הארץ פראבלעמען

[ענדע צדיק!]

בס״ד


רבוש״ע כשר מיין הארץ
אבער נישט מיט הייס וואסער
רבוש״ע דערווארעם מיין הארץ
מיט א הייס גלעזל וואסער

רבוש״ע גלי אויס מיין הארץ
אבער נישט מיט פייער
רבוש״ע צינד אן מיין הארץ
מיט הייליגע פייער

רבוש״ע הייל אויס מיין הארץ
פון אירע רצונות
רבוש״ע הייל אויס מיין הארץ
מיט שאיפה און רצונות

רבוש״ע ברעך אויף מיין הארץ׳ס
פארריגלטע טויערן
רבוש״ע פארבוי מיין הארץ
מיט פעסטע מויערן

רבוש״ע פארשטייף מיין הארץ
זי זאל קענען פארנעמען
רבוש״ע צולאז מיין הארץ
זי זאל זיך קענען פארנעמען

רבוש״ע אפעריר מיין הארץ
פון פארשטאפונג באפריי איר
רבוש״ע אפעריר מיין הארץ
אירע לעכער פארניי איר

רבוש״ע שווענק אפ מייין הארץ
אבער אן שארפע קעמיקאלן
רבוש״ע, שווענק אן מיין הארץ
מיט רייכע מינעראלן

רבוש״ע טרונק אן מיין הארץ
פון איר טרוקעניש
רבוש״ע טרוקן אויס מיין הארץ
פון נעפל און שטיקעניש

רבוש״ע עס איז קראנק מיין הארץ
א רפואה טרעף איר
רבוש״ע מאך קראנק מיין הארץ
צו ליבן דיר

רבוש״ע פלאם אויף מיין הארץ
צו דיר א חמדה
רבוש״ע פארלעש אין מיין הארץ
גלוסטעניש פרעמדע

-

מיין הארץ, מיין הארץ
עס קלאפט מיר די ברוסטן
מיין הארץ, מיין הארץ
וואס טוסטו גליסטן?

-

רבוש״ע,

מיין הארץ איז צומישט
פול מיט סתירה
כ׳בין שוין באלד נישט
א בעל בחירה

רבוש״ע,

מיין הארץ באטראכט עס
ווי ווייעך און צארט
און זעה אויך וואס מאכט עס
אזוי שטייף און הארט

רבוש"ע,

מיין הארץ אזוי קאמפליצירט
אפערירט דארט אין מיר
אבער ווערט געפירט
דורך איר מייסטער אינדזשעניר

[יצחק אייזיק]

דערווארימט מיין הארץ!!

[קו הישר]

Wow wow wow

[הקולמוס שלי]

דזשאסט וואו!

הערליך, לעכטיג!

האסט מיר געגעבן א דאזע חיזוק!

[חנה דוד]

זשאסט געפיל!!

עס שטעכט מיך....

[יעקב פריינד]

געהעריג CPR אויפן הארץ!

טאלאנט איט איז!

[ארויף]

הערליך

[חלקי]

אוי מיין הארץ, מיין הארץ, מיין הארץ...
מורא׳דיג!

[דרייטצעך]

א הארץ שפירט א הארץ...

געניאלע קעפלעך דער...

[היסטאריש]

זייער ווארעם… טאלאנטפול.
ש'כח ענדע!

אוי רבוש"ע שלעף איין מיין הארץ
שלעכטס נישט אינטערעסירן
רבוש"ע וועק אויף מיין הארץ
צו דיר נאנט זיך שפירן

[ענדע צדיק!]

אוי רבוש"ע שלעף איין מיין הארץ
שלעכטס נישט אינטערעסירן
רבוש"ע וועק אויף מיין הארץ
צו דיר נאנט זיך שפירן

שיינע הוספה! ייש״כ

[חושב מחשבות...]

[טינטיג]

דברים היוצאים מן הלב!!
הערליך!!

[טינט]

דברים היוצאים מן הלב!!
הערליך!!

@ענדע - הערליך!!!!!!!!!


@טינטיג - לויף ארויס פון פאעזיע פארום, ברענגסט מיר ארויף די בלוט אין קאפ.....

[טינטיג]

דברים היוצאים מן הלב!!
הערליך!!

@ענדע - הערליך!!!!!!!!!


@טינטיג - לויף ארויס פון פאעזיע פארום, ברענגסט מיר ארויף די בלוט אין קאפ.....

זעמיר אין העווי סירטש פאר א נייע ניק ...

[יו עף או]

דערווארימט מיין הארץ!!

[תינוק]

הארציג ביז גאר. טאלאנטפול לייק קרעיזי.

[כינור]

ענדע בתפארתו. א פיוט! דיינע אייניקלעך אין הונדערט יאר ארום וועלן זיך טשאטשקען מיטן זיידענס פענע.

[קלמן יאסעלע]

מורא'דיג מורא'דיג!

[נשמה]

wow wow, הערליך שיין. ענדע, דו ביסט גוט. ס'איז עפעס גאר הערליך, איך האב עס זייער ליב. ש'כח.

[טישטוך]

פארוואס זעה איך דאס נאר יעצט? לאמיר פרובירן מיטפארן מיטן הערליכן שטראם. (עפעס א שפאגל נייע מעלאדיע שפילט אין מיין קאפ ביים ליינען די שורות; די ווערטער שרייען א ניגון).

רבש״ע שפאר אויף מיין הארץ,
נישט מיט אייזערנע צוואנגען,
רבש״ע פארשליס מיין הארץ,
פאר וואס ס׳מעג נישט באלאנגען.

רבש״ע כ׳וויל דערכאפן דאס הארץ,
מיט דיין אומבאגרעניצטע ליבשאפט,
רבש״ע כ׳וויל זיך כאפן ביים הארץ,
זיך אפצוהאלטן האבן דעם קראפט.

רבש״ע צוטייל מיין הארץ,
די שלעכטס פארוויש מעל פניך,
רבש״ע פאראייניג מיין הארץ,
לאהבה וליראה את שמך.

רבש״ע שלעף איין מיין הארץ,
ווען זי רוישט נישט לעשות חוקיך,
רבונו של עולם וועק אויף מיין הארץ,
לעורר לבי לאהבתך.

רבש״ע זיי נישט בוחן מיין הארץ,
ווען צווישן שאף איך בין דער זאב,
רבש״ע מעסט נאר מיין הארץ,
ווען איך פראווע מיין עבודה שבלב.

רבש״ע דערפריי שוין מיין הארץ,
ווען אין זומפ מיינע פיס שטעקן בלייבן,
רבש״ע דערפריי מער מיין הארץ,
ווייל נאר דיר טוה איך דינען און גלייבן.

[ענדע צדיק!]

wow @טישטוך, א הערליכע הוספה!

[היסטאריש]

wow @טישטוך, א הערליכע הוספה!