מאנסי טראפיק פראבלעמען

[טישטוך]

בס"ד

איך האב אזוי רחמנות אויף אים, ער כאפט ביטערע זעצעס טעגליך, ער האט גארנישט שלעכט געטון. נאך אלעם האט ער מיר נאר געפירט וואוהין איך האב אים געטריבן, און ער האט מיר גוט געפירט. אבער יעדע צווייטע מאל וואס איך גיב אים א דריי כאפט ער א פרישן זעץ אין די מארדע. היינט האט ער באשלאסן אז דאס איז עס, ער ציהט זיך אויס מיט א מיאוס'ן לאך אין קאפ.

יא, איך רעד פון מיין קאר.

איך פאר אין מאנסי, עס איז לעגאל צו פארן מיט א קאר אין מאנסי פאר דער וואס ווייסט נישט. אבער חוץ פון די ענדלאזע לאנגע לעקטערס און די שטאט פארענדע טראפיק וואס טוט פאראורזאכן אז עס זאל נעמען שנעלער צו שפאצירן פון די שטאט ניקלשבורג צום שטאט סאטמאר אינדערהיים ווי צו פארן מיטן קאר פון איין שול צום צווייטן, און אזוי אויך וועל איך זיך נישט אפרעדן אויף די געפערליכע קריזיס וואס עס הערשט לעצטנס אויף אלע קליינע געסעלעך ווי בנש"קלעך האבן געפרוכטבארט בתי מדרשים דורכאויסן קאוויד און זיי ברענגען אן א געפארקאכטס אויף אלע דריי זייטן פון די גאס, און איך וועל אויך נישט רעדן פון די לאפאמיליא טעקסיס וועלכע טוען מיט א שטארקע פרעכקייט אנמיירענען די גאסן מיט שטאט פארענדע וויהיקלעך וועלכע פארמעסטן זיך מיט די באבעס פון ספרינג וואלי ווער עס קען פארן שטאטער.

אויף דעם אלעם האב איך געשוויגן און נישט געעפנט דאס מויל.

אבער וואס וועט זיין מיט די מיליאנען פאט-האולס?!


ביטע לייגט צו אייער דרייווינג עקספיריענס אין מאנסי און לאמיר האפן אויף א באלדיגער טויש.

[בעריש'ל]

העכסט צייט צו אנטלויפן פון מאנסי

[טיכטיגער]

ווי איך פארשטיי איז יעצט צוגעקומען זייער אסאך פון די שארער טראקס.

[שירו לו]

ממש געפערליך, יעדע דריי פיס נאך א זעץ, מיינע רעדער זענען שוין נישט די זעלבע ווי דריי חדשים צוריק. פחדים נוראים ממש.
אפגערעדט נאך אין די אונטערשטע טייל פון מאנסי אין געגנט פון הצלחה גראסערי, ווי מ'דארף פשוט האבן נסים אדורכצושפרייזן די גאס מיט א קאר

[Kollel]

בס"ד
.

אבער וואס וועט זיין מיט די מיליאנען פאט-האולס?!


ביטע לייגט צו אייער דרייווינג עקספיריענס אין מאנסי און לאמיר האפן אויף א באלדיגער טויש.

טאקע שרעקוועדיג, אבער לעניות דעתי איז קר"י פונקט די זעלבע..(עניוועי, טא ראנגס דאזענט מעיק וואן רייט)

[רעים]

סתם צו האקען אויף מאנסי אז די האסט פראבלעימען באשילדיג נישט די גאנצע שטאט און יעדע אידישע שטאט איז דא טראפיק (איך בין געווען א וויזיט און בלומענבערג האבען איך געזען אז דארט האט מען ספעציעל דזייענד טרעפיק)
פארקערט און מאנסי ווען מ'וויל אנקומען קען מען ניצען א בייק און לאזען די קאר פאקירט משא"כ און די הייליגע וויליאמסבורג (ווי איך בין יעצט און גלות) ווי צו לאזען די קאר האט מען נישט און ניצען א שגץ בייק ר"ל קען מען זיכער נישט

(איך מיין נישט קיינעם שאסט ס'האט אנגעכאפט א בענקעניש צו מיין היים שטאט)

[בלעכענער פנים]

יעפס, די לעצטע חודש צוויי איז געווארן פחדים נוראים, איך פארשטיי אליינס נישט ווי אזוי כ'האב נאכנישט געכאפט קיין פלעט...

[אור]

העכסט צייט צו אנטלויפן פון מאנסי

מיינסט אין פלארידא איז נישטא קיין פאטהאלס....

[לעכטל]

איך זעה אז מען האט אנגעצינדן די טרעפיק לייט'ס פארנט Monsey Glatt אויף 59, דאס דארף ארויסצוהעלפן די טרעפיק ארויסצופארן פון Bates. למעשה איז געווען נעכטן גאנץ א גרויסע טרעפיק אויף 59 בעיקר ווען מען וויל זיך איינדרייען פון Remsen Ave.

[כ'לאך]

מ׳דארף מאכן א קאמפיין אז די וויליאמסבורגער זאלן טוישן רעדער מיט די מאנסיער די וויליאמסבורגע רעדער זענען דיקער מיט אפאר אינטשעס צוליב די אנגעקלעבטע גארביטש און די מאנסיער וועלן עס אראפנעמען מיט די פאטאלס
(האלוי שיק מיר אריין די נאמבער פון די רעדער שדכן)