כבי הילולא דמיא - שטומפיג שר האלף.

א סוב-פארום ספעציעל פאר פאעזיע און פיוטים

די אחראים: אחראי, געלעגער

שטומפיג
שר האלף
תגובות: 1273
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

כבי הילולא דמיא - שטומפיג שר האלף.

תגובהדורך שטומפיג » מיטוואך יוני 03, 2020 1:37 am

וזאת הברכה אשר ברך שטומפיג את בני אייוועלט לכבוד זיין טויזנטסטע תגובה.

זיץ איך אויף מיין פלאץ,
אין חתונה זאל,
א זאץ אויף א זאץ,
שמועס פארט ווי נארמאל.

די נושא'ז אינטרעסאנט,
אהין צוריק קריטיק,
די געשעעניש פון היינט,
א שווערע פאליטיק.

ברודער און שוואגער,
יעדער נעמט א מיינונג,
יעדער איז א זאגער,
אויך אויב מ'האט קיין איינונג.

ביים דערנעבנדיגן טיש,
אויכעט מ'רעדט,
לעבעדיג און פריש,
אבער א צווייט מענטאליטעט.

דארט זיצט חתן צד,
אן אנדער סארט שיחה,
דערהויבענע יונגעלייט,
צוויי שוין מיט סמיכה.

די שמועס צאמגעקלעבט,
פון ידיעות הספר,
יעדער דערין לעבט,
לייגט עפעס צו מיט אייפער.

א טיש א דריטן,
מחותן'ס חברים,
אין א ביזנעס שמועס א גוטן,
בכלל נישט קיין גרים.

סטאקס און באנדס,
גרין און רויט,
קלעימס און ריפאנדס,
מארקעט לעבט מארקעט טויט.

איך טוה עס אנאליזירן,
אזוי אנדערש די אינטערעס,
וואס מיר טוט אינטערעסירן,
יענער קאלדנט קעיר לעס.

אנדערש אין אנשויען,
אנדערש אין מחשבה,
איך קען נישט בויען,
קיין שום גזירה שוה.

פלוצלינג מ'קען פילן,
ס'ווערט א פעסטע טויש,
די מוזיק נעמט זיך שפילן,
אן אינטראו גערויש.

בענקלעך פארפאקט,
טישן פארטראגן,
צוצוטאנצן צום טאקט,
יעדער נעמט זיך יאגן.

נישט מ'קלייבט נישט מ'קוקט,
ווער ס'זענען די צוויי שכנים,
נאר די רינג פאראויס מ'רוקט,
צו טאנצן אינאיינעם.

שטיי איך מיר דארטן,
און אן לשון אויפן צונג,
מענטשן אלע סארטן,
טאנצן אין איין רינג?

איך קען נישט שפינען די וואונדער-ווערמל,
ווייל מיין שוואגער אדורך גייט,
כאפט מיר אן ביים ערמל,
און אין רינג אריינגעדרייט!

***

איך ווייס נישט אפילו,
צו ס'א בבלי אדער ירושלמי,
שטייט אבער אז ווי א הילולא,
איז דומה האי עלמא.

קיינער וועט נישט בייגן,
אין געווענליכע אומשטענדן,
אן אויסנאם לייגן,
איבער זיינע אגענדע'ן.

א ליסטע מיט פרעפערענצן,
זענען גורם א שניט,
מיינונג דיפערענצען,
אויף אלעס וואס יענער טוט.

ראסע און אפשטאם,
וואוינארט און קולטור,
ריח און טעם,
מהות און נאטור.

חסידות און פארטיי,
פירונג אייגנארטיג,
באשעפטיגונג און האנדלעריי,
און די ליסטע איז נישט פארטיג.

אין אייוועלטל פארהאן רייעס,
אויך אזוי ענליך גייט עס,
איינער זיצט אין נייעס,
איינע ביי ועל פליטת.

פארהאן ווער ס'וויל דעבאטירן,
פארהאן ווער ס'וויל ארומהענגען,
דער טוט אין קרעטשמע שפאצירן,
דער צווייטער דרייצעך אין פארברענגן.

טראכט איך מיר אריין,
איך שפעקוליר,
איז מעגליך ס'זאל עפעס זיין,
אלע אינאיינעם ברענגען אפיר?

אבער יודן הערט זיך איין,
שפיצט זיך אן די אויערן,
איך וויל ענק מגלה זיין,
די זאך איז נישט פארלוירן.

ווארט מיט אביסעלע געדולט,
כד מטיא ישועתא,
די שופר'ס מוזיק צושפילט,
פאר יעדע סארט יעדע ראסע.

פון מצרים פון אשור,
בוכארישע אפשטאמען,
אינאיינעם זיך מקשר,
מיט אמעריקאנער און יוראפ'ער צוזאמען.

קיינעם געבן א קימער,
מיט וועם ער טאנצט,
קענסט האלטן וואס אימער,
יעדער אייניג גלאנצט.

פאר אלע בני לאה ורחל,
אחים ורעים,
עתיד לעשות מחול,
והוא יושב ביניהם.

***

אידן כ'טוה אפעלירן,
וואס עפעס ווארטן,
לאמיר זיך שוין פירן,
לויט די דעמאלטסדיגע סטאנדארטן.

סיי אין לעבן אלגעמיינעם,
שעץ און רעספעקטיר,
חברים, משפחה, שכנים,
אפילו אנדערש ווי דיר.

אין אייוועלט ס'איז אויך נוגע,
דולד א צווייטן,
ס'איז נישט גורע,
מיינונגס פארשידענהייטן.

ויה"ר אז דורכן געבן שאץ,
פאר אלע סארטן אידן,
זאלט איר האבן א גוטן פלאץ,
ביי די געהויבענע ריקודין!
לעצט פאראכטן דורך שטומפיג אום מיטוואך יוני 03, 2020 11:12 am, מאל פאראכטן געווארן 1 סך הכל.

אוועטאר
חמרא טבא
שר שבעת אלפים
תגובות: 7632
זיך איינגעשריבען אום: פרייטאג אוגוסט 08, 2014 2:13 pm

Re: כבי הילולא דמיא - שטומפיג שר האלף.

תגובהדורך חמרא טבא » מיטוואך יוני 03, 2020 1:44 am

הפלא ופלא שפתיים ישק!!!
דביה תחדי נפשא

וואס טוט זיך
שר ארבעת האלפים
תגובות: 4661
זיך איינגעשריבען אום: זונטאג מארטש 31, 2019 5:38 pm

Re: כבי הילולא דמיא - שטומפיג שר האלף.

תגובהדורך וואס טוט זיך » מיטוואך יוני 03, 2020 1:59 am

מזל טוב.
הערליך!
וואטס, טראמפ ווס. דעמס היי יאר און פיר יאר צוריק
---------------
קארטאפל רעפטלעך, אנקעטע

---------------
שמחי!! בלייב מיט אונז!!
--------------
INM! אייוועלט ניקס מעטטער!
#בארואיג דיין נייגער, און לאז ניקס ווייטער שרייבען דא.

אוועטאר
סטיטשינער
שר ארבעת האלפים
תגובות: 4856
זיך איינגעשריבען אום: דאנארשטאג ינואר 05, 2017 3:49 pm

Re: כבי הילולא דמיא - שטומפיג שר האלף.

תגובהדורך סטיטשינער » מיטוואך יוני 03, 2020 4:12 am

אוי איז דאס שיין! ממש וואונדערבאר.
מלכות הרשעה במהרה תעקר,אבער נצח ישראל לא ישקר!
אין אייראפע ווי דו קוקסט נאר אלס, דעם טויט מעסער אויפ'ן האלדז
מיליאנען אויסשחטן און אויסהונגערן,
אויף וועלכע לאגער אדער מאסן גרוב, וועסטו בויען דיין שטוב
ליטא, גאליציע, פוילן אדער אין אונגערן? (מאטי א.)

!want to be good
שר חמישים ומאתים
תגובות: 427
זיך איינגעשריבען אום: דינסטאג אוגוסט 06, 2019 5:48 am

Re: כבי הילולא דמיא - שטומפיג שר האלף.

תגובהדורך !want to be good » מיטוואך יוני 03, 2020 6:44 am

WOW
נישט פארגעסן! די שומר ישראל איז אונזער'ס א נאנטע קרוב!

גרויסע עם הארץ
שר האלף
תגובות: 1735
זיך איינגעשריבען אום: דינסטאג יולי 24, 2018 9:17 pm

Re: כבי הילולא דמיא - שטומפיג שר האלף.

תגובהדורך גרויסע עם הארץ » מיטוואך יוני 03, 2020 9:19 am

מזל טוב.
הריוח של הנשמה הוא, ששלחה ד' ב"ה למקום גדודי חיות ואריות, ולחמה עמם, והצילה עצמה. וזהו תכלית ביאתה ועוצם גבורתה בעבודת השם.
(חפץ השם, מס' שבת קנב:)

טוה נישט מארגן וואס די קענסט טוהן היינט

אויב ווילט איר אז איך זאל ענטפערן אויף אייער תגובה ציטיר מיר

אוועטאר
חוח בין השושנים
שר האלפיים
תגובות: 2156
זיך איינגעשריבען אום: זונטאג מאי 19, 2019 12:30 pm

Re: כבי הילולא דמיא - שטומפיג שר האלף.

תגובהדורך חוח בין השושנים » מיטוואך יוני 03, 2020 9:37 am

וואונדערבאר הערליך! מלא טאלאנט! מזל טוב שטומפיג!
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער -להבדיל- א גוט ווארט צו זאגן טו עס ביטע דא.

אוועטאר
אלטער
שר האלפיים
תגובות: 2456
זיך איינגעשריבען אום: דינסטאג ינואר 14, 2020 12:44 pm
לאקאציע: אין בהמ"ד ביים קאווע שטיבל

Re: כבי הילולא דמיא - שטומפיג שר האלף.

תגובהדורך אלטער » מיטוואך יוני 03, 2020 9:43 am

זייער זייער שיין!!! הערליך אראפ געשריבן זייער פיל מיט טאלאנטן קע"ה!!!

איך האף אז דו קעשט איין דיינע טאלאנטן....

מזל טוב שטומפיג!
איך בין טאקע אן אלטער, אבער אז איך בין גערעגט, וואס איין פאלט-דיר?

אויב מיינסטו איך שריי אויף דיר, דאן לייען איבער מיין תגובה... אחוץ אויב דיין תגובה איז געווען כנגד דעת תורתנו הק' אדער דעת רבינו הק' מסאטמאר זי"ע

אוועטאר
simcha
שר האלף
תגובות: 1314
זיך איינגעשריבען אום: מיטוואך אפריל 22, 2020 3:04 pm

Re: כבי הילולא דמיא - שטומפיג שר האלף.

תגובהדורך simcha » מיטוואך יוני 03, 2020 10:36 am

נישט דא קיין ווערטער שטומפיג!! הערליך שיין, מלא תוכן, די גראמען, די אינהאלט, אלעס.

אוועטאר
פרישע קוגל
שר חמישים ומאתים
תגובות: 438
זיך איינגעשריבען אום: מאנטאג ינואר 13, 2020 1:14 pm
לאקאציע: ווען די זעסט מיך דא מיינט עס אז איך בין אין אפיס

Re: כבי הילולא דמיא - שטומפיג שר האלף.

תגובהדורך פרישע קוגל » מיטוואך יוני 03, 2020 10:40 am

Wow הערליך... כ'קען קוים ווארטן אויפן 2000..
זיי מיר מסביר פארוואס ווען די ביסט געווען קליין און די האסט געמאלן א זין איז עס געווען א האלבע (אדער פערטל) באלי ביי די עק פון די פעיפער?
יא יא צו דיר רעד איך....

Kollel
שר האלף
תגובות: 1174
זיך איינגעשריבען אום: זונטאג יוני 16, 2019 5:03 pm

Re: כבי הילולא דמיא - שטומפיג שר האלף.

תגובהדורך Kollel » זונטאג יוני 14, 2020 6:30 am

חוח בין השושנים האט געשריבן:וואונדערבאר הערליך! מלא טאלאנט! מזל טוב שטומפיג!
ס'אשאד זיך צו טענה'ן דערויף!

שטומפיג
שר האלף
תגובות: 1273
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

Re: כבי הילולא דמיא - שטומפיג שר האלף.

תגובהדורך שטומפיג » זונטאג יוני 14, 2020 3:19 pm

שכח פאר אלע דאנקערס קאמפלימענטערס און וואונטשערס.

אוועטאר
קלאָצקאָפּ
שר ארבעת האלפים
תגובות: 4716
זיך איינגעשריבען אום: דינסטאג יולי 25, 2017 9:24 pm

Re: כבי הילולא דמיא - שטומפיג שר האלף.

תגובהדורך קלאָצקאָפּ » דינסטאג יוני 16, 2020 12:34 pm

הערשט יעצט געמערקט. סאמטינג ספעשל!

לייבעלע הירש
שר חמש מאות
תגובות: 639
זיך איינגעשריבען אום: מאנטאג אוגוסט 28, 2017 8:23 pm

Re: כבי הילולא דמיא - שטומפיג שר האלף.

תגובהדורך לייבעלע הירש » דינסטאג יוני 16, 2020 10:47 pm

הערליך
דער באשעפער איז נישט דיין זיידע... ער איז דיין טאטע!

זעהער
שר חמש מאות
תגובות: 743
זיך איינגעשריבען אום: זונטאג דעצמבער 10, 2017 4:27 pm

Re: כבי הילולא דמיא - שטומפיג שר האלף.

תגובהדורך זעהער » דינסטאג יוני 16, 2020 10:50 pm

ביזט די ערשטע פאר די קומינדיגע גראמען פארמעסט!

אוועטאר
טעם וריח
שר האלף
תגובות: 1262
זיך איינגעשריבען אום: מאנטאג יוני 19, 2017 7:33 pm

Re: כבי הילולא דמיא - שטומפיג שר האלף.

תגובהדורך טעם וריח » מיטוואך יוני 17, 2020 11:39 am

הערליכע געדאנק, שיין צאמגעשטעלט!

זאלט נאך קענען אונז מהנה זיין צו לאנגע געזונטע תגובות.

מזל טוב!

שטומפיג
שר האלף
תגובות: 1273
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

Re: כבי הילולא דמיא - שטומפיג שר האלף.

תגובהדורך שטומפיג » מיטוואך יוני 17, 2020 5:53 pm

קלאָצקאָפּ האט געשריבן:

לייבעלע הירש האט געשריבן:

זעהער האט געשריבן:

טעם וריח האט געשריבן:

שכח


צוריק צו “פאעזיע און גראמען”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט