פלייט איבער טשערנאביל צום 35'סטן יארטאג פון די טשערנאביל דיזעסטער
אוקריינע'ס הויפט עירליין Ukraine International וועט דעם קומענדיגן אפריל 25 צושטעלן א פלייט וואס זאל פליען העכער דעם איזאלירטן שטאט טשערנאביל. דאס איז שוין די דריטע פלייט אין די לעצטערע חדשים וואס הייבן זיך פון קיעווער עירפארט, פליען ארום ניינציג מינוט, ווען אינצווישן קען מען האבן א view פונדערהייעך אויף די געגנט פון טשערנאביל, און דערנאך לאנדעט מען צוריק אין קיעוו.
די עראפלאן פליען אזוי נידריג ווי 2,950 פיס העכער טשערנאביל, וואס דאס איז די נידריגסטע וואס איז ערלויבט צו פליען העכער די פארלאזטע ראדיאקטיווע שטאט.
די שטאט שטייט שוין ליידיג זייט די באוואוסטע "טשערנאביל דיזעסטער" אין אפריל 26 1986 ווען שעדליכע מאטריאל האט זיך פארשפרייט אינעם גאנצן שטאט צוליב א נוקלעארע ארויסרינונג.
פונקט ווי די יאפאנעזע שוואוילטאג פלייטס איבער וועלכע
מיר האבן באריכטעט, וויל UIA אויך מאכן די רייזע פאר א אינטערעסאנטע עקספעריענס, און וועגן דעם לייגן זיי צו ביים צוריק קומען א טור אין איינע פון די קאמפאניס 777 פליגערס, די רייזנדע וועלן קענען אריינגיין אין די קאקפיט און שטעלן פראגעס איבער אוויאציע פאר פילאטן וואס וועלן זיין אנוועזנד. אויך וועלן זיי אויסראפלען פארשידענע זאכן, אריינגערעכנט א באצאלטע טור אינעווייניג אין די שטאט טשערנאביל.
און אלעס פאר די נישטיגע פרייז פון 2,970 אוקריינישע גריוונע! איז עס נישט ביליג? ס'איז $106 אמעריקאנע דאללער.