באמת א שאנדע צו זען דא"ד גיין אין די וועגן פון די אלגעמיינע פרעסע און ארויפשמוצן זאכן אויף יענג. אז איינער טרעפט מיר וואו ער זאגט צו פאר
יעדן ניו יארקער
$1000 פער
חודש, געב איך יענעם אוועק מיין ערשטן טויזנטער וואס איך וועל (כלומר'שט) באקומען פון יענג.
דאס איז אויסגעזויגן פון פינגער. יענג ווייסט גאנץ גוט אז ניו יארק סיטי איז נישט די פאראייניגטע שטאטן.
דרך אגב נאך אפאר קאמענטארן:
ווען מען האנדלט מיט אזא דאטא-געפירטע קאנדידאט ווי יענג, איז אביסל שווער זיך צו שטעלן קעגן זיינע פאליסיס מיט טענות וועלכע קענען גרינג נתברר ווערן. עטליכע שטודיעס צייגן אז רענקד טשויס וואוטינג העכערט טוירנאוט, מיט אזויפיל ווי 10% אדער מער. אנדערע טענה'ן אז די שטודיעס זענען נישט מאסגעבנד ווייל אנדערע פאקטארן קענען זיין פארמישט, ווי אויך האבן טייל שטודיעס (ווייניגער אין צאל) נישט געטראפן קיין העכערע טוירנאוט מיט רענקד טשויס. אבער צו זאגן אז עס
וועט ברענגען אז
אסאך ווייניגער מענטשען וועלן שטימען איז אוודאי קעגן די דאטא און קעגן שכל. די סברא איז אז מענטשן שטימען מער ווען זיי האבן מער בחירה און זייערע שטימען קענען ענדערש געציילט ווערן, נישט ווייניגער.
איך וויל באמת פארשטיין וויאזוי איינער קען זאגן אז עס איז איבער קאמפליצירט. ווי
שוין ערקלערט, ווער עס וויל קען ווייטער שטימען פונקט אזויווי ביז היינט מיט צוגעמאכטע אויגן בלויז פאר איין אפציע, און אויב איז זיין שטימע געווארן גערעכנט ביז היינט וועט עס ווייטער ווערן גערעכנט; אבער דער וואס זיין שטימע וואלט גארנישט מעלה ומוריד געווען ביז היינט (ווייל ער האט געשטימט פארן שוואכסטן), דער באקומט נאך א שאנס זיין שטימע זאל געציילט ווערן.
יענג האט יארן לאנג געטון אין נאן-פראפיט, און ער האט אוועקגעגעבן ריזיגע שטיקער פון זיין פארמעגן (וואס איז מתחילה בכלל נישט געווען אזוי גרויס ווי די מידיא פרובירט דיר איינצורעדן), ווען ער האט נאכנישט גע'חלומ'ט פון לויפן פאר סיי וועלכע פאזיציע. צו זאגן אז ער מיינט עס נישט ערנסט און ער איז א בלאפער דארף מען זיין אן ערנסטער קאנספיראציע טעארעטיקער, ואני בתומי אלך.
איך האב זיך אביסל געשריבן מיט אים אמאל, לויט מיין איינדרוק פארשטייט ער אונז בעסער ווי יעדע אנדערע גוי וואס איך האב נאר אנגעטראפן, אריינגערעכנט אלע "אוהבי ישראל" וועלכע זענען געבוירענע פאליטיקער און מיינען גארנישט מער ווי פאליטיק. ער האט מיר דאן אויך געשריבן אז אמעריקע איז מתחילה באזעצט געווארן דורך פליטים וועלכע האבן געזוכט רעליגיעזע פרייהייט, און דאס באגרעניצן מיט סיי וועלכע אויסרייד טייטשט אפצושניידן דעם צווייג אויף וועלכע דאס לאנד זיצט.
באופן כללי פארשטיי איך נישט, די אלע פראגעס (וויאזוי גייט מען עס באצאלן, פארוואס דארפן עשירים באקומען, פארוואס מען געבט נישט פאר קינדער, פארוואס פעלט עס יעצט אויס) זענען שוין געדולדיג פארענטפערט געווארן מער ווי איין מאל, אין מער ווי איין אשכול. פארוואס זאל מען עס איבערפרעגן כאילו לא היה פונקט אין דעם אשכול, וואו עס קומט גארנישט אריין?
אה, און אז מען האט אויף אים ארויפגעווארפן דעם שענדליכן מילה בלבול איז ער אויך שולדיג?
און אז מען לייגט אים אריין ווערטער אין מויל איבער שטייערן אויף רעליגיעזע בנינים איז ער אויך שולדיג? זיינע ווערטער זענען געווען "There are major, major landowners in New York City who are not paying property tax because they are tax-exempt". קיין ווארט נישט איבער רעליגיעזע בנינים, וואס איז אוודאי געווען א מילתא דפשיטא אז ער גייט נישט גיין קעגן די קאנסטיטוציע.
האטס מיר און זייטס מיר.