יואל שרייבער האט געשריבן:היכי תמצא האט געשריבן:יואל שרייבער האט געשריבן:היכי תמצא האט געשריבן:און אמעריקע טוישט זיך די פרעזידענטליכע בענקל יעדע פיר-אכט-צוועלעף יאר, מיינענדיג אז די כסא המלוכה טוישט כסדר פארטייען (אין די גאנצע היסטאריע פון אמעריקע, די לענגסטע צייט וואס איין פארטיי האט געהאלטן דאס כסא איז געווען אכט און צוואנציג יאר, 1801-1829. דאס לעצטע מאל וואס דריי פרעזידענטן פון דער זעלבע פארטיי זענען ערוויילט געווארן איינס נאכן צווייטן איז געווען 1921-1933, און דאס האט פאסירט ווייל אײנער איז געשטארבן אינמיטן זיין טערמין). דער קאנגרעס טוישט זיך יעדע צוויי-פיר-זעקס יאר, און אפילו אז די פארטייען געווינען נישט די מאיאריטעט יעדע צוויי יאר, פארלירט-געווינט איין פארטיי לכה"פ אפאר בענקלעך אין ביידע הייזער. דאס האט נישט צוטאן מיט דער קאנסטיטוציע אדער סתם דינים, נאר פשוט ווייל די אמעריקאנע בירגער (אריינגערעכנט אידן) ווילן כסדר טוישן די מאכט פון די פארטייען, און דאס האלט אן א שיינעם באלאנס (לענ"ד).
דאס אלעס איז אוואדאי פאר דיר נישט קיין נייעס. אלזוי, וואס איך פראביר ארויסצוברענגען איז אז איין פארטיי רודפט דאס צווייטע, און מענטשן ווערן טאקע גערודפט אבער זיי האבן מאכטפולע באשיצער, און די אנדערע זייט רודפט צוריק, אדער ווען די אנדערע צד באקומט די מאכט לייזן זיי אויס זייערע פאנדלעך. (ס'גייט שוין ארויס פון גרעניץ, איך מיין אז פון יעצט אן וועט מען פרובירן אימצופיטשען יעדן פרעזידענט... אפשר אפילו צוויי דריי מאל...).
משע"כ אין רוסלאנד זיצט שוין פוטין אויפן בענקל צוואנציג יאר (נישט אריינגערעכנט זיינע מעשים בשעת די סאוויעטישע צייטן). דערפאר קען קיינער אים נישט צוריק רודפן, און ווער ס'פרובירט טרעפט זיך אין תפיסה. ווי לענגער ער זיצט אויפ'ן בענקל אלץ מער ארעסטירט ער און ער קומט מער מאכט. לעצטע חודש האט ער געמאכט א נייע הלכה (מיט די באשטעטיגונג פון דער דומא...) וואס וועט אים לאזן זיצן אויפ'ן בענקל ביז 2036! מ'קען דאס נישט פארגלייכן צו די אמעריקאנע "איך טשעפע-דיך-דו-טשעפעסט-מיך" שפילעריי.
דו רעדסט נאר פון איין חלק פון די אמעריקאנער גאווערמענט, עס איז דא נאך א חלק פון די אמעריקאנער גאווערמענט וואס טוישט זיך קיינמאל נישט, און פייפט אן די אמעריקאנער בירגער פונקט ווי לוקאשענקא, עדווארד סנאודען איז געווען אן אקטיוויסט צו דעמאקראטיזירן יענע חלק פון די אמעריקאנער גאווערמענט, און דערפאר האבן זיי געצווינגען א באליוויער עראפלאן צו לאנדן אין עסטרייך אים צו קענען כאפן.
יא, אין דעם פאל ביסטו גערעכט, און אויך מיט 'דזשאליען אסאנדזש', אבער ס'נאך אלץ נישט קיין פארגלייך צווישן איינער וואס פראטעסטירט אקעגן דעם רעגירונג און איינער וואס געט ארויס פאר דאס גאנצע וועלט געהיימע סודות פון אמעריקע.
אגב, ביי די מעשה מיט דעם עראפלאן פון באליוויע לגבי עדווארד סנאודען האט די אמעריקאנע רעגירונג געטון מיט בעסערע הענטשיך. מ'האט נישט געצווינגן דעם עראפלאן צו לאנדן (זיכער נישט מיט קיין מיליטערישע פליגער) שפאניע, פראנקרייך, איטאליע, און פארטוגאל האבן פשוט אפגעזאגט דעם פליגער צו פליען העכער זייערע לענדער. דעריבער האט דער באליוויעשע פרעזידענט געהייסן זיין פיילעט צו לאנדן אין וויען ווייל דארט איז ער געווען און וויען האט אים נישט אפגעזאגט. וויען זאגט אז זיי האבן ארויפגעשיקט פאליציי צו אונטערזוכן די פליגער, און לויט די באליוויעשע פרעזידענט האט מען נישט אונטערגעזוכט איהר עראפלאן ווייל זי האט דאס נישט צוגעלאזט. למעשה איז זי געבליבן דארט איבערנאכט און געהאט א געשמאקע פרישטיג מיט דער עסטרייכישע פרעזידענט. אויך האט מען נישט געקענט קלאר ווייזן דאס פינגער אויף אמעריקע.
א דיפלאמאטישע פינטל פאר אמעריקע.
דו מיינסט אז פרואוועסאוויטש איז אזא צדיק, די פראטעסטן וואס ער האט ארגאניזירט זענען געווען אזוי פיעספול?
נאר וואס דען, יעדער פארשטייט אז קעגן א דיקטאטור קען מען נישט זיין אזוי פיעספול, די זעלבע ווען אמעריקע טוט א דיקטאטורישע מאוו, שפיאנירן אויף די אייגענע בירגער אונטערן רוקן, דארף מען אמאל ארויסגעבן געהיימע סודות עס אפצושטעלן.
מיט דעם ביסטו לכאורה גערעכט
