צולייגער האט געשריבן:
היינט ווען כ’דארף געבן א פסק פאר אן ארבעטער אונטער מיר, ציפט מיר עס ביזן ביין, כ’טריי עס צו מאכן איידלסטע וואס איז שייך. כ’וואונטש דיר זאלסט עס נעמען די גרינגסטע וואס איז שייך, און זאלסט אי"ה אויך אמאל זיין אויף די צווייטע זייט און עס מאכן בדרך כבוד ובסבר פנים יפות.
הצלחה רבה, חזק ואמץ
זייער גוט!!!
----------
יעצוט צו שנעלע לינקס
איך בין אין א געוויסע זין אויף ביידע זייטן פון די מטבע, כ'האב געהאט איינער פון מיינע בעלי בתים וואס האט א שטיק צייט געשאסן פסקים און שארפע גיפטיגע עטיטוד,( ער האט זיך געפילט גוט אז דערמיט בויעט ער די ביזנעס...) ער איז געווען גערעכט, אבער עס איז מיר זייער שווער געווען צו מקבל זיין, איך האב מיך גוט געפונען אין דיינע ווערטער.... איך האב נאך אזא פסק גערעדט צו יעדן דריטן מענטש דערפון בארעכטיגנדיג יענעם באלבאס, געשריבן צו מיר פערזענליך און עס האט גענומען אפאר טאג ביז איך בין געקומען צו זיך.
יענער איז געווארן ביי מיר אן עקס און כ'האב נאר גערעדט צו אים דאס מינומים אן קיין זייטיגע שמייכל אדער אומקריטיש ווארט (עס גייט אזוי ווייט אז ווען עס איז געקומען צו א געלעגנהייט פון טיילן א שטיקל געשאנקעלע פאר אלע מיטארבעטער און איך האב געשריבן די טיטלען האב איך געשריבן זיינע מעלות ווי ער פירט די ביזנעס מיט א שטייפע האנט...)
ביז ער האט געסטאפט מיט זיין עטיטוד, (כ'האף אז ער זאל נאר נישט נאכאמאל אנהייבן מיט זיינע שטיקעס...)
ע"כ פון יענעם
א צווייטער מענעדזשער אין יענעם קאמפאני ווייסט טאקע אז ווען מען דארף מיך מזרז זיין רעדט ער שיין מיט דרך ארץ, תחנונים ידבר ראש, און עס קומט מיר אסאך גרינגער אן, און איך פיל מיך משועבד צוליב זיין גוט הארץ.
-----------------------
איך וועל נאך בל"נ אביסל מאריך זיין דערמיט, ווייל אפשר וועט נאך א איד געפונען חיזוק דא