די נושא פון 'צדיק' במשנת החסידות

געדאנקען און התחזקות בעניני עבודת השם

די אחראים: יאנאש,אחראי,געלעגער

אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

די נושא פון 'צדיק' במשנת החסידות

תגובה דורך ביציקל »

היות דער נושא פון צדיק איז איינע פון די יסודות אין חסידות, און היות עס איז זייער א אומקלארע נושא און איז זייער ברייט אויף כמה ענינים, עפן איך א אשכול צו אריינלייגן אלעס וואס איך זע אין די ספרים הקדושים וועגן דעם נושא און אינאיינעם עס מלבן זיין כפי היכולת.

ווער עס קען ארויסהעלפן, יבא ויטול שכרו ועטו.
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

Re: די נושא פון 'צדיק' במשנת החסידות

תגובה דורך מי יודע »

איך האב לעצטענס געזען אין מאנסי אין א ספרים סטאר א קונטרס וועגן צדיקים במשנת החסידות וואס א בעלזער האט ארויסגעגעבן, א שיינע ליקוט מיט פריערדיגע מקורות בדרך שאלה ותשובה
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
לפנות בוקר
שר שלשת אלפים
תגובות: 3175
זיך איינגעשריבן אום: מאנטאג פעברואר 04, 2019 7:58 pm
לאקאציע: ששש..

Re: די נושא פון 'צדיק' במשנת החסידות

תגובה דורך לפנות בוקר »

וואס איז דער נושא דא? וואס מיינט א צדיק?
לפנות בוקר
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

Re: די נושא פון 'צדיק' במשנת החסידות

תגובה דורך מי יודע »

לפנות בוקר האט געשריבן:וואס איז דער נושא דא? וואס מיינט א צדיק?

לכאורה איז זיין שאלה אלע עניני צדיקים, פירן טיש, קוויטל, ברכות, נסיעה לצדיקים, ראיית פני צדיק וכו' וכו'

וואס מיינט א צדיק זזאל זיך יעדער אליין באשליסן פאר זיך
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

צום ערשט איז קלאר אז כאטש מען זעט שוין אין חז''ל און אין אלע פרידיגע ספרים די גרויסע ענין און חיוב ממש פון האבן א רבי, כל שלא שמש תלמידי חכמים הרי זה עם הארץ,
און עס איז דא אויף דעם עטליכע סימנים אין שולחן ערוך יורה דעה, און עס איז אפילו דוחה מצוות ארץ ישראל און מצוות כיבוד אב, בקיצור, עס איז א גרויסע יסוד אין די תורה הקדושה אויך אין נגלות התורה.

אבער דאך האט דער מושג ביים הייליגן בעש''ט ותלמידיו באקומען א טיפערע באדייט און נייע נאמען, 'צדיק'.
און ביי חסידות האט עס באקומען א טיפערע דערהער פון א כח פון די צדיק.

אז חוץ פונדעם וואס א רבי לערנט פשוט אויס תורה'דיג און שכל'דיג א דרך הלימוד און וועג וויאזוי צו דינען דעם אייבערשטן דורך ווייזן און רעדן, וואס דאס איז אויך פארהאן שטארק ביי אלע וואס זענען נישט חסידים,
איז אויסער דעם איז דא א ענין פון א כח הצדיק, אז ווען מען איז מקושר צו א צדיק העלפט די צדיק מיט זיין כח, כל המחובר לטהור טהור, ער וועקט אים אויף אין הארץ צום אייבערשטן וכו', עס איז א טיפערע און פנימיות'דיגע כח אינעם מענטש דורך דער כח הצדיק.

און דער ענין דארף מען טאקע זען וואס דאס באדייט, ווייל אוודאי נעמט נישט א צדיק צו פונעם מענטש זיין בחירה, ער העלפט אים נאר בוחר זיין בטוב, אבער איז אים אוודאי נישט מכריח, ווייל בחירה מוז אלץ בלייבן ווייל דאס איז דאך די עיקר וואס דער אייבערשטער וויל פון אונז. אבער למעשה העלפט יא די צדיק דעם מענטש זאל נתקרב ווערן צו עבודת ה' כראוי.

דארף מען אביסל פארשטיין דער נקודה און זען וואס די ספרים שרייבן.
איך ברענג נאר אויף נקודות למחשבה.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

אה, דער עולם קומט אריין ב''ה.

איך פרוביר אביסל צו אויפברענגען נקודות למחשבה. לאמיר גיין ווייטער.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

ווייטער דארף מען אוודאי דערמאנען (א זאך וואס איז היינט אביסל פארגעסן געווארן)
אז א צדיק איז זיכער נישט דא נאר צו העלפן פאר ישועות בגשמיות. אוודאי דאס אויך, אבער די עיקר איז נאר צו העלפן אידן צו נתקרב ווערן צום אייבערשטן.

אבער זיכער איז ער נישטא נאר צו ענטפערן שאלות אויף שידוכים און נעמען פאר קינדער, דאס קענען אסאך מקובלים און ערליכע אידן, נישט פאר דעם דארף מען א צדיק.
די בעש''ט איז נישט אראפגעקומען צו העלפן מענטשן מאכן החלטות ביי שידוכים און אויסהיילן חולים, דאס איז נאר א טפל און א וועג מען זאל אנקומען צום צדיק, כמבואר הרבה.

און פריעדיגע צדיקים האבן שוין גערעדט אויף דעם אז א צדיק איז אין די דורות האחרונים געווארן איינעם וועמען מען קומט נאר פאר ישועות בגשמיות, וואס דאס איז דאך נאר א טפל שבטפלים קעגן די עיקר פון אריינשיינען אין אידישע קינדער אמונה און עבודת ה' באמת.
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

תגובה דורך חושב מחשבות... »

מ'דארף אפטיילן די ענין פון 'עשה לך רב', און די ענין פנימי פון 'התקשרות לצדיק'.

עס איז צוויי באזונדערע נושאים, אין א בחינה איז ווי איין שטאק העכער די צווייטע.


די ערשטע חלק פון 'עשה לך רב', איז א ענין וואס איז א וויכטיגע באשטאנדטייל אין די מסירת התורה פון משה קיבל תורה מסיני ומסרו וכו', מער א פשוט'ע ענין וואס איז אנגעגאנגן מימות עולם, און ביז פארן קריג האט עס נאך געטראגן די זעלבע צורה אין די גרויסע אונגארישע ישיבות, ווי מ'האט געהאט א רבי אין וועם מ'איז געווען דבוק, און מקבל געווען תורה ויראה והדרכה אין אלע ענינים.

די צווייטע זאך פון 'התקשרות לצדיקים', איז בעצם לאו דווקא א רבי אויף פשוט תורה און אידישקייט, מער אויף א עננין פנימי א נשמה'דיגע קשר, ווי די בעל התניא ברענגט די לשון הזוהר: אתדבקת רוחא ברוחא. וועלכע איז א העכערע ענין, וועלכע צדיקים האבן שוין געזאגט, אז א צדיק פון די סארט דארף קענען זעהן אינעם קוויטעל פונעם חסיד, זיין שורש הנשמה ארויף ארויף ביז אדם הראשון, איהם צו קענען מתקן זיין און אנקניפן ביזן שורש החיים פון חי החיים, און משפיע זיין א הייליגע רוח מלעילא צו דערהייבן דעם איד'ס נשמה.

ובנוסף צו דעם האט מען מקבל געווען א דרך אין עבודת ה', יעדע צדיק לויט זיין בחינה, וואס האט משפיע געווען א געוויסע אור בכלליות פאר זיינע תלמידים וויאזוי צו קענען נאנט קומען צום בורא עולם. און אין דעם זענען שוין געווען כמה מהלכים פון צדיקים, געוויסע האבן פארלאנגט אסאך עבודה פונעם חסיד, [ווי דער בעל התניא] געוויסע האבן בעיקר פארלאנגט ביטול, און די צדיק האט שוין אליינ'ס געטוען די ארבעט פארן חסיד. [ריזשין וכדו']. און געוויסע צדיקים האבן פארלאנגט ביידע. [ווי רבי נחמן מברסלב, וועלכע האט זיך אויסגעדרוקט אז איר דארפט נאר ברענגען די שטיינער און איך וועל שוין בויען דערפון שיינע בנינים].


[align=center]***[/align]

דאס איז אמאל זיכער אז די ענין פון 'עשה לך רב' גייט אן עד ביאת הגואל, ווייל דאס איז פשוט'ע נקודה פון 'אמונת חכמים', און ביטול צו איינער וואס איז מער תלמיד חכם, מער ערליך און דערהויבן, וואס דאס איז א זאך וואס איז א ספעציעלע אידישע מידה צו האבן רעספעקט און הכנעה פאר איינער וואס שטייט העכער אויפן סולם העולה בית קל, איינער מיט אביסל מער א איידעלע שכל א דעת תורה, און ס'איז וויכטיג כאויר לנשימה, הן אין פסק הלכה, הן אין אידישקייט, און סתם אין הדרכה צו פרעגן א שאלה, ועשית ככל אשר יוריך.

אבער די זאך פון 'התקשרות לצדיקים', איז שוין א שווערע סוגיא, ווייל די גאנצע זאך האט זיך אנגעהויבן ממש א קנאפע 300 יאר צוריק, און געווען צדיקים וואס האבן געזאגט אז די אור איז נאר אראפגעקומען פאר 150 יאר, וכדו'. עס זענען דא כמה וכמה מימרות פון גדולי ישראל חסידישע רבי'ס במשך הדורות וואס האבן מער און מער אנגעהויבן מגלה זיין אז זיי שפירן אז די אור וועט נישט זיין אזוי בהתגלות פאר ביאת המשיח. און אין דעם דארף יעדער גיין לויט זיין אייגענע מסורה, ונהרא נהרא ופשטיה.



עס איז נאך דא אסאך צו רעדן אין די נושא מער בפרטיות ועוד חזון למועד.
סוף מעשה במחשבה תחילה.
אוועטאר
אהרן הלוי
שר האלף
תגובות: 1499
זיך איינגעשריבן אום: זונטאג פעברואר 18, 2018 1:42 pm

Re: די נושא פון 'צדיק' במשנת החסידות

תגובה דורך אהרן הלוי »

ס'דארף צו זיין אין קדושת לוי ערגעץ וואו אין די יוסף סדרות איבער דעם ענין פון זיך ביקן צו א צדיק
צוויי אפציעס זענען פארהאן פאר דער טיפע "דורות" שאלה:
1. טיפע אהבה; 2. טיפע חכמה.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

צום ערשט וועל איך ברענגען וואס די הייליגע דגל מחנה אפרים, פון די ספרי יסוד אין חסידות, ברענגט פון זיין זיידע די בעש''ט, די מייסד החסידות, לאמיר זען וואס ער האט געזאגט אויף די ענין פון צדיק.

איז ער שרייבט עטליכע מאל אז די עיקר איז די ענין פון תשובה. יעדע איד וואס דארף תשובה טון דארף עס גיין דורכן צדיק.

"והנה אא''ז זללה''ה אמר שעיקר תיקוני התשובה אי אפשר בלא הצדיק, רק על ידו יכול להתעלות! (שמיני)
"על פי שמה שקבלתי מחכמי ישראל שהיו אצל אא''ז זללה''ה שגדולי הדור הם יכולים לטהר נשמות ישראל המטונפות בכל ליכלוך טומאת זוהמת העבירות ר''ל, ובהם תלוי כל עיקרי התשובה! (תזריע)

און די תולדות יעקב יוסף ברענגט עס אויך פונעם בעש''ט:
והנה שמעתי ממורי זלה"ה כי תיקן בעלי תשובה העיקר הוא ע"י גדולי הדור שיכול להעלותו ולקשרו בשרשו וכו' ודפח"ח. (קרח)

און די הסבר איז לכאורה (דאכט זיך עס שטייט אין די ספרים), אז פאר א איד איז חוטא, דארף ער נישט מתקן קיין פגמים. אבער איין מאל ער האט פוגם געווען, דארף ער שוין מתקן זיין פגמים, און אוודאי ער אליין קען נישט, ווייל מה דאך פאר ער האט חוטא געווען האט ער אעפ''כ חוטא געווען, איז כ''ש נאכן חוטא איז וויאזוי קען ער תשובה טון, נאר מוז ער אנקומען צו צדיקים וואס קענען מתקן זיין זיין פגם און דורכדעם וועט ער קענען צוריק קומען צום אייבערשטן.

דאס איז דער נקודה.

די עולם האקט אריין, עמיר שוין גיין קוקן וואס מען זאגט.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

יישר כח חושב מחשבות.

איך האב שוין אביסל גערעדט דערפון פריער און צוטיילט טאקע די צוויי נקודות, אבער דו ברענגסט עס זייער גוט ארויס.

לגבי היינטיגע צייטן איז טאקע נישט קלאר אזוי ווי גאנץ חסידות,
און קען זיין אפילו זיין אז אפילו לויט די שיטה אז עס איז נתשכחה, איז קען זיין אז דאס נישט. דארף מען וויסן און בעטן דעם אייבערשטן צו וויסן די אמת לגבי דעם.

אבער אעפ''כ קען מען אביסל דורכטון די נושא און זען בעצם וואס דאס מיינט, פשוט אלץ א נושא אין אידישקייט און פלפולא דאורייתא.
און אפשר טאקע אז מען וועט טון דערין און בעטן דעם אייבערשטן דערויף, וועט מען אפילו זוכה זיין דערצו.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

און לגבי די מחלוקת צווישן די צדיקים אויף דעם, שטייט טאקע אין 'בית רבי' אז די הייליגע בעל התניא האט זיך געקריגט אויף דעם מיט ר' שלמה קארלינער.

ער דערציילט דארט אז ר''ש קארלינער האט געוואלט זיך באזעצן אין די געגענט פונעם הבעל התניא, האט די בעל התניא זיך אויסגענומען מיט אים דריי זאכן, די דריטע איז געווען "שלא יאמר שהצדיק צריך לישא את הצאן, לא לסמוך על הצדיק''.
און ר' שלמה האט טאקע מסכים געווען צו די אנדערע צוויי, אבער נאר צו דער דריטער תנאי האט ער נישט געוואלט מסכים זיין!

קוקט אויס עס איז געווען א שורש'דיגע מחלוקת דא.
אידיאט
שר חמישים ומאתים
תגובות: 493
זיך איינגעשריבן אום: מאנטאג אפריל 08, 2019 10:43 pm

Re: די נושא פון 'צדיק' במשנת החסידות

תגובה דורך אידיאט »

קודם כל הרב ביציקעל פאר אזא שיינע אשכול.

איך האלט אז קודם דארף מען קלאר שטעלן וואס דאס איז א צדיק, ווער הייסט א צדיק? איינער וואס האלט איין יעדען פרט פון שולחן ערוך? איינער וואס לא פסיק פומיה מגירסא? איינער וואס איז אויסגעטוען פון די וועלט? איז מיחד יחידים? ווער און וואס מאכט א צדיק?

די לשון צדיק האט מען זיך נישט אזוי באנוצט אלעמאל, אין תנך ווערט דעס כמעט נישט דערמאנט, אפילו אין די גמרא נישט קיין סך, מהאט ענדערש געזאגט ׳ירא שמים׳ ׳חסיד׳ ת״ח.
פון ספרי חסידות איז משמע אז א צדיק איז נישט נאר איינער וואס טוט אלע אויבן דערמאנט זאכן, אוודאי אז ער דארף זיין א ת״ח און ירא שמים אאז״וו, אבער דאס מאכט אים נישט פאר א צדיק,
א צדיק איז א נשמה כוללת וואס איז אויך א צינור פאר די השפעה מלמעלה אראפצוקומען, און דער צדיק איז משפיע פון דעם צו די וואס זענען זיךמחבר צו אים.
עס איז גייער א טיפע נושא לאמיר הערן וואס דער עולם זאגט.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

אידיאט, האסט אויפגעברענגט א שטארקע נקודה וואס מען דארף רעדן.

איין פלאץ שרייבט דער הייליגער מאור ושמש אז א צדיק און רבי מוז כאטש וויסן אלע גלגולים פון דער מענטש זינט אדם הראשון ביז היינט. איך דארף טרעפן דער שטיקל.

אגב, די מאור ושמש האט זייער שיינע און שטארקע שטיקלעך אויף די ענין פון צדיק. איך האף נאכצוברענגען אי''ה שטיקלעך וואס זענען חידושים.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

א שטיקל פון מאור ושמש און א שטיקל פון ליקוטי מוהר''ן וואס זאגן אביסל די זעלבע נקודה, טאקע נישט קיין יסודות'דיגע נקודה, אבער אינטערסאנט.

זיי זאגן אז די ווען מען קומט צו א צדיק דארף פאסירן אז מען באקומט ענוה און שפלות און בושה, וואס דאס איז דאך פון די יסודות פון חסידות כידוע.

"דהנה התועלת הנמשך להנוסע אל הצדיקים הוא, דהנה כל דרך איש ישר בעיניו ובפרט הלומד ועוסק בעבודה ידמה בנפשו שכבר הוא במדריגת צדיק.
אמנם כשבא אצל הצדיק נופל עליו פחד ומורא ורואה אז שמעשיו אין נחשבים כלום ונופל ממדריגתו שהי' נחשב בעיניו לצדיק ובעל מדריגות ובא למדריגת תשובה להפשפש במעשיו ורואה שאינם כהוגן. וגם כשרואה עבודת הצדיק שהם גדולים מאוד יפול עליו הבושה שהוא מתבייש ממעשיו ומדותיו ויראה לתקנם ולעבוד עבודת ה' ביתר שאת וביתר עוז.
זה הוא התועלת הבא להנוסעים להצדיקים" (מאור ושמש חיי שרה).

וכלל היוצא מכל הנ''ל שמי שבא אצל צדיק אמיתי ושומע מפיו תורה, ראוי שיומשך עליו בושה ושפלות גדול מאד. וזה סימן שהיה אצל צדיק אמיתי! אבל מי שהוא בא אצל איזה מפורסם ושומע מפיו תורה ובא עליו גדלות על ידי זה וכו' (וההיפך מובן ממילא). אבל אין אני יודעים כלל מהו שפלות אמיתי, כי בודאי אין זה תכלית שיהיה שפל ונבזה ועצל שקורין שלימזל'ניק, כי השפלות היא עיקר החיים של כל איבר ואיבר והוא כל תענוג עולם הבא... (ליקו''מ תנינא עב)
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

דא האב איך געטראפן א שטיקל פון די מאור ושמש וואס רעדט איבער ווער איז די צדיק צו וועמען מען דארף זיך מקשר זיין.

קודם שרייבט ער דאס:
"דהנה מצינו בישראל כמה מיני צדיקים כל אחד לפי מעלתו, יש שהם בעלי מידות טובות ויש שהם בעלי תורה שהם גדולים בתורה ויש שהם בעלי צדקות... אמנם העיקר הוא להתחבר עצמו לצדיק כזה שיוכל לתקן נשמות ישראל, כי זה הוא הצדיק דוגמת הצדיק העליון שמקשר את הכל.

אמנם איך נדע מי הוא במדריגת צדיק שלמעלה שמקשר את הכל?
יש ב' סימנים בדבר"

שרייבט ער קודם די ערשטע סימן, וואס איז שווער אביסל צו פארשטיין, מען קען עס נאכקוקן. און דערנאך שרייבט ער די צווייטע סימן:
והסימן השני הוא שמי שהוא במדריגת צדיק שלמעלה, הוא במדריגת להבה דוגמת צדיק שלמעלה מדת יסוד שהוא מקשר כל הספירות כשלהבת בגחלת. וכן צדיק שלמטה צריך להלהיב לב המתחברים אליו שישתוקקו תמיד להתקשר להבורא ית''ש ושיתלהבו כשלהבת אש לעבודתו ית''ש עבודה זו תפלה.
ולצדיק שיש בו בחינות הללו אליו ראוי שיתחברו נשמות ישראל, כי צדיק כזה יכול לקשר נשמותיהם לאביהם שבשמים בשרשם העליון בצרור החיים מקור נשמתם"
אוועטאר
derech eretz
שר ארבעת האלפים
תגובות: 4479
זיך איינגעשריבן אום: דאנערשטאג אוגוסט 04, 2011 3:13 pm

Re: די נושא פון 'צדיק' במשנת החסידות

תגובה דורך derech eretz »

טעמו וראו כי טוב

כותרת השיעור: יום ב' פרשת וישב תשפא - אי לחפש צדיק להתקשר אליו
שם הרב: הרב שמעון שפיצר

https://www.kolhalashon.com/new/Media/P ... e=31114327
גם העובד ד' ועוסק בתורה מן ההכרח שיעסוק גם במעט דר"ך אר"ץ - מאור ושמש פ' בחוקותי
אוועטאר
farshlufen
שר שלשים אלף
תגובות: 35241
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

Re: די נושא פון 'צדיק' במשנת החסידות

תגובה דורך farshlufen »

מ'קען מאריך זיין אן א שיעור, דאכציך אז מ'דארף א צדיק דאס צו אויסקלארן.

לאמיר נאר ברענגען פון אגרא דכלה די וואך, עיי"ש ההמשך
אטעטשמענטס
11.jpg
11.jpg (423.46 KiB) געזען 2161 מאל
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

דער וואך האב איך געלערנט א שטיקל אור לשמים פון וואס עס קומט לכאורה אויס אזויווי מען האט שוין דא גערעדט פריער אז די ענין פונעם צדיק איז טאקע א זאך וואס מען דארף האבן בעיקר בעיקבתא דמשיחא. און אזוי ווי מען זעט טאקע אז דוקא בעקבתא דמשיחא האט חסידות אנגעהויבן עס צו שטעלן פאר א יסוד אין אידישקייט, א זאך וואס ביז דאן איז עס נישט געווען אזוי.

ער שרייבט אזוי:
"דהנה בדרא בתראה העיקר לתקן העקבות משיחא.
ובזה שבני ישראל מתיחדין ומתאספים אצל הצדיק, מתקן עקבות משיחא, ועי''ז נזכה לחבר יחד התרין משיחין ויהיה הגאולה במהרה".

די הסבר דערויף קען לכאורה זיין, אז טאקע וויבאלד פאר ביאת משיח איז זיך די יצר הרע זייער מתגבר, כמבואר בגמרא ובכל הספרים, דערפאר דארף מען יעצט האבן מער די כח הצדיקים צו קענען בייקומען דער שווערע יצר הרע.

און אזוי שרייבט ר' נתן מברסלב אין ליקוטי הלכות אסאך מאל, און דא איז א שטיקל ווי ער זאגט עס (תפלין ה'):
"וכל התגברות הבעל דבר שמתגבר עכשיו, זהו בחינת חבלי של משיח, על כן עכשיו אין כח לעמוד כנגדו כי אם בכח הצדיקים האמיתיים הגדולים מאד שיכולים לכנוס לשם....
ועל כן עיקר תקותינו עכשיו לצאת מהגלות המר הזה, ולבטל קישוי הולדה של הגאולה המתגבר עכשיו מאד בכלליות ישראל, ובפרט אצל כל אחד ואחד הרוצה לכנוס בדרך הקודש, עיקר תקותינו הוא על ידי כח הצדיקים..."
אוועטאר
שאראש-פאטאק
שר חמש מאות
תגובות: 955
זיך איינגעשריבן אום: מיטוואך פעברואר 20, 2019 10:25 pm

Re: די נושא פון 'צדיק' במשנת החסידות

תגובה דורך שאראש-פאטאק »

נעם א נועם אלימלך כמעט א יעדע שטיקעל רעדט ער וואס א צדיק דארף טין
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

שאראש-פאטאק האט געשריבן:נעם א נועם אלימלך כמעט א יעדע שטיקעל רעדט ער וואס א צדיק דארף טין

זאגסט א נקודה, אבער דאס איז לכאורה א צווייטע זאך, הגם נישט אינגאנצן.
דער נועם אלימלך רעדט צום צדיק וואס ער האט צו טון, דערפאר ווערט עס אנגערופן ספרן של צדיקים, אבער אונז רעדן דא וואס אונז האבן מיטן צדיק.
אבער אוודאי קען מען טאקע פון דארט אסאך ארויסנעמען צו אונזער שמועס.
אוועטאר
שאראש-פאטאק
שר חמש מאות
תגובות: 955
זיך איינגעשריבן אום: מיטוואך פעברואר 20, 2019 10:25 pm

Re: די נושא פון 'צדיק' במשנת החסידות

תגובה דורך שאראש-פאטאק »

ביציקל האט געשריבן:
שאראש-פאטאק האט געשריבן:נעם א נועם אלימלך כמעט א יעדע שטיקעל רעדט ער וואס א צדיק דארף טין

זאגסט א נקודה, אבער דאס איז לכאורה א צווייטע זאך, הגם נישט אינגאנצן.
דער נועם אלימלך רעדט צום צדיק וואס ער האט צו טון, דערפאר ווערט עס אנגערופן ספרן של צדיקים, אבער אונז רעדן דא וואס אונז האבן מיטן צדיק.
אבער אוודאי קען מען טאקע פון דארט אסאך ארויסנעמען צו אונזער שמועס.

אין דברי יואל תניינא פרשת כי תבוא איז דא הספד.( איך האב נישט די ספר פאר מיך וועל איך שרייבען בערך. אויב איינער קען א טובה טי אין אראפ ברינג עם די לשון. ) אויף רבי ישעי׳ טשעחויבער איז די רבי דריקט זיך אויס אז ער האט אריין געשיינט אין אידען אפילו די וואס האבן אים נישט געקענט. דאס איז בקיצור וואס א מענטש האט מיט א צדיק
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

שאראש-פאטאק האט געשריבן:אין דברי יואל תניינא פרשת כי תבוא איז דא הספד.( איך האב נישט די ספר פאר מיך וועל איך שרייבען בערך. אויב איינער קען א טובה טי אין אראפ ברינג עם די לשון. ) אויף רבי ישעי׳ טשעחויבער איז די רבי דריקט זיך אויס אז ער האט אריין געשיינט אין אידען אפילו די וואס האבן אים נישט געקענט. דאס איז בקיצור וואס א מענטש האט מיט א צדיק

איך האב נישט פונקטליך פארשטאנען וואס איר מיינט.

אויב מיינט איר די נקודה אז א צדיק דארף אריינשיינען אין די הארץ פון זייערע חסידים די אמונה און יראה און אהבה, דאן דאס האט מען שוין דא פריער גערעדט אז דאס איז פשוט אז דאס איז די גאנצע ענין פון א צדיק, און דאס שטייט אין אלע ספרי יסוד אין חסידות.

אויב מיינט איר עפעס אנדערש, שמועסט עס אויס.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

עס איז כדאי צו צוצייכענען נאך צוויי ספרים איבער דער נושא.

צום ערשט די ספר יסוד שבחסידות די הייליגע תולדות יעקב יוסף, וואס רעדט אסאך איבערן צדיק, און רופט אים אן בלשון 'תלמיד חכם'.
און ער רעדט אסאך אז די המון עם דארף גיין צום תלמיד חכם און דאס איז זייער עיקר תיקון, און פארקערט, אויב רייסט מען זיך אפ פונעם ת''ח, דאן קען די תלמיד חכם נישט העלפן פארן מענטש.

ווי אויך איז ער מאריך אין פר' יתרו און אין נאך פלעצער, ע''פ חז''ל, אז די עיקר נקודה פון א צדיק איז אריינצוברענגען אינעם מענטש די יראה און אהבה, וואס כידוע איז דאס געווען פון די יסודות אין חסידות אז מען זאל טון מצוות און לעבן מיט יראה און אהבה, און דאס טאקע קען מען נאר באקומען פונעם צדיק.
און ער טייטשט מיט דעם את ה' אלקיך תירא לרבות ת''ח, אז פשט איז אז ווען מען האט מורא פונעם ת''ח דעמאלטס האט מען מורא פונעם אייבערשטן. און די זעלבע איז ואהבת את ה' אלקיך לרבות ת''ח, אז דורך די אהבה צום צדיק באקומט מען אהבה צום אייבערשטן.
אוועטאר
ביציקל
שר מאה
תגובות: 193
זיך איינגעשריבן אום: מיטוואך סעפטעמבער 02, 2020 4:47 pm

Re: די נושא פון 'צדיק' במשנת החסידות

תגובה דורך ביציקל »

און די צווייטע ספר איז דאס הייליג ספר תפארת שלמה, וואס רעדט אן א שיעור פונעם צדיק, כמעט יעדע פרשה.

ער ברענגט מערערע מאל אראפ די מעשה מיט ר' חיקא פון אמדור וואס פלעגט זאגן, אז כאטש ער איז שוין געווען א גאר גרויסע צדיק פיל מיט תורה און קדושה און תעניתים וסיגופים, האט ער אבער נישט געקענט צוקומען צו זיין שלימות נאר דורכן אנקומען צום הייליגן מגיד פון מעזריטש.
איז כ''ש אונז וואס אונז דארפן נאך כפשוטו אנהייבן צו דינען דעם אייבערשטן כראוי, דארפן אונז זיכער האבן א צדיק זאל אונז העלפן.
פארשפארט

צוריק צו “אז נדברו”