נייע ישובים - לאנג טערמיניגע הצלחה

אלעס איבער נייע היימישע געגנטער

די אחראים: יאנאש,אחראי,געלעגער

דממה דקה
שר חמשת אלפים
תגובות: 5100
זיך איינגעשריבן אום: זונטאג מאי 28, 2017 7:00 pm

נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך דממה דקה »

איך האב היינט אפגעשטאט א באזיך אין לעיקוואד, אינעם סאטמאר'ן יישוב און אין די ארומיגע געגנט, צו ערשט איז צום באוואונדערן דאס שיינקייט פון די יישוב, די חסידישע געשמאק, די מה טובי אוהליך יעקב, די לעכטיגע חסידישע בא'חן'טע קינדער שפילן מיט אזא אחדות, און אזא ווארימקייט,

אין ענגליש איז דא אן אויסדריק victim of own success, צומאל קען די הצלחה פון א פלאץ אינטערשטעלן די תקלה, איך האב געזעהן הייזער און גערעדט צו בראקערס, פרייזן זענען שוין געשטיגן מיט 100-150 טויזענט דאלער, וואס איז דירעקט א תוצאה פון די סוקסעס און הצלחה פון די פלאץ, די דימענד פאר דעם יישוב איז גאר הויעך פיל מער ווי די סופליי, און די זעלבע מיט אנדערע יישובים ווי בלומינג-גראוו, עירמאנט, דשערזי-סיטי, לינדען, וכו' וואס צוליב די סוקסעס פונעם פלאץ איז די פרייזן געשטיגן, די פאזיטיווע זייט דערפון אז אינגעלייט וואס האבן זיך קוים צוזאמגעקראצט צו קויפן א הייזקעלע, און האבן קוים געקענט דארכשטיפן די טאג אין די שטאט, האבן שוין אן עקוויטי אין די הויז צו חתונה מאכן קינדער.

די פליפ-סייד איז אז וויבאלד די פרייזן זענען ארויף אזוי הויעך וועט עס אפשטעלן די וואוקס פון די געגנט, נעמליך די זעלבע אינגעלייט, די שלב א' שלב ב' וואלטן זיך נישט געקענט ערלויבן די פרייזן, יתכן אז אזעלכע אינגעלייט (די 99 פערסענט ווי בערני רופט עס) וועלן מער נישט צוקימען צום יישוב, און דאס קען ברענגן א שטיקל בראך פאר די בליענדע יישוב. (בלומינג-גראוו למשל האט אויך די פראבלעם אפילו ערגער, ווייל דארט איז בכלל נישטא קיין הייזער, אבער וויבאלד מוסדות זענען זיי אינטער קרית יואל וועט עס נישט אזויפיל שאטן, און ווי אויך וועלן הונדערטער עיקר לאנד בקרוב ווערן נייע טויזענטער הייזער, הגם איך ווייס נישט וואס די פרייזן וועלן זיין.

איך ווייס נישט וואס די סאלושן דערצו איז, אולי זאלן די קהילות צוזאמשטעלן מיט אידן נגידים און בויען אסאך הייזער פאר צוגענגליכע פרייזן, אדער דארף מען טראכטן פון אנדערע אלטערנאטיווע געגנטער.
צולייגער
שר שלשת אלפים
תגובות: 3762
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

קודם, יאך האב דיר געזעהן פון דערווייטנס, אבער געווען פון די רואים ואינם נראים. סייוויאזוי, ווילקאם צו לייקוואד.

צו דיין טענה, הגם מ'קען אנהייבן פוינטן פינגערס ווער עס איז שולדיג אינעם פראבלעם, אבער דאס וועט דאך גיין אין ענדלאזע צירקלען וועלכע וועלן עווענטועל זיך ענדיגן ביי א פשרה'לאזן חילוקי דעות צווישן טריקל אפ און טריקל דאון, וועלן מיר אבער זיך באציען בלויז צום טעכנישן חלק פונעם פראבלעם(?!).

איך זעה אין דיינע ווערטער א פשוט'ע שאלת חכם חצי תשובה. דו הייבסט אן אז דאס איז דער פאקט אין אלע היימישע געגנטער, און דו ענדיגסט צו "אפשר זאל מען אויפקומען מיט אלטערנאטיווע געגנטער". וואס מאכט דיר טראכטן אז אין די אלטערנאטיווע געגנטער גייט דאס נישט זיין דער פאקט?.

במציאות, אין יעדע איינציגע שטאט ווי היימישע אידן האבן זיך באזעצט אין די לעצטע צען יאר, איז דער פראבלעם גאנץ שנעל ארויפגעקומען אויפן אויבערפלאך. און הגם מען האט געקענט - נאך די ערשטע צוויי דריי פעלער ווי מען האט דאס געזעהן געשעהן - אננעמען אז "ווען אינוועסטירער וואלטן נישט געקויפט" און ווען "די רבנים וואלטן ווען אהער און דיינים וואלטן אהין", האט אבער יעדער איינער וואס קען אביסעלע מאטעמאטיק, און ער פארשטייט צום מענטאליטעט פון אונזער היימישן עולם, ווייסט גאר גוט פארוואס דאס איז דער מציאות...

מיר זענען מטופל בבנים ובבנות בלעה"ר, און דער וועג וויאזוי מיר זענען אויפגעוואקסן צווינגט אונז אביסל צו זיך פארלאזן אויפן ברייטערן כח הציבור.

מיר קענען נישט (איך זאג נישט אז ס'איז שלעכט, נאר פשוט אז דאס איז די מציאות) זיך באגיין אנע דעם וואס מיר זאלן וויסן אז עס איז דא א שוהל מיט א מקוה וואקינג דיסטענס, און טאקע וואקינג דיסטענס - נישט א דרייפערטל שעה אוועק. מיר מוזן האבן א גראסערי וואס האט פרישע ברויט יעדן צופריה, און חלב ישראל וואס גייט עקספייערן נישט פריער ווי צוויי וואכן ארום. און עולה על כולנה: מיר דארפן מוסדות פאר די קינדער - מיט טראנספארטאציע.

אהערצושטעלן א היימישע ביהמ"ד מיט א פרישע און זויבערע מקוה יעדן טאג, קאסט אסאך געלט. צו האבן א גראסערי וואס זאל האבן א געהעריגע פול ליין קאסט זייער אסאך געלט צו אינוועסטן און אויב איז עס נישט אין א געהעריגע געגנט ברויך מען האבן א אבנארמאל גרויסע קעש פלאו צו סערווייוון. מוסדות - מאן דכר שמיה, עס קאסט "מיליאנען" בלי גוזמא, ביז מען קען האלב סטאביליזירן דעם בודזשעט, און נדיבים גלייכן נישט, מילד גערעדט, צו לייגן געלט אויף אזא קרן הצבי סטייל האפענונג.

וואס באדייט אז מען מוז צוקומען צו א קבוצה ענטרעפענוערס, מענטשן וועלכע זענען גרייט צו סעקריפייסן זייער באקוועמליכקייט פאר עטליכע יאר, און וואוינען אין א האלב צעקאלעטשטע געגנט, מיט די האפענונג אז ביום מן הימים וועלן זיי זיין געסעטלט ווען אלע נאכשלעפער וועלן זיך נאך האלטן אינמיטן סעטלען.

פארשטייט זיך, אין ערגעץ אין אמעריקא איז נישט דא קיין טויזנט הייזער ליידיג - ווארטנדיג אויף א קבוצה חסידים. אין אלע א"ד געגנטער איז געווען א באשטימטע צאל הייזער ליידיג, יעדעס מאל פאר אנדערע סיבות, און נאטורליך וועלן די ענטרעפענוערס נעמען פון די הייזער, און זיך באזעסן דארט, שוויצן פאר אפאר יאר, און האפן אז צעביסלעך וועלן מער און מער מענטשן אנקומען.

ווי איז אבער ווען דער סוף הכבוד לבא קומט אן - היסטאריש געשעהט דאס אין א גאר קורצע צייט פון ווען מען אנערקענט אין די גאס אז די זאך איז מסודר ביז אלע עוועיליבל הייזער פליען אראפ פון די מארקעט - און מען דערזעהט זיך אן הייזער?! זייער פשוט... מען הייבט אן בויען פרישע הייזער. ווי איז אויב מען טאר נישט בויען ווייל די זאנינג ערלויבט נישט? הייבן די איינוואוינער אן צו פראיברן איינצונעמען דעם טאונשיפ און זאנינג באורד.

ווי איז ווען מען קען שוין אנהייבן בויען, נאר עס זענען פשוט נישט דא קיין גרייטע פלענס פאר פרישע הייזער און דעוועלאפמענטס? איז אזוי, אויב זענען דא שטחים און מען קען דארט בויען - נו, העט מען שוויצן צוויי דריי יאר, און ביזדערווייל הייבט מען אן בויען. אויב אבער זענען נישט דא קיין עוועיליבל שטחים, און מען דערזעהט זיך ארומגענומען מיט א חומה בצורה פון באוואוינטע געגנטער וואס די שכנים גייען נישט אין ערגעץ... דאן איז טאקע ביטער ווי א זית... און מען ברויך אויספראקן די וועלכע האבן פאנטאזירט אז מען קען האבן א געגנט - וואס פארמאגט פשוט נישט גענוג הייזער אויף ווען די ערשטע פופציג איינוואוינער וועלן חתונה מאכן זייערע קינדער...

קעיס אין פוינט - די הייזער אין לעיקוואוד זענען טייערער ווי מען וואלט געוואלט... ווייסט פארוואס? ווייל עס זענען נישטא קיין "הייזער", און ביז קאוויד האט מען נישט פאראויסגעזעהן אזא שארטעדזש אין אזא קורצע צייט. דאס האט געמאכט אז די וועלכע ווילן "יעצט" מופן, מוזן צאלן גאר גאר טייער. אבער... עס איז דא שטחים אויף שטחים, צענדליגער טויזנטער אקערלאנד פון שטחים אלל אווער אין די צען פופצן מייל ארום און ארום, וואס מען קען - און מען וועט - באזעסן, און עטאבלירן דארט היימישע געגנטער. אויב ווילט איר ווארטן, קענט איר ערווארטן פיל בעסערס בעז"ה, און אזוי אויך וועלן מיינע - און מיינע שכנים'ס - קינדער שיחי' האפנטליך האבן וואו צו וואוינען.

איי, קומט אפיר די מיליאן דאלערדיגע קשיא - נו וואס איז די מעשה ווען מען קען יא בויען? פארוואס זענען הייזער נאכאלס טייערער פון וואס די ערשטע האבן געצאלט? און אויב זאגסטו אז "די שפעטערדיגע צאלן מער", נו "פאר די געלט קען מען בלייבן אין וויליאמסבורג"???? איז דער תירוץ פשוט.

ריעל עסטעיט - שטייגט, נאטורליך יעדעס יאר.

לאמבער, שיטראק, שטאל - זענען געשטיגן עד לשמי מרום.

ווען מען האט אנגעהויבן בויען לעיקוואוד'ע דעוועלאפמענטס, איז דער מרחק פון לעיקוואוד'ס טאון הויז פרייז ביז א וומסב"ג'ע קאנדא געווען בערך זעכציג פראצענט טייערער. און יעצט, שרייבנדיג די שורות, איז דער פרייז ווען איינער נעמט א ליידיגע לאט אין א רעלאטיוו נאנטע געגנט צום היימישן געגנט, ווייטער די זעלבע רעשיא. ווייל, אנפארטשונעטלי, אין די זעלבע צייט, איז דער פרייז אין ברוקלין געשטיגן מיט די זעלבע אסטראנאמישע ציפערן, אן קיין רחמנות.

סאו, אויף די שאלה: וואו גייט מען ווייטער?! איז דער תירוץ: אויב ברענט דיר עס אויף יעצט - נישטא קיין עצה. אבער געדענק, די וועלכע האבן אהערגעשטעלט דעם געגנט (כ'רעד פון איבעראל, סעים גאוס טו בלומינג גראוו, בלומינגבערג וכדו') האבן געשוויצט און האבן אויך נישט געקענט האבן דעם הייזל זייערער די ערשטע רגע וואס זיי האבן געוואלט... סאו די בעסטע עצה איז, טוה וואס זיי האבן געטאן. אדער קויף א לאט, און בוי א הויז. אדער ווארט נאך א יאר ביז די פלוצלינגע שארטעדזש וועט זיך בארואיגן, און די פרישע דעוועלאפמענטס וועלן ווידער אנהייבן ארויסשפראצן.

און איך קען גאראנטירן, דא גייען זיין אפאר נייקומערס וועלכע וועלן נתעשר ווערן פון בויען דעוועלאפמענטס פאר די נעקסטע דזשענערעישאן. איר קענט דעסיידן צו זיין פון זיי...
געשטימט פאר ראשעק הול
לעיקוואד
שר האלף
תגובות: 1042
זיך איינגעשריבן אום: דאנערשטאג מאי 30, 2013 1:41 pm

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך לעיקוואד »

איך האב נישט יעצט קיין צייט צו לאנגע געשרייבעכצער אבער לעיקוואד איז קלאר נישט די שולד אז אינוועסטירער האבן ארויפגעריקט די פרייזן, 90 פראצענט אדער אפילו מער הייזער ווערט פארקויפט פון דעוועלעפאר דירעקט צי די ענד יוזער.

די סיבה איז ווייל לעיקוואד האט באקומען מער פון סיי וועלכע געגענט די קאראנע עפעקט, די אלע בחורים און אינגע קאפלעך זענען געקומען קיין לעיקוואד אנשטאט א"י, ווי אויך גרעסערע משפחות זענען מער געקומען דא ווי סיי ווי.
אגב, קאראנע האט געראטעוועט די אלע וואס האבן נישט געקענט פארדינגען זייער בעיסמענטס.

יעצט די דעוועלעפארס ווילן אויך נישט יעצט קויפן ליידיגע שטחים, פאר טייער און בויען מיט די ריזיקע אז ווען זיי קענען עס ארויסלייגן אויפן מארקעט וועט שוין זיין נאך קאראנע, און א"י וועט שוין זיין אפען געהעריג, וואס דאן וועט זיך צוביסלעך סעטלען די מארקעט.
metsboy
שר חמש מאות
תגובות: 562
זיך איינגעשריבן אום: פרייטאג מארטש 16, 2007 3:34 am

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך metsboy »

לעיקוואד לכאורה גייט קיינמאל נישט ווערן טייער, עס איז דא unlimited שטחים ארום.

יעצט איז נאר וועגן קאוויד
צולייגער
שר שלשת אלפים
תגובות: 3762
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

metsboy האט געשריבן:לעיקוואד לכאורה גייט קיינמאל נישט ווערן טייער, עס איז דא unlimited שטחים ארום.

יעצט איז נאר וועגן קאוויד

אין צענטער פון שטאט איז געווארן טייערער, און וועט קיינמאל נישט אראפגיין צו סאך.
כהיום איז אין טשאלנט טאפ פון סאוט לעיקוואוד (פון אוק סטריט ביז סיגועל סקווער, ביז אפאר טויזנט פיס אריין פון רט. 9, אויף ביידע זייטן) אויך טייערער ווי אמאל, און וועט נישט אראפגיין צו סאך.
וואס יא, די געגנטער אביסל ארויסצוה, ווצב"ש טשעסטנאט נענטער צו ניו העמפשור, אדער קראסס סטריט אראפ - נענטער צו דזשעקסאן, און אפגערעדט טיפער ארויס פון געגנט (טאמס ריווער און דזשעקסאן - נישט נעבן די דעוועלאפמענטס, און מאנטשעסטער) וועט אי"ה זיין ביליג - ביז עס וועט ווערן א אנגעפולטע געגנט. און דאן... וועט מען ברויכן גיין נאך ווייטער.

אין איין ווארט - אין געגנט וועט זיין טייער, אינדרויסן וועט זיין ביליג. אויב ווערט דארט אנגעפילט (לייען: דארט ווערט 'די געגענט') מוז מען זיך ארויסציען, אדער צאלן טייערער.
געשטימט פאר ראשעק הול
metsboy
שר חמש מאות
תגובות: 562
זיך איינגעשריבן אום: פרייטאג מארטש 16, 2007 3:34 am

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך metsboy »

Correct
דממה דקה
שר חמשת אלפים
תגובות: 5100
זיך איינגעשריבן אום: זונטאג מאי 28, 2017 7:00 pm

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך דממה דקה »

צולייגער האט געשריבן:כהיום איז אין טשאלנט טאפ פון סאוט לעיקוואוד (פון אוק סטריט ביז סיגועל סקווער, ביז אפאר טויזנט פיס אריין פון רט. 9, אויף ביידע זייטן)

רוף עס סאוט 9...
צולייגער
שר שלשת אלפים
תגובות: 3762
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

דממה דקה האט געשריבן:
צולייגער האט געשריבן:כהיום איז אין טשאלנט טאפ פון סאוט לעיקוואוד (פון אוק סטריט ביז סיגועל סקווער, ביז אפאר טויזנט פיס אריין פון רט. 9, אויף ביידע זייטן)

רוף עס סאוט 9...

לייק!! לאז נאר די מאריכואנא אויף די 'עכטע' סאוט 9...
געשטימט פאר ראשעק הול
צולייגער
שר שלשת אלפים
תגובות: 3762
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

גראדע איז יעצט (עטליכע מינוט צוריק) ארויף אויף די מארקעט א פרי-קאנסטראקשן הויז אין סאמע שמעלץ טאפ פון אוק ענד וויין, זאגאר א קארנער הויז, פאר עטליכע צענדליגע אלפים ביליגער ווי די פאר אוק ענד וויין הייזער וואס זענען יעצט געגאנגען. עס פראווט נאכאמאל מיין פוינט: פארטיגע הייזער (אק"א קומען צום גרייטן) קאסט מער. אויב דארף מען די קאנוויניענס, ברויך מען ארויפצאלן.
געשטימט פאר ראשעק הול
לעיקוואד
שר האלף
תגובות: 1042
זיך איינגעשריבן אום: דאנערשטאג מאי 30, 2013 1:41 pm

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך לעיקוואד »

אין צענטער פון שטאט איז כהיום דא עטליכע פעקטארס אין די הויכע פרייזן לגבי רענטעלס, וואס דאס האט אן אפעקט פאר קויפן.
1) ווי לאנג במ"ג איז די בית מדרש ווי טויזענטער אינגעלייט ווילן לערנען במשך די טאג, לוינט זיך פאר זיי צו זיין ווי נענטער דערצו, פשוט ווייל אזוי דארף מען נישט האבן 2 קארס, און דאס אליינס שפארט אפאר הונדערט דאלער א חודש.
2) שוין נישט דא כמעט ווי צו בויען, ממילא יעדע הויז וואס ווערט עוועילעיבל ווערט צוכאפט תיכף.
3) קאראנע האט אהערגעברענגט זייער אסאך חסידישע בחורים, וואס וואלטן געפארן קיין א"י. דאס האט זיך שוין עכט אנגעהויבן פאר קאראנע במתי מעט, אבער קאראנע האט עס נאר געמאכט אסאך מער און מער אנזעהבאר, ממילא די בחורים רוקן נאר ארויף די פרייזן אין לעיקוואד אנשטאט ארויפריקן די פרייזן אין מאה שערים. זיי פילן דא זיך פונקט ווי אין אר"י בלי לחץ, ווי אויך האבן זיי נישט די פרעשור פון מחותנים וכו' עס איז כמעט נישט דא די סארט חסידישע אינגעלייט אין די געגענט, טיפיקעל ירושלים.

זיי זענען דא מיט די טאטעס קרעדיט קארד, עסן נעמט מען פון די באקסעס און די איבעריגע קויפט מען דא און דארט וכו' און נאכדעם טרעפן זיי א שטיקל דזשאב דא און דארט האבן זיי שוין נאך געלט צו קענען ספענדן און דאס האט אן אפעקט אויף אלעס ארום.

סיי זיי נעמען די בעסערע דירות, און זיי אפפערן מער און דאס מאכט מער מענטשען וויליג צו פארדינגען די בעיסמענטס פאר זיי, בלייבט ווייניגער פאר בעיסמענטס פאר אינגעלייט.

(אגב פערזענליך האלט איך איז נאך אלץ בעסער פאר די עלטערן אז די בחורים זאלן קומען קיין לעיקוואד ווי איידער אר"י סיי עס איז ביליגער און סיי ברוחניות, די שאלה איז צו עס וועט בלייבן די טרענד אזוי).

איינמאל א ליטווישע אינגערמאן דארף שוין האבן צוויי קארס ווייל ער וואוינט שוין צו ווייט פון זיין בית מדרש, קען ער שוין גרינגער גיין ווייטער ארויס פון געגענט, און ער וועט נישט צאלן צי סאך מער פאר א בעיסמענט פון איין געגענט ווס. אנדערע געגענט.

לגבי אוק ענד וויין יעצט איז טאקע דא בעיסמענט פארדינגען פאר בחורים, אבער די זענען ע"פ רוב אזאלכע בחורים וואס זענען דארט צוליב א בית מדרש/ישיבה, וואס זייער מעגליך נאך קאראנע וועלן זיי גיין קיין אר"י. און אויך פילן טייל בחורים דארט די לחץ, ווייל עס איז די זעלבע ווי ב"פ/וומסב"ג, חסידישע אידן, וואס יעדע שדכן/מחותן האט א ברודער/משפחה וכו'.
לייקוס
שר מאה
תגובות: 168
זיך איינגעשריבן אום: זונטאג מארטש 22, 2020 10:45 pm
לאקאציע: לעיקוואד

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך לייקוס »

נקודה מן הצד,
גאנץ ניו דזשערסי ליידט יעצט פון א ריזיגע שארטעזש פון הייזער,די סאבערבין מארקעט ברענט, מענטשען שטייען אויף לאנגע ליינס ביי אפען האוזעס, און הייזער גייען אסאך העכער וואו עסקינג.
סיי און נאורט דזשערסי און סיי און די סאוט.
קוואל וואסער
שר האלף
תגובות: 1152
זיך איינגעשריבן אום: דאנערשטאג אקטאבער 04, 2018 5:44 pm

Re: נייע ישובים - לאנג טערמיניגע הצלחה

  • ציטיר
  • צו לייגן א דאנק דארפט איר זיין אריינגעלאגט

תגובה דורך קוואל וואסער »

סי אזוי אין גאנץ אמעריקע יעצט
אם אסק שמים שם אתה - ואציעה שאול הנך
שרייב תגובה

צוריק צו “ישוב העולם - דירות און ישובים”