גדר מתעסק לגבי מלאכת שבת

[צום זאך]

באמת וואלט איך געדארפט צוגיין צום ספרים שאנק און זיך זעצן דורכטוהן די הלכה, נאר היות כ'זיץ יעצט דא פארנט פונעם קאמפיוטער וועל איך פארלייגן דא מיין שאלה.

ווען איינער גייט אריין שבת אין א טונקעלע צימער און פון "געוואוינהייט" גיט ער א צינד אן די לייט סוויטש, מה דינו? א שוגג צי א מתעסק?

ס'הייסט מ'רעדט נישט דא פון איינעם וואס האט פארגעסן א ס'איז שבת אדער אז אנצינדן א לייט איז א מלאכה אסורה. גאנץ מעגליך אז ניטאמאל האט ער אזוי וויכטיג געדארפט די לייט. נאר פשוט אזוי איז די געוואוינהייט אין די וואכן ווען מ'קומט אריין אין א טונקעלע צימער צינד מען די ערשטע זאך אן די לייט און יעצט אום שבת זייענדיג פארטראכט האט ער עס פון געוואוינהייט אויס אנגעצינדן. זאג איך אז למעשה ווען ער וואלט יענע רגע געדענקט אז ס'איז שבת וואלט ער עס ווען נישט אנגעצינדן און דעריבער הייסט ער א שוגג, אדער זאג איך אז למעשה וויבאלד ער האט נישט פארגעסן אז ס'איז שבת נאר ער איז פשוט געווען פארטראכט הייסט ער א מתעסק?

די נפק"מ למעשה וועט כאפן צי מ'מעג הנאה האבן פון די מלאכה. און צי ער ברויך א כפרה.

[פונקטליך]

אויב איך געדענק גוט האט רב ראזנפעלד פון סקווירא געשריבן פאריגע וואך אין זיין גליון 'הליכות חיים' אז ער הייסט א שוגג

נאר אויב האט ער זיך למשל אנגעלאנט אויפן וואנט און די לעקטער האט זיך פארלאשן הייסט ער א מסעסק

[צום זאך]

וואס די מקור?

[פונקטליך]

כ'האב נאר פון אויבנאויף געכאפט א בליק דערויף און כאנישט דורכגעקוקט די מקורות

קען מען ערגעץ טרעפן דעם גליון אנליין?
אפשר האט עס איינער פון גלגל

[פונקטליך]

קען זיין אז דא רעדט מען דערוועגן

איך נעם נישט קיין אחריות לסמוך עליו

[צום זאך]

ייש"כ. ער בארירט אבער נישט דעם פרט, ער רעדט בכלליות.

[פונקטליך]

דא האסטעס, האפסס...... ער לאזט זיך נישט ארויפלייגן, איז נישט!

גערעכט , ער בארירט נישט דעם פרט

[ביקסאד]

הליכות חיים

[פונקטליך]

היינט געטראפן אין שו"ת משנה הלכות פון הגאון ר' מנשה קליין א תשובה דערוועגן ווי ער פסקנט אז ער הייסט א שוגג און אפשר אפילו קרוב למזיד אבער אודאי נשט קיין מתעסק

שו"ת משנה הלכות חלק ו' סי' ע"ז

[יעדער]

שו“ת ארץ צבי סי' ס“ב איז מיקל אבער די באר משה ח“ו קונ' עלעקטריק איז מחמיר ווייל לעקטעריק איז א דאורייתא ממילא led לייטס וואס איז נאר א דרבנן קען מען לכאורה אויך לויט דעברעצינע רב מיקל זיין וע“ע נשמת שבת ח“ד סי' צ“ה-ב

[דממה דקה]

דארף וויסן צו דאס הייסט א מלאכת מחשבת

עס איז דא א תשובה פון רעק"א סימן ח'