נייע שטאט האט געשריבן:Annotation 2022-05-22 183229.jpg
עס איז זייער א שרעקעדיגע פענאמענען ווייל זייער אסאך מענטשן מיינען דאס איז א לייכטע קלייניקייט.
זיי האבן לעגאל געקויפט און באצאלט פאר די סחורה - און טייל אפילו מקיים פסק געווען און ארויס געשיקט, נאר ווייל דו האסט זיך אויסגענומען מיט א קאמפעני (נישט מיט גאווערמענט) אז דו גייסט פארקויפן אין אויסלאנד (כדי צו אנהאלטן די מארקעט טייער די אמעריקאנער בהמות זאלן צאלן ווייטער טאפ פרייז) נישט דאהי
און צום סוף האבן זיי געמאכט די גרעי מארקעט חכמה און פארקויט דאהי גייען זיי זיצן 18 יאר.
ווען נישט זיי וואלט דאך די בעיבי פארמולא מאנגל געווען סאך שטערקער? דאס איז לא מעלה ולא מוריד
מ'דארף זייער אבאכט געבן וואס מ'טוט
ס'נישט אזוי פשוט ווי דו לייגסט עס אראפ. ס'נישטא וואס אבאכט צו געבן. די חברה האבן געדארפט אזויפיל פעלטשן און דריידלען מיט פאלשע טראנזאקציעס, פאלשע דאקומענטן, פאלשע שיפמענטס, פאלשע קאנטרעקטס, ועוד. איינער וואס פעלטשט אזויפיל ווייסט אז ער באגייט ערנסטע פארברעכן און קיינער גייט דאס טאן חוץ אויב מ'וויל זיצן. מ'פאלט נישט אזוי בטעות אריין דערין אז מ'דארף אבאכט געבן דאס נישט צו טון.
18 יאר טורמע איז טאקע שטוינענד און אומריכטיג אין מיינע אויגן, ספעציעל ווען מערדער און ברוטאלע קרימינאלן פון די ערגסטע סארט באקומען 5-10 יאר.
אבער זיי זענען נישט פאראורטיילט געווארן פשוט צוליב פארקויפן אין אן אנדערע לאנד ווי זיי האבן געזאגט פאר'ן פארקויפער, פאר דעם האבן זיי באצאלט אנטשעדיגונגס געלט.
זיי זענען בעיקר פאראורטיילט געווארן פאר פעלטשן, שווינדלער, און דריידלען מיט עטליכע סארט אויטאריטעטן.
זיי האבן זיך פארגעשטעלט ווי קאנטראקטארס פון די סורינאמע (לאנד אין זיד אמעריקא) רעגירונג מיט געפעלטשטע פאפירן. צוליב דעם האבן זיי באקומען די פארמולע פאר אן אפנארמאל ביליגע פרייז וויבאלד סורינאם איז אן ארימע לאנד און וויבאלד צווישן רעגירונגען קען מען מאכן פארשידענע אפמאכן.
פונקט ווי די אמעריקאנע רעגירונג טוט יעצט! מ'שאפט פארמולע פון אייראפע כדי צו לייזן די פראבלעם דאהי. שטעל דיך פאר אז אייראפעישע חברה שטעלן זיך פאר אלס קאנטראקטאר פאר די אמעריקאנער רעגירונג און קויפן סחורה אין אייראפע מיט'ן תנאי אז דאס קומט אן קיין אמעריקע, אבער דערנאך פארקויפן זיי עס אין אייראפע און ס'קומט קיינמאל דא נישט אן.
וואלט עס דיר דען נישט געבאדערט?!
אויכעט, אויב ביסטו א קאנקורענט וואס קויפט אויך ביי די פירמע, וואלט דיר נישט געבאדערט אז יענער באקומט עס פאר שפאט ביליג צוליב פאלטשע פאפירן?!
אויב ביסטו דער פארקויפער, וואלט דיר נישט געבאדערט אז מ'האט דיר פארקויפט א 100 מיליאן דאלארדיגע ברוקלין בריק?!
האבן די קונים אין די געשעפטן פארדינט דערפון? ניין. זיי האבן געצאלט די זעלבע פרייז. די דריי שווינדלער האבן געפאקט דאס געלט אין טאש דורך אויסשפילן און פאראורזאכן אומיושר אין צוויי לענדער ביי עטליכע אינסטאנצן.
ווי אזוי וואלט יעצט געווען מער בעיבי פארמולע ווען מ'לאזט ווען די חברה פארקויפן דאהי?
אין נארמאלע צייטן איז 98% פון די פארמולע פארקויפט אין אמעריקע, געמאכט אין אמעריקע! אימפארטירן פארמולע איז מורא'דיג שווער צוליב רעגולאציעס. ס'קלאר דא גענוג און נאך אז מ'זאל קענען עקספארטירן.
מיר ווייסן אלע די אמת'ע פראבלעם אין די מאנגל. פשוט ווייל איין ריזן פראדוקציע פלענט, וואס פראדוצירט 25% פון אמעריקאנע פארמולע איז געווארן קאנטעמינעיטעד. זיי זענען שוין פארשפארט זינט פעברואר, דעריבער קענען זיי נישט פראדוצירן, און זיי וועלן ווייטער נישט קענען פראדוצירן ביז זיי קומען נאך נייע זיכערהייט סטאנדארטן וואס זיי זאגן וועט זיין אין אפאר וואכן (גיי ווייס..). אויך האבן זיי געמוזט צוריקרופן (recall) און אראפנעמען מיליאנע קענס פון די שעלווס.
נאך א זאך, למעשה האבן דיסטריביוטערס נאך 80% פון די נארמאלע סופליי, אבער וויבאלד מענטשן לויפן און קויפן אין פאניק שפילט זיך איבער א פרשה ווי די אשר יצר פאפיר מיט צוויי יאר צוריק.
די מאנגל האט גארנישט מיט אינפלאציע, עקאנאמיע, פאליטיק, אדער סיי וועלכע בייזע רוחות מ'פרובירט צו פארקויפן.
צוריק צו די קרימינאלן. זיי האבן געפעלטשט געלט טראנזאקציעס, זיי האבן געשיקט דאממי (dummy) קאנטעינערס צו סורינאם, מער פאלשע דאקומענטן, און אזוי מער פאלשע טראנזאקציעס, קאנטראקטן, רעסיטס, פארט דאקומענטן. פאלש, פאלש, פאלש, און פאר דעם זענען זיי אנגעקלאגט געווארן.