אידישע וועלט פארומס

הערליכע שיינע ארבעט פון די מיאוסע ארבעט וואס דער קליינער גראבער טוט מיט זיין (....? ) פאלק...

יעצט דורכגעליינט אין 1 אטעם דאס גאנצע אשכול....

Wowowowowow

יישר כח גדול! מלא חידושים...

הערליך און רייך! א גרויסן דאנק!!!!!!!

א גוט יאר טייערע חברים!

מיר וועלן בעזר השם ממשיך זיין מיט אונזער סעריע, לשביעת רצון פון אלע ידידים.

פאר קאמענטערן און הערות אדער פארשלאגן קענט איר אייביג שרייבן דא אין אשכול, אדער שיקן אין אישי, אדער שיקט אן אימעיל צו [email protected].

מיר ברענגען דא אראפ א באשרייבונג פון א באקאנטן פאטאגראפירער און דזשורנאליסט, וועלכע האט פילע מאל באזוכט צפון קארעא, און געכאפט פילע "פארבאטענע" בילדער. מיר האבן פראבירט זיך צו האלטן צו דעם שרייבער, און עס איבערגעבן אין זיינע ווערטער, כדי עס זאל נישט פארלירן דעם ארגינעלן טעם.

ליינט און האט הנאה!

פאטאגראפירער עריק לעפארזש איז איינער פון די גאר מזל'דיגע וואס האבן געהאט א טשאנס צו זעהן די ריכטיגע פרצוף פון צפון קארעא. "זייט 2008 האב איך באזוכט צפון קארעא זעקס מאל" זאגט ער. "אדאנק מיין דידזשיטעל מעמארי קארד, האב איך געהאט א געלעגנהייט אוועקצולייגן בילדער וואס זענען פארבאטן, און איך בין אנגעזאגט געווארן זיי צו פארמעקן."

לעפארזש איז נישט געווען אינטערעסירט אין די טיפישע טוריסטן טריפס צו דעם מיסטערישן לאנד און נאר זעהן די פאלשע פנים וואס זיי שטעלן פאר, ער האט געוואלט זעהן וואס טוט זיך פון "הינטער די קאליסן", צו כאפן א דאמעסטישע בליק פון דעם לאנד און די מענטשן וואס זענען נישט טאטאל קאנטראלירט דורך דעם רעזשים. "איך בין געווארן באהאנדלט ווי סיי וועלכע אנדערע טוריסט" פארציילט עריק. "זיי האבן מיר נישט ערלויבט צו כאפן בילדער פון די פאליציי, די ארמיי, אדג. אבער מיט א 300 זאאם לענס, און א בעק סיעט זיץ אויפן באס, האב איך עספיעט צו כאפן אזוי סאך..." ער האט געכאפט טויזענטער בילדער, פון די בירגער און רעגירונג אפיצירן, אנגייענדיג מיט זייערע טעגליכע לעבענס. "ווי נאר זיי האבן געעפנט א פרישער ארט צו באזוכן, האב איך זיכער געמאכט אהינצוגיין און עס זעהן, און דאקעמענטירן דעם ארט."

ווען לעפארזש איז צוריקגעפארן קיין צפון קארעא אין 2012, איז ער פארהאלטן געווארן דורך דער רעזשים, נאכן אויסגעפונען אז ער פארשפרייט די געכאפטע בילדער אויפן געוועב, זיי האבן פארלאנגט אז ער זאל זיי אראפנעמען. "איך האב צוריקגעוויזן זייער פארלאנג, איך האב געזאגט, איך ווייז אלע אספעקטן פון צפון קארעא, די גוטע און די שלעכטע, פונקט וויאזוי איך טוה מיט סיי וועלכע אנדערע לאנד וואס איך באזוך, איך האב צוריקגעוויזן צו מאכן אן אויסנאם פאר צפון קארעא, און זיי האבן עס נישט ליב געהאט". עווענטועל, איז לעפארזש פארבאטן געווארן נאכאמאל איבערצוטרעטן דעם שוועל פון לאנד.

"דורכאויס מיינע וויזיטן אין לאנד, האב איך קענען געלערנט די לאקאלע בירגער, איך פלעג פארברענגען מיט זיי שעות, אדאנק די גוטהארציגקייט פון מיינע טור גיידס. זיי האבן מיר פארציילט אזוי סאך אבער זייער לעבן, פון וואס זיי חלומ'ען, א.א.וו. די עיקר זאך וואס איך האב קענען געלערנט איז, אז אנדערש ווי איר שטעלט זיך פאר, זענען די צפון קארעא'נער ווארימע מענטשן, זייער נייגעריג איבער די טוריסטן, ווי אויך זייער העפליך, טראץ וואס רוב פון זיי פארמאגן כמעט גארנישט.

#1 א חוצפה'דיג קינד
א גאר זעלטענע פאל, פון א חוצפה'דיג קינד אין צפון קארעא. די באס איז געפארן אויף די שמאלע גאסן פון סעמידזיאן אין צפון, ווען דאס קינד האט זיך אראפגעשטעלט אינמיטן פון דעם שטראז.



#2 מער קארס
טראץ וואס קארס זענען געווארן מער פארשפרייט אין פיאנגענג, דארפן זיך די פויערן נאכאלץ צוגעוויינען דערצו. קינדער שפילן זיך אינמיטן פון די ראודס און הויפט שטראזן פונקט ווי פריער, ווען מען זעהט נישט קיין קארס.



#3 נישט שיין, נישט כאפן
ווארשיינדליך די מאדנסטע פארבאט וואס איך האב בייגעוואוינט: דער פעינטער האט געארבעט אויף א נייע מאלעריי, איך האב גענומען דאס בילד, און יעדער האט אנגעהויבן שרייען אויף מיר. זינט דער מאלעריי איז נאכנישט פארטיג, בין איך נישט ערלויבט צו כאפן קיינע בילדער...



#4 סאלדאטן אין א רואיגן מינוט
עס איז פארבאטן צו נעמען בילדער פון סאלדאטן ווען זיי פארברענגען, ובפרט פון רייכערן, פאר די וועלט מעג מען נאר ווייזן זייערע שטייפע, פארפרוירענע פנימ'ער.



#5 נייע טעכנעלאגיע...
די "פייאנערס קעמפ פון וואנסאן" איז א פלאץ ווי מען פירט אפטמאל טוריסטן, זיי צו ווייזן ווי קינדער פון אלע עקן פון צפון קארעא פארברענגען, און האבן פאן. אבער טייל קינדער וועלכע קומען פון די פראווינצן, האבן מורא געהאט צו ניצן דעם עסקעלעיטאר, עפעס וואס זיי האבן קיינמאל פריער געזעהן...



#6 דאלפין שאו
ווען איר באזוכט דעם דאלפין שאו, מעגט איז כאפן בילדער נאר פון די חיות, נישט פון די סאלדאטן, וועלכע מאכן אגב אויס %99 פון די אדיענץ...



#7 א גוטער מינוט
אין א קליסטליכער קירכע, האט דער אפיציר געכאפט א דרימל אויף איינע פון די בענק. מען טאר קיינמאל נישט ווייזן בילדער פון אפיצירן אין א שלעכטע ליכט.



#8 אויסגעהארגעט...
דער סאלדאט האט זיך געלייגט שלאפן אויפן פעלד...



#9 ארימקייט!
די צפון קארעא חברה האבן פיינט ווען מען כאפט די סארט בילדער, טראץ וואס איך בין זיי מסביר אז ארימקייט עקזעסטירט איבעראל אין די וועלט, אין מיין לאנד פונקט אזוי, זיי האבן מיר פארבאטן צו נעמען בילדער פון די ארימע.



#10 נאר אין צפון קארעא...
איך בין געווען אין א פעקטארי מיט מיין טי-ווי קרו, אפצוכאפן לאקאלע סצענעס, מיר זענען די גאנצע צייט פון אונזער נסיעה נאכגעפאלגט געווארן דורך א קאמארא מאן (רעכטס), און היינט, האט די רעזשים געשיקט אן אנדערן קאמארא מאן אפצוכאפן אונז אלע!...



#11 די טעגליכער לעבן
ניין, דאס איז נישט קיין צירקוס, דאס זענען ארבעטער אין צפון קארעא מיט שוואכע סעיפטי סטאנדארטן...



#12 די סטאטוען
עס איז אויסדריקלעך פארבאטן צו כאפן בילדער פון די קים סטאטוע פון אינטערוויילעכץ, זיי באטראכטן דאס ווי זייער פארשעמענד.



#13 רייכע רעסטוראנטן
פילע נייע רעסטוראנטן האבן זיך געעפנט די לעצטערע צייטן לעבן דעם טיעדאנג טייך אין דעם נייעם צענטער פון פיאנגענג. נאר די עליטע קענען זיך ערלויבן א מאלצייט פון דארט פאר אן אפצאל פון עטליכע יוראס. גראדע איז די עסן דארט גאנץ פיין געווען...



#14 כאפט א דרימעל
דער מאן האט געכאפט א דרימעל אויף די שטיינער ביים ברעג פון ים. מיין טור גייד האט מיר געבעטן צו אויסמעקן דעם בילד, ווייל די מערב וועלט פרעסע קען זיך נאך ארויפכאפן און זאגן אז דער מאן איז טויט, ווען אין פאקט לעבט ער.



#15 מען שטיפט א באס
עפעס וואס מען זעהט גאנץ אפט, אבער נאכאלץ פארבאטן צו פאטאגראפירן...



#16 בלעק אוטס
אין די "ארט צענטער" פון פיאנגענג האבן מיר מיטגעלעבט א בלעק אוט, א טעגליכע ערשיינונג וואס די צפון קארעא'נער האבן פיינט צו ווייזן. ווען עס פאסירט, זאגן זיי אז דאס איז אדאנק אמעריקא'ס עמבאגאו.



#17 א לאקאלער בירגער
די אפיצירן האבן מיר געהייסן אויסמעקן דעם בילד פאר צוויי סיבות: 1) דער יונג טראגט זיין קעפ אין א "פעסטע" וועג.... 2) מען זעהט סאלדאטן אין דער הינטערגרונד.



#18 די געווענדליכע בירגער
עס איז פארבאטן צו נעמען בילדער פון מענטשן וואס זענען נישט אנגעטון פערפעקט. פאר מיינע טור גיידס איז דער מאן נישט געווען אנגעטון גענוג גוט, צו ערלויבן צו נעמען א בילד פון אים...



#19 רייכקייט
ווייזן ארימקייט איז שטרענג פארבאטן, אבער רייכקייט איז אויכעט פארבאטן. אין א פארק אויף א זונטאג נאכמיטאג, האב איך געטראפן דעם קאר, א מערצעדעס, וועלכע באלאנגט צו איינע פון פיאנגענגס עליטע. דער בעל הבית האט דאן געמאכט א בארבעקיו.



#20 פון אונטער די מאסקע
פיאנגענג דארף צו זיין די שאוקעיס פון צפון קארעא, צו ווייזן פאר די וועלט זייער מכלומר'ישטע שיינקייט, צוליב דעם ווערן די דרויסענדיגע חלק פון די בנינים געהאלטן שיין, און ווערן גוט קעיר גענומען. ווען איר כאפט א זעלטענע בליק פון די אינעווייניג, צופאלט די גאנצע בלאף.



©כל הזוכיות שמורות לניק פריילעך אידל @ אייוועלט.
געדענקט, עס זענען אריין פילע שעות הארעוואניע אהערצושטעלן דעם ארטיקל, דעריבער איז פארבאטן צו איבערדריקן די מאטריאל אין סיי וועלכע פארמאט אן רשות.

WOW ישר כח גדול

אזוי שיין באשריבן!!! ווי אלעמאל

הערליך שיין!!!

לייק

הערליך הערליך! WOW!!

רט. הערליך שיין! מאסיווע ארבעט!

ווערי נייס. געס איז איינע פון מיינע אשכולת ווי מדארף באזוכן. שכח העפי דזשא.

זעהר אינטערסאנט יודל

פריילעך אידל האט געשריבן: עווענטועל, איז לעפארזש פארבאטן געווארן נאכאמאל איבערצוטרעטן דעם שוועל פון לאנד.

הייסטעס אז מ'קען שוין פארשפארן ס'אשכול...?

עמעיזינג!!

יוראפ האט געשריבן:

פריילעך אידל האט געשריבן: עווענטועל, איז לעפארזש פארבאטן געווארן נאכאמאל איבערצוטרעטן דעם שוועל פון לאנד.

הייסטעס אז מ'קען שוין פארשפארן ס'אשכול...?

ער האט נאך גאר אסאך סחורה, וואס איך האף נאך צו ברענגען אסאך דערפון.

אדרבה ואדרבה איך וועל סייער הנאה האבן צו זעהן נאך, ס'זייער אינטרעסאנט.

געוואלדיג!!! הערליך שיין און רייך! קיפ איט אפ!

פריילעך אידל כ'האב נישט וואס צו קאמענטירן. די מאסיווער ארבעט רעדט פון זיך אליינס!

ייש״כ!

הערליך. פארגאפט געווארן. קיפ איט אפ!

מעסיוו דזשאב טענקס ע מיליאן

זייער גוט. זייער הנאה געהאט.
Thanks

amazing