פעיק ניוז האט געשריבן:צל עובר האט געשריבן:מיין פיצי מיינונג.
קודם בנוגע וואלעס, איך עגרי מיט @פעיק אז ער האט געוואלט זיין פעיר. אבער למעשה - מעגליך צוליב די טראמפערטענטראמס, האט ער א שיינע פאר מאל געענדיגט ווי איינס פון די דעבאטירער, און אומ'יושר'דיג ארויסגעהאלפן ביידע זייטן, פאר מער שפעטער. למעשה האקן אלע זייטן אויף אים.
נעם מיין ווארט: יעדער איינציגסטער מאדערעיטער וואלט געווען א מיליאן מאל ערגער פון אים.
בייעס איז ער זיכער נישט געווען, דאס איז א פאקט.
איך ברענג דא די ביידן 2020 תגובה בעסער ארויסצוברענגען מיין פוינט.
ביידען2020 האט געשריבן:וואלעס איז געווען שרעקליך בייעס צו טראמפ! יעדע מאל נאך א טראמפ אטאקע ווען ביידען האט געוואלט ענטפערן האט ער אים איבערגעהאקט און געגאנגען ווייטער, ביידען האט דאס באוויזן איבערצוקומען און געווינען
איך באמערק א אינטרעסאנטע זאך, אז באמת האבן מענטשן אויף ביידע זייטן גאר שטארק אויפגעכאפט אז וואלעס פארדרייט דעם שמועס ווען ביידן דארף צו ענטפערן אויף א טראמפ אטאקע, און ביידע האבן דאס נישט ליב געהאט.
די פרא טראמפס האבן דאס נישט ליב געהאט, ווייל זיי האבן געשפירט אז ביידן בלייבט מיט די צונג אינדרויסן, פארוואס העלפסטו אים ארויס?
אנטי טראמפס האבן אבער געשפירט אז ביידן האט עכט וואס צו ענטפערן, נאר וואלעס געבט א פארדריי די שמועס, פארוואס לאזטו אלס טראמפ מיט די לעצטע ווארט?
מהאי טעמא שפירן אסאך אנטי'ס אז וואלעס האט געהאלפן טראמפ.
נאכדעם איז דא די חלק פון פרובירן צו האלטן טראמפ אין די ראמען, ער האט געטון אויף אן אופן וואס האט אויסגעזען בייעס קעגן טראמפ, און ביידע האבן דאס נישט ליב געהאט.
די פרא טראמפס האבן דאס נישט ליב געהאט, ווייל זיי האבן געזען אז וואלעס איז בייעסד קעגן טראמפ.
די אנטי טראמפס האבן דאס נישט ליב געהאט, ווייל פארוואס ווייזטו אז דו ביזט בייעס, וואס דאס העלפט נאר טראמפ, ווען דיין בייעסדקייט העלפט גארנישט ביידן אין דעם דעבאטע אפילו?
אזוי זעהט מיר אויס לגבי וואלעס.
אבער איך עגרי מיט @פעיק אז ער האט פרובירט דאס מערסטע צו זיין פעיר, און א צווייטער וואלט לכאורה נישט געווען בעסער אין די אומשטענדן. עס קען זיין אז די קומענדיגע וועלן זיין בעסער,אויב זיי וועלן האבן די מעגליכקייט צו לעשן מייקס.
-----------
בנוגע פעקינג, ביידן קען פשוט נישט ענטפערן די שאלה, דרייט ער זיך כאטש קלאר דירעקט ארויס אן קיין ספינערייען.
בנוגע האנטער, ביידן ווערט צו עמאושענעל/אויפגערעגט ווען ער רעדט פון די באשולדיגונגען קעגן זיין זון, אז ער זאל קענען קלאר צולייגן זיין זייט פון די מעשה. מען רעדט דאך דא פון איינעם וואס האט פארלוירן צוויי קינדער, אריינגערעכנט זיין תכשיט באו. ווער עס געדענקט, אפילו ביי די פריימערי דעבאטעס, וואס קיין איין קאנדידאט האט אים נישט אראפגעריסן אויף דעם, און די מאדערעיטערס האבן געפרעגט היפש איידל, האט ער אויך נישט געקענט קלאר ארויסברענגן דעם ענין.
איינמאל האט מעיאר פיט געגעבן זייער א גוטן תירוץ בענין האנטער ביי א דעבאטע, און ביידן האט אים גאר שטארק מכיר טובה געווען פארן זיך אננעמען פאר זיין זון, איך מיין אז איז א שטארקע סיבה פארוואס ביידן האלט אזוי פון בודידשאדזש.
לויט ווי אזוי ער איז געווען ביי די פריימעריס, האט ער גאר גאר שטארק זיך געהאלטן, און זיך נישט פארלוירן, טראץ טראמפ האט אים אזוי שטארק אטאקירט וועגן האנטער בשעת'ן רעדן פון באו. זיינע יועצים האבן געמאכט א גוטן דזשאב מיט'ן אים אויסלערנען אפצולייקענען די גאנצע זאך, און פארטיג. אויך איז זיין תירוץ איבער האנטערס דראג פראבלעמען - כאילו עס איז איז קרוב צו נארמאל פאר טראמפ דאס ארויפצוברענגן, אפשר זאל מען רעדן פון דזשעראדס חילול שבת אויך? - געווען גאר שטארק.
-----------
אודאי גיי איך האבן טענות אויב ביידן פארמאכט פריוואטע אינשורענס.
