בס"ד
אזויווי מיר גרייטן זיך בקרוב צו פארלאזן דעם וועלטל פאר א שטיקל צייט, וועלמיר מסיים זיין בכי טוב מיט א פרישע פארזעצונג מיט אינטערעסאנטע בילדער איבער צפון קארעא, האפענטליך וועט דערוילעם הנאה האבן.מיר זענען ממשיך אויפן זעלבן אופן ווי פריער. פאר חלק א' קוקט
דא, חלק ב'
דא.
#21 זיי האלטן א אויג אויף דירדי סאלדאטן האלטן אן אויג אויף יעדעס ווינקל פון יעדע גאס, מאכענדיג זיכער אז די בירגער טוען דאס וואס זיי באדארפן צו טוען, און באריכטן די אקטיוויטעטן פון יעדע איינציגע בירגער דירעקט פאר זייערע אויבערהארן.
ווי איר זעהט אין דעם בילד, (גענומען פון א באהאלטענע קאמערא פארשטייט זיך) איז די איינציגע אויפגאבע פון דעם סאלדאט צו היטן אויף די פרויען וועמענס אויפגאבע איז צו ריינוגען די גאסן פון יעדעס ברעקעלע שמוץ מיט –ווי איר זעהט- קיינע קארס.
#22 אנגייענדע קאנסטרוקציעדאס זענען א גרופע צפון קארעא קאנסטרוקציע ארבייטער גייענדיג צו זייער ארבעטס פלאץ אין די הויפט שטאט פיענגענג.
די צפון קארעא רעזשים האט זייער ליב זיך צו באווייזן ווי פארגעשריטן זייער לאנד איז, און די מאסיווע געביידעס וואס ווערן דארט געבויט טראץ די אלע מערב וועלט סאנקציעס, און אן קיין סאך דרויסענדיגע הילף.
למעשה, זינט עס זענען פארהאן גאר ווייניג גוט-טרענירטע ארכיטעקטן, ווי אויך שעפערישע ארבייטער, און ווארשיינדליך האבן רוב פון די ארבייטער בלויז געגעסן גראז די לעצטע וואך, די אלע פאקטארן פארעמען א מציאות אז קאנסטרוקציע אין צפון קארעא איז נישט די טיפישע מענטשליכער באשעפטיגונג.
#23 טור גיידסרוב לענדער אין די וועלט, ובפרט אין די גרויסע סיטיס זענען פארהאן פילע טור גיידס וועלכע וועלן אייך גערן ארומווייזן דעם באטרעפנדן פלאץ ווי איר ווילט באזוכען, זענען אבער די טור גיידס אין צפון קארעא אלע קאנטראלירט דורך די רעגירונג, און די מענטשן זענען אויסגעקליבן און דורכגעקוקט דורך די רעגירונג.
אויב די פארבלאנדזשעסט דיך, און דיין טור גייד פארלירט דיך, מזל טוב, יעצט האסטו א נייע חברותא, די, ווייל די האסט געבלאנזשעט (תפיסה) און דיין טור גייד, ווייל ער האט דיך פארלוירן (תפיסה)...! (קיין וויץ!)
#24 פאלשע טוריסטןדי פאלגנדע בילד איז באמת א שטרענג פארבאטענע, גענומען פון דעם באן סטאנציע אין פיאנגענג.
די אינטערעסאנטע חלק פון דעם בילד איז, טראץ וואס דאס קוקט אויס ווי א נארמאלע באן סטאנציע מיט רייזענדע וועלכע קומען און גייען, זענען זיי פאקטיש בלויז אקטיארן. וויבאלד די באנען זענען געווידמעט מייסטנס ארומצופירן טוריסטן פון איין פלאץ צום אנדערן, און פארמאכן זיך זייער פרי. אין די צייט וואס די בילד איז גענומען געווארן (ווי מען קען זעהן פון די זון שאטן, היפש שפעט נאכמיטאג) ווי מען זעהט מענטשן קומען נאך אריין אין די סטאנציע, זענען שוין די באנען נישט געלאפן!
#25 נישט פאר קיין צפון קארעא בירגערדער באס, וועלכע קוקט אויס ווי פון ארום די ניינצן זעכציגער יארן, איז היפש אויפפאלנד פאר דעם טיפישן בירגער. די צפון קארעא'רע בירגער וועלן גאר זעלטן פארלאזן זייער דערפל, וואס פארלאנגט זיך א ספעציעלע רשות דערפאר, און איז שטרענג קאנטראלירט דורך דער מיליטער.
#26 0% אנאימפלוימענט ראטעדאס מוז דאך זיין א געוואלדיגע לאנד, צו פארמאגן א 0% ארבעטסלאזע ראטע און ארבעט פאר אלעמען! דאס מיינט דאך אז זייער עקאנאמיע איז דאך געוואלדיג, אזא פיינע עקאנאמיע אזש אפילו די שולע קינדער וועלן נעמען בעזעמס און אפקערן די גאסן...
פארשטייט זיך, ס'בלויז א וויץ, אבער זינט מיר קענען נישט לייגן קיין האלט אויף די אומאפיציעלע ציפערן, מוזן מיר אננעמען די ארבעטסלאזע ראטע וואס די רעגירונג לייגט ארויס, נו, מיט אביסל א גרעסערן שפריץ פון זאלץ... (With a bigger grain of salt)
#27 כינע אנטקעגן איבערדער בילד טוט ווירקליך אפשפיגלען דעם צוריקגעשטאנענעם צושטאנד פון צפון קארעא.
פון די רעכטע זייט איז דער כינעזער שטאט טומאן, און פון די לינקע זייט א שטעטל אין צפון קארעא.
פילע צפון בירגער פראבירן זיך אריבערצוכאפן דעם טייך אין די ווינטער חדשים ווען דער טייך איז געפרוירן, און די מיליטער וועט זיי נאכלויפן ביז אין די כינעזע טערעטאריע אריין זיי צו כאפן, און צומאל ווען עס געלונגט זיי נישט צו כאפן דעם אנטלאפענעם, וועלן זיי כאפן סתם אבי איינעם פון גאס אלס אויסלייז שטאף.
#28 די אגריקאלטור אינדאסטריעא בילד געכאפט דורך א בייפארנדן באס פון א פעלד אין צפון.
דאס קוקט אויס ווי א פירש חי אויף דער אור-אלטער מיטל פון חורש וואס מיר לערנען אין די גמרא.
דער פעלד קוקט אבער אויס ווי פיל מיט שטיינער, אזאנס אויף וועלכע עס לוינט זיך איבערהויפט נישט אנצופלאנצען אויף דעם, לאמיר האפן אז פאר דער ארימער בירגער וועט געלונגען עפעס אנצוזייען, און שפייזן זיין הינגעריגע פאמיליע. (אדער גאר די אנגעפאשעטע רעגירונג איינגעשטעלטע?...)
#29 קינדער שקלאפןאויפן בילד זעהט איר ווי קינדער, ווארשיינדליך אזוי אינג ווי 6 יאר, העלפן ארויס מיט ארבעט אויפן פעלד.
לויט דעם טור גייד איז דאס א נארמאלער ערשיינונג אין די סעזאן פון דעם שניט (Havrest) ווען די עקאנאמיע איז שוואך, און ווי ער באשולדיגט איז אמעריקא שילדיג דערין.
#30 פישלען אין דעם טייךדי סצענעס זענען זייער אפטע אין צפון קארעא, און נישט בלויז אין די קליינע שטעט און דערפער, נאר אזוי אויך אין דעם הויפט שטאט פיאנגענג.
עס הערשט א שטארקער הינגער אויף דעם האלב אינזל, און זינט פרישע פיש און פלייש איז כמעט אוממעגליך צו באקומען אין די לאקאלע געשעפטן, איז דער איינציגער אויסוועג צו שטילן דעם הינגער, ביים לאקאלן טייך.
#31 וואשן אין טייךזינט עס איז קוים פארהאן אינפעסטראקטור פון וואסער סופליי אין לאנד, און אפילו ווען איר פארמאגט שוין יא א קראן איז כמעט זיכער אז וועסער פליסט נישט דארט, איז דער געווענדליכער מיטל וויאזוי מען וואשט זיך, איז ביים לאקאלן טייך. (איבריג צו באטאנען אז אזא בילד, וואס ברענגט ארויס דעם ריכטיגן צושטאנד אין לאנד, איז שטרענג פארבאטן!)
#32 קאמפיוטערס אן עלעקטערציטעטכדי צו אויפווייזן פאר די אויסלענדישע טוריסטן ווי פארגעשריטן זיי זענען, נעמען אונז די טור גיידס אויף א באזוך אין א "טיפישער" צפון קארעא היים, צו ווייזן דעם פאקט אז זיי קענען זיך ערלויבן קאמפיוטערס, און זענען פארבינדן מיט א ספעציעלע "צפון קארעא אינטערנעט".
און טראץ וואס די סקרינס זענען פארמאכט, ווייל קיין עלעקטערציטעט איז נישט פארהאן ווען די בילד איז גענומען געווארן, טוען די צפון קארעא אקטיארן נאכאלס טייפן אויפן קיבארד... (מערקט דעם מיקי-מאוז קיבאורד פעד...)
#33 טיפישע בירגערמיר קענען נישט ווייזן די פנימ'ער אויף די בילד (חוץ פון רעגירונג צענזור, איז אויך דא אייוועלט צענזור... נאר אויף גוטע זאכן...) אבער די פנימ'ער שרייען ארויס פאר הילף!
אויף לינקס איז א היימלאזער הינגעריגער מענטש, דערנעבן איז א בייקער וואס רועט זיך אפ.
ווי אויבן ערווענט, פארמאגן גאר ווייניג אין צפון קארעא קארס, צוליב דעם זענען בייקס די מערסט-פארשפרייטע טראנספארט מיטל. אבער דאס קומט מיט א פרייז, מענטשן דארפן צומאל פארן גאר לאנגע און אויסמאטערנדע שטרעקעס ביז צו זייער ארבעטס פלעצער.
איראניש, האט זיך דער טור גייד צעשריגן אז כאפן אזא בילד איז א פארברעך, ווייל מען טאר נישט זעהן קיין בילדער פון אויסגעמאטערטע צפון קארעא'ר בירגער....
#34 עס רייסט ביים הארץאן אומשילדיג קינד, וואס הכרת פניו ענתה בו אז א נארמאלע מאלצייט האט ער זעלטן טועם געווען.
(להבדיל, דערמאנט דער בילד אביסל פון די באקאנטע בילדער פון הינגעריגע קינדער אין דער ווארשעווער געטא, ביים צווייטן וועלט קריג. מיטן האנט ארויף, האט דער פאטאגרעפירער ווארשיינדליך דאס געוואלט אפשפיגלען.)
#35 סאלדאטן העלפן ארויסארבעטן אין פאַרמס איז א נאציאנאלע טעטיקייט, וואס פארלאנגט פון אלעמען צו ווערן פארמישט אין סיי וואסארע פארעם פון פעלד ארבייט.
פרישע רעקרוטירטע סאלדאטן און די פון די נידעריגערע רייען, ווען זיי פראקטעצירן נישט ווי צו שיסן א ביקס, וועלן זיי דארפן געפינען א וועג צו מאכן א לעבן און פארדינען אפאר גראשן. פילע יונגע סאלדאטן, ווי דער יונגער זעלנער דא, ארבעט אויף פארמס פאר עסנווארג און געלט, זינט די צפון קארעא'ר רעגירונג האבן נישט די מיטלען צו צאלן א געהאלט פאר אלע זייערע זעלנער.
©כל הזוכיות שמורות לניק פריילעך אידל @ אייוועלט.
געדענקט, עס זענען אריין פילע שעות הארעוואניע אהערצושטעלן דעם ארטיקל, דעריבער איז פארבאטן צו איבערדריקן די מאטריאל אין סיי וועלכע פארמאט אן רשות.