@אידישליך: נייעס און באריכטן

[אידישליך]

אין א פרישע אנקלאגע ווערט דער געוועזענער FTX פירער סעם בענקמען-פריעד באשולדיגט אז ער האט געגעבן $40 מיליאן שוחד פאר כינעזע רעגירונג באאמטע.

IMG_20230328_101537_366.jpg (35.01 KiB) געזען 2087 מאל

[אידישליך]

די ווייסע הויז נאציאנאלע זיכערהייט קאונסיל ווארטזאגער לייקענט אפ די באריכטן איבער א נתניהו באזוך, און זאגט אז עס איז דערווייל נישט דא אזאנע פלענער.

ער האט געזאגט אז מדינת ישראל פירער האבן א לאנגע טראדיציע פון באזוכן די ווייסע הויז, און נתניהו וועט אויך אמאל קומען.

[אידישליך]

די מוסד שפיאנאזש אגענטור זאגט אז זיי האבן געהאלפן גריכישע אויטאריטעטן אפשטעלן 2 פאקיסטאנער וועלכע זענען א טייל פון אן איראנער נעטווארק פון דורכפירן טעראר אטאקעס אןיף א אידישע רעסטוראנט און ביהמ"ד אין גריכנלאנד.

[אידישליך]

פרעזידענט ביידען ווערנדיג געפרעגט איבער די סיטואציע אין מדינת ישראל האט געזאגט: "אזוי ווי מערערע שטארקע שטיצער פון מדינת ישראל בין איך שטארק באזארגט אז זיי זאלן טוהן די ריכטיגע זאך.

"איך האב דאס זייער קלארגעשטעלט אז זיי קענען נישט אזוי אנגיין ווייטער, איך האף אז דער פרעמיער מיניסטער וועט ארבעטן צו דערגרייכן אן אמת'ע קאמפראמיס, מ'דארף אבער ווארטן און זעהן."

דער פרעזידענט האט אויך צוגעלייגט אז ער פלאנט נישט איינצולאדענען נתניהו פאר א באזוך אינעם נאענטן צוקונפט.

[אידישליך]

אמווייניגסטנס 39 אימיגראנטן זענען אומגעקומען און נאך צענדליגער זענען פארוואונדעט געווארן ווען א פייער האט אויסגעבראכן ביי אן אימיגראנטן פארהאלטונגס צענטער אין מעקסיקא.

דער מעקסיקאנער פרעזידענט האט געזאגט אז דאס איז ווארשיינליך געקומען אין רעזולטאט פון ווען אימיגראנטן האבן אונטערגעצינדן מאטראצן ווען זיי האבן געהערט אז זיי וועלן צוריקגעשיקט ווערן צו זייערע לענדער.

[אידישליך]

א פעדעראלע ריכטער אין וואשינגטאן די סי האט געאורטיילט אז געוועזענער וויצע פרעזידענט מייק פענס דארף קומען אויפטרעטן בעפאר א גרענד דזשורי אנבאלאנגט די פרואוון צו איבערדרייען די 2020 וואלן, אפווארפנדיג טראמפ'ס טענה פון עקזעקיוטיוו פריווילעגיע.