הערליכע מלוה דמלכא און אסיפה כללית בק"ק קענווי איילענד פארגאנגענעם מוצש"ק פרשת תרומה איז אפגעראכטען געווארען דעם צענטראלען 'גענעראל פארזאמלונג' אינאיינעם מיט א הערליכען מלוה מלכה פאר אלע תושבי קהלה קדושה קענווי איילענד אין שפיץ פון די רבני הקהלה וועלכע האבען באשיינט די אויווען אן צווישען זיי: הגאון רבי ישראל מאיר פאללאק שליט"א דומ"ץ הקהלה, הגאון רבי אשר מרדכי ערלאנגער שליט"א, הגאון רבי משה ארי' ראזענבערגער שליט"א, הגאון רבי אברהם חיים גאלדמאן שליט"א רב ביהמ"ד בשכונת לאנג ראוד, הגאון רבי אנשיל היילפרין שליט"א ראה"כ וויזניץ ומרבני ועד העירוב דקהלת קענווי, הגאון רבי שמואל פרענקל מב"ח שליט"א ר"מ בישיבת תו"ח לונדון, ובראשם די חשובע נואם הכבוד הגאון הגדול רבי אליעזר שלמה בענעדיקט שליט"א מרביץ תורה ור"מ בלונדון.
ספעציעל האבען זיך משתתף געווען די הנהלה און די עסקני המוסדות צווישען זיי הרה"ח הנגיד המרומם מוה"ר יהושע חיים שטערנליכט שליט"א, הרה"ח ר' יעקב פריעדמאן שליט"א הרה"ח ר' אברהם הכהן שפיטצער שליט"א, הרה"ח ר' בעריש לויפער שליט"א, הרה"ח ר' מרדכי בענעדיקט שליט"א, הרה"ג ר' יוסף בענעדיקט שליט"א, הרה"ח ר' מרדכי יעקב בערגער שליט"א און הרה"ח ר' יואל דייטש שליט"א וואס איז לעצטענס גאר שטארק אקטיוו און שטייט בראש ההנהלה אין לאנדאן, און הרה"ח ר' שלמה הערש שטויבער און הרה"ח ר' משולם ראזענבערג שליט"א און נאך.
די סעודה איז ארגנאזירט געווארן דורך הרב ר' יואל גראססבערגער הי"ו אינאיינעם מיט די חברי הנהלת הקהלה והמוסדות אין קענווי איילענד וועלכע האבען זיך אוועקגעגעבען אין די לעצטע פאר וואכען מסדר צו זיין אלעס זאל זיין צוגעשטעלט מיט א אנגעפילטען פראגראם ווי מען האט אויסגענוצט די געלעגנהייט מיטצוטיילען פארן חשובען ציבור תושבי העיר די פעולות הקהלה והמוסדות.
ביים באשטימטן זמן האט זיך דער נאנט צו 100 באטייליגטע זיך געוואשען צום שיינעם סעודה ווי מען האט פארברענגט באחדות און מען האט געשמועסט בסיפורי צדיקים, און געזינגען זמירות באגלייט מיט פידל געשפילט דורך הרה"ח ר' פנחס ווייסמאן שליט"א וואס האט מהנה געווען דעם ציבור.
איינגעלייטעט דעם מסיבה האט דער חשובע יושב ראש הרה"ח ר' אברהם יהושע קרויס שליט"א חבר הנהלה וממייסדי הקהלה וואס האט מיט קורצע ווערטער באגריסט די באטייליגטע און באדאנקט די רבנים און חברי הקהלה פון לאנדאן וואס האבען זיך מטריח געווען אריבערצוקומען צום מלוה דמלכא ובראשם דער נואם הכבוד הגאון ר' אליעזר שלמה בענעדיקט שליט"א און עקסטערע באגריסט דער מייסד און פטרון הקהלה הרה"ח הנה"מ ר' יהושע חיים שטערנליכט שליט"א און אויסגערופען איינער פון די חשובע עסקני הקהלה הרה"ח ר' שמחה עליאס שליט"א מרביץ תורה בק"ק קענווי איילענד צו איבערגעבן דער דבר הקהלה.
נאכן איבערגעבן אין קורצען דער ציל פונעם מלוה מלכה, נאכדעם וואס דער שטאט שטייט שוין איבער צוויי יאר און טראץ וואס די מייסדים האבען זיך געטרויערט אריינצושפרינגען אין אזא אונטערנעמונג פון מייסד זיין אזא שיינע שטאט און קהלה, האט זיך גאר שטארק אויסגעפעלט פילע פרישע כוחות און אין די לעצטע וואכען האבען זיך די חברי הנהלה אינשפיץ פון הרה"ח ר' יואל דייטש שליט"א זיך אריינגעלייגט בלב ונפש מטכס עצה צו זיין ארויסצוהעלפען די ביז יעצטיגע עסקנים.
דערביי האט ער געמאלדען א רייע פון פרישע פעולות וואס זענען געטון געווארען ווי מ'האט אוועגעשטעלט די מוסדות עקסטער פון די קהלה, יעדער מיט א באזונדערע אחראי און הנהלה. אויך האט ער געמאלדען די התמנות פין הרה"ח ר' יואל קרויס וואס וועט שטיין צו די האנט פון די מנהל גשמי הרה"ח ר' סנדר גראס הי"ו. ווי אויך האט ער אויסגערומט לשבח די ארגענאזעציס וואס האבען זיך אוועקגעשטעלט ווי ועד העירוב, אבות ובנים, חברת תהלים, צרכי שבת, און חברת קביעין ללימוד התורה ברבים און נאך, אויך האט ער געמאלדען טאקע די נייע חברי הועד פאר די ביהמ"ד וועלכע וועלן שטיין גרייט צו הערן הערות און מיטהעלפען מיט די גבאים און הנהגת הביהמ"ד.
דאן האט גענומען דאס ווארט דער חשובע נואם הכבוד הגאון ר' אליעזר בענעדיקט שליט"א אנגעהויבען מיט הקדמות פון מדרשים און מאמרי חז"ל וספרים הק' איבער דער חשיבות פון מייסד זיין א ביהמ"ד און א קהלה, און די יסודות וואס עס פעלט זיך אויס און בעיקר איבער דער פליכט און אחריות וואס עס ליגט אויף יעדע יחיד מיטצוארבייטן מיט וואס ער קען נאר און זען אז עס זאל זיך טאקע אוועקשטעלן א ערליך שטעטל.
צום שלוס האט הרה"ח ר' יואל דייטש שליט"א געבענטש און דער עולם איז אהיימגעגאנגען מיט פיל חיזוק און האפען עס זאל ווייטער בליען די קהלה לשם ולתפארת.
- unnamed.jpg (714.07 KiB) געזען 14061 מאל