אונגארישע הייזער האט געשריבן:ווערעצקי האט געשריבן:נאך איינער האט געשריבן:אנעים זמירות האט געשריבן:אונגארישע הייזער האט געשריבן:
שוין געשריבן איינמאל, ווען 'איך' דינג איינעם און 'איך' צאל איהם ארבעט ער פאר 'מיר' און ער טוהט וואס 'איך וויל'. פינטל.
כ'האב געוואלט צוריקענטפערען, אבער דאן האבעך געזעהן אז דו האסט בפירוש ארויסגעשריבען פינטל, און כ'האב איינגעזעהן אז כ'בין טאקע נישט גערעכט.
למעשה האסטי טאקע וואס צי ענטפערן? איך פרעג ווייל איך וויל באמת וויסן
שוין ערקלערט עטליכע מאל, די פראבלעם איז נישט דוקא ווייל זיי זענען פאליציי, ציונים, נאצים וכו' וכו'. עס איז די צוגאנג פון האלטן ארדענונג, וואס אין גאנץ מיטל מזרח גייט עס בכח הזרוע, נישט מיט קיין שכל. (וכמים הפנים לפנים, האבן מענטשן סאך ווייניגער צוטרוי אין די פאליציי, און ראנגלען זיך זייער אפט און שנעל מיט די פאליצייאישע פארארדענונג).
עס וועט נישט זיין קיין סאך אנדערש, ווען מען נעמט א סעקיוריטי קאמפעני, און דער גולם וואס שטייט דארט ווייסט אז יעצט דארף ער פארמאכן אדער אפהאלטן, קענסטו אים מסביר זיין טויזנט מאל אז ער טוט נישט ריכטיג, ער הערט נישט וואס דו רעדסט צו אים. און אויב דו וועסט זיך מיט אים קריגן, קענסטו פונקט אזוי כאפן פיינע מכות.
אבער ווען 'איך' צאל איהם בין 'איך' בעל הבית אויף איהם, און איך (לייען: היימישע עסקנים) קען איהם איינטיילן וויאזוי צו ארבעטן און טוהן, און ווען איך (לייען: היימישע עסקנים) בין איהם מסביר אז ער טוהט נישט ריכטיג וועט ער יא פאלגן.
און נאך א זאך, ווען מען ווייסט אז די היימישע עסקנים פארארדענען דאס וועט דער עולם קאאפערירן (אוודאי וועט אלץ זיין אפאר משוגעים, אבער דער כלל ציבור ארבעט מיט).
לאמיר דיר געבן א דוגמא, איך בין געווען ביי איינע פון די גרויסע מאורעות אין נ"י אין א סטעדיום, איך (אלס אדמו"ר....) האביך געהאט א טיקעט אין איין סעקשאן, און מיינע קינדער אין אן אנדערע סעקשאן. קום איך אן ביי מיין סעקשאן, שטייט דארטן סעקיוריטי (היימישע...) און לאזט נישט אריבער מיינע קינדער, ווייל זיי דארפן גיין אין אן אנדערע סעקשאן. שוין אפגערעדט אז עס איז למעשה געווען גענוג און נאך פלאץ אין דעם סעקשאן, אבער איך האב מיך א לענגערע צייט ארום געקריגט מיט די סעקיוריטי און מסביר געווען, אז איך קען נישט לאזן מיינע קינדער גיין אליינס. לאמיך אריין קודם דא, און איך וועל זיי אפטראגן צו זייער סעקשאן נאכדעם. נישט קיין חילוק צו איך בין געווען גערעכט אדער נישט, האט דער סעקיוריטי מיך נישט געוואלט אויסהערן, און איך וואלט אים לכאורה געדארפט שעלטן מיט טויטע קללות, און אין א"י וואלט איך גענומען שרייען רוצח נאצי וכו', און ער וואלט מיך געדארפט מכבד זיין מיט פעפער ספרעי, קלעפ וכו'. למעשה איז עס נישט געקומען צו דעם, נאר נאך לענגערע טענה'רייען, האט ער פארלוירן די געדולד און מיך דורך געלאזט.
איז דאך שווער די קשיא, עס איז דאך געווען היימישע סעקיוריטי, פארוואס טוט ער נישט וואס איך וויל? די תירוץ איז אז דער גולם וואס שטייט דארט נוצט נישט קיין קאמען סענס, ער באקומט פארארדענונגען פון אנפאנג וואס ער דארף טוהן, און מער וויל ער נישט וויסן. איך קען אים מסביר זיין מיט טויזענט הסברים אז ער טוט נישט ריכטיג, אבער עס אינטערסירט אים נישט, ווייל איך אלס אינדיווידועל האט אים נישט געדונגען, נאר די אנפירערס, און זיי געבן ארויס די פארלאנג פאר די קאמפאני, און די קאמפאני נוצט זייער אייגענע סטראטעגיעס און פראקטיק וויאזוי צו ארבעטן, און ביי דעם בלייבט עס.
איין חילוק איז נאר, ווען עס קומט צו א קאנפארטאציע, אין אמעריקע, אייראפע ועוד, ענדיגט זיך עס געווענליך ווען איינער פארלירט די געדולד און געבט אויף, אין מיטל מזרח ענדיגט זיך עס ווען איינער ווערט צובלוטיגט און פאלט אוממאכט.
אבער לגופו של ענין, צו א סעקיוריטי קאמפאני איז בעסער ווי פאליציי, בדרך כלל, איז בכלל נישט איבערצייגט. נאר אויב דו קענסט אויפווייזן אז די פאליציי אין א"י זענען גרעסערע שלעגערס ווי די סעקיוריטי קאמפאני, וואס איז לכאורה נישט אמת. זיי זענען בדרך כלל פון די זעלבע טעג געקנאטן.