הלילה הזה שימורים לדורותם! -
ליל הילולא קדישא כ״ו אב ק״ק קרית יואל;
פילע טויזנטער נשים צדקניות, קרית יואל׳ס גאנצע עזרת נשים הייבן אן איבערפילן דעם גיגאנטישע שאטער בנין מיט איר זעקס טויזנט זיץ פלעצער וואס איז געווארן אויפגעשטעלט אינעם רבינ׳ס שול הויף בחצר בית המדרש הגדול, מיט אפענע הערצער און אויערן מקבל צי זיין די יסודות׳דיגע דברות קודש והדרכה ספעציעל פאר די נשים צדקניות פון געטרייע רועה נאמן ושומר גחלת ישראל שלא תכבה אבינו רועינו ונזר תפארתינו ממלא מקומו וממשיך דרכו פון רבינו הקדוש זי״ע מייסד עיר הקודש הדין - כ״ק מרן רבינו הגה״ק שליט״א מרא דאתרא קדישא וואס וועט אראפשטעלן די הייליגע יסודות פאר יעדע אידישע טאכטער אינעם קריה נאמנה קרית יואל
אין צוגאב צום ריזן שאטער בילדונג איז געווארן צוגעגרייט די היכלי ראזענבערג בתוככי בנין הבית המדרש הגדול אין פאל די שאטער ווערט איבערגעפילט עד אפס מקום.
די גאנצע בנין הבית המדרש הגדול איז פולקאם אפגעשפארט פאר מענער באנוץ.
מניני מנחה מעריב קומט פאר אין די ספעציעלע אוועקגעשטעלטע צענטער ביי קרן ויואל משה, אין בנין המתיבתא הקדושה מול הציון הקודש און אין די 20 לאקאלע בתי מדרשים דקהלתינו.
למען תועלת המעמד איז נישט דא קיין לייוו הוקאפ פונעם מעמד
זאגט מיר א גבאי צדקה אז ער הייבט יעצט אן זיין רוט... "מיין מאן איז נישט אינדערהיים" גילט נישט היינט.... היינט עפענען די מענער.
---
א חבר זאגט מיר פריער "דו כאפסט אז די יעצטיגע פילינג וואס מיר אלע האבן אז מען גייט דארפן בעביסיטן ווען די ווייבער גייען ארויס, דאס האבן די ווייבער יעדן טאג?"...