די היינטיגע זיך אריבערכאפן די אוקריינער גרעניץ אריין קיין רוסלאנד און פארכאפן -כאטש צייטווייליג- דריי שטעטלעך אין די בעלגאראד ראיאן איז געטון געווארן דורך צוויי באזונדערע גרופעס. צוויי רוסישע גרופעס וואס שלאגן זיך אין אוקריינע לטובת אוקריינע.
טראץ די צוויי פארא-מיליטערישע גרופעס האבן קעגנזייטיגע אידעאלן האבן זיי דאך עפעס וואס טוט זיי פאראייניגן. דאז אז זיי זענען אנטי-פוטין דיסידענטן.
איין גרופע איז די "רוסישע וואלונטיר קארפוס". דאס איז אן אויסגעשפראכענע אלטרא רעכטע גרופע וואס ווערט געפירט דורך דער נעא-נאצי דעניס קאפוסטין מער באקאנט אלץ ניקיטין. ניקיטין איז א ראדיקאלער פארשוין.
- 20230522_200157.jpg (45.14 KiB) געזען 6421 מאל
קאפוסטינ'ס אידעאלאגיע איז צו פרעזערווירן די רוסן אלץ אן עטנישע גרופע. ער שרייט אז פוטין מאכט עס פאר א פאליטישע לאנד. קאפוסטין האט שוין אויך אראפגעריסן זעלענסקי אבער ער האלט אז פוטין איז ערגער.
בקיצור פוטין האט געגליטשט און איז נישט געניג געטריי צו מאמע רוסלאנד...
די גרופע פארריפט זיך אלץ טייל -עכ"פ טיילווייז פארבינדן- מיט די אוקריינער מיליטער אבער די אוקריינער מיליטער האלט א שטיקל מרחק פון זיי און באטראכט זיי נישט אלץ אן אפיציעלע טייל פון די אוקריינער מיליטער.
זיי האבן קאנטאקטן מיט די אוקריינער ארמיי אבער ארבעטן אלץ א "גרויע שטח" האט זיי איינער גיט אראפגעמאלן.
אזא אינצידענט וואס האצעך אפגעשפילט היינט אבער אויף א קלענערע שטאפל איז פארגעקומען צוויי חדשים צוריק ווען קאפוסטין מיט זיינע חברה האבן זיך אריבערגעכאפט די גרעניץ אין די בראנסק ראיאן אין רוסלאנד און פארכאפט א שטעטל צוויי. עס האט נישט אנגעהאלטן לאנג.
זע דא אביסל מער מיט א בילד פון קאפוסטין
viewtopic.php?p=4159499#p4159499
דערנאך איז דא די "פרייהייט פון רוסלאנד לעגיאן" פארא-מיליטערישע גרופע. דאס איז נישט ממש אזא אויסגעשפראכענע רעכטע פליגל ווי די ערשטע גרופע. זיי שטעלן זיך מער אהער פאר אינדיווידואלע רעכטן און מער פרייהייט אין רוסלאנד.
- 20230522_200201.jpg (55.1 KiB) געזען 6421 מאל
די גרופע איז -אנגעבליך-א טייל פון די "אינטערנאציאנאלע לעגיאנען" וואס אוקריינע האט געגרינדעט צו ארויסהעלפן.
די ביידע מיליציעס -און נאך א פארטיזאנער גרופע- זענען פארבינדן אין א פאראייניגטער דעקלעראציע געריפן די "אירפין דעקלעראציע" אלץ אפאזיציע צו פוטינ'ס רעזשים. דאס איז זינט פאריאר אוגוסט.
זיי ניצן אפט די ווייס-בלוי-ווייס פאן וואס ווערט אפט פארבינדן מיט די אנטי-פוטין באוועגונג אין רוסלאנד. בעיקר זעט מען עס ביי די צווייטע פארא-מיליטערישע גרופע די פר"ל.
- 20230522_214630~2.jpg (20.3 KiB) געזען 6421 מאל
די אלע גרופעס זענען נישט אלץ פאראייניגט. בעיקר ווען זיי האבן געמיינזאמע אינטערעסן און עס קומט זיי אויס בעסער צו ארבעטן ביינעזאם.
אויב און אויף וויפיל די אוקריינער מיליטער האט געשפילט א ראלע בלייבט איבער צו זען. גיטע "סיי-אפ" איז עס זיכער. א שטארקע טראלעריי איז עס אויך זיכער. און אפשר זאל טאקע די אוקריינער מיליטער ניצן די בעלגאראד פראנט און אינוואדירן שטיקלעך פון רוסלאנד אלץ טייל פון די בעפארשטייענדע קאנטער אפענסיווע. צו אלץ די צומישעניש און צו אלץ די לעוורידזש קעגן רוסלאנד.