איראנער הויפט גענעראל מודה אז מדינת ישראל שטייט אונטער די לעצטערע אטאקעס; שטילע מלחמה פלאקערט צווישן איראן און מדינת ישראל און אמעריקע
- unnamed.jpg (32.99 KiB) געזען 2770 מאל
טעהראן - נאכדעם וואס פאר די לעצטע שטיק צייט גייט שוין אן מיסטעריעזע אויפרייסן און פארדעכטיגטע פייערן ברעכן אויס ביי סטראטעגישע פונקטן אין איראן, האט איראן שוין האלבוועגס מודה געווען אז מדינת ישראל אינאיינעם מיט אמעריקע שטייען אונטער די סאבאטאזש אקטן.
דער קאמאנדיר פון די אל קודס קרעפטן אין איראן, איסמעיל גאני האט געזאגט אז אמעריקע און מדינת ישראל זאלן זיך גרייטן צו שווערע טעג. דער גענעראל האט זיך באצויגן צו די מיסטריעזע אויפרייס אויף די אמעריקאנער מיליטערישע שיף אין סאן דיעגא - ווי 21 אמעריקאנער זעלנער זענען פארוואונדעט געווארן - און האט אומדירעקט גענומען דעם קרעדיט דערפאר אז איראן איז געשטאנען אונטער דעם. ער זאגט אמעריקע קען קיינעם נישט באשולדיגן נאר זיך אליין ווייל זיי האבן אנגעהויבן דעם שפיל.
איראנער קוועלער געבן אן אז א אויספארשונג האט אויסגעשלאסן די מעגליכקייט אז די אויפרייס אין די נאטאנז נוקלעארע רעאקטאר האט פאסירט צוליב א לופט אטאקע, נאר איז ווארשיינליך געשען אין רעזולטאט פון א סייבער אטאקע. זיי זאגן אז מדינת ישראל וואלט גע'חלומ'ט צו האבן די מעליכקייטן דאס דורכצופירן אבער עס זעהט אויס זיי פארדעכטיגן ענדערש אמעריקע. די ענדגילטיגע סיבה וועט מען נישט וויסן ביז דער אויספארשונג וועט זיין פארענדיגט.
קרעדיט..
JD Media