צו אלע וואס שרייבן ווי געשמאק די דעבאטע דא איז, דאס איז דאך מיין טענה אגאנצן צייט, אז ווען מען לאזט יענג קומען צום ווארט קען ער זיך זייער שיין מסביר זיין...
איך האב שוין אויבן מודה געווען צו יש ברירה אז ביי די דעבאטע איז ער נישט געווען צו גוט. איך האב נאר געשריבן אז די מאדערעיטערס זענען אסאך שולדיג אין דעם, אבער אמת אז יענג פאר זיך האט אויך אנדערפערפארמט. מיט דעם זענען מיר ביי די זעלבע מיינונג.
יש ברירה האט געשריבן:מען דארף אויך אנרירן נאך א נקודה, יענג איז טאקע זייער קלוג און אקאדאמיש אבער ווען מען זוכט א פרעזידענט וועלן רוב נישט זוכן די קלוגסטער צווישן די אויסוואלן, נישט דאס איז וואס דער עולם קוקט. מען קוקט אויך אויב יענער איז פרעזידענטליכע מאטריאל.
דאס עסט מיך שוין לאנג אויף, די פאלשע בליק וואס המון עם האט וויאזוי א פרעזידענט דארף אויסקוקן. א פרעזידענט דארף זיין שטארק און פעסט, יא, און אפשר אויך אביסל אגרעסיוו ווען עס פעלט אויס. אבער ווען איינער קוויטשעט אריין אינמיטן דער צווייטער רעדט ווייזט דאס נישט אויף פעסטקייט, נאר אויף ביליגקייט און אוממענטשליכקייט. דאס ווייזט מיר בכלל נישט אז ער גייט גוט הענדלען איראן.
אפשר אפילו פארקערט, איינער וואס קען זיך באהערשן, און ענטפערט מיט געמאסטענע ווערטער, איז אפשר א שטערקערע כאראקטער. ומושל ברוחו מלוכד עיר.
האלטסט אז טאמעס זשעפערסאן האט איבערגעהאקט אנדערע? וואלט ער געווען א בעסערע פרעזידענט ווען ער וואלט ווען איבערגעהאקט אנדערע?
ביי מיר זענען די אלע סיריעל איבערהאקערס (וואס מיינט כמעט יעדער אויפן סטעיזש) געווארן זייער ביליג, ווי קליינע קינדער פון א לאו-קלעס וואס זייער מאמע האט זיי נאכנישט אויסגעלערנט קיין מענערס. אויב האסטו טאקע אזא גוטס צו ענטפערן וועט עס נישט עקספייערן אין די פאר סעקונדעס וואס דו וועסט לאזן יענעם אויסרעדן.
בכלל געבן די דעבאטעס זייער א פאלשע בליק, די סקילס צו געווינען דעבאטעס זענען כמעט די פארקערטע סקילס וואס א פרעזידענט דארף האבן.
צו געווינען דעבאטעס דארף מען קענען טראכטן שנעל אויפן פלאץ, דרייען מיט די צונג צו פארווישן קריטיק, און מאכן אישוס פון טישוס אויף די אנדערע זייט. דאס איז פונקטליך וואס איך וויל נישט מיין פרעזידענט זאל טון.
אסאך מיינען אז א פרעזידענט דארף קענען טראכטן שנעל, אבער דאס איז א טעות. אלעס וואס דארף באשלאסן ווערן אויפן סעקונדע ווערט באשלאסן דורכן זעלנער אויפן פראנט, אדער נידריגע אפישעלס. צום פרעזידענט קומען אן די שווערערע באשלוסן, מיט דאטא איבער די מעלות און חסרונות אויף ביידע זייטן, און ער דארף טראכטן רואיג און טיף צו מאכן א באשלוס. איך קען באמת נישט טראכטן פון א ביישפיל וואו דער פרעזידענט דארף באשליסן אויף די סעקונדע, חוץ פון זיך אראפבייגן ווען א קויל קומט צו פליען.
אויב ברעכט אויס א מלחמה צווישן אמעריקע און רוסלאנד וויל איך דער פרעזידענט זאל טראכטן 3 שעה פאר יעדע אקציע, נישט 3 סעקונדעס.
אויב וויל מען האלטן דעבאטעס, זאל עס בעסער זיין געשריבענע. איינער שרייבט אראפ זיינע פלענער, און די חסרונות פונעם צווייטן, און דער צווייטער ענטפערט מיט אייגנס, און פרעגט אפ פוינט-ביי-פוינט די קריטיק פונעם ערשטן. יא, זיי וועלן זיכער האבן שרייבערס, אבער דאס מאכט עס נאר מער עכט, פונקט ווי ביים פירן די לאנד האבן זיי אויך אדווייזערס און ספיטש רייטערס.
נאר איין חסרון, דער עולם וועט עס נישט טרעפן גענוג אינטערעסאנט צו זיצן איבער דעם מיט א טעלער פאפקארן.
אקעי, איך האב שוין געוואלט ענדיגן מיט די "MSNBC איז בייעסד" סוגיא, אבער דאס איז א פרישע זאך און איך קען מיך נישט איינהאלטן. זיי האבן נעכטן
געטוויט איבער יענג'ס פלאטפארמע, אזוי צו זאגן.
- D_OsEZwVAAANkT5.jpg (90.65 KiB) געזען 2417 מאל
וואס ווייזט אזא בילד?
איך מיין אז פאר איינער וואס ווייסט נישט פון יענג ווייזט דאס א מאדנער פארשוין מיט מאדנע דאגות. קארעקט מי איף איים ראנג.
געדענק, די רעדע איז דא פון א קאנדידאט מיט ארום 110 פאליסיס. די דריי וויכטיגסטע אין זיינע אויגן זענען אויסגערעכנט פון אויבן אויפן פאליסיס בלאט (freedom dividend, healthcare, human centered capitalism). יעדער וואס ווייסט נאר פון אים ווייסט פון זיין freedom dividend. די וואס ווייסן מער פון אים זענען אויך אנטציקט פון אזעלכע פאליסיס ווי למשל Democracy Dollars, data as a property right, Ranked Choice Voting. (קוק אויך מיין אונטערשריפט)
אבער MSNBC קען נישט דערמאנען אז ער האט 100+ פאליסיס, און זיי קענען נישט דערמאנען קיין איינס פון די אויבנדערמאנטע פאליסיס. אנשטאטס דעם האבן זיי געזוכט זיינע פאליסיס וואס הערן זיך די מערסטע קוריאז, און עס אראפגעשריבן אויף די מערסט קוריאזע וועג. איך קען דיר גאראנטיען אז זיי האבן אוועקגעגעבן א שיינע פאר מינוט אויפצוזוכן די פאליסיס, וואס זענען צוזייט און צושפרייט איבער יענג'ס לאנגע פאליסי בלאט.
16 עיזדש וואטינג? וואסעפעס? צאלן אטלעטן אין קאלעדזש? דאס דארף מיר אנגיין?! עלימינירן די פעני? כא כא! אוי האט ער דאגות! דעקרימינאליזירן אפיום?! יעצט שטימט שוין בעסער! דער איז א היפי פון היפילאנד! self-driving cars? וואס מיינט דאס בכלל?! דער פרעזידענט גייט אפשר ארומפארן מיט א self-driving car? דער איז טויט שיכור!
WOW! דער האט ממש געטראפן די זעקס גרעסטע פראבלעמען אין אמעריקע!
(די לעצטע ווייס איך באמת נישט וואס זיי מיינען. יענג האט נישט אזא פאליסי, חוץ אויב מיינען זיי Ease the Transition to Self-Driving Vehicles, אבער פארשטייט זיך אז זיי קענען עס נישט שרייבן נארמאל)
און דאס איז נישט עפעס א סקרינשאט צו כווייסעכוואס, דאס איז א אפיציעלע טוויט וואס זיי האבן אפיציעל ארויסגעשיקט. קענסט קוקן ביי זייער טוויטער אקאונט.
איך האף אז דו קענסט עס מסביר זיין אויף א נארמאלע וועג, ווייל איך וויל באמת נישט זיין אזוי אויפגערעגט
.
אויב קענסטו עס ערקלערן, אויף א וועג וואס איך וועל פארשטיין און מסכים זיין, וועל איך דיר אוועקגעבן די ערשטע טויזנט דאלערדיגע freedom dividend טשעקל וואס איך וועל באקומען נאך וואס יענג ווערט פרעזידענט. גאו אהעד
.