אידיאט האט געשריבן:תענית חלום האט געשריבן:גלות איד האט געשריבן:לכתחילה פאסט אז ווען מ'ברעגט דא עדס זאל מען אויסמעקן די נעמען פון די גרעפקער און פון די קאמפעני, משום לשון הרע. [ועוד כדי שלא יהא חוטא נשכר פרי עדווערטייזינג].
פארוואס?
פארוואס נישט אנרופן דעם קינד ביים נאמען?
ווען דיין זוהן זאל זאל ווען דרייען מיט א מושחת אין גאס, צו אפילו נאר שמועסן מיט אים אין שוהל וואלסטו אים נישט געזאגט שטיי ווייט פון דעם מענטש, ער איז א סכנה פאר דיין רוחניות?
ווי קומט אהער לשון הרע?
די (גאר) גרויסע מאקעטינג פירמעס זענען פיל מיט פוחזים ורקים וגם לרבות פוחזות ורקות, אנשים ונשים וואס האבן נישט קיין שמץ שמעק צו ערליכקייט, די וואלסט נישט געלאזט דייין קינד פארברענגען מיט זיי פאר קיין מינוט. איך וויל, אבער איך וויל נישט אריינגיין אין צופיל פרטים ווי אזוי די התנהגות איז אין די אפיסעס, בין אנשים ונשים, ווי די אלע זיצן טאג אין נאכט אויף סאושעל מידיע, און וואס די מארקעטער טוען אין די פרייע צייט מיט די גרילס, טריפס, פארברענגאכסט אסאך מאל עקסטער די מענער און (כמעט אלע)מאל נישט אזוי מקפיד......
אבער איך טאר נישט זאגן קיין ווארט..... לשון הרע......
אזוי ווי (איך האף אז) די פארשטייסט אז ווען א שגץ, א משכיל געבט ארויס א בוך אז מען טאר דאס נישט לייענען ווייל עס לאזט א רושם אויף די מענטש. די זעלבע איז מיט די אלע עדס. זיי לייגן אריין קאפ און מח ווי אזוי אויסצושטעלן יעדע זאך, וואס איז די סטייל אין די גוי'שע גאס, וועלכע פאנטס זענען "אין", וואס איז "נאך עקסעפטעבל" אין די היימישע מאגאזינען, וואס איז שוין בארדערליין, און וויפיל קען מען שטופן די ליין מער אראפ.
און ניין, איך רעד נישט פון די קלענערע גראפיקער וואס טוהן זייער ארבעט בנאמנות. איך רייס נישט אראפ די ערליכע אינגעלייט וואס נוצן אויס זייער טאלאנט וואס זיי האבן פונעם אויבערשטן. איך "פלעג" אויך טוהן אין די ליין - ממילא זיי נישט חושד אז איך זיך צו עלימענירן קאמפעטישן - איך ווייס זייער גוט וואס טוט זיך, איך ווייס אויך אז זייער אסאך בעלי בתים האבן נישט קיין צייט זיך אפצוגעבן מיט די עדס, זיי בעטן ביים דעזיינער, מאך מיך עפעס שיין און אדער געפעלט עס יא אדער נישט און מען ארבעט עס אויס. חוץ ווען זיין קאמפעטישאן איז געגאנגען צו א גרויסע קאמפעני, דעמאלטס ווערט ער קלוג און הייבט אן פארלאנגען, אז מיין שכן האט געלייגט אזא גרויסע פאסטראמי סענדוויטש מיט קעטשאפ און פיקעלס, פארוואס קען איך נישט לייגן א ריזן אריינגעביסענע טשיז קעיק מיט א דבר תורה לכ' יו"ט.....
דער אמת איז אז דאס איז א נושא (אזוי ווי אסאך אנדערע נושאים) וואס אדער האט מען די סענסיטיוויטי אדער נישט, און פארדעם - ווי איך פארשטיי - קומט א איד און האט ארויסגעגעבן א גליון און דערט פון די נושא צו אביסל מסביר זיין פאר די וואס כאפן נישט אז בעקיפין פירט מען זיי און באד אריין, און דאס וואס איז אמאל געווען "נישט נארמאל" ווערט די "ניו נארם" און אז מען זאל כאפן אז מען פארלירט די סענסיטיוויטי.
און פאר די אלע העיטערס וואס האבן "פיינט" די העיטערס - האלא??!! אביסל אהבל ישראל??!! מיין נשמה איז א ראזינקע? נאר דעם קל דארף מען מקרב זיין און "פארשטיין" ?? ווי איז דיין אהבת ישראל צו מיר?? #גיוו מי סאם לאוו
אייזן שטארק
דו ביסט א ליגנער און מוציא שם רע, איך קען פערזענליך פון דער נאנט איינע פון די גרעסטע מארקעטינג פירמע'ס אינעם יהדות החרדית און דער בעה"ב איז א איד וואס איז אן ערנסטער קובע עתים און האט אפילו נישט קיין סמארטפאון! די מענעזשער'ס, גראפיקער, און שרייבער, זענען ערנסטע אינגעלייט וועלכע פירן שטרענג ערליכע אידישע שטיבער אן קיין שום שינוי פון זייערע עלטערן! בעפאר יעדן עד זעצט מען זיך אוועק און מען פלאנירט אויס די טעקסט און עס גייט אריבער יעדן איינעם כדי אז עס זאל זיך נישט דערשפירן קיין שום נישט אידישער טעם דערפון. אין אפיס זיצן די פרויען אפגעטיילט פון די מענער און חוץ פון טעכנישע אנגעלעגנהייטן איז נישט פארהאנען קיין שום קאמיוניקאציע צווישן זיי.
און איך קען נישט נאר די ספעציפישע פירמע, נאר כמעט אלע מארקעטינג פירמע'ס מיט וועמען עס קומט מיר אויס צו האנדלען זעה איך די באנעמונג, און אפטמאל קען מיר עס אפילו נערוועז מאכן! איינמאל האב איך געדארפט צוקומען גאר וויכטיג צו א דאקומענט וואס איז געליגן ביי איינע פון די פרויען איינגעשטעלטע, איך האב זיך פארבינדן צום בעה"ב און ער האט מיר געזאגט אז עס וועט מוזן ווארטן נאך א טאג, ווייל ער האט נישט איר נומער!
ווי נעמסטו די עזות אזוי אראפצורייסן הונדערטע ערליכע אינגעלייט און ווייבלעך וועלכע שטרענגען זיך אן צו ברענגען כשר'ע עד'ס? איך קען אפשר צוויי פירמע'ס וואס פירן זיך עטוואס צווייפלהאפטיג, און קיין איין ערנסטע אקאונט נוצט זיי נישט! מייסטנס עד'ס וואס ווערן דא אראפגעברענגט אינעם אשכול קומען פון קליינע און נישט פראפיסיאנאלע פירמע'ס וואס שיקן ארויס די עד'ס געמאכט צו ווערן אין אינדיע פאר עטליכע גרייצער, און די טעקסט קאפירן זיי פון פרעמדע ערטער. אויב אזוי, פארבינד זיך מיט די קליינטשיגע פירמע'ס און בעט זיי אז זיי זאלן אויפהערן.
קום נישט אראפרייסן אן אינדוסטריע וואו עס זענען איינגעשטעלט אומצאליגע היימישע און ערליכע אינגעלייט וועלכע זענען נאמנים לה' ולתורתו, אלס וועגן דו האסט נישט געקענט אראפשלינגען א ליניע אדער צוויי.
אנטשולדיגט פארן אויסברוך אבער דאס מאס שנאת חנם און הוצאת שם רע וואס עס ליגט צווישן די געמיינע שורות קען איך נישט טאלערירן.