אשת ר' יונה אב"ד פרשעווארסק, ומשפחת ברונענטיף:בלויז פון JRI וועט מען נאר טרעפן ר' יונה אב"ד פרשעווארסק פרוי האט געהייסן מ'
ליפשא, ותו לא. אויף ר' יונה אשכנזי'ס שווער טרעפט מען אויכעט גאנץ ווייניג – סך הכל איז נאר דא אויף איהם די מעשה געדרוקט אין דעם באקאנטן זכות ישראל (מהדו"ת), ווי ער האט באקומען א ברכה אויף גוטע קינדער פון הרה"ק בעל עטרת צבי מזידיטשוב, וואס איך וועל ברענגן די חלק הנוגע לעניננו בשלימות:
- Zkh Yis 2 Brunentif (cf NidvP).png (235.45 KiB) געזען 3719 מאל
האבן מיר א דא א גביר, פון פשוט'ער אפשטאם, וואס האט געהייסן ר'
שמעון און האט געוואונט אין
אלטשטאט (הוא עיר ישן הוא סאמבור ישן וכו')
חתנו של ר' שמעון, ר' [אפרים]
פישל [הלוי]
אבערדאם מאלטשטאט (נפ' תרנ"ה), איז דאך פון די גבירים המפורסמים פון יענעם דור
(איך בין עכ"פ אויף געוואקסן ביי א זיידן וואס האט דערמאנט ר' פישל – א ווייטע מחותן פון זיינס א זיידע – מיט גרויס כבוד, און מיט א פשיטות אז מען ווייסט פון וועמן מען רעדט...), און ער מיט זיין שוואגער ר'
מיכל לאם (אויף וועמן איך טרעף ווייניג) ווערן דערמאנט אפט צוזאמן אין פרענומעראנטן פון אלטשטאדט – בפרט אין ספרים פון צדיקי זידיטשוב וקאמרנא. אין איין ארט ווערן אלע דריי איידימער פון דער ר' שמעון דערמאנט צוזאמן – נישט בפירוש אלץ שוואגערס – אין ס' נדבת פי, ווי איך האב געזעהן ערגעץ צו צייכנען. (אויף ר' פישל'ס יחוס, עי' בס'
הדרת צבי לר' משה יעקב שווערדשארף, חתן ר' שאלתיאל אייזיק הלוי הירש בן אחי אביו של ר' פישל).
ר' פישל איז גענוק באשריבן אז מיר זאלן קענען אזוי נאך גיין ווער זיין שווער איז געוועהן. מיר טרעפן טאקע אז ר' פישל איז געוועהן איין איידים ביי משפחת
בורשטין המיוחסת (א טייל פון יחוס משפחת בורשטין קען מען אויך טרעפן אין הדרת צבי הנ"ל
בתוך יחוס גיסו) – אבער זיין שווער האט נישט געהייסן שמעון. אחרי העיון ב-JRI און גשר גליציה זעהט מען אז ר' פישל האט געהאט צוויי זיווגים (וכבר קדמני בזה עפעס א רוסישער חוקר אויף Geni), הראשונה מ' איטא, והשנייה מ' רייזל היא שהיתה בת ר' הירש בורשטין.
איז ווי האט געהייסן דער שווער פון ר' פישל, ר' יונה, און ר' מיכל?
[מיר טרעפן גראדע פון עטליכע מקורות, בשם הרה"צ ר' איציקל פרשעווארסקער, בשם דער לימאנוב'ער רב הרה"ג ר' נתן גאלדבערג, א מעשה ביי רבו (וחבירו) הגה"צ מצאנז מיט א גביר פון אלטשטאט ר'
שמעון דים, אבער זיכנדיג בין איך חושש אז איינער פון די מערערע מעתיקי השמועה דא (ר' איציקל האט כמדומ' געהערט די מעשה כלי שלישי, און אין אלע מקורות איז די מעשה פארשריבן פון מענטשן וואס האבן עס געהערט פון חתנו הרה"צ ר' לייביש...) האט פארטוישט א גביר ר' שמעון דים פון איין אנדערע שטאט – אפשר ריישא – מיט אונזער ר' שמעון מאלטשטאט.]
אז מיר זוכן ר' יונה אשכנזי, וועלן מיר איהם אויכעט טרעפן אין אלטשטאט – אבער נישט מיט זיין שווער'ס משפחה נאמן.
ענדליך, אז מיר זוכן דעם נאמן פון דעם דריטן איידעם, ר' מיכל לאם, טרעפן מיר שם זוגתו מ'
שיינדל, און אז מיר זוכן ווייטער זעהן מיר אז מ' שיינדל'ס עלטערן האבן געהייסן ר'
שמעון בראנענטיף (Bronentif/Bruentif/Brunentief) וזו' מ'
רעכא. יעצט טרעפן מיר זייער אדרעס אין אלטשטאט – נומ' 82 – און מיר טרעפן אז דארטן האט אויך געוואוינט ר' פישל אבערדאם, און אויך ר' יונה אשכנזי. צוזאמן שטעלנדיג דיע משפחות טרעפט מען ביי אלע די נעמן 'שמעון' (כמובן), '
יענטא רעכא' (וואדשיינדליך מ' רעכא'ס גאנצע נאמן) און '
ליפשא'. יעצט קענען מיר טרעפן אויך ר' שמעון'ס פטירה פון גשר גליציה (תרי"ט – דעצ' 1858 למס'), אויך ביי הויז-נומער 82.
אויך קומט אונז צו נאך איין איידים פון ר' שמעון וואס ווער נישט דערמאנט בסיפור הנ"ל: ר'
סענדר מרגליות (דערמאנט ביי
הירשבערג'ס קראקאווער משפחה סייט אלץ דער מאן פון מ' [
חיה]
ביילא לבית ברונענטיעף), ווי מיר טרעפן אין אלטשטאט פטירת מ' ביילא מרגליות בת ר' שמעון ומ' רעכא ברונענטיף. ר' סענדר מרגליות ווערט טאקע דערמאנט אין די פרענומעראנן בס' נדבת פי מיט ר' פישל אבערדאם, ר' מיכל לאם און ר' יונה אשכנזי. (עס איז אויך געווען אין אלטשטאט איינער ר'
הירש ברונענטיף, איך קען נישט מחליט זיין צי ער איז געוועהן ר' שמעון'ס א ברודער אדער א זוהן.)
אויף ר' סענדר'ס קינדער וועל איך נאר צייכנען אז אויסער זיין זוהן ר'
שאול אין קראקא, דערמאנט ביי הירשבערג, איז געוועהן א זוהן ר'
לייב אין אלטשטאט, איין איידים ביי א באב"ד אין ריישא (וועליכע?).
אין משפחת לאם פעלט מיר א קלאהרקייט; איך בין נישט זיכער אז ר' מיכל'ס פרוי מ' שינדל בת ר' שמעון דינן איז געוועהן זיין ערשטן זיווג, און צי אלע לאם'ס פון אלטשטאט זענען געוועהן זיינע אייניקליך. (אויב בין איך מיך נישט טועה איז איינער ממשפחת לאם מאלטשטאט געוועהן איין איידים ביי ר' אלמילך אשכנזי (ב"ר יונה הנ"ל) אב"ד הארידענקא, און דא אויך איז מיר נישט קלאהר צו ער איז געוועהן איין אייניקל פון חותנו זקנו ר' שמעון ברונענטיף.)