לייק נעווער ביפאר! א פסח נאכט אין שווארסאן האטעל...

[ממש יעצט]

ווען שימי האט געזען די עד פון די סדר נאכט אין שווארסאן האטעל צוזאמען מיט די כח הנגינה מיט זאבי ווילשטינק. האט ער גלייך געזאגט צו זיך לעטס דא איט. ער איז שוין באורד פון זיין שווערס והיא שעמדה און טאטעס הגדה. זיין שווער שלעפט זיין טאטע יאגט ער האט נישט קיין נערווען. כ'מעג שוין האבן פסח פאר מיר איט איס טיים. מילא יעצט ווען ער האט געזען די עד און זיין פרענד טובי גייט ש'מער ווי נארמאל אז ער גייט דעיס אינדזשויען. מאכן פסח'דיג איז קיינמאל נישט געווען פאר מיך די טראמא פון העלפן אלץ יונגל שטעכט אים נאך סאו פארקויפן די האוז איז פאר אים א ישועה. אזוי האטסעך שימי געטראפן ביים סדר נאכט ביי זיין טיש אינעם שווארסאן האטעל וויט היס פול קראו. זאבי מאכטסעך רעדי פאר קדש פאקט אראפ זיין וויין מאכענדיג זעכער אז אלע ארומיגע זעהן אז דעיס קומט פון א האלצענע באקס. און זאבי די זינגער וואס היינט נאכט הייסט ער די ראש המסובין. הייבט אן. מיט א דרשה. טייערע ברודער שוין טויזענטע יארן וואס אידן פירן די סדר אבער יעדעס מאל איז די באשעפער דא. יעצט איס די פירסט טיים ער איז דא אין שווארסאן האטעל נאכדערצו מיט אזא קראוד. איז לאמיר אינאיינעם אנהייבן זינגן.
קא קא קא קדש אוי יוי יוי קדש.
פונקט ווי די טאטע יאגטסעך.
נאך אזויפיל טעג וואס ער פלאגטסעך.
אזוי אויכט טאטע משיח טוה שוין יאגן.
אפילו דיין געפילן אויף אונז פלאגן.
יעצט די הויכע פאל:
משיח משיח זאג איך קדש פאר משיח.
משיח משיח זאג איך קדש פאר משיח.
יעצט יעדער צוזאמען משיח משיח קדש פאר משיח.
און ער ענדיגט צו און משיח איז שוין אויפן וועג.
(מ'האט אינזין זכירת המשיח.)

נאכדעם מיט די גאנצע ווייבס פארט מען אריין צו ורחץ די מינוטן איס געטינג מאר האולי ענד מאר האולי.
ורחץ איך וואש מעך.
ורחץ איך וואש מעך.
מיין האנט איך אפ וואש מעך.
מיינע געפילן ס'קראצט מעך.
א בענקעניש ס'כאפט מעך.
יעצט די הויכע פאל: לעטס געט קענעקטעד. אבער איך מאך נישט קיין ברכה.
ווייל דער אייבערשטער פסח שיסט הצלחה.
אבער איך מאך נישט קיין ברכה.
ווייל דער אייבערשטער פסח שיסט הצלחה.
אוי יוי יוי נישט ברכה
אוי יוי יא הצלחה
אוי יוי יוי נישט ברכה
אוי יוי יא הצלחה.
(וכאן המשפחה בוכה.)

אה חברה חברה דא קומט כרפס. דא שטייטסעך קומט מיט אזא הקדמה. (א שאד פסח טאר מען נישט שפילן גיטאר ליוו איט פאר נר מצוה ס'קומט איינס וואס איז לכבוד שבת ויו''ט.)
מיין טאטע ז''ל ביי כרפס יא יא ביי כרפס די מח פארט אוועק ווייט דארט ביים טאטנס סדר נאכט. פלעגט די טאטע טינקן יא יא יא טינקן די כרפס אין זאלץ וואסער אונז קינדער פלעגן זיצן דארט און קוקן. יעצט לאמער צוזאמען זינגן.

מ'נעמט א שטיקלע כרפס א פאטאטא אדער רעטעך.
יעדער מיט זייער מנהג אבער ביים באשעפער אויס בעטעך.
עוד הפעם שרייט מען דא.
אוי מ'נעמט א שטיקלע כרפס א פאטאטא אדער רעטעך.
יעדער מיט זייער מנהג אבער די באשעפער יעצט ער זעטעך.
הויכע פאל הערסטס צו.
טרי רוירוי רוי כרפס.
די גלות שוין דראפעס.
טרי רוירוי רוי כרפס.
די גלות שוין פארמאכעס.
יעצט נאכמאל ווען די מלאכי השרת זינגן מיט מיט אונז.
טרי רוירוי רוי כרפס.
די גלות שוין דראפעס.
טרי רוירוי רוי כרפס.
די גלות שוין פארמאכעס.
(מ'הייבט עס אן קאנסידרען אויבן אין הימל. אזא קענעקטשן.)

יעצט קומט שוין א לשה''ק ניגון היות מ'האלט שוין אפאר מינוט איידער מ'גייט זאגן די הגדה.
יחץ המצה שלי יחץ הלב שבי.
יחץ המצה שלי יחץ היצר הרע שבי.
אוי הארץ איך צוברעך פאר דיר מיין גאנצע מצה.
אוי הארץ איך צוברעך פאר דיר מיין גאנצע מצה.
אוי ומצה שברי כשברים לבך.
אוי ומצה שברי כשברים לבך.
(ווען מ'זינגט די ניגון עפנט מען די קערה און איין פינגער ווייזט מען אויף די מצות און איינס אויף די הארץ.)

ווער בין איך צו זאגן מגיד.
ווער בין איך צו זאגן מגיד.
אבער דו אייבערשטער האסט אונז געהייסן זאגן מגיד זאג איך מגיד.
הויכע פאל:
דא קומט אזא ברידזש. נו וואס זאלעך זאגן..
אין מלה בלשוני אין מלה בלשוני כ'האב נישט וואס צו זאגן.
אבער אין מלה בלשוני אין מלה בלשוני כ'האב נישט וואס צו זאגן.
(וכל המסובין שאקלן די הענט הויך פון רעכטס צו לינקס.)

און דא קומט שוין מער א לעבעדיגע סטייל ניגון ווי יעדער שטעלטסעך אויף. מ'האטעך יעצט גע'פועלט זאכן וואס איז דאך אנבעליבעוועל. די קינדער דראמן אויף טיש כדאי נישט איין צושלאפן.
איי מוציא צו ארויס מצה צו אריין.
מוציא צו ארויס מצה צו אריין.
מוציא צו ארויס מצה צו אריין.
לעבעדיג לעבעדיג לאמער טאנצן אויף די גאנצע וועלט.
אוי מוציא צו ארויס ארויס פון גלות
מצה צו אריין אריין אין ירושלים.
אוי מוציא צו ארויס ארויס פון גלות מצה צו אריין אריין צו ירושלים ליייים.

מ'גייטסעך יעצט וואשן דא ביים קאנסערט סארי סדר נאכט דערנאך ווי וויל קיפ אפ גאואינג וויט די גרעיט ווארק. אפילו ס'שווער די יצר לייגט א שטארקע דגוש ווייל הי קענט דיעל דיס.

אויב ביז יעצט איז געווען אימוישענעל. קענט עטץ זיך נישט פארשטעלן וואס פארא ריעקשן איז געווען ווען מ'האט זיך דערזעהן אריינברענגן מרור ווי ביי אים אינדערהיים רופט מען עס די ביטערע טראפן. די עולם האטסעך צו געמאכט די אויגן און געפענט די מיילער. מ'האט געריקט די מה נשתנה ליכט צו די מיטן פון די טיש. פארדעם פראבעבלי צינד מען עס. און מ'האט אנגעהויבן כליפעצן אויף מאמע לשון.
מרור ס'ביטער.
אין גלות ווי א שיכור.
די הנסתרות איז ניכר.
באשעפער אין מיך מאך א ביקור.
זינגן פון די הארץ איז די עיקר.
צוברעך דעם יצר דעם דיקער.
קוק אויף מיין טענק יו האשעם סטיקער.
כ'מאך קידוש אויף טייערע ליקער.
געזינגן נשמת מיט א גיטאר ביים קראנקן שוויגער.
זיך געטרייסט נחמו מיט א קומזיץ וואט קענט בי ביגער.
געגעבן פאר יעדע איד א חיגר.
איז פאר אונז זיכער און ברור.
אז מיט די אלע זאכן קומט א ענד צו די מרור.

פוזה. יעדער גייט נעמען טישוס מיט א אלקאהל פאפ מ'ענדיגט די לעצטע טרערן אין מ'קומט צוריק. האלאו ווי סטיל העוו עי פול נייט.

דא איז געקומען שלחן ערוך. יעצט ווען די עולם האטסעך שוין געפילט מער שוין אויף די געהאלפענע זייט און שרגי הגעשמאקער איז אריינגעקומען פייוו ביי פייוו מיט א טוויסט אף עי דזשעס ניגון האט די עולם זיך צוגעכאפט. באט שרגי איז נישט קיין קאמפאזער עט אלל מילא האט ער ארויפגעווישט א אייער ניגון לייק נאו טאמארא אויף די ניגון מלך מלך מלך.
איי אייער אייער אייער מ'פירטסעך צו עסן אייער.
איי אייער אייער אייער מ'פירט זיך צו עסן אייער.
כיון ש'טאנצן שרגי. יצא פיני ומאטי. ומי הוא שראה את אלו טאנצן ולא טאנצו.

אקעי צפון רופטסעך די ראש המסובין אן. לעטס פיניש די נייט. מ'הייב אן זוכן די קינדער מ'דארף דעך האבן די באהאלטנעם אפיקומען. די קינדער וואס אין זייער הגדות שטייט נישט די גאנצע קבלה זאכן וואס זיי זאגן שוין דא די גאנצע נאכט זענען שוין לאנג געשלאפן אפילו מ'האט זיי אנגעגרייט עי פול סוויט טעבל פון ניסלעך אין דיזערט. וויבאלד די אונטערטענער איז שוין אויסגעלאפן פון טריקס. מ'וועקט זיי אלע אויף קוים מיט צרות די קינדער קומען ארויס פון בעט. יעדער ברענגט זייער טאטעס אפיקומן זעקל. וואס מ'האט דארט אלץ אפגעבעטן פאר אפיקומן דארף איך ענק נישט זאגן פון א טריפ צו דובאי פאר סליחות ביזן מיטהאלטן לייוו ווי מ'מאכט די זעקס הונדערט דרייצן קנעפלעך פאר זייער בר מצוה בעקטשע. די אלע חברה עפנען די זעקלעך והמצה איננו מ'האט נישט צובראכן די מצה זייענדיג פארטיפט אין די היכל הנגינה. אבער דאונט ווארי רופטסעך די ראש המסובין אן וואס אונז האבן אפגעראכטן איז סאך גרעסער פארן אייבערשטען (נרצה שוין אויכט אריינגעכאפט דא.) און יעדער איז געגאנגן שלאפן.
און איך האב זיך אויפגעכאפט.....

[קעניג פון אפסטעיט]

גאר זיס! אבער ביטער!

[הענטעלע]

ס'גיססססט זיך לאכערייען אויפן פלאר.

דו ביסט איינע פון די בעסטע פאר'שאר.
צווישן דיינע פינגערס דארף איך א טור. (ווייסטאוואס נעווער מיינד.)
פון דיינע איידיעס קען מען מאכן א סטאר.


מאמיש קום מיט נאך ארטיקלן...

[אוראייניקל]

דאס איז די היינטיגע עמ'הארצ'ישע סדר וואס צדיקים פלעגן גיין אונטער הערן..

[אחר חצות]

האהאהאהא אוי האב מיר געלאכט פון דיין קריעטיוויטי

[אחר חצות]

דאס איז די היינטיגע עמ'הארצ'ישע סדר וואס צדיקים פלעגן גיין אונטער הערן..

סטיל נאט..

[פלטיאל]

אט הערט זיך די שטימע פון מעכי, ווען גאט האט ארויסגענומען די אידן פון מצרים… פיני, געב א דזשי…

#גאטספארכטיג

[פרידן]

[הענדימען]

יוי איז דער צוקאש

[הערינג מיט ברוינפען]

זייער גוט אראפגעלייגט, הלוואי זאל עס ווען זיין אמת....

[רעגנדיג]

זיסער ווי צוקער! כאניש געוואוסט אז גראמען קענסטו אויכעט.

[שטומפיג]

איך געלעכטער מיך פאר קוילער....
שכח פארן מהנה זיין מיט דעי ליצנותא דעבודה זרה

[לעגאו מענטשעלע]

[הולך]

די אלקאהל פאפ איז כשר לפסח?

[יאנאש]

משוגע מטארע כי לעולם חסדו, האסט אפגעסטאפט פונקט ביי די האוליעסט אף די האוליסט די גרעיטעסט אף די גרעיטס. לייגזשע אראפ א הלל מיט א נשמת ווי ס’ברויך צו זיין, פארגעס נישט פון חד גדיא פליזזזזז

[רינדעכיג]

יו דעי לאוו וואס האשעם האט באקומען דארט ביים סדר, נאכאמזל שימי איז נישט געבוירן ביי די עליטע....

איין זאך דו ביזט ממש צופראסקעט....

[חלקי]

מיטהאלטן לייוו ווי מ'מאכט די זעקס הונדערט דרייצן קנעפלעך פאר זייער בר מצוה בעקטשע.

[משהלע]

טייערע פאטער אין הימל!!

[enjoy]

קרעזי...

[גרויס בריטאניע]

דו ביזט נישט נארמאל דו....
מיינע לעפצלעך קנאקן זיך איינע אין די אנדערע אוט אף קאנטראל...
איטס נאט נארמאל!!
איך טענה שוין לאנג אז דיין ליין איז רעעפּ..
איך שעם מיר אז איך קען מיר בלויז ערלויבן איין לייק פער תגובה..
אייגענטליך..... יא..

[באשיינפערליך]

א השלמה צום לייק קנעפל...

הילעכיגע לאכערייען האבן ממש יעצט אפגעהילכט...
דער איז דאך ממש נישט נארמאל...
מאמיש א גראמער?? וואט עי איידיע...!

[פאליטישע עקספערט]

מיר דערמאנט פון דעם

viewtopic.php?p=1639093#p1639093

[ממש יעצט]

מיר דערמאנט פון דעם

viewtopic.php?p=1639093#p1639093

א דאנק א שיין פארן צושיקן. אבי כאדער נאר דערמאנט גוטע זאכן.

[דעת גדול]

העי דעיס ברויכט ליגן און גראמען און פאזיע.
דיין קרעטיוויטי איז נישט נארמל.

[טעמפל שירה]

יוי ביסטו קוקו...

זאגסט אז מ'איז נישט מער און נישט ווייניגער אריין פסח באנאכט אין א 'סליחות' מאאד...