הערט אויף צו פארקויפן שטויב פאר'ן ציבור!!!

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

אוועטאר
מאכט סענס?
שר חמישים ומאתים
תגובות: 450
זיך איינגעשריבן אום: מיטוואך יאנואר 11, 2017 3:28 pm
לאקאציע: בין תנור לכיריים

הערט אויף צו פארקויפן שטויב פאר'ן ציבור!!!

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאכט סענס? »

אדורך נישטערנדיג מיינע אלטע ארכיוון האב איך מיך אנגעשטויסן מיט אן ארטיקל, געשריבן געווארן שוין לאנג צוריק פאר עטליכע חברים. עס איז געשריבן געווארן נאכן ליינען א געוויסע אויסגאבע, און מיין כעס האט מיך ממש פארשווערט דעם אטעם... האב איך עס געמוזט ארויסגיבן אויף די וועג און אין איינוועג'ס שוין מהנה געווען אפאר חברים.
דאס איז אן ארטיקל וואס ביים עס טרעפן האט עס נאכמאל פארשווערט מיין אטעם... האב איך באשלאסן עס ארויפצולייגן דא בין כותלי הקרעטשמע, און אביסל פארדרייען די שווערע פילפולים און טענה'רייען פון די פאליטיק אשכולת...
עס מוז באטאנט ווערן אז ביים שרייבן די ארטיקל זענען פארשידענע זאכן נאך געווען אנדערש ווי היינט. עס איז נאכנישט געווען די אלע דעלי אימעיל'ס פון נייעס, און נאך פארשידענע זאכן וואס עס קען זיין אז ס'האט אביסל געטוישט די מציאות פון וואס איך שרייב.
פאלגנד איז די ארטיקל כמות שהיא. לייענט און רעגט זיך מיט...

[align=center]* * *[/align]
ווען פון אלע זייטן הערט מען זיך אפרעדן אויף די שעדליכע אינהאלט וואס ס'רוב היינטיגע מאגאזינען פארמאגן, וואונדערט זיך אוזער שרייבער הרב ... פארוואס זאל איינער בכלל קויפן די נארישע ביליגע ליטראטור, וואס איז ניטאמאל ווערט די פאפיר אויף וואס ס'ווערט געשריבן.
[align=center]_ _ _ _ _[/align]
[align=center]שוין העכסט צייט![/align]
אידיש איז גאר א רייכע שפראך מיט א ריזן ווערטער אוצר וואס קיין שום שפראך קען זיך נישט פארמעסטן. אידיש פארקערפערט אין זיך צענדליגע שפראכן, אבער איז בעיקר געבויעט אויף דייטש, לשון הקודש, ענגליש, און ... אידיש...

אינדערצייט וואס אין אלע שפראכן זענען פולע געדאנקען, געפילן, און מחשבות, אומעגליך ארויסצוברענגען ריכטיג, איז אין אידיש שטענדיג דא די פאסיגע ווארט דערויף.

ווען אויף ענגליש אדער עברית, - די צוויי מערסט באנוצטע שפראכן פאר אידן - וועט זיין בלויז איין ווארט עפעס ארויסצוברענגען, וועט אין אידיש זיין א ברייטע אויסוואל פון פולע ווערטער, איינס זיסער פון צווייטן, מיט א פאסיגע מליצה אנהייב און סוף פון די זאץ...

אבער נעמענדיג אין באטראכט די שוואכע סטאנדארט לייען מאטריעל מיט וואס די היימישע אידישע ליינער ווערן געפלאגט אין די לעצטע צענדליג יארן, ערוועקט זיך א געוואלדיגע ווייטאג און וואונדער. עס איז ווייטאגליך צו זעהן ווי אונזערע ברודער וועלכע קענען נישט קיין אידיש ווייקן זיך אין א איבערפלוס פון רייכע לייען מאטריאל, בעת מיר היימישע ווערן געשטאפט מיט נארישע ביליגע ליטראטור, בלויז אויף אנצופולן שורות... און די צאל היימישע חסיד'ישע וועלכע האלטן אין איין אריבערגיין צו די מאדערע אנגלא אידישע מאגאזינען ווערט נאר מער און מער.
די קשיא ברענט עד לב השמים. פארוואס זאל א חסידישע איד וועלכע וויל ליינען עפעס מער דראמע, וועלטליך, אדער סתם עפעס אינטערעסאנט, זיין געצווינגען צו גיין שעפן פון אנדערע השקפות? פארוואס זאל נישט זיין א היימישע חסידישע אויסגאבע, איבערגעקוקט דורך מגיהים עובדי ויראי השם וועלכע זאל אויף א הויכע סטאנדארט, אין א היימישע שפראך צושטעלן עטוואס מער "דרויסענדע" און אינטערעסאנטע נייעס אויף א פראפעסיענאלע וועג?!

עס איז נישט ריכטיג צו זאגן אז עס קומט נישט אז א היימישע חסידישע אויסגאבע זאל ברענגען די סארט ארטיקלן. דאס איז ווי א בת היענה שטעקט אריין די קאפ אין זאמד. די פאקט איז אז א ריזן היימישע ציבור וואס קויפן די אלע ערליי פרעמדע מאגאזינען וואלטן זיך געפרייט כמוצא שלל רב אריבערצוגיין פון די אלע פרעמדע השקפות, צו א ערליכע חסיד'ישע אויסגאבע, געבינדען צו א תורה אויטאריטעט, אויב עס קען בצד מה צושטעלן אביסל פון די דרויסענדיגע נייעס.

איר ווייסט וואס?! לאזט אפ "דרויסענדיגע נייעס". לאמיר זעהן וואס נאך די אויסגאבעס פארמאגן... פארוואס דארף די מעין ארטיקל זיין איבער וויאזוי לעקטער ארבעט? פארוואס איז דאס אזוי שרעקליך נאריש, די אלע היימישע מאגאזינען?!

כ'וויל נישט, און איך גיי נישט אריינגיין אין די סיבה דערצו, אבער איין נקודה וואס כ'פיל יא פאר וויכטיג צו דערמאנען. די נקודה פון די "מטילי אימה על הציבור". עס איז די גרעסטע היפקראטיע און טופשות אראפצורייסן און אטאקירן א היימישע צייטונג פאר'ן ברענגען דרויסענדיגע נייעס. די "גויאישע ארטיקלן" ווי מ'האט עס ליב צו רופן איז א פארלאנג פון די ליינער וואס קויפן דאס! פאר א געוויסע סיבה קויפט מען די אויסגאבע! די עולם וואס וויל באמת נישט אזאלכע באשרייבונגען קויפן בכלל נישט די סארט אויסגאבע'ס! זיי האבן איבערגעניג וואס צו ליינען. אנגעפאנגען פון די "מעלות" א הערליכע אינטערעסאנטע חודש'ליכע אויסגאבע, און גענדיגט ביי די פולע אינהאלטסרייכע אויסגאבע'ס פון חסידות'ן.

שוין אפגערעדט אז רוב מאל זענן די אטאקירערס דא פאר פריוואטע סיבות. מערסטענס מאל זענען זיי די קאמפעטישן פון די מאגאזין...

אויב פארשטייט איר נישט פארוואס כ'רעדט זיך אפ דאן לאמיך אייך פרעגן א קליינע שאלה, אבער קודם א קורצע הקדמה: מיין גאנצע טענה פון למה נגרה איז נישט אז עס איז דא צו ווייניג מאגאזינען, נאר אז ס'נישט דא "וואס" צו ליינען. אלזא ר' איד לאמיר אייך פרעגן: וועלכע אויסגאבע האט אייך דאס לעצטע געצויגן צו ליינען? הא... און אויב זענט איר יא געווען צופרידן, דאן פארוואס האט איר נאכן ליינען אייער לעצטע ארטיקל צוריקגעמישט די בלעטער און געקוקט מיט כעס ווער איז דער שרייבער וואס שרייבט אזעלכע שטותים?...

די ווייטאג איז אז ס'קען זיין אנדערש! עוד יזכור לי בנעימים ווען אין די גלארייכע אמאל פלעגט ארויסקומען א שלל פון אינהאלטרייכע און שיינע מאגאזינען פאר א ביליגע נערמאלע אפצאל. מיינע זכרונות עראינען זיך דערמאנענדיג פון "די צייטשריפט" מיט אירע זעלטן רייכע ארטיקלן, אדער אפילו "די פלאם" אין די גוטע יארן איז אויך נישט געווען אוועקצומאכן. אפילו "דער שטערן" איז אין יענע יארן געווען אן אויסטערלישע אוצר. און אפשר ווילט איר מיר זאגן אז איך בין דאן נאך געווען צו אינג, אן קיין ריכטיגע פארשטאנד אויף אן ארטיקל, צוליב דעם האב איך עס געגליכן...

כ'מיין אז עס שוין העכסט צייט ס'זאל זיין א מאגאזין געבויגן אונטער די הדרכה פון א רב - ווי דער שטערן טוהט - וואס זאל ברענגען ארטיקלן כמו שצריך, נישט בלויז אנגעפילטע שורות...

עס מוז נישט נאר זיין "דרויסענדיגע נייעס", עס קען זיין א רייכע איטערוויא מיט א חשובע פערזענדליכקייט, אדער א באשרייבונג איבער א אידישע נושא וואס איז אינפארמאטיוו, און אינטערעסאנט. נישט סתם איבער א איד וואס האט גע'חלומ'ט פון עפעס א באבע וואס טראכט אז משיח קומט שוין, און א ריזיגע קעפל העכער דעם: "סענזאציע"...

יא! דאס איז א רוף צו אלע ארויסגעבער'ס פון די מאגאזינען: הערט אויף פיטערן די עולם מיט זאמד און שטיינער! הערט אויף צו פארקויפן שטויב פארן ציבור! אויב קענט איר נישט ברענגען עפעס מער נערמאל דאן פארמאכט אייער אויסגאבע! אויב קענט איר דאס נישט טוישן, דאן איז אייער עתיד אין בעקעריי, נישט אין שרייבן...

אידיש קען און דארף ווערן די דאמענירענדע הויפט שפראך ביי חרידישע אידן. אויב נישט די הויפט שפראך דאן דארף מען כאטש זעהן צו האלטן די צאל אידישע ליינער וואס זענען שוין יא דא, אז זיי זאלן כאטש פארבלייבן. עס דארף זיין א נייגער ביי די עולם וואס קען נישט קיין אידיש זיך אויסצולערנען אידיש בלויז צו קענען ליינען אידישע אויסגאבע'ס! פונקט ווי היינט איז די נייגער ליידער פארקערט, צו קענען ענגליש אדער עברית כדי צו האבן וואס צו ליינען!

עס איז שוין העכסט צייט!!!
לעצט פארראכטן דורך מאכט סענס? אום מיטוואך פעברואר 01, 2017 6:50 pm, פארראכטן געווארן 4 מאל.
חאכאם
שר מאה
תגובות: 231
זיך איינגעשריבן אום: מוצ"ש דעצעמבער 10, 2016 11:33 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חאכאם »

ווילסטעך אוודאי וויסן צו סמאכט סענס??
ווויל איך דיר זאגן אז.... יא סמאכט סענס!! איך רעג מיך מיט דיר צוזאמען!!
אויב ביזטו מיט גלאז ארומגענומען, זאלסטו קיין שטיינער ארויסווארפן, ווייל מהעט דיר צוריקשליידערן, און דו וועסט צובראכן ווערן........
אוועטאר
שמו
שר ארבעת האלפים
תגובות: 4954
זיך איינגעשריבן אום: מאנטאג אקטאבער 31, 2011 12:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמו »

כקול קורא במדבר
דאס דארף מען שיקן צו די שרייבער' וראשי הצייטונגען

אבער דער ווייטאג איז גרויס און ריכטיג
כשמ"ו כן הוא

סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינען https://act.webull.com/nt/1tSOfvYQhs4K/

גם אני נקי עם נטפרי
אוועטאר
יהודי
שר האלפיים
תגובות: 2935
זיך איינגעשריבן אום: פרייטאג סעפטעמבער 02, 2016 2:20 pm
לאקאציע: אונטערן מעקער

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהודי »

דער שטערן איז שוין פארמאכט
א פשוטע איד.
אוועטאר
שמעלקא זאפטיגער
שר שלשת אלפים
תגובות: 3321
זיך איינגעשריבן אום: מאנטאג אוגוסט 15, 2016 3:19 pm
לאקאציע: איינגעטונקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא זאפטיגער »

איך האב געליינט דיין ארטיקל און צוגעשאקלט מיטן קאפ.

דו דארפסט נעמען אין חשבון 2 זאכן:

1) זייענדיג א שרייבער ווייס איך פון פאקט, אז אויסגאבעס און מאגאזינען צאלן פעני'ס, און אפילו די גוטע שרייבער האלטן זיך צוריק פון אינוועסטירן עקסטערע כוחות, ווייל ער באקומט נישט גענוג באצאלט דערפאר, טא פארוואס זיך איבערשטרענגען?

2) די אויסגאבעס זענען גערעכט מיטן אונז פיטערן זאמד און שטיינער, כל זמן דער עולם גולם קויפט עס. וואלט געווען ערנסטע רעוואלאציע און מ'וואלט נישט אריינגענומען אין שטוב לופט בלעטלעך, וואלט דער נידעריגער סטאנדארט פון שרייב און לייען פעלד נישט אזוי אויסגעזען.

איי, פארוואס קויפט מען עס טאקע?

ווייל ס'איז נישט דא עפעס אנדערש!

און אדרבא, קריינא דאיגרתא ליהווי ליה פרוונקא, אויב ביסטו גרייט ארויסצוקומען מיט א גוט שטיקל, וועלן מיר דיר צושטעלן א פלייצע!
די גאנצע שטאט פאר קיין דותן, אבער דותן איז געבליבן ביים ירח האיתנים. און שוין.
אוועטאר
מאכט סענס?
שר חמישים ומאתים
תגובות: 450
זיך איינגעשריבן אום: מיטוואך יאנואר 11, 2017 3:28 pm
לאקאציע: בין תנור לכיריים

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאכט סענס? »

דו ביזט הונדרעט פראצענט גערעכט מיט דיין ערשטע נקודה אז די שרייבער'ס האבן נישט קיין געפיל אריינצולייגן כוחות, און פארדינען גאר ווייניג. אבער עס איז זייער מאדנע אז די צייטונגען פארלאנגען נישט קיין תוכן, און שטעלן דאס נישט פאר פריארעטעט. מען קען דאס אפשר פארענטפערן מיט דיין צווייטע נקודה.
שמעלקא זאפטיגער האט געשריבן:2) די אויסגאבעס זענען גערעכט מיטן אונז פיטערן זאמד און שטיינער, כל זמן דער עולם גולם קויפט עס. וואלט געווען ערנסטע רעוואלאציע און מ'וואלט נישט אריינגענומען אין שטוב לופט בלעטלעך, וואלט דער נידעריגער סטאנדארט פון שרייב און לייען פעלד נישט אזוי אויסגעזען.

איי, פארוואס קויפט מען עס טאקע?

ווייל ס'איז נישט דא עפעס אנדערש!

אבער אז די עולם קויפט די צייטונגען, דערפאר האב איך געשריבן וויפיל מענטשן גייען אריבער צו אנדערע אנגלא אידישע מאגאזינען, און עס זענען פארהאן צענדליגע הונדרעטע חסידישע אידן וואס קויפן טאקע אנדערע מאגאזינען בלויז ווייל אסאך היימישע מאגאזינען פארקויפן גארנישט.
לגבי די "קריינא דאיגרתא". אפשר איין טאג וועט דאס נאך געשען... מי יודע...
הרב שלמה'ס א תלמיד
שר העשר
תגובות: 32
זיך איינגעשריבן אום: פרייטאג דעצעמבער 30, 2016 2:00 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך הרב שלמה'ס א תלמיד »

יהודי האט געשריבן:דער שטערן איז שוין פארמאכט

זייט ווען?
די "נשמה שפראך" - די איינציגסטע שפראך וואס יעדער איינער, אן קיין אויסנאם פארשטייט!
מזל מידיע
שר האלף
תגובות: 1593
זיך איינגעשריבן אום: דינסטאג מארטש 24, 2015 9:14 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מזל מידיע »

בס"ד

דיו אלו ימי קני כל חורשתא, כ'מיין ווילאנג זאל מען זיך טונקען אין די שווערע געפילן איבער די נושא? שוין גערעדט דערפון לאנגע יארן און מען רעדט ווייטער און מען טוט אויך אביסל השתדלות ב"ה. דא אויף אייוועלט, און אין די פריערדיגע גלגולים פונעם פארום, שוין אויך גערעדט אזויפיל מיט אלע פיטשעווקעס.

לענינינו, געלט, געלט און געלט. וואס מיינט, אין אנדערע ווערטער, זיך דראפען אויף גראדע ווענט ביז עס קומט אריין געלט.

קונים זענען דא גענוג און נאך. פונקט ווי "מעלות" האט געקענט אנקומען ברום המעלה, און דעקט זיך ב"ה, און אנדערע ווילן עס נאכמאכן למחצה לשליש ולרביע, קען אויך א "צייטונג" אויף דעם סטאנדארט - יא, אפילו מיט "גויאישע נייעס" אבער נישט "גויאיש" - אנקומען ברום המעלה.

דער פראבלעם איז נישט א מאנגעל אין קונים. דער פראבלעם איז א מאנגעל אין רצון דורכצוברעכן די אייז, וואס צו דעם דארף מען האבן א "באנטש" (אדער אין מעלות פארלאנץ, א "סך") עובר לסוחר. נישט אריינווארפן אין מיסט, נאר זיין גרייט צו ווארטן א יאר-צוויי-דריי אויף די פירות.

שוין אזויפיל געזאגט אז ווער עס ליגט דערין ט'עס שוין אמאל געהערט בכלי ראשון שני אדער שלישי. מיט די היינטיגע אידישע-חרדישע וועלט, איז נישטא קיין תירוץ פארוואס א קוואליטי אידישע צייטונג זאל נישט קענען פארקויפן צוואנציג טויזנט קאפיס א וואך. אההה, וואס? יא, גוט געהערט. א ווייטער חלום? נישט אינגאנצן. ווענדט זיך "וואס" און "וויפיל" מ'וויל אריינלייגן.

דערווייל, פון אונזער שרייב-טישל, טוט מען א קליין טראפעלע אין דעם ריכטונג, וחפץ ד' בידינו יצליח.
ווי זאגט מען WOW אין אידיש? שיקט אייער מיינונג צו [email protected].
אוועטאר
עין טובה
שר ארבעת האלפים
תגובות: 4062
זיך איינגעשריבן אום: דאנערשטאג נאוועמבער 27, 2014 9:46 pm
לאקאציע: 127.0.0.1

  • ציטיר
  • צו לייגן א דאנק דארפט איר זיין אריינגעלאגט

תגובה דורך עין טובה »

איך מיט מיין קליין שכל האלט אז די סיבה פארוואס מענטשן קויפן עס איז טאקע דאס וואס שמעלקא האט געשריבן.
אבער, פונקט אזוי ווי איינער וואס זיין איינציגסטע נייעס קוואל איז קולמע, איז נאר אינטערעסירט אין אזעלכע מיני נייעס, פאר די זעלבע סיבה האבן די מענטשן ליב די מאדנע מיני ארטיקלן אין די אלע אויסגאבעס.

די וואס גלייכן עס נישט קויפן די אנגלא אידישע, אדער קויפן זיי די אידישע און עסן זיך דאס געזונט צוזאמען מיט אונז אלע...

אגב,
מזל מידיע האט געשריבן:אדער אין מעלות פארלאנץ, א "סך"

די מעלות וואלט נישט טאלערירט דעם ווארט צו ווערן גענוצט דא. זיי וואלטן געשריבן א" סאך". ודו"ק כי נכון הוא.
...
אוועטאר
שמעלקא זאפטיגער
שר שלשת אלפים
תגובות: 3321
זיך איינגעשריבן אום: מאנטאג אוגוסט 15, 2016 3:19 pm
לאקאציע: איינגעטונקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא זאפטיגער »

אלע נקודות דא איינס ביי איינס שפילן בלי ספק א ראלע אין די דערקייקלונג פון אידיש ליטעראטור.

איך וואלט געוואלט אביסל צולייגן די נקודות פונעם ציבור:

לענינינו, געלט, געלט און געלט. וואס מיינט, אין אנדערע ווערטער, זיך דראפען אויף גראדע ווענט ביז עס קומט אריין געלט

ריכטיג עס פעלן פינאנצירער, אבער מיט אויפוואכונג פון באיקאט וכדומה (כאטש איך געב ניטאמאל א שאנס אז דאס גייט אמאל פאסירן) קען עס ברענגען א פלייץ פון אינוועסטירער.

א) מען צאלט נישט גענוג, אפילו פאר גוטע שרייבער.
אמת ויציב, דער פראבלעם איז אז יעדער זאגט ער איז גוט, און די רעדאקטארן וועלן נישט מורא האבן ארומצושפילן מיט שרייבער.
עס זענען טאקע דא געציילטע שרייבער וואס האבן א 'נאמען', און זיי בעטן א סכום מופרז פער ארטיקל, וואס לענ"ד זענען פילע אנדערע שריפטשטעלער בעסער און זאפטיגער ווי זיי, אבער ווייטער, כל זמן מ'נעמט זיי איז ידם על העליונה און זיי בעטן ווייטער די פרייזן, מיטן הנחה פון 'והא ראיה אז מ'צאלט'.

ב) גוטע שרייבער זענען ווייניג און שווער צו טרעפן (די חדרים און ישיבות לערנען נישט שרייבעריי, ווער ס'קען לערנט זיך אליין און ס'איז נישט דא אן אנגענומענע סטאנדארט)

דא קריכט מען אריין אין א דין ודברים, וואס מיינט א גוטער שרייבער? עס איז בעצם דא אן אלטער ויכוח וועלכע סארט שרייבער איז בעסער, די וואס לייגן ווי מער הויכוואקאבולארע אונטעלעגענטע ווערטער און מיסטישע פראזן, אזש דער ליינער שפירט ווי ער ליינט א ווערטערבוך אנע באדייטן, אדער דער וואס שרייבט נאטורליך און פשוט, און דער ליינער טראכט צו זיך אי משום הא קען איך אויך זיין א שרייבער. (אין די קינדליין די וואך ווערט די טעמע דערמאנט ביים שמועס מיטן מייסטער שרייבער ר' יאיר וויינשטאק הי"ו, איך האב שטארק הנאה געהאט אז אזא פראמינענטער שרייבער האלט דעם זעלבן מהלך ווי מיר).
איך וועל געבן איין דוגמא, איך האלט וועלטן פון די ארטיקלען פון שמעון ראלניצקי, ער ברענגט דיר אריין אין די ארטיקל, עס ליינט זיך געשמאק און פליסיג, א קיצור איך גיי באנאנעס פאר זיין שפראך און אייגנארטיגקייט פון שרייב ווערק. ממש לעצטנ'ס איז מיר אויסגעקומען צו רעדן מיט א באקאנטער שרייבער, זאגט ער מיר אז ער קען נישט סובל זיין שמעון ראלניצקי, ווייל ער שרייבט למשל פאפולאציע אנשטאט באפעלקערונג וכדומה. האב איך געזען אז יעדער האט זיך זיין טעיסט און גאטונג, איך האלט אויך אז עס קומט צו שרייבן באפעלקערונג, אבער פארפאלן, די ארטיקל זעלבסט ווערט נישט אזוי גע'פסל'ט.
אזוי קען מען שרייבן און אנאליזירן גאנצעטע בלעטער, סוף פסוק איז: טאקע וויבאלד די רעצעפט פון היימישע שרייב ארבעט ווערט נישט גענומען אין א קורס, נאר דאס איז אינסטינקט און טאלאנט, האט יעדער אליין די רעכט אפצומאכן וואס איז א גוטע שרייבער און ווער איז סתם א טינט שמירער.

ג) א אידישע מאגאזין פאר עלטערע איז צו א קליינע מארקעט, סיי די נושאים וואס מ'קען שרייבן און סיי וויפיל מ'קען פארקויפן (אפגערעדט פון פרייזן).

איף בין מחולק דערמיט, עס איז דא גענוג און איבעריג טאפיק'ס, ברענג מיר נישט קיין ראיה פון מאמענט, וואס האט יעדע וואך פרישע אויפגעברויזטע קונדן, וויבאלד זייער להיטות נאך קאנספיראציע און סענזאציע טרייבט זיי כאילו כפאו שד, וצייטשריפט או דער פלאם יוכיח. איי, זיי האבן זיך אויך פארמאכט כאטש זיי האבן געהאט די תוכן? איך מיין אבער אז כהיום וואס רובם ככולם זענען טאקע לופט און נאריש, וואלט עס געהאט א ריזן ליינער באזע, וקינדליין יוכיח, כאטש וואס עס איז פאר קינדער, גלייכן עס ערוואקסענע אויך.

ד) אסאך אויסגאבעס זענען פאליטיש אדער פארטייאיש (ווייל זיי מוזן פארמאגן אן אויסגאבע) און ווער ס'באלאנגט אהין וועט על פי רוב דאס ליינען, בלייבט מען מיט נאך א קלענערע מארקעט.
יא ליידער, און דאס איז טאקע שולדיג אין א גרויס חלק פון ירידת הצייטונג אינהאלט.

אבער, פונקט אזוי ווי איינער וואס זיין איינציגסטע נייעס קוואל איז קולמע, איז נאר אינטערעסירט אין אזעלכע מיני נייעס, פאר די זעלבע סיבה האבן די מענטשן ליב די מאדנע מיני ארטיקלן אין די אלע אויסגאבעס.
נישט זיכער, ווער זאגט ער האט ליב נאר די ספעציפישע נייעס? געב אים עפעס אנדערש און איבערצייג דיר צו ער ווארפט דיר עס צוריק אין פנים אדער נישט...
די גאנצע שטאט פאר קיין דותן, אבער דותן איז געבליבן ביים ירח האיתנים. און שוין.
אוועטאר
עין טובה
שר ארבעת האלפים
תגובות: 4062
זיך איינגעשריבן אום: דאנערשטאג נאוועמבער 27, 2014 9:46 pm
לאקאציע: 127.0.0.1

  • ציטיר
  • צו לייגן א דאנק דארפט איר זיין אריינגעלאגט

תגובה דורך עין טובה »

איך זאג נישט אז ער וועט עס צוריקווארפן.
ס"ה וועט אים עס שטילן זיין אינערליכע דראנג פאר נייעס, וויבאלד דאס איז וואס ער איז צוגעוואוינט צו הערן.
דאס זעלבע איז מיט די אויסגאבעס. וקצרתי.
...
אוועטאר
שמעלקא זאפטיגער
שר שלשת אלפים
תגובות: 3321
זיך איינגעשריבן אום: מאנטאג אוגוסט 15, 2016 3:19 pm
לאקאציע: איינגעטונקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא זאפטיגער »

עין טובה האט געשריבן:איך זאג נישט אז ער וועט עס צוריקווארפן.
ס"ה וועט אים עס שטילן זיין אינערליכע דראנג פאר נייעס, וויבאלד דאס איז וואס ער איז צוגעוואוינט צו הערן.
דאס זעלבע איז מיט די אויסגאבעס. וקצרתי.


איך וואלט עס ליבערשט פארצייכנט פאר 'וויבאלד ער ווייסט נישט פון עפעס מער', אבער לא הבנתי פונקטליך דיין נקודה כי קצרת.
די גאנצע שטאט פאר קיין דותן, אבער דותן איז געבליבן ביים ירח האיתנים. און שוין.
El Rushbo
שר האלף
תגובות: 1276
זיך איינגעשריבן אום: פרייטאג אקטאבער 31, 2014 10:34 am
לאקאציע: Almost Daily on MSNBC...

  • ציטיר
  • צו לייגן א דאנק דארפט איר זיין אריינגעלאגט

תגובה דורך El Rushbo »

איין נקודה וואס איך האב נאכנישט געזעהן דא.

אז רוב היימישע מאגאזין לייענער זוכן ניטאמאל קוואליטעט, איך ווייס אז די אינטעליגענטע ניקים וואס זיצן אונטערן שרייב טישל וועלן נישט מסכים זיין, אבער דו"ק ותשכח וויפיל מער קאפיעס די מאמענט פארקויפט ווען זיי האבן א סענזעציאנאלע דעקל אנשטאט א 'אינטערסאנטן' דעקל.
איסר האטלקי
שר האלפיים
תגובות: 2952
זיך איינגעשריבן אום: פרייטאג יולי 15, 2016 12:37 am
לאקאציע: אין בעסמענט

  • ציטיר
  • צו לייגן א דאנק דארפט איר זיין אריינגעלאגט

תגובה דורך איסר האטלקי »

El Rushbo האט געשריבן:איין נקודה וואס איך האב נאכנישט געזעהן דא.

אז רוב היימישע מאגאזין לייענער זוכן ניטאמאל קוואליטעט, איך ווייס אז די אינטעליגענטע ניקים וואס זיצן אונטערן שרייב טישל וועלן נישט מסכים זיין, אבער דו"ק ותשכח וויפיל מער קאפיעס די מאמענט פארקויפט ווען זיי האבן א סענזעציאנאלע דעקל אנשטאט א 'אינטערסאנטן' דעקל.

הונדערט פראצענט גערעכט. דער אלגעמיינער גאס איז נישט נייגעריג אין קיין אינטערעסאנטע מענטשן. קאנסארוועטיוו אדער סענזאציאנאל וועט שוין יא רעדן ווערטער.
אוועטאר
משה מאשקאוויטש
שר חמש מאות
תגובות: 853
זיך איינגעשריבן אום: מוצ"ש דעצעמבער 05, 2015 2:47 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה מאשקאוויטש »

ועוד, נאך א שטארקע סיבה פארוואס דער עולם ווערט געפיטערט מיט שוואכע סחורה - מיינענדיג זיך צו באציען בעיקר אויף אויסגאבעס ווי מאמענט וכדו' -

א יעדע היימישע אויסגאבע האט ריזיגע פחדים איבער א יעדע ארטיקל וויאזוי דער ציבור וועט עס אויפנעמען, עס איז פארהאן פילע געמיינדעס און כלל ישראל און א יעדער איינער מיט זיין אייגענע השקפה און שיטה, און דערפאר דארף א יעדע ארטיקל שטימען מיט די אלגעמיינע היימישע און אנגענומענע השקפה, וואס פארשטייט זיך אז דאס מיינט בעיקר סאטמאר (רעדענדיג פון מאמענט וכדו').

ווען בלויז דא וואלט געשטעקט דער פראבלעם וואלט נאך גאנץ גוט געווען, אבער די אמת איז אז עס דערגרייכט צו סאך שווערערע שטאפלן, צוליב א ענגע צאל פון ראדיקאלע און צעזאם-געפרעסטע פערזאנען, וואס א יעדע איינציגסטע ארטיקל וואס מען וויל נאר שרייבן הייסט שוין ביי זיי 'ציונות'... איך רעדט פון אנגעווייטאגקייט נאכדעם וואס איך האב שוין געהאט אינוועסטירט פילע ארבייט אין עטליכע שמועסן מיט עמיצן וואס גייט מיט א צווייטע סארט קאפל ווי מיר, אבער האט דאך עפעס א מיסטעריעזע און שפאנענדע געשיכטע אונטער זיך, אבער די צייטונגען האבן געציטערט עס אריינצולייגן, ווייל וואס וועט דער יעניגער זאגן? איי, דער האט דאך אין זיין לעבן נישט געצאלט די פינף טאללער פארן אויסגאבע און ווער איז ער אריינצורעדן, אבער שוין...

דאס מיינט, זיכער אז מען דארף זיין אפגעהיטן ביז גאר ווען מען שרייבט סיי וואס, מען דארף זיך היטן פון א יעדע שמץ פון ציונות וכו', אבער מען דארף אויך וויסן וואס ציונות איז. און כ'וועל זיך באנוצען אלס דוגמא צו פנחס גלויבער'ס ארטיקל אין מאמענט איבער די התנחלות אין ארה"ק, דאכצעך מיר אז ער האט דעמאלטס באשריבן יצהר, און עס איז געווען א מייסטער פיעס, עס איז באשטאנען פון פילע העכסט אינטערעסאנטע ידיעות. ער האט דארט קיינמאל נישט גערעכט געגעבן פאר זייער פארטעמטע אידלאגיע, פארקערט גאר, ער האט געשריבן אז מצד שני לערנען געוויסע פון זיי ויואל משה, אין קורצן, עס איז געווען א רייכע און אינטערעסאנטע ארטיקל. און וואס האט מאמענט צוריקבאקומען דערויף? זאמד און שטיינער, א טוץ פון טענות...

פארשטייסט? איינער מיט א געשניטענע בערדל מעג מען נישט באשרייבן. איינער וואס איז א אגודה'יסט מעג מען נישט דערמאנען, און וואס זאל מען יא באשרייבן? לייבוש ליש? כ'מיין, וועם אינטערסירט עס? כ'רעדט נישט פון שרייבן איבער זייער השקפה, כ'רעדט פשוט אז מען קען נישט שרייבן סיי וואס - אחוץ אויב יענער גייט מיט א לאנגע רעקל און געקראזעלטע פיאות...

ס'גענוג.
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...
טעיסטערס טשויס
שר מאה
תגובות: 200
זיך איינגעשריבן אום: זונטאג אוגוסט 23, 2015 1:18 am
לאקאציע: אויפן צווייטן שטאק

  • ציטיר
  • צו לייגן א דאנק דארפט איר זיין אריינגעלאגט

תגובה דורך טעיסטערס טשויס »

א גוטע עצה איז אוועקצולייגן יעדע וואך אפאר דאלער און קויף יעדע חודש א ספר קריאה אין די בעסערע ספרים געשעפטן. די שרייבער לייגט אריין קאפ און מוח, ווייל ער מאכט צוריק אזוי זיין געלט.
איך פלעג אמאל קויפן די מאמענט, איך עקל מיך היינט פון דעם, 10 בלעטער מיט עדס, 5 מיט בעלי תשובה, 10 מיט געלט געלט און נאכאמאל געלט, 5 אויף אינטערוויאוס, אין די רעשט איז סתם שטותים און לאקשן.

ליין ספרים פון בנימין חינקיס, אברהם קןרמן, המודיע, תולדות פון אנשים ידועים. אייכלערס האט א גרויסע אויסוואל. גיי צו טוביהס פאר מער
אוועטאר
משה מאשקאוויטש
שר חמש מאות
תגובות: 853
זיך איינגעשריבן אום: מוצ"ש דעצעמבער 05, 2015 2:47 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה מאשקאוויטש »

טעיסטערס טשויס האט געשריבן:א גוטע עצה איז אוועקצולייגן יעדע וואך אפאר דאלער און קויף יעדע חודש א ספר קריאה אין די בעסערע ספרים געשעפטן. די שרייבער לייגט אריין קאפ און מוח, ווייל ער מאכט צוריק אזוי זיין געלט.
איך פלעג אמאל קויפן די מאמענט, איך עקל מיך היינט פון דעם, 10 בלעטער מיט עדס, 5 מיט בעלי תשובה, 10 מיט געלט געלט און נאכאמאל געלט, 5 אויף אינטערוויאוס, אין די רעשט איז סתם שטותים און לאקשן.

ליין ספרים פון בנימין חינקיס, אברהם קןרמן, המודיע, תולדות פון אנשים ידועים. אייכלערס האט א גרויסע אויסוואל. גיי צו טוביהס פאר מער

יא יא, אבער מען דארף ספעציעל אובאכט געבן ווען עס קומט צו די סארט געשעפטן, נישט פון אלעם איז רוח חכמים נוחה... (ספעציעל טוביה'ס... א שטוק ציונות, אמתע ציונות...)
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...
אוועטאר
אויסגערעכנט
שר ששת אלפים
תגובות: 6858
זיך איינגעשריבן אום: מאנטאג אוגוסט 10, 2015 9:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויסגערעכנט »

די מעלות איז היינט צו טאגס די רייכסטע אויסגאבע אין די היימישע מארקעט, מיטן זאגן רייך מיין איך נישט אסאך בולעטס און גאנס און צודרייטע איידיעס פון מענטשטן פון די אנדערע עק וועלט.
אוועטאר
משה מאשקאוויטש
שר חמש מאות
תגובות: 853
זיך איינגעשריבן אום: מוצ"ש דעצעמבער 05, 2015 2:47 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה מאשקאוויטש »

עס איז זייער רייך פאר איר סקעטע, אבער נישט פאר אלעמען איז עס אזוי אינטערעסאנט, איבערהויפט פאר יונגע ליינער.
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...
אוועטאר
מאכט סענס?
שר חמישים ומאתים
תגובות: 450
זיך איינגעשריבן אום: מיטוואך יאנואר 11, 2017 3:28 pm
לאקאציע: בין תנור לכיריים

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאכט סענס? »

די אינטעלעקטואלן וואס לעכצן פאר רייכע אויסגעהאלטענע ליין מאטריאל אין אידיש זענען ליידער א קליינע גרופע און ס'איז שווער יעדעם צופרידנצושטעלן כנ"ל, קען זיין דאס איז די סיבה אז אזוינס האט זיך נאכנישט אויסגעארבעט.
קען טאקע זיין אזוי, אבער איך מיין אז אויב וועט ארויסקומען א אינפארמאטיווע שיינע אויסגאבע, מיט רייכע ארטיקלן וועלן א ריזיגע פראצענט ליינער אריבערגיין צו דעם. נאך אלעם איז סאך אינטערעסאנטער א רייכע ארטיקל, ווי אן ארטיקל איבער א באבע וואס האט געחלומ'ט אז משיח קומט, און א דריטע וועלט מלחמה ברעכט אויס א ליאדע מינוט... און נאך אפפאל במקום ארטיקלן...
דאס איז חוץ מזה וואס איך מיין (ווי געשריבן אויבן) אז עס וועט צוקומען א ריזן פראצענט ליינער וואס ליינען יעצט אנדערע מער מאדערנע אויסגאבעס. אזוי אז לכאורה דארף אזא אויסגאבע זיין א סוקסעס.
אוועטאר
שמעלקא זאפטיגער
שר שלשת אלפים
תגובות: 3321
זיך איינגעשריבן אום: מאנטאג אוגוסט 15, 2016 3:19 pm
לאקאציע: איינגעטונקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא זאפטיגער »

איסר האטלקי האט געשריבן:
El Rushbo האט געשריבן:איין נקודה וואס איך האב נאכנישט געזעהן דא.

אז רוב היימישע מאגאזין לייענער זוכן ניטאמאל קוואליטעט, איך ווייס אז די אינטעליגענטע ניקים וואס זיצן אונטערן שרייב טישל וועלן נישט מסכים זיין, אבער דו"ק ותשכח וויפיל מער קאפיעס די מאמענט פארקויפט ווען זיי האבן א סענזעציאנאלע דעקל אנשטאט א 'אינטערסאנטן' דעקל.

הונדערט פראצענט גערעכט. דער אלגעמיינער גאס איז נישט נייגעריג אין קיין אינטערעסאנטע מענטשן. קאנסארוועטיוו אדער סענזאציאנאל וועט שוין יא רעדן ווערטער.


איך בין מחולק מיט דעם קאנצעפט.

די מאמענט קויפט מען פשוט ווייל עס איז נישט פארהאנען נאך אזא זאך, ממילא ווער עס וויל ליינען און האט נישט וואס כאפט זיך צו דערצו.

אמת, ער האט מעכטיגע רוישיגע גראפיק און האלב אויסגאבע באשטייט פון קעפלעך אנשטאט ארטיקלען, אבער לאמיר זיך איבערצייגן ווען עס וועט זיין א מער קוואליטעט געשטימטע אויסגאבע, וועל מיר דעמאחלט רעדן צו די עולם גלייכט מער אינהאלט אדער סענזאציע.

לעניות דעתי הנשגבה, איז מען נישט להוט נאכן מאמענט צוליב אירע קאנטערווערסיעס, נאר ווייל ער האט נישט קיין זאכליכער קאנקורענט.
די גאנצע שטאט פאר קיין דותן, אבער דותן איז געבליבן ביים ירח האיתנים. און שוין.
El Rushbo
שר האלף
תגובות: 1276
זיך איינגעשריבן אום: פרייטאג אקטאבער 31, 2014 10:34 am
לאקאציע: Almost Daily on MSNBC...

  • ציטיר
  • צו לייגן א דאנק דארפט איר זיין אריינגעלאגט

תגובה דורך El Rushbo »

לדעתי איז רוב עולם אומוויסענד און דעריבער אומאינטערסירט אין אינטעלעקטואלע און אפי' היטארישע טעמעס.

הרב שמעלקא, איר קוקט דאס אן פון אייער פערספעקטיוו אלץ געלערענטער (אין פארגלייך צום איבעריגן ציבור) און איר באטראכט דאס אלץ דער רוב פון מאגאזין לייענער.

שאר דיך צו עני גרופע אין בית המדרש און הער וואס מ'רעדט דארט.

אט איז א ליסטע פון די געווענליכע טאפיקס

1) געלט

2) דירות

3) לשון הרע

4) פאליטיק.

עפעס אויסגעלאזט ?

וועסט נישט הערן קיין אסטראנאמיע, אדער אפי' היסטאריע וכו' יא! איך ווייס אז ס'איז דא א מיעוט וואס לעבט און קאכט אין די זאכן, אבער ווייט נישט גענוג אויף צו פראדוצירן פאר זיי אן אייגענעם אויסגאבע.

דאס איז מיין טעאריע, איי מייט בי wראנג.


============
אגב, איך האב אלץ געוואוסט אז אידיש איז פון די ארימסטע שפראכן.
געווענליך ווען מ'האט אין אידיש איין וועג זיך אויסצודרוקן, פארמאגט געווענליך עטליכע אפציעס אין אידיש.

ניין ?
אוועטאר
שמעלקא זאפטיגער
שר שלשת אלפים
תגובות: 3321
זיך איינגעשריבן אום: מאנטאג אוגוסט 15, 2016 3:19 pm
לאקאציע: איינגעטונקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא זאפטיגער »

דיין נקודה איז נישט שלעכט הרב El Rushbo, אבער פארוואס רעדט מען נישט אסטראנאמיע? ווייל מ'קען עס נישט!

זאל עס א גוטער שרייבער צולייגן ביז יעדער פארשטייט עס, וועסטו זען ווי ביי קידוש לבנה באטראכט מען עס פון וועלכע זייט די לבנה שמייכלט.

עניוועי האב איך נישט גערעדט פון "מאכן געלערנט און אינטיליגענט דעם ציבור", מ'רעדט פון זאכליכע תוכנדי'גע ארטיקלען, נישט לופט און וואסער.
די גאנצע שטאט פאר קיין דותן, אבער דותן איז געבליבן ביים ירח האיתנים. און שוין.
El Rushbo
שר האלף
תגובות: 1276
זיך איינגעשריבן אום: פרייטאג אקטאבער 31, 2014 10:34 am
לאקאציע: Almost Daily on MSNBC...

  • ציטיר
  • צו לייגן א דאנק דארפט איר זיין אריינגעלאגט

תגובה דורך El Rushbo »

שרייב מיר א דוגמא פון א טאפיק, וואס דו קלערסט אז דער עולם גייט זיך פסמקעווען דערמיט.
להודיע
שר שלשת אלפים
תגובות: 3079
זיך איינגעשריבן אום: דינסטאג מאי 27, 2014 11:09 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך להודיע »

על ראשבאו איז הונדערט פראצענט גערעכט און מ'האט שוין מערערע מאל גערעדט דערפון דא. וויפיל מענטשן הערן אויס די טעם זקינים אינטערוויאס און וויפיל די מושי קרויס אינטערוויאס.

און ווי טעיסטער טשויס זאגט, ווער ס'וויל ליינען תוכן און ידיעות איז דא ב"ה אן אויסוואל פון געשמאקע ספרים און ביכער אויף א ריזיגע אויסוואל פון אינטעלעקטואלע און היסטארישע נושאים.

קיינער איז נאכנישט געווארן קיין ברייטער ידען פון די מאגאזינען און צייטונגען וואס דארפן זיך צושטעלן און קעיטערן די אלגעמיינע דומע באפעלקערונג.

נאך אן אומגעהויערע מעלה פון א ביכל וו. ס. א מאגאזין איז אז אן ארטיקל אין מאגאזין האט געדויערט צו פראדוצירן מאקסימום צוויי טאג, בעת אין יעדע ספר ווערט אריינגעלייגט חדשים צי גאר יארן פון פארש און שרייב ארבעט.
שרייב תגובה

צוריק צו “דעת הקהל”