ליבי ובשרי האט געשריבן:הער נקדימון, איר האט נישט געוואלט פרעדיקטן בעפאר די וואלן, קומט כאטשיג יעצט אריין מיט א שטיקל אנאליז וואס זענען די שאנסן פון גארסיע/וויילי.
תודה מראש!
איך בין נישט הער נקדימון, אבער לויט די אנקעטעס וואס האבן געוויזן אז גארסיע און וויילי זענען האלז צו האלז אינעם ערשטן רונדע, וואלט וויילי שמאלערהייט ארויסגעפאלן פאר די לעצטע רונדע, וואס מיינט אז ווען וויילי איז מיט באלד דריי פונקטן פאראויס דארף עס צו זיין היבש שווער פאר גארסיע איבערצוקומען.
אבער דאס איז נאר אויב וויילי בלייבט טאקע מיט דריי פונקטן פאראויס, און מיט אזויפיל עבסענטי בעלאטס אינדרויסן קען גארסיע זיך נאך שטארק דערנענטערן צו וויילי (ווי ס'איז דערמאנט געווארן אויבן הייסט עס אז זי שטייט גאר גוט צווישן די עבסענטיס), און ענדגילטיג ארויסווארפן וויילי פאר די לעצטע רונדע.
אויב וויילי בלייבט אין די לעצטע רונדע דארף זי צו פארלירן קעגן עדעמס לויט די אנקעטעס, און הגם די זעלבע אנקעטעס האבן אונטערגעשאצט איר שטארקייט אין די ערשטע רונדע, איז די מארדזשין מיט וואס עדעמס האט איר געדארפט באזיגן געווען גענוג ברייט אז ער זאל עס איבערלעבן אפילו מיט א פארשטערקערטע וויילי, אבער מ'קען פארט גארנישט אויסשליסן.
אויב גארסיע בלייבט אין די לעצטע רונדע דארף זי צו פארלירן קעגן עדעמס לויט די אנקעטעס, ווייל הגם ס'זענען געווען אנקעטעס וואס האבן געוויזן אז זי וואלט געוואונען אין די לעצטע רונדע קעגן עדעמס, האבן דאך יענע זעלבע אנקעטעס געוויזן אז זי איז נישט צופיל אונטערשטעליג פון עדעמס אין די ערשטע רונדע, און למעשה איז זי (דערווייל) אריינגעקומען מיט אריבער צוועלף פונקטן שוואכער ווי אים.
אז מ'וויל "זען" די יעצטיגע מצב קען מען קוקן אויף די אנקעטע וואס איז געווען גאר פונקטליך (די גרעסטע חילוק פון די אנקעטע צו די מציאות איז מאראלעס און וויילי, אבער יענץ מאכט נישט אויס), און ערווארטן אז די לעצטע רונדע וועט זיך ענדיגן בערך אזויווי דא אדער אפשר אביסל שטערקער פאר וויילי (און אויב וויילי אדער גארסיע וועלן יא געוואונען וועט עס זיין "אומערווארטעט").