הסרפד האט געשריבן:אין די גלינער מעטריקל אויף JRI טרעפט מען אז ר' יצחק אליעזר גרינבערג אב"ד גלינא (חתן ר' מיכל'ע) האט געהאט א טאכטער חנה, וואס האט חתונה געהאט מיט איינער ר' אברהם תאומים - געזעצליך ליבערמאן/תאומים. זי איז אוועק יונג, ווי אויך די איינציגסטע קינד זייערע וואס ווערט געבראכט אין מעטריקל.
ווער איז דער ר' אברהם געוועהן? ר' משה תאומים אב"ד האראדענקא איז געוועהן איין איידים ביי ר' שלמה (?) ליבערמאן פון ראווא - אבער איך מיין אז מיט די יאהרן שטימט עס נישט (ר' אברהם איז לכאורה געבוירן בערך תרמ"ה). ר' משה'ס זוהן, ר' נפתלי הירץ אב"ד ווילקאטש, איז געוועהן איין איידים ביי א גביר ר' מאניס (אדער מאניש) ליבערמאן פון גלינא (וואס לדעתי איז געוועהן זיין פעטער, אחי אמו) - און ער האט טאקע געהאט א זוהן ר' אברהם, אב"ד לאנקא, אבער ער איז דאך געוועהן איין איידים ביי ר' אפרים זלמן מרגליות אב"ד לאנקא.
איז דא א רמז ערגעץ אז ר' אברהם תאומים מלאנקא האט געהאט א זיווג ראשון?
לאחר זמן, א שטיק צייט צוריק, מצאתי אין א מז"ט אין מחזיקי הדת בפירוש אזוי (ר' אברהם ב"ר נפתלי הירץ תאומים אב"ד ווילקאטש, עם בת האב"ד גלינא - אהן קיין נאמן), אבער איך בין פויל עס נאך צו קוקן נאך א מאהל.