moishy56 האט געשריבן: ↑פרייטאג דעצעמבער 29, 2023 4:48 am
eller האט געשריבן: ↑זונטאג מארטש 01, 2020 1:32 pm
אונז האב מיר נעכטן גערעדט צו א גאר אנגענומענע דיין און ער האט מיר געזאגט אז ס'איז נישט קיין שום פראבלעם צו הערן א פרוי שפילן, נישט קיין חילוק אויף וועלכע כלי.
איך האב אויך געפרעגט א דיין.. און ער האט מיר געזאגט:
אז ס'איז נישט קיין שום פראבלעם צו הערן א פרוי שפילן.
און דא קומט אריין די חילוק פון א דיין וואס פסקענט הלכה פרטית פאר א איד לויט די שאלה וואס מ'האט געפרעגט צו א רב א מנהיג וואס קוקט מיט א ברייטערע בילד אויפן מצב היהדות און שטעלט אראפ גדרים וואָס ס'זאל יא זיין מותר אדער נישט.
איך גיי נישט אריין צו אנדערע זאכן וואס מיר טוען היינט וואס קען זיין מ'וואלט קיינמאל נישט געלאזט נאר כיון דאיפליג איפליג.
אבער ווען מ'רעדט פון א זאך וואס איז בפועל נאכנישט איינגעפירט ביי אונז דארף מען אביסל אריינטראכטן די סליפערי-סלואפ אויף מ'קען שפאצירן ווען מ'ברעכט דורך נייע זאכן.
איינע פון די גרעסטע פראבלעמען וואס פלאגט די יוגנט (לויט מחנכים איז דאס די אסקופה צו טעכנאלאגישע פראבלעמען) איז די ציה-קראפט צו מוזיק און צו די מוזיקער.
דאס טייטש, דעס אז בחורים ובתולות ציען צו מוזיק איז איין זאך, זיי זענען אין גיל התבגרות און די געפיל פון ניגוני און כלי שיר גיבט זיי א וועג אויסצוגעבן זייער צעטרייסלטע הרגשים. דאס איז איין נושא וואס דארף א גרויסע תיקון און א געזונטע צוגאנג.
אבער, די עיקר פראבלעם איז נישט ציה-קראפט צום ניגון נאר צום זינגער, נישט צו כלי שיר נאר צום משורר. היות די נגינה ושירה רעדט צום טיפסטע נשמה פון א מענשט ווערט דער זינגער/שפילער אומדירעקט א לייף קאוטש, א מוסר זאגער, א חיזוק געבער פארן עולם. דאס האט זיך אנגעהויבן ביי גוים און שפעטער אריינגעכאפט צו אונז.
שוין פון אלץ בחור האב איך נישט געקענט פארשטיין פארוואס אויף די אלבוימס שרייבט מען ארויף ווער ס'האט געשפילט אויף וועלכע אינסטרומענט, איך זעה עס נישט אין קיין שום אנדערע אינדוסטריע ווי דער וואס פארקויפט א פראדוקט אדער א סערוויס שרייבט אויך אלע סופלייערס אדער ארבעטערס וואס זיי האבן גענוצט צו ערצייגן די פראדוקט אדער סערוויס. קען זיין דאס איז די איינציגע וועג וויאזוי שפילערס קענען זיך אדעווערטייזן אבער פארט זעה איך עס נישט אין ערגעץ.
דו האלטסט אז די היימישע אלבוים פרודוצירער זענען אליין אויפגעקומען מיט דעם וואזשנעם געדאנק? ניין, די גאנצע גויאשע ענטערטעינמענט אינדוסטריע ארבעט אזוי פון מוזיק ביז פילמס און אלעס אינדערצווישן.
פארגעס נישט אז איינע פון די סיבות וואס מלייגט דאס ארויף איז טאקע די אלבוים זאל זיך מער פארקויפן, טאקע ווייל ס'גייט ארום פון מויל צו אויער ווער ס'זינגט הארמאניע, ווער ס'פירט די כאר, ווער ס'שפילט אויף וועלכע אינסטרומענט, ווער האט אראעינדזט די מוזיק, דאס זעלבסט אינקרעיסט סעילס. צומאל ווייל מענטשן גלייכן די וועג וויאזוי די מענטשן שפילן און זינגען און צומאל ווייל מ'איז שוין צוגעצויגן צו די מענטשן אליין צוליב זייער טאלאנט.
דאס איז מיט זינגערס, שפילערס, אקטיארס און די גאנצע ענטערטעינמענט אינדוסטריע.
וואס האב איך געוואלט זאגן? דערמאן מיך נו, וויאזוי בין איך אנגעקומען צו די פונקט?
שוין, סאיז נישט באשערט, כ'וועל מיך דערמאנען וועל איך דיר בל"נ זאגן.