גרשון האט געשריבן:יואל שרייבער האט געשריבן:יוד אלף האט געשריבן:איך זאג אז עס איז שכלי און די הנחה מוקדמת איז אויך מושכל,
און דאס אז מען וויל עס נישט פארשטיין היינט איז געשען בהדרגה פון קאליע מאכן פשוט'טע קאלקולאציעס וואס אמאל האט מען עס פארשטאנען,
און אויף דעם ארויף זאג איך, אז ווען מען גייט ווייטער אויף די מהלך, וועלן זאכן וואס היינט זענען נאך יא פשוט פארשטענדליך, וועלן אויך ווערן אומפארשטענדליך,
און איך האב נישט קיין טענה צום גוי אז ער פארשטייט נישט, איך ברענג פשוט ארויס די מציאות, אז דאס וואס איז היינט פארשטענדליך, האט אויך נישט קיין האפט אויב גייסטו מיט דעם מהלך.
איך זעה נישט אז זאכן וואס זענען געווען פארשטענדליך זענען געווארן ווייניגער פארשטענדליך, די זאכן זענען קיינמאל נישט געווען פארשטענדליך לויט די יסודות אויף וואס זייער אידעאלאגיע איז געווען געבויט, עס איז פשוט אנגעגאנגען פון געוואוינהייט.
צב''ש עס איז היינט אנגענומען אלס פארשטענדליך אז מען מעג הרג'ענען בעלי חיים אויף צו עסן, און גאנץ ווארשיינליך, אין הונדערט יאר ארום, אויב משיח וועט נאך נישט דא זיין, וועלן מענטשן עס אנקוקן ווי די גרעסטע אכזריות, אבער למעשה, קענסטו מיר געבן א הסבר לויט די היינטיגע אידעאלאגיע, פארוואס מען זאל ענדערש מעגן הרג'ענען א בעל חי, וואס לויט די היינטיגע סייענס האט געהעריגע געפילן, ענדערש ווי א צוויי דריי יעריג קינד, וואס האט נאך אפשר ווייניגער שכל ווי א בעל חי.
מיין שפעקולאציע איז, די וויסנשאפטלער האלטן (שוין טויזנטער יארן, אויך היינט) אז ביימער האבן אויך געפילן. א בוים איז במציאות א לעבעדיגע זאך, צאמגעשטעלט פון צעלן, ס'פארמאגט פשוט אנדערע אייגנשאפטן ווי א בעל חי.
איז וואס וועט זיין ווען איינער וועט מאכן א ווינט אז די ביימער פארמאגן אויך רעכטן? וואס וועלן די וועדזשיטעריענס דעמאלטס טון?
שוין דא אזאנס אויך.. זיי עסן נאר וואס עס פאלט אראפ נאטורליך.
https://en.wikipedia.org/wiki/Fruitarianism#Varieties
