וואלן: זאל מען עפענען ספעציעלע אנטי אשכולות?

[יש בו]

אפשר איז כדאי צו עפענען סטריקטלי אנטי אשכולות, אין אקטועלע ניייעס, אזוי וועט די היץ נישט ארויף גיין, יעדע זאך פון די פרא'ס וועט מען נישט אפפראווען,

ס'וועט שטארק העלפן אראפ צו נעמען די טריקענע ליילעך אז אייוועלט איז איינזייטיג,

ביטע אריינקומען וועלן

[לייטער]

איך בין נישט קלאר
מען זאל נאר לאזן שרייבן אנטי מענטשן?
יא מיינט אז יעדער זאל קענען שרייבן.? שרייבסט יעדע זאך פון די פרא'ס וועט מען נישט אפ פראווען דעס איז די יא?

[עפל קאמפאוט]

די אנטי זענען לכאורה יעצט ממילא היבש צוקלאפט, איך גלייב נישט אז זיי גייען שרייבן יעצט מיט אזא אייפער, ווייל זיי האבן נישט יעצט קיין ציל ערגעץ אנצוקומען מיט איבערווייזן זייער צד. די געזעצן זענען שוין ממילא ארויס אנטקעגן זיי, און זיי האבן שוין נישט קיין סיבה איבערצוצייגן זייער מיינונג. כנלע"ד.

[יש בו]

איך בין נישט קלאר
מען זאל נאר לאזן שרייבן אנטי מענטשן?
יא מיינט אז יעדער זאל קענען שרייבן.? שרייבסט יעדע זאך פון די פרא'ס וועט מען נישט אפ פראווען דעס איז די יא?

Right

[יש בו]

די אנטי זענען לכאורה יעצט ממילא היבש צוקלאפט, איך גלייב נישט אז זיי גייען שרייבן יעצט מיט אזא אייפער, ווייל זיי האבן נישט יעצט קיין ציל ערגעץ אנצוקומען מיט איבערווייזן זייער צד. די געזעצן זענען שוין ממילא ארויס אנטקעגן זיי, און זיי האבן שוין נישט קיין סיבה איבערצוצייגן זייער מיינונג. כנלע"ד.

דער מיינונג קומט פון נישט לאזן רעדן,
גיב זיי נאר אפילו א קליין לעכל ביי פארברענגן, העסטו געוואר ווערן

[קאטטשקעלע]

עס גייט זיך לענ"ד נישט אויסארבייטן מען קען נישט פייטן מיט א וואנט
אפשר איז עס יא גיט אזוי וועלן די אנטיס זיך דארפן שלאגן צווישן זיך

[Kosher Travel]

וואלן: זאל מען מאכן אן אשכול נאר פאר די אנטי רינכיגע וועלט? ווי נאר די וואס גלויבן אין די flat earth איינרעדעניש זאלן מעגן שרייבן?

[פייף דיך אן]

מאכן ספעציעלע אשכולות ווי מען וועט קענען שרייבן וויינען און שרייען אויף יעדעם און אויף אלעס.....
כדי די איבריגע זאלן בלייבן רואיג און געלאסן!

[מצב כללי]

אנטי וואס?

אנטיסימיט?

[בר דעת]

איך זעה אז די עולם דא קען ממש נישט די בעסיקס פון אנטינאמיע. איך פארשטיי נישט ווי אזוי עס קען זיין, אין מיינע צייטן איז עס געהעריג געווען א חלק פון די ענגלישע קעריקיולעם.

בכל אופן, דאס ווערט געווענטליך געטריבן פון זיין גאר שטארק
פרא אנטי-פרא. אלזא אויב נעמט מען אוועק די פרא'ס, אויטעמאטיש וועלן די אנטי'ס אויך נישט זיין צום האבן, נאר זיי וועלן זיך ווייטער דרייען בי די פרא אשכולות, און עס וועט ווייטער זיין בבחינת אנטי שליט על אשכולא.

[Think and Thank]

איך פארשטיי נישט. וואסעפעס זאלן די אנטי'ס באקומען באזונדערע אשכולות און נישט די פרא'ס? אז מען עפנט דארף מען עפענען פאר ביידע זייטן!








(און דאן, אין צען יאר ארום, וועט איינער אויפקומען מיט אן איידיע אז מען זאל צאמשטעלן די פראס און די אנטי'ס אין איין אשכול, גרינגער צו מאכן פאר די ליינער מיטצוהאלטן וואס שמעון ענטפערט אויף ראובנ'ס תגובה אויף לוי'ס טענה א.א.וו....)

[אברהם בן ארי']

ס'וועט שטארק העלפן אראפ צו נעמען די טריקענע ליילעך אז אייוועלט איז איינזייטיג,

כ'פארשטיי נישט. דו האלטסט, אז אייוועלט איז איינזייטיג לטובת די פרא'ס. דו ביזט בארעכטיגט צו האבן דיין מיינונג, - הגם כ'גלייב נישט אז עס איז דא א נישט אנטי ניק וואס האלט אזוי - און בונטעווען אז אייוועלט מאכט אויך א פארציע פון די ביליאנען וואס גיסן זיך פאר די דאקטוירים, הצלה, מוסדות, א.א.וו. פון די וואקסינען.

כ'קען אבער נישט כאפן פארוואס דו פארשטייסט אז לכבוד דעם וואס דו האלטסט אז זיי זענען איינזייטיג פאר די פרא'ס, אז זיי זאלן יעצט ווערן איינזייטיג פאר די אנטי'ס? עפענען אשכולות וואו ס'זאל נישט זיין ערלויבט אפצופרעגן דיינע טענות? היש לך איינזייטיג גדול מזה?

איין זאך קען זיין, אז נישט די איינזייטיגקייט שטערט דיר דא, גאר עפעס אנדערש איז וואס דיר באדערט.

[אברהם בן ארי']

בכלל איז די אנקעטע פארפירעריש.

עס קוקט אויס ווי א פאקט אז מ'לאזט זיי נישט רעדן, און דו פרעגסט צו מ'מעג זיי לאזן רעדן אדער נישט. העי, איך האלט אז מ'לאזט זיי געהעריג רעדן. פארוואס מאכסטו עס אויסזעהן אז עס איז א אנגענומענע פאקט אז מ'לאזט נישט?