט דן, ווייל זיי וויסן אז דער האט מעגליך אונטער זיך אן האר אויפשטעלענדע היסטאריע, וואס ווען דו גייסט דאס ווען אריבער וואלטסטו נישט אויסגעזעהן שענער!

די פראצענטן פון אוועקגעפאלענע וואס קומען פון אזעלעכע אדער ענליכע שטיבער (און אפי' פון ווייניגער ווי דעם קען אויך קאסטן אסאך, געוואנדן אין די תכונת הנפש פונעם קינד...) זענען אסאך מער ווי דער עולם שטעלט זיך פאר!!!

זאל דער אויבערשטער העלפן אז די אלע געפאלענע און אט די ביטערע קריג זאלן זוכה זיין זיך אויפצוהייבן און זיך שטעלן על קנם בקרוב, און די איבערלעבער וואס זענען געבליבן טייערע וואוילע נארמאלע יודן, זאלן ווייטער זוכה זיין צו אלטץ גוט'ס לכל אורך הדרך הקשה כל אחד ואחד במצבו שעומד שם.... און זאלן נאר וויסן פון גוטס עדי נזכה ל'והשיב לב אבות על בנים ולב בנים על אבותם, ונאמר אמן.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:זייער אסאך מאל, בעסער געזאגט כמעט אלע מאל, ווען דער וויקטעם איז נאך א קינד אדער א בחור, וועט ער זיך אויפפירן אנדערש ווי א געווענליך קינד / בחור. ער וועט נישט האבן געהעריג קיין חברים - ווייל ער ווייסט נישט געהעריג ווי אזוי זיך צו קאנעקטן מיט א צווייטן, און אויך ווייל ער איז פארהאקט און פארקנאקט אין זיך. ער וועט זיין ווילדער און מער אומסטאביל ווי א געווענליך קינד, און דאס קומט אויך וויבאלד ער ווייסט נישט ווי אזוי זיך געהעריג אויפצופירן, און אויך - און דאס דער עיקר - ווייל עס פעלט אים נעבעך אזויפיל פון זיינע נפשיות'דיגע געברויכן, אז סיי ער וועט זיין אומצופרידן און אומסטאביל, און סיי אז ער וועט פרובירן צו כאפן אטענטשן און אויפמערקזאמקייט און אנערקענונג פון יעדן איינעם ארום אים, ער / זי וועט אפי' טוהן די משוגע'נסטע זאכן כדי צו באקומען דאס וואס זיין נפש [קראנקע, נעבעך....] פארלאנגט.

און דער פראבלעם איז, אז די ארומיגע כאפן נישט וואס מיט דעם גייט פאר, און האנדעלן אים ווי א געווענליך קינד וואס פירט זיך נישט אויף געהעריג, סיי זיינע / אירע מחנכים און סיי זיינע / אירע חברים / חברט'עס. צו מען באטראכט אים / איר ווי סתם א צאפ.... אדער נעמט מען אים / איר סתם אזוי אן ווי א סלאו..... און צוליב דעם פאסירט אז זיי ווערן ווי די שוואכערע און פון די אראפגעקוקטע זיי האבן נישט קיין פריינד און זיי זענען נישט מצליח אין קלאס, אא"וו. און אלעס איז א תוצאה פון א ריזיגע לאך וואס הערשט אין זייער נפש א דאנק זייער דורעכגענג אין שטוב, און די ארומיגע די חברים די מחנכים פארשטייען נישט אז עס קען זיין אז עס ליגט עפעס ביהיינ"ד דע סי"ן..... און דאס מאכט נאך זייער לעבן אסאך אסאך שווערער און פיינפולער...

ווען עס זאל ווען אבער זיין אביסעלע מער 'פובליק אווערנעס' אין דעם הינזיכט וואלט אסאך אסאך צער און עגמת נפש און טונקלקייט און ווייטאג פון די וויקטעמ'ס געקענט פארמיטן ווערן!
ממילא, אז דו באמערקס'ט א קינד / בחור וואס איז נישט כהוגן אין סיי וועלעכע הינזיכט אויף סיי וואספארא לעוועל, זאג נישט:

אה... ער / זי דארף זיך מער צושטעלן.

ער / זי דארף אויפהערן צו בארדענען...

ער / זי דארף ווען האבן אביסל מער סאשע"ל סקילס...

ער/זי דארף ווען האבן אביסל מער קאמאן סענ"ץ...

ער/זי דארף זיך ווען אביסל מער צושטעלן!

ער/זי האט מעגליך a.d.h.d....

ער/זי האט א שוואכע קאפ...

אא"וו א"וו....

נאר קוק אריין און מאך ריסורטש און ווער געוואויר, צו ס'איז נישטא עפעס אינסייד אינעם נפש פונעם קינד / בחור, צו סאיז נישט דא עפעס א אישו.... אינעם שטוב פונעם קינד / בחור, וואס איז גורם אז ער / זי זאל זיין דאס וואס ער / זי איז.

[איך מיין אז אסאך וויקטעמ'ס וועלן זיך טרעפן אין די דאזיגע שורות...]

ויה"ר מלפני אב הרחמן, שיציל כאו"א מכל נגע ומצוקה שנמצה שם, ויוציאו[ה] מחשכות לאורה ומעבדות לחירות ומשעבוד לגאולת 'נפשינו', השתא בעגלה ובזמן קריב, אמן.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:דער פאקט ווייזט: אז רובא דרובא וויקטעמ'ס גייען אדורך זייערע יוגנט יארן אן דעם וואס איינער זאל ארויפקומען אויף די פראבלעמען ביי זיי אין שטוב, און אויב קומט מען יא ארויף דערויף איז עס ווייל דער וויקטעם האט זיך ארויסגערעדט פאר עימיצן, און אפי' דעמאלטס איז דאס אלעס נאר פארן מחנך וכדו', אבער די איבריגע ארומיגע חברים וכדו' זיי ווייסן פון גארנישט, און אזוי גייט דער וויקטעם אדורך יסורי הנפש [און אויך אמאל יסורי הגוף...] ואף אין גם אחד פון זייערע נאנטע וואס ווייסט אז ס'איז די רעדע פון א צובראכענע צאמגעליטענער נפש!

אדרבה! די וויקטעמ'ס דא יבואו ויגידו הם אז דאס איז די מציאות!

המקום יעזור!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:די מיליאן דאלאר'דיגע שאלה: קען זיך דער וויקטעם גענצליך אויסרייניגן פון די זוהמא און קראנקע פילינגס / מעסעדזשעס וכו' וכו'???

איך פארשטיי - אז מען קען זיך רייניגן פון די קראנקע מעסדזשעס און פילינגס, מען קען אבער נישט ממלא זיין דעם גרויסן 'חלל' וואס האט זיך געשאפן דורכן אביוז און חוסר קבלת האהבה נפשית, וואס דאס איז עפעס וואס מען קען נישט אנפילן, און נאר דער אויבערשטער קען עס ממלא זיין.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: שטובער מיט פערסענאלעטי דיסאורדער עלטערן ל"ע

נשמת השכל האט געשריבן:קינדער וואס וואקסן אויף אונטער א פ"ד טיראניע, אנטוויקלען במשך די צייט 2 טאלס וואס איז פאר זיי ממש לעבנס וויכטיג כדי צו קענען סורווייוון.

1. ליגנט. כדי א קינד זאל קענען סורווייוון און דורכמאכן די כסדר'דיגע קאנטראלעס... וואס קומען רעגעלמעיסיג פאר אין אזא שטוב, מוז דאס קינד זיין א געשולטער ליגענער כדי פטור צו ווערן פונעם פ"ד'ס לאפעס! ווייל מיטן אמת קען מען אין אזא שטוב נישט אנגיין, וויבאלד א נארמאלער דורכשניטליכער אויפפירונג איז בכלל נישט אקצעפטירבאר, ווייל מען מוז קענען זיין אנגעשטעלט פונקטליך לויטן פ"ד'ס גוסטעס און משוגעתן, ממילא מוז מען יעדע מינוט קענען אויפקומען מיט געזונטע ליגנטס און כל מיני תירוצים און הסברים צו פארענטפערן און מסביר זיין פארוואס דו האסט אזוי געטוהן / נישט געטוהן, געטראכט / געזאגט / געוואלט טון, אא"וו...

און וויבאלד דאס איז אזוי לעבנס וויכטיג פאר אים / איר, ווערט דער מוח זיינע/אירע אוטאמאטיש אווע"ר צו פרדוצירן די בעסטע און געדרייטסטע ליגנטס פון וואס די גרעסטע באטריגער און שווינדלער קענען זיך שעמען! עס איז אנבעליוועבל וואספארא געלונגענע עקטער'ס און בלאפער'ס די קינדער ווערן (די וואס קומען פון אזא שטוב ווייסן זייער גוט פון וואס מען רעדט)...

2. וואכזאמקייט און חשד. כדי אז א קינד זאל קענען דורכלעבן די אלע אטאקעס און אויפרייסן און פעגערייען פונעם פ"ד, מוז דאס קינד זיין א שרעקליכער חשדן [לייען: פחדן] - און פארמאגן אן אויסטערלישע וואכזאמקייט אויף אלעס וואס קומט פאר ארום אים / איר. ווייל מען מוז כסדר האלטן חשבון - קאפ און מוח אויף יעדע ריר און אטעם וואס מען גיט אז עס זאל אויסהאלטן לויטן פ"ד'ס משוגעת'ן און גוסטעס (און רעדט'ס אייך נישט איין אז מיטן האלטן אזוי קאפ וועט מען זיי טאקע קענען גענצליך, די פ"ד'ס זענען זייער זייער... אנפרעטיקטעב"ל).

ממילא טוט דער מוח פונעם קינד אוטאמאטיש אנטוויקלען די כוחות צו קענען האלטן די בעסטע אווערנע"ס ארום זיך וואס שייך! עס איז אנבעליוועבל ווי ווייט עס גייט דאס חשדנות פון א פ"ד וויקטעם, א פ"ד וויקטעם איז בכוח צו זיין אין קאנטראל און צו האלטן זיין קאפ אווע"ר אויף די לופט אין הויז (המבין יבין...), ער / זי איז ביכולת אויפצוכאפן א יעדן שארך וואס עמיצער גיט נאר ארויס! א יעדע אטעם און ריר ווערט דורך זיי באמערקט און אויפגעכאפט! גרויסע שפיאנאזש אגענטן קענען זיך באגראבן און פארשטעקן פאר די אבנארמאלע שפיאנאזש כוחות וואס פ"ד וויקטעמס פארמאגן!

און עס איז כדי אנצומערקן, אז טאקע די דאזיגע 2 כוחות וואס דער וויקטעם אנטוויקלט כדי צו קענען סורווייוון, איז בעצם די זעלבע 2 כוחות וואס דער פ"ד אליינס פארמאגט אויך כדי צו קענען סורווייוון! די כוח פון ארומפאפן אנדערע און דער כוח פון חשד, איז עפעס וואס איז ממש די עיקר טאל'ס זייערע מיט וואס זיי אליינס סורווייוון און מיט וואס זיין גייען אן מיט זייער קראנקע מהלך החיים.

און די 2 זאכן זענען אויך פון די עיקר זאכן מיט דער פ"ד וויקטעם מוטשעט זיך שפעטער אין לעבן און איז ממש ווי א חלק פון זייער וועג פון לעבן, און איז עפעס וואס מען דארף שווער ארבייטן פטור צו ווערן פון די ענקזייעטי'ס / פחדים / חשדנות און אומזיכערקייט און פאלטשע אנגעשטעלטע לייוו סטייל, אא"וו.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: וויפיל קינדער מעג א מלמד האבן אין כיתה?

נשמת השכל האט געשריבן:א גוטער מלמד מעג האבן 30, און א נישט גוטע מלמד מעג האבן 0...
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: דעת תורה ווערט נישט אפגעפרעגט

נשמת השכל האט געשריבן:
לחם לשובע האט געשריבן: א ת"ח האט נישט קיין נגיעות ער ווערט נישט נשפע פון קיין פערזענליכע נגיעות, נאר זיין דעת תורה איז ריין.


קענט איר דעם אויסדריק פון הרה"ק מבעלזא זי"ע?: וואס זאל איך טאן אז דער עם הארץ קען לערנען...?
ודי, ופשוט הוא.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: פארוואס איז נאכנישט דא קיין "ישי ריבו" אין אמעריקא?

נשמת השכל האט געשריבן:איך וואונדער זיך נישט פארוואס דער "ריבו" פארמאגט אזויפיל חסידים, נישט די טיפקייט פון זיין נגינה (וואס ער פארמאגט נישט בפועל, אפשר בכח) און נישט די געפילן פון די טיפעניש פון די נשמה איז וואס ער ברענגט ארויס. נאר פשוט ווייל זיין געזינגעכץ און זיינע ניגונים (לדוגמא דער הייליגער 'הלב שלי'....) ברענגען ארויס א געוויסער געפיל מיט וואס א יעדע נפש הבהמי קען זיך דערמיט אידענטעפיצירן...

און איך קלער נישט אז עס פעלט ממש אויס צו ברענגען קיין אמעריקע א זינגער פון דעם סארט - ווייל אויסער וואס "על הראשונים אנו מצטערים" - קען מען זיך עני טיים אריינזעצן אין עני דאקטאר'ס אפיס און זיך דארט מחי' זיין מיט אמת'ע טיפע נשמה'דיגע נגינה, און מעורר זיין די רגשי נפש הבהמי און זיי ארויסברענגען פון די פארבארגענע טיפענישן ארויף צום אויבערפלאך.....
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: צוריק אין חדר אריין...

נשמת השכל האט געשריבן:אין די פארגאנגענהייט איז געווען אנדערש, די חיצוניות איז נישט געווען אזוי שטארק און די פנימיות איז געווען שטערקער. און וועגן דעם האב איך טאקע געשריבן אז עס גייט [דער סיסטעם] צוביסלעך מטה מטה, עס גייט נישט אויף איין מינוט, און מיר זענען צו דעם עדות.

'אמת'דיג' מצליח זענען נאר די וואס זענען משמיע דעם דבר השם ביי זיך אין בונקער מיט א פנימיות און א ריינקייט אן קיין רעש און מיט ווינציג כבוד..... דו"ק ותשכח.

פארגעס נישט; עס איז משיח'ס צייטן! יעדער איד באזונדער מוז אליינס ווערן מבורר! יעדער איינער אן א אויסנאם מוז אליינס בוחר צו ער וויל דעם אויבערשטן צו ח"ו נישט! אנדערש איז עס איז עס נאר מצוות אנשים מלומדה (סיסטעם), עס איז נישט אידישקייט! עס איז נישט באשעפער!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: צוריק אין חדר אריין...

נשמת השכל האט געשריבן:דער רב הכולל פון אמעריקא און אסאך אנדערע האט שוין פרובירט דעם מהלך אבער עס האט נישט געארבייט. מען קען נישט און מען דארף נישט איבערמאכן קיינעם! יעדער איינער דארף זיך אליינס אוועקשטעלן און אליינס בוחר זיין ווי ער וויל גיין: מיטן אויבערשטן צו נישט! און ווען א מענטש איז דאס בוחר דאן דארף ער שוין קיינעם נישט טוישן! ער איז גענוג שטארק ביי זיך מיט זיין 'אייגענע' אידישקייט.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: צוריק אין חדר אריין...

נשמת השכל האט געשריבן:די נקודה איז אז דער מענטש פאר זיך זאל ניצן זיין אייגענע כח הבחירה צו באשטימען זיין סטאנדארט אין אידישקייט, וואס אין אזא פאל - דער וואס איז בוחר בטוב וועט זיין אידישקייט פארמאגן אסאך א גרעסערע משמעות און פנימיות, ווידער דער וואס איז ח"ו נישט בוחר בטוב איז נישט. אבער ווען אלעס ווערט סיסטעמאטיש דאן איז טאקע בחיצוניות 'יעדער' אין די סיסטעם אבער בפנימיות איז כמעט 'קיינער'... און אז עס פעלט די 'עכטע' אידישקייט דאן צוביסלעך פאסירט דאס וואס עס פאסירט ליידער מיט אונזער דור - אז אפי' בחיצוניות פאלן אוועק שטיקער ליידער און די אלע כוחות הרע האבן זייער גרינג א שליטה אויף אזא דור!

וואלט אבער געווען די פנימיות היהדות שטארק (איך רעדט שוין נישט פון חסידות...) וואלט די מצב נישט אזוי אויסגעזעהן, בס"ד.

אין איין ווארט: אז מען נעמט אוועק פונעם עולם זייער כח הבחירה - דאן איז אידישקייט נישט קיין זאך וואס מען האט בוחר געווען, און עס איז נישט קיין בחירה'דיגע אידישקייט איז עס א ליידיגע זאך וואס מיט די צייט צופאלט עס, ווייל עס פעלט די יסוד!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: צוריק אין חדר אריין...
נשמת השכל האט געשריבן:
נו גוט נו שוין האט געשריבן: אנהייבן מיט צוברעכן דעם סיסטעם איז נישט עפעס וואס גייט ארבעטן ווען ס'איז נישטא קיין יסודות.


מען ברויך נישט בכלל צוברעכן, פאר צווי סיבות;

1. ווייל מבפנים עס איז שוין ממילא צובראכן - מכף רגל ועד ראש אין בו מתום, און פון אינדרויסן האלט עס אינמיטן, קיינער טוט עס נישט (אפי' ס'קען זיך אמאל דאכטן אז יא... אזוי ווי חברינו @ארגינעלער יוד האט שוין ערווענט) - עס געשעהט פון זיך אליינס!

2. מען דארף גארנישט און קיינעם אונטערברענגען און צוברעכן, מען דארף נאר יעדער איינער פאר זיך אליינס מקיים זיין דעם חיוב פון 'ובחרת בחיים' במילואו! דו האסט נישט מיט קיינעם גארנישט! נישט אויף צו בויען און נישט אויף צו צוברעכן... דו האסט נאר מיט דיך אליינס!!!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: טעראפי - מכת צפרדע

נשמת השכל האט געשריבן:זייער אסאך מאל אפי' מען מיינט אז מען האט נאר א קליינע פראבלעם אבער אז מען הייבט אן צו גיין צו טעראפי ווערט מען געוואויר אז אט דער קליינער פראבלעם איז בסך הכל נאר א קליינע תוצאה פון אן ערענסט'ערע אונטערליגענדע פראבלעם. און וואס מען טוט דאן איז [נישט יעדער...] - אז מען הייבט אן אויפגראבן באהאלטענע פארבארגענע געהיימע געפילן און מעסעדזשעס פון וועלעכע ער פרובירט שוין די אלע פארגאנגענע יארן צו אנטלויפן... און וואס עס פאסירט דאן איז אז דער פאציענט אנשטאט פעיסן זיינע שלעכטע פילינג'ס וואס ער הייבט אן אנדעקן - און פעיסן אז יא! איך פארמאג א געוויסע עמאושענעל שוועריגקייט. הויבט ער אן אריינגיין אין א פייט דערמיט מיטן עס פרובירן צו קאווערן / דינייען / פארלייקענען מיט כל מיני קאווער אפ'ס, און דאן בויעט זיך אויף אינעם מענטש גאנצעטע בניינים פון קאווער אפ'ס וואס איינס קאווערט דאס צווייטע וכו' וכו'.

בסך הכל דארף דער מענטש מחליט זיין צו פעיסן זיינע שלעכטע פילינגס און זיי קוקן אין פנים אריין; יא! איך פיל אזוי און אזוי, איך פארלייקן עס נישט און איך גיי דיך לאזן דא זיין! אבער איך גיי דיך נישט אייביג פאלגן, אמאל יא און אמאל נישט..... ווענד זיך וואס מיין לאגיק וועט מיר זאגן [יא, מען מעג זיך אמאל וויסענדיג מאכן דערפון - ווייל אז דו גייסט אלעמאל גיין דערקעגן דאן איז פשט אז דו ביסט נישט אמת'דיג גרייט צו פעיסן דיין שלעכטע פילינג דו ווילסט אים נאר די גאנצע צייט באקעמפן], אבער דו שלעכטע פילינג - ווער נישט געשטערט פון דעם פאקט אז איך מאך זיך נישט וויסענדיג פון דיר... איך לאז דיך ווייטער דא זיין הארץ און גערן! איך מעג פילן שלעכט צו עס איז נארמאל צו נישט, דו מעגסט דא זיין אפילו עס איז נישט נארמאל! און איך מעג טוהן וואס איך האב צוטוהן אפילו בשעת דו ביסט דא!

און אפילו ווען דו שפירסט סיי וועלעכע שלעכטע געפיל וואס דו וואלסט ווען נישט געוואלט שפירן און וואס גיט דיך דעם מעסעזש אז דו ביסט נישט גוט, דארפסטו נאכאלץ וויסן אז דאס איז נאר א געפיל און דאס מוז גארנישט האבן מיטן פאקטישן מציאות, און מיט דעם אלעם מעגסטו נאכאלץ שפירן אזוי!

עס אז פאקט אז אפילו ווען א מענטש איז איבערצייגט אז ער איז גוט און יעדער ארום אים זאגט אים אז ער איז גוט - מיט דעם אלעם וועט ער נאכאלץ פילן ביי זיך א געוויסע שוואכע פילינג, און ספיקות וועלן אים נאכאלץ בורזשענען אין זיין מוח אז; אולי בין איך נישט גוט! אזוי איז עס, מען מעג האבן אלע שלעכעטע פילינגס, און אויב זענען זיי דא דאן דארף מען זיי לאזן דא זיין - נישט זיי דינייען און קאווערן, אבער גלייבן טאר מען זיי נישט גלייבן!

[מען נאך רעדן פון דעם שעות ארוכות]
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: עפן אונזערע מוסדות - כלל ישראל קאמפיין

נשמת השכל האט געשריבן:זאגט מיר עמיצער אז אויף 'קול מבשר' איז געווען א אינטערוויא מיט עפעס לויער פון פלעטבוש, האט ער דארט פארציילט אז אין איינע פון די סטעיטס (געדענק איך נישט אויף די מינוט וועלעכע...) האבן די ארטיגע גייסטליכע אויך אריינגעגעבן א לאוסאט קעגן דאס וואס מען לאזט נישט עפענען זייערע בתי תפילה.

און דער לויער ברענגט ארויס אינעם אינטערוויא אז דאס קען אפשר מעורר זיין א קיטרוג פארוואס מיר אידן טוען נישט די זעלבע.

נאך איינער האט געהערט דערפון?

און אפשר קען מיר אויך איינער מסביר זיין פארוואס איז פארהאן אזויפיל אידן וואס זענען נישט איבערצייגט אין די וויכטיגקייט פון אונזערע בתי תורה ותפילה עטליעס"ט אזוי ווי די פון די אנדערע רעליגעס להבדיל? פארוואס האבן אונז היימישע אידן אזא שטארקער 'קאמפלעק"ס' ווי אזוי דער גוי וועט אונז אנקוקן דורך אונזערע שריט, און די חברה פון די אנדערע רעליגעס'ס האבן נישט אט דעם קאמפלעק"ס?

זה צריך ביאור.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: וואס איז א יוד?

נשמת השכל האט געשריבן:
בפשיטות האט געשריבן: אזוי אויך קען עס ווערן מחולק צווישען עם היהודי אין דת היהודי.


הראי"ה קוק איז זייער שטארק געגאנגען מיט די סארט השקפה. און עס פארמאגט א נקודת אמת אין זיך, נאר ער האט עס גענומען פאר א לכתחילה.
א איד איז נאר א איד אויב ער גלייבט און ער היט די עיקרי היהדות! אויב נישט דאן איז ער ארויס פון כלל ישראל.

און אה"נ - אזוי ווי דער פותח האשכול האט געשריבן - אז ער ווערט יעצט נישט אויס מחויב צו היטן תורה ומצוות ווייל בשורש איז ער א איד ווייל ער איז געבוירן א איד, אבער למעשה איז ער נישט קיין איד ווילאנג ער שליסט זיך נישט צוריק אן אין כלל ישראל. פארוואס?? ווייל אזוי זאגט די רעליגע פון אמת!

איי 'כי לא ידח ממנו נידח'? די תירוץ איז אז דאס האט מיטן אויבערשטן, ער האט זיך זיינע טיפע חשבונות אז ער וועט נישט אוועקווארפן א אידישע נשמה וועלעכע איז אלעמאל מקושר צום קל חי, און ער וועט איר נישט לאזן פאלן אויף אייביג [און אזוי אויך צדיקים האבן עוסק געווען דערין צוריק צוברענגען די פארוואגעלטע נשמה צו איר אמת'ע מקום: די אידשע רעליגע! און אזוי אויך א איד וואס וויל תשובה טוהן קען אריינלעבן אין דער נקודה אז ער איז בשורש אייביג געווען מקושר צום אויבערשטן!]. אבער וואס איז נוגע די חלק ה'רעליגיע איז קלאר אז מצד רעליגיע איז דער מענטש נישט קיין חלק דערפון.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: כתוב על לוח - מיינע געדאנקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פון אשכול: וואס איז א יוד?

נשמת השכל האט געשריבן:די אידישע רעליגיע איז א רעליגיע וואס נעמט אריין אין זיך אסאך דעטאלן / פרעוויליגיעס / געוויסע יכולת'ן / רעכטן / אא"וו. וועלעכע איז ערמעגליכט פאר די וועלעכע זענען א טייל פון איר. און די וועלעכע זענען נישט א טייל פון איר, פארמאגן נישט די אלע רעכטן / פרעוויליגיעס / יכולת'ן / וכו'.

וואס הייסט "ווער עס איז א טייל פון איר"? אויף דעם פארמאגט די אידישע רעליגיע פארשידענע רולס און רעגולאציעס ווען מען הייסט א טייל פון די רעליגיע און ווען נישט. לדוגמה: אויב איינער איז "כופר" אדער א "מומר להכעיס" איז ער נישט קיין חלק פון אט די רעליגיע, אזוי זאגן אונז די פארשריפטן פון די רעליגיע. און ער פארלירט אלעס וואס די אידישע רעליגיע שטעלט מיט זיך פאר, כגון; זיין קידושין איז נישט חל / זיין אבידה דארף מען נישט אויסרופן / ער איז מנסך יין / נישטא קיין לפני עור / קען נישט עסן קיין קרבנות, ועוד ועוד (ויל"ע בענין ריבית)...
און איינער וואס איז - לאמיר זאגן - נאר א "מומר לתאבון" באקומט טאקע א געוויסע שוואכקייט מצד זיין שטאנד אין כלל ישראל, און אפי' איינער וואס איז עובר אויף 2 פון די ג' חמורות [ג"ע / שפ"ד], אבער מיט דעם אלעם איז ער נאכאלץ א חלק פון "עם ישראל" מיט אלע אירע דינים, ווייל "ישראל אעפ"י שחטא ישראל הוא" [פארשטייט זיך אז מען קען אריינגיין אין די אלע זאכן בפרטיות וואס ווי ווען - דאס איז א ריזיגע סוגיא מיט אסאך דיעות און צדדים, איך כאפ נאר אן לדוגמה].

דערנאך איז דא דער ענין פונעם "נפש / נשמה" וואס דא קומט אריין דער ענין פון עוה"ב / כרת / גיהנם - גן עדן / וכו', וואס דאס איז אן ענין פון ווי ווייט דער נפש פונעם מענטש איז דערווייטערט פון איר שורש למעלה. און דאס האט גארנישט צוטוהן מיטן ענין פון "דין ישראל", און אזוי אויך די וועלעכע עס שטייט אויף זיי "אין מספיקין בידם לעשות תשובה" איז אויך די זעלבע זאך אז דאס איז בנוגע די ענין הנפש בעולם העליון, אבער איז נישט נוגע צו די עצם זאך צו ער האט א "דין ישראל" צו נישט.

סוי, לאמיר זאגן - איינער וואס איז מלבין פני חבירו ברבים, אדער ער רעדט לשון הרע, אדער ער איז מטיל אימה על הציבור שלא לשם שמים, אדער - לאמיר גיין נאך ווייטער - איינער פון דעם "דור המדבר", אדער איינער פון קרח ועדתו, וואס די אלע - שטייט אין חז"ל - אז זיי האבן נישט קיין "חלק לעולם הבא", וועסטו מיר זאגן אז די אלע זענען נישט קיין חלק פון כלל ישראל לגבי די חלק פון האבן א "דין ישראל"?? זענען זיי מנסך יין?? זענען זיי אייניג מיטן כופר און מומר להכעיס??

* * *

דערנאך איז פארהאן דער ענין אז סוף כל סוף האט דאך יעדער פונעם אידישן אפשטאם אין זיך א "נשמה קדושה וטהורה" וועלעכע "בלייבט אייביג מקושר צו איר שורש", וואס אויף דעם גייט ארויף דער "כי לא ידח ממנו נדח", און ווי דער "רשב"א" שרייבט אין א תשובה אז אפי' א "ישראל משומד בכלל בנים הוא" [און מיט די חסידישע אור פארשטייט מען עס שוין היינט אסאך מער] אבער דאס איז ווייטער נישט נוגע צום עצם "דין ישראל" [פארשטייט זיך ווילאנג ער איז נישט חוזר ממעשיו הרעים].

* * *

שוין, מען קען מאריך זיין לאורך ולרוחב ולעומק, אבער אזוי פארשטיי איך עס, אויב האט איינער דורכגעטוהן די זאך און ער פארשטייט אנדערש, אדרבה, לאמיר הערן!
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
שרייב תגובה

צוריק צו “אז נדברו”