@אידישליך: נייעס און באריכטן

[אידישליך]

לויט א באריכט פון די ADL זענען אנטיסעמיטישע אינצידענטן אין אמעריקע געשטאנען פארלאפענע יאר ביים העכסטן שטאפל זינט 1979.

IMG_20230323_121652_571.jpg (46.53 KiB) געזען 8094 מאל

[אידישליך]

צפון קארעא זאגט אז זיי האבן דורכגעפירט א טעסט אויף א פרישע אונטערוואסער נוקלעארע וואפן סיסטעם.

[אידישליך]

אין א געמישטע אורטייל האט די אלבאני סופרים קאורט היינט געאורטיילט אז די רעגירונג האט נישט קיין רעכט צו באשטראפן ישיבות וועלכע קומען נישט נאך די פארשריפטן, און אז זיי קענען נישט פארלאנגען פון עלטערן צו ארויסנעמען זייערע קינדער פון אזאנע מוסדות, אבער האט געלאזט די איבריגע טיילן פון די געזעץ אין פלאץ.

פולע אורטייל

[אידישליך]

א זעלבסטמארד דראון אטאקע אויף אן אמעריקאנער קאאליציע באזע אין סיריע האט אומגעברענגט אן אמעריקאנער מיליטערישער קאנטראקטאר און פארוואונדעט 5 אמעריקאנער סאלדאטן און 1 קאנטראקטאר.

אין רעאקציע האט אמעריקע דורכגעפירט באמבאדירונגען קעגן איראנע געשטיצטע גרופעס אינעם ראיאן וועלכע זענען פאראנטווארטליך פאר די דראון אטאקע.

[אידישליך]

די באזוך פון בריטישער קעניג טשארלס דער דריטער קיין פראנקרייך וועלכע האט געזאלט פארקומען מערץ 26 - 29, איז אפגעשטיפט געווארן צוליב די ווילדע ראיאטן אין לאנד צוליב די פענסיע רעפארם ביל.

[אידישליך]

ניו יארק סיטי פאליציי רעאגירן צו א פעקל מיט א פארדעכטיגטע ווייסע שטויב וואס איז אנגעקומען דורך די פאסט צו די אפיס געביידע פון מאנהעטן דיסטריקט אטורני אלווין ברעג.

[אידישליך]

טוויטער האט געמאלדן אז אנגעהויבן אפריל איינס וועלן אלע וועלכע האבן נישט טוויטער בלוי, נאר זענען געווען ווערעפיצירט בעפאר, פארלירן זייער בלויע טשעקל.

אויך וועט טוויטער צולייגן די אפציע פאר טוויטער בלוי באנוצער צו באהאלטן זייער טשעקל אויב זיי האבן עס געקויפט בלויז פאר די אנדערע מעגליכקייטן וואס קומט מיט.

[אידישליך]

א מאסיווע אויפרייס אין א טשאקלאד פאבריק אין פענסעלוועניע האט אומגעברענגט 2 מענטשן און 5 פעלן נאך.

IMG_20230325_214924_094.jpg (74.17 KiB) געזען 5588 מאל

[אידישליך]

רוסישער פרעזידענט פוטין האט געמאלדן אז רוסלאנד וועט אוועקשטעלן טאקטישע נוקלעארע וואפן אין בעלארוס. פוטין זאגט אז די ארבעט פון אויפשטעלן א סטארעדזש געביידע וואו עס וועט געהאלטן ווערן וועט זיין פארטיג און יולי 1.

פוטין זאגט אז רוסלאנד האט שוין אויסגעשטאט 10 בעלארוסישע פליגער מיט די מעגליכקייט צו טראגן טאקטישע נוקלעארע וואפן.

[אידישליך]

די אמעריקאנער לופט אטאקעס אויף איראנע געשטיצטע מיליציעס אין סיריע פארלאפענע דאנערשטאג האבן אומגעברענגט 19 קעמפער.

אין רעאקציע האבן די מיליציעס פרייטאג צוריקגעשאסן עטליכע מיסילס וועלכע האבן נישט געטראפן אמעריקאנער צילן, נאר באטראפן א ציווילע הויז פון וועלכע א פרוי און 2 קינדער זענען פארוואונדעט געווארן.

[אידישליך]

ווייניגסטנס 25 מענטשן זענען אומגעקומען אין מיסיסיפי און איינער אין אלאבאמא, אין רעזולטאט פון א גאר שווערע טארנעידא וועלכע האט באטראפן די אומגעגנט.

IMG_20230325_220253_168.jpg (118.06 KiB) געזען 5485 מאל

[אידישליך]

2 מדינת ישראל זעלנער זענען פארוואונדעט געווארן, איינער פון זיי אין א קריטישע צושטאנד, נאך וואס א טעראריסט האט געעפענט פייער אין חווארה.

[אידישליך]

מדינת ישראל פרעמיער מיניסטער ביבי נתניהו האט אפגעזאגט פארטיידיגונגס מיניסטער יואב גאלאנט פון זיין פאזיציע, נאך וואס ער האט גערופן צו צייטווייליג אפשטעלן דאס אדורכפירן די יורידישע רעפארמען, פון וועלכע א טייל דארף אדורכגעפירט ווערן די וואך, אנגעבנדיג זיכערהייט זארגן אלס אורזאך צו זיין רוף.

זיין רוף קומט אין ליכט וואס א צאל הויעכראנגיגע און סטראטעגיש וויכטיגע עלעמענטן אינערהאלב די מיליטערישע רעזערוו סטראשען אז זיי וועלן זיך נישט שטעלן צום דינסט אויב מען פירט דורך די געזעצן.

[אידישליך]

מדינת ישראל קאונסיל אין ניו יארק, אסף זמיר, האט רעזיגנירט פון אמט אין רעאקציע צו דאס אויפזאגן דעם פארטיידיגונגס מיניסטער.

זמיר איז געווען א מיטגלידער אין בעני גאנצ'ס כחול לבן פארטיי ביז ער איז געשטעלט געווארן דורך די לעצטע בנט-לפיד רעגירונג אויפ'ן אמט וועלכע ער האט געדינט ביז היינט.

[אידישליך]

די FDIC האט געמאלדן אז 'סיליקאן וואלי באנק' איז אפיציעל פארקויפט געווארן צו 'פירסט סיטיזען באנק' פאר $500 מיליאן.

[אידישליך]

באריכטן גיבן אן אז נתניהו איז ערווארטעט צו מעלדן אין די קומענדיגע צוויי שטונדן אן אפשטעל אין די יורדישע רעפארמען. לויט די באריכטן וועט עס אפגעשטופט ווערן פאר ביז נאך די יום העצמאות, און אינצווישן וועט מען פארהאנדלען מיט אפאזיציע מיטגלידער צו פרובירן צו עררייכן ברייטערע שטיצע פאר די רעפארמען.

דאס קומט נאך וואס ווילדע ראיאטן האבן אויסגעבראכן איבער פילע שטעט אין מדינת ישראל נאך וואס נתניהו האט אפגעזאגט דעם פארטיידיגונגס מיניסטער.

צווישן אנדערע האט די גרעסטע ארבעטער יוניאן אין לאנד גערופן פאר א נאציאנאלע סטרייק, וואס וועט אפעקטירן פולע אינדוסטריעס.

ליכוד מיניסטארן ניר ברקת, מיקי זוהר און עמיחי שיקלי, האבן גערופן צו נתניהו אפצושטעלן די יורדישע רעפארמען. געוועזענער פרעמיער מיניסטער בענעט האט זיך אויך געלאזט הערן דערקעגן, און גערופן אז נתניהו זאל צוריקשטעלן גאלאנט אויף זיין פאזיציע.

סמוטריץ', בן גביר און א גרעסערע טייל פון ליכוד זענען אלע קעגן אפשטעלן. די חרדים, סיי שס און סיי יהדות התורה, האבן ביידע געמאלדן אז זיי נעמען נישט קיין שטעלונג אין וועלן שטיצן וואס אימער נתניהו וועט באשליסן.

[אידישליך]

א נאו קאנפידענץ אפשטימונג קעגן נתניהו איז דורכגעפאלן 59-53 אין די צייט וואס ער האט נאך דערווייל גארנישט געמאלדן איבער די יורדישע רעפארמען.

פליגער ארויס פון בן גוריון לופטפעלד זענען אפגעשטעלט געווארן אלס טייל פון די מאסיווע ארבעטער סטרייק אין לאנד.

די רעכטע אין לאנד האבן אויך פאררופן מאסן דעמאנסטראציעס נאך די באריכטן אז נתניהו וועט זיך ברעכן און מעלדן אז מען שטעלט אפ די רעפארמען.

די ווייסע הויז אין א סטעיטמענט האט געזאגט אז זיי זענען שטארק באזארגט איבער די אנטוויקלונגען אין מדינת ישראל.

[אידישליך]

לופטפעלדער, באס און באן סטאנציעס אין דייטשלאנד זענען געקומען צו אן אפשטעל נאך וואס ארבעטער זענען געגאנגען אויף א 24 שעה'יגע סטרייק צוליב פארלאנגען פאר העכערע צאלונגען.

[אידישליך]

באריכטן איבער א מאסן שיסעריי אין א שולע אין נעשוויל, טענעסי, מיט עטליכע געשעדיגטע.

[אידישליך]

די טויט צאל פון די אויפרייס ביי די טשאקאלאד פאבריק אין פענסילוועניע איז געשטיגן צו 7, נאך וואס אלע פעלנדע זענען אפגעפונען געווארן.

[אידישליך]

3 קינדער זענען אומגעקומען אין די שולע שיסעריי אין נעשוויל, טענעסי. פאליציי האט דערשאסן דעם שיסער צום טויט אויפן סצענע.

[אידישליך]

אין זיין אדרעסע צום פאלק האט פרעמיער מיניסטער נתניהו געמאלדן אז ער שטופט אפ דאס דורכפירן די יורידישע רעפארמען פאר ביז נאך יום העצמאות, און וועט אינטענסיוו ארבעטן צו עררייכן א קאמפראמיס פשרה מיט ברייטערע שטיצע אויך פון אינדרויסן פון די קאאליציע רייען.

ער האט שארף פארדאמט די אפאזיציע פאר'ן לעגיטימיזירן אנארכיזם אלס א פאליטישע מיטל, און פאר'ן ארייננעמען דאס מיליטער אינעם פאליטישן געשפרעך, און האט גערופן צו מיליטערישע פירער צו נעמען שריט קעגן די וועלכע האבן געסטראשעט מיט'ן דעזערטירן פון זייערע מיליטערישע פליכטן, און צו טוהן וואס פארלאנגט זיך צו איינמאל פאר אלעמאל ברענגען אן ענדע צו די ערשיינונג.

אויך האט נתניהו אדרעסירט די רעכטע לאגער, און האט זיך באדאנקט פאר די צענדליגער טויזענטער וואס זענען ארויסגעקומען פראטעסטירן אין שטיצע פון די רעגירונג, זאגנדיג אז זיי זענען נישט 'צווייטע קלאס בירגער' און אז זייער שטימע ווערט געהערט, ער האט צוגעזאגט אז די רעפארמען פארוואס זיי האבן ערוועלט די רעגירונג, צווישן אנדערע, וועט אדורכגעפירט ווערן און אז זיי זאלן נישט פאלן פאר די לינקע קאנפראנטאציעס.

[אידישליך]

אפדעיט: 3 קינדער און 3 ערוואקסענע איינגעשטעלטע זענען אומגעקומען אין די שולע שיסעריי אין טענעסי. די שיסער וועלכע איז אידענטיפיצירט געווארן אלס א 28 יעריגע פרוי איז אומגעברענגט געווארן דורך פאליציי אין די צווייטע שטאק לאבי פון די פריוואטע שולע.