מוזיק באנד האט געשריבן:צולייגער האט געשריבן:מוזיק באנד האט געשריבן:לאמיר זאגן א לאנג טערם סעלאושן איז געווען א חלום, אבער עכ"פ נישט ביז א 2 יאר זאל שוין גארנישט זיין צו באקומען
הגם עס שיינט ווי נישט דער עתיד פון די לעיקוואוד'ע אינגעלייט שטערט אייך, אבער טו סעט די פעקט סטרעיט... גאנצע זעקס יאר נאכן אנהייבן דעם פראיעקט, זענען נאך געווען גענוג און נאך דירות פאר כמעט די זעלבע פרייז ווי אנהייב אן, ואין איש שם על לב. אלזא, ס'איז נישט קיין צוויי יאר.
און יא, עס שמעקט מיר גאנץ גוט אז די וועלכע טרייען צו מאכן א גרינגען טאלער אויפן חשבון פון די 'אומפאראנטווארטליכע הנהלת הקהילה', כאפן זיך א מינוט שפעט אז זיי האבן פארשפעטיגט דעם שיף.
א עתיד פון א נייעם ישוב וואס מ'דארף אלעס אויפבויען פון דאסניי מיינט א שטייגער ווי בלומינבערג, יארן שפעטער ווען מענטשן באקומען א חשק אהינצוגיין זאל מען האבן ווי זיך אויסצושפרייטן, דו קענסט זיכער זיין אז מהרי"י מ'סאטמאר וואלט קיינמאל נישט אהינגעשיקט א רב מיט מענטשן ווען נאך אזא קורצע צייט מיט אזא קליינע ציבור איז נישטא ווי זיך אויסצושפרייטן
ווי אסאך אנדערע טריי איך אויסצופיגערן וואס אויף גאט׳ס ליבע וועלטל דו ווילסט צוקומען צו.
ווילסט האבן טענות אויף איינעם?
איינער האט דיר פערזענליך עפעס צוגעזאגט?
דו ביסט בא כוחם פון די יונגעלייט אין לעיקוואוד?
דו האסט געוואלט קויפן דא פיר יאר צוריק און יעצט קענסטו נישט?
דו ווילסט אנהייבן א פרישע געגענט אין לעיקוואוד און דו ווילסט אויפטרייבן מאמענטום?
דו ווילסט מתקן עולם זיין במלכות שקי?
דו ווילסט קיעפן קאמפאני פאר די לעיקוואודער יונגעלייט וועלכע גייען פריער שלאפן ווי די וויליאמסבורגער?
כ׳מיין וואס ווילסטו דא זאגן?
ווען מ׳האט אנגעהויבן בויען לעיקוואוד איז געווען ביליג מיט ריזיגע שטחים ארום
יארן יארן יארן אוז מען געשטאנען און אויסגעגעבן הונדערטער אלפים אין אדווערטייזמענטס און מארקעטינג און עס האט זיך געריקט דריי דירות פער יעדע 6 חדשים
ווער געדענקט נישט ווי ״עטליכע יאר״ נאך וואס מ׳האט שוין געוואוינט דארט זענען געשטאנען גאנצע גאסן אין סאטמאר ליידיג און מ׳האט געווארט אויף א צענטן וועלכע האבן זיך קוים אויסגעקראצט
יעצט ממש די לעצטע יאר שוין נאך קאראנע זענען אויסגעקויפט געווארן די לעצטע פארבליבענע דירות ווען די מוסדות האבן זיך אויסגעארבעט און די שול האט זיך הערליך פארענדיגט און די אלע וואס קומען צו שלחן עורך זענען ב״ה אנגעקומען
אינצווישן האט מען ארויסגעריקט נאך צוויי קלענערע דעוועלאפמענטס און ביידע זענען פול
אינצווישן האט סאטמאר אפגעקויפט צוויי ריזיגע מוסדות בנינים מ׳רעדט פאר א קיימא לן פון 15 מיליאן דאלער און דערגרייכט וואס פאר אנדערע מוסדות נעמט צענדליגער יארן אנצוקומען צו מיט מוסדות פון נוירסערי ביז די טאפ סיי ביי די יונגלעך און סיי ביי די מיידלעך
יעצט ויהי אחרי מגיפת הקאראנע איז געווארן א ביטערע שארטעזש אין לעיקוואוד פון דירות איבעראל, סאטמאר, בעלזא, וויזניץ, כלל חסידי, איבעראל איז לאקד לאקד, און סאטמאר האט נישט אויף די מינוט פרישע דירות - וואס איז געווען צו באקומען ביז ממש לעצטנס אויפן מארק ברייט און באקוועם
יא, יעצט האבן די אלע גליקליכע יונגעלייט וועלכע האבן געטון צו די זאך גענוג באצייטנס און נישט גע׳בטל׳ט דו צייט מיט פלעטקען אויף אייוועלט מרוויח געווען אז זיי האבן 3 מאות עקוויטי ביי די האנט, גוד פאר דעם!!
וואס וועט זיי אויפן עתיד? מאנכע האבן שוין ערווענט, עס איז דא טויזנטער טויזנטער עיקערס אין די ארומיגע געגענטער וואס גייען אויפגעבויעט און דעוועלאפט ווערן און עס גייען זיין דירות צו באקומען און סאטמארער יונגעלייט וועלן האבן גענוג און נאך וואו צו קויפן.
ועל כולם: ניי לעיקוואוד ווערט מער און מער ווי אנדערע אידישע געגענטער וואו מ׳וואוינט היימישע מענטשן פון אלע קהלות האנט ביי האנט, מיט אלע מינע געגענטער פאר אלע סארטן, און יעדער טרעפט זיך דאס פלאץ דארט וואו אים איז באקוועם און קהלה, מוסדות, בנינים האט מען ב״ה פון צענטראל סאטמאר וואס איז שוין סוקסעספול אוועקגעשטעלט ב״ה אין לעיקוואוד אלס פארטיגע מציאות.
נאך עפעס שווער?
נאך עפעס שווער?